കുറച്ചു നിമിഷങ്ങൾ കഴിഞ്ഞതും അവൾ വീണ്ടും തന്റെയടുത്തു കിടക്കുന്നത് അവനറിഞ്ഞു…
ഇനി ഒറ്റയ്ക്കു കിടക്കാനിവൾക്ക് പേടിയായിത്തുടങ്ങിയോ… ?
സഞ്ജുവിന് സംശയം തോന്നി…
“ചഞ്ചൂ…………..”
പിന്നാലെ വിളി വന്നു…
“ ഉം……. “
ഉറക്കത്തിലെന്നപോലെ അവൻ മൂളി..
“ ഞാനൊരു കാര്യം പറഞ്ഞാലനുസരിക്ക്യോ…?”
“ കാര്യം പറ…………..”
“ അനുസരിക്കോന്ന് പറ… ….”
“ കാര്യമറിയാതെയെങ്ങനാ… ?”
വീണ്ടും കുറച്ചു നിമിഷങ്ങൾ കടന്നുപോയി…
“ചഞ്ചു പൊയ്ക്കോ… എനിക്കു പ്രശ്നമൊന്നുമില്ല… ജോലിയില്ലാതെ എങ്ങനാ……. “
കുറച്ചു കഴിഞ്ഞ് അഞ്ജു പതിഞ്ഞ ശബ്ദത്തിൽ പറഞ്ഞു…
സംഗതിയുടെ കിടപ്പ് സഞ്ജുവിന് മനസ്സിലായി…
ചുമ്മാതല്ല റിമോട്ടും വലിച്ചെറിഞ്ഞു മിണ്ടാതെ പോയത്…
“എങ്ങോട്ട്…….?”
“ ദുബായ്ക്ക്… ….”
“ പോയിട്ട്……..?”
“അവിടെ നല്ല വേക്കൻസിയാണെന്ന് ചഞ്ചുവല്ലേ പറഞ്ഞത്…?”
“അതിന്…….?”
“പോണംന്ന്…”
“ആര്……..?”
“ചഞ്ചു…….”
“അപ്പോ നീയും മോളും അമ്മയുമൊക്കെ…….?”
“ഞ..ങ്ങളിവിടെ………”
അഞ്ജുവിന്റെ സ്വരം പതറിത്തുടങ്ങിയിരുന്നു… ….
“ ഒറ്റയ്ക്കോ…….?”
“ ഒറ്റയ്ക്കല്ലേലോ… മൂന്നുപേരില്ലേ…….”
വാക്കുകളിൽ വിങ്ങൽ വന്നു തുടങ്ങിയത് സഞ്ജുവറിഞ്ഞു…
“ നിക്ക് പേടിയൊന്നൂല്ലാ…….”
പറഞ്ഞതും അവനെ പിന്നിൽ നിന്ന് കെട്ടിപ്പിടിച്ചവൾ വിതുമ്പി…….
തന്റെ പുറത്തവൾ മുഖമമർത്തി തേങ്ങുന്നതറിഞ്ഞ് സഞ്ജു തിരിഞ്ഞു…
“കരയല്ലേടാ……………”
അവൻ അവളുടെ കവിളിൽ തട്ടി…
“ നിക്ക് പേടിയാ ചഞ്ചൂ……..”
അവന്റെ മാറിലേക്ക് പറ്റിച്ചേർന്നവൾ വിങ്ങിപ്പൊട്ടി…
അവൻ കയ്യെടുത്ത് അവളെ ചുറ്റിപ്പിടിച്ചു…
“കരയാതെ…. ഞാനെങ്ങോട്ടും പോകുന്നില്ല……”
എന്നിട്ടും അവളുടെ കരച്ചിലിന്റെ തീവ്രത കുറഞ്ഞില്ല…
“നീയിങ്ങനെ തൊട്ടാവാടിയായാലോ… ….”
അവനവളെ അടർത്തിമാറ്റാൻ ശ്രമിച്ചു…
അഞ്ജു പക്ഷേ, അവനിലേക്ക് അടുക്കുകയാണുണ്ടായത്…
മൗനം പേറിയ നിമിഷങ്ങൾ കടന്നു പൊയ്ക്കൊണ്ടിരുന്നു.
അഞ്ജുവിന്റെ കരച്ചിൽ നിലച്ചു…
വീണ്ടും കുറച്ചു സമയം കഴിഞ്ഞവൾ വിളിച്ചു…
“ചഞ്ചൂ……..”
“ഉം… ….”
അവൻ വിളി കേട്ടു……..
ഒരു നിമിഷം കഴിഞ്ഞാണ് അവൾ പറഞ്ഞു തുടങ്ങിയത്…
“ ഹീയീസെ സാഡിസ്റ്റ്…….”
സഞ്ജുവിന്റെ ഹൃദയമിടിപ്പ് കൂടിത്തുടങ്ങിയിരുന്നു…
“ സോ… നെവർ……. “
ഒന്നു നിർത്തി അവൾ തുടർന്നു…
“ സെക്സ്വലി മാനിയാക്ക് പോലെ…….”
പ്രതീക്ഷിച്ചതാണെങ്കിലും ചെറിയൊരു ഞെട്ടൽ അവനിലുണ്ടായി.
“ചഞ്ചു കണ്ടത് , കടിച്ച പാടാ……… “
പറഞ്ഞതും അഞ്ജു ശ്വാസമയച്ചു വിടുന്നത് സഞ്ജു അറിഞ്ഞു…….
തന്നോട് പറയാൻ കഴിയില്ലായിരുന്നു…
അതൊന്നാമത്തേത്….
ഇനി അഥവാ പറയാൻ കഴിയുമായിരുന്നുവെങ്കിൽ തന്നെയും അതിനു പിന്നിലുണ്ടായിരുന്ന മറ്റൊരു കാരണം തേടി എങ്ങും പോവേണ്ടതില്ല… ….
അത് സഞ്ജുവിന് മനസ്സിലാകുമായിരുന്നു…
എല്ലാം സഹിച്ചവൾ ആരോടും പറയാതെ നിന്നത് തനിക്കു വേണ്ടിയായിരുന്നു…
അവന്റെ ഹൃദയം വിണ്ടു തുടങ്ങി… ….
“ഏട്ടത്തിയുടെ സ്വഭാവം എനിക്കറിയാലോ… അതിനിടയിൽ ചഞ്ചു കൂടി…….”
അഞ്ജു ഒന്നേങ്ങി……..
“എന്നിട്ടും…………….?”
തന്റെ നെഞ്ചിലേക്കു മുഖമണച്ച അവളെ സഞ്ജു കെട്ടിപ്പിടിച്ചു… ….
“കരയല്ലേടാ പൊന്നാവ…..”
അവനവളുടെ നെറുകയിൽ മുത്തി…
അവന്റെ മിഴികളും തുളുമ്പിയിരുന്നു…….
❤️❤️❤️❤️❤️❤️❤️❤️❤️❤️❤️❤️❤️❤️❤️
“ഇതാര്…….?”
അഞ്ജു ഫോണിൽ നിന്ന് കാണിച്ചു കൊടുത്ത ഫോട്ടോയിലേക്ക് സഞ്ജു നോക്കിക്കൊണ്ട് ചോദിച്ചു…
“ ധ്വനി …..”
അഞ്ജു പറഞ്ഞു…
“ എന്നിട്ട് ഒച്ചയൊന്നും കേൾക്കുന്നില്ലല്ലോ…….”
സഞ്ജു ചിരിച്ചു…
“ അയ്യടാ… …. നല്ല ഫ്രഷ് കോമഡി…”
അഞ്ജു അവന്റെ കവിളിലൊരു കുത്തു കൊടുത്തു..
“ ഇതാ പ്രതിദ്ധ്വനിയൊന്നുമല്ല… എന്റെ കൂടെ പഠിച്ച ധനുവിന്റെ ചേച്ചിയാ… “
അതിന് എന്നർത്ഥത്തിൽ അവൻ അവളെ നോക്കി…
അവൾ ഫോൺ സ്വൈപ്പ് ചെയ്ത് രണ്ടു പേരും കൂടെയുള്ള ഫോട്ടോ കാണിച്ചു കൊടുത്തു…
“ ഞാനിവിടെയുണ്ടെന്ന് ധനുവിനോട് പറഞ്ഞായിരുന്നു… സമയമുണ്ടെങ്കിൽ അവർ ചിലപ്പോൾ ഇങ്ങോട്ടു വരും……”
“വരട്ടെ…………..”
സഞ്ജു പറഞ്ഞു…
“ കുറച്ചു സ്വീറ്റ്സൊക്കെ വാങ്ങണം..”