താൻ ഇതുവരെ കണ്ടിട്ടില്ലാത്ത ആ കാഴ്ചകൾ വിശ്വസിക്കാനാവാതെ അവൾ കണ്ണ് തിരുമ്മി നോക്കുന്നത് ഞാൻ കണ്ടു.
മുറിയിലെ ആഡംബരങ്ങൾ കണ്ടുനിന്ന അവൾ പതുക്കെ എന്റെ അരികിലേക്ക് വന്ന്, വിറയാർന്ന ശബ്ദത്തോടെ ചോദിച്ചു:
“വ്യോമ … ഇതെല്ലാം… ഇതെല്ലാം എനിക്കുവേണ്ടി ഉള്ളതാണോ? എന്റെ ആ ചെറിയ കൂരയിൽ നിന്ന് ഒരൊറ്റ രാത്രികൊണ്ട് ഇങ്ങനെയൊരു സ്വപ്ന ലോകത്തേക്ക്
എന്നെ എങ്ങനെ കൊണ്ടുവരാൻ തോന്നി?
ഇത്രയധികം സ്നേഹം തരാൻ ഞാൻ എന്ത് പുണ്യമാണ് ചെയ്തത്?”
അവളുടെ കണ്ണുകളിലെ ആ സംശയവും സ്നേഹവും കണ്ടപ്പോൾ എന്റെ നെഞ്ചുനിറഞ്ഞു. ഞാൻ അവളുടെ അരികിലേക്ക് ചെന്ന്, അവളുടെ തോളിൽ കൈവെച്ചുകൊണ്ട് പുഞ്ചിരിയോടെ മറുപടി പറഞ്ഞു:
“നീ പുണ്യങ്ങൾ ചെയ്തോ ഇല്ലയോ എന്ന് എനിക്കറിയില്ല പ്രിയേ… പക്ഷേ, നീ അനുഭവിച്ച ആ കഷ്ടപ്പാടുകൾക്കെല്ലാം പകരമായി നിന്റെ ചുണ്ടിൽ ഒരു പുഞ്ചിരി കാണാൻ വേണ്ടിയാണ് ഞാൻ ജീവിക്കുന്നത്.
ഈ കൊട്ടാരത്തിലെ എല്ലാ ഐശ്വര്യങ്ങളും ഇനി നിന്റേത് കൂടിയാണ്. എന്നെ വിശ്വസിച്ച് എന്റെ കൂടെ നിൽക്കൂ, നിന്റെ ജീവിതത്തിൽ കണ്ണീരിന്റെ ഒരു നിമിഷം പോലും ഇനി ഉണ്ടാകില്ല.”
എന്റെ വാക്കുകൾ കേട്ട് അവളുടെ കണ്ണുകൾ സന്തോഷംകൊണ്ട് നിറഞ്ഞുതുടങ്ങി. ആ കൊട്ടാരത്തിലെ ആദ്യത്തെ രാത്രി അവളുടെ എല്ലാ ഭയങ്ങളും മാറ്റി, എന്റെ സ്നേഹത്തെ അവൾ പൂർണ്ണമായി മനസ്സിലാക്കിയ നിമിഷമായിരുന്നു അത്
അവൾ എന്റെ മുഖത്തേക്ക് തന്നെ നോക്കി നൽകുകയാണ് ..കണ്ണുകൾ ഈറനണിഞ്ഞിട്ടുണ്ട്
ഞാൻ തോഴിമാരോട് പോവാൻ ആംഗ്യം കാണിച്ചു
അവർ ഒന്ന് വണങ്ങി തിരിഞ്ഞു നടന്നു
.
ആ വലിയ രാജകീയ മുറിയിൽ ഞാനും അവളും മാത്രം ബാക്കിയായി. പുറത്തെ നിലാവിന്റെ വെളിച്ചം ജനൽവഴികൾ കടന്ന് ആ മുറിയിലേക്കും വീണുകൊണ്ടിരുന്നു.
അതുവരെ അവളുടെ മനസ്സിലുണ്ടായിരുന്ന അമ്പരപ്പും ഭയവുമെല്ലാം മാറി, അവളുടെ കണ്ണുകൾ ഇപ്പോൾ പൂർണ്ണമായും എന്നിൽ മാത്രം അലിഞ്ഞുചേർന്നിരുന്നു
അവൾ ഒട്ടും കണ്ണെടുക്കാതെ വിസ്മയത്തോടെ എന്നെത്തന്നെ നോക്കിക്കൊണ്ടു നിൽക്കുകയായിരുന്നു. താൻ അനുഭവിക്കുന്നത് യാഥാർത്ഥ്യമാണോ എന്നറിയാൻ ആഗ്രഹിക്കുന്നതുപോലെ ആ നോട്ടത്തിൽ അങ്ങേയറ്റത്തെ സ്നേഹവും സമർപ്പണവും ഉണ്ടായിരുന്നു.
ആ കാഴ്ച
എന്റെ ഉള്ളിലെ പ്രണയത്തെയും അതിരുകവിഞ്ഞ വികാരങ്ങളെയും കൂടുതൽ ജ്വലിപ്പിച്ചു.
അവളുടെ മുഖത്തേക്ക് വീണു കിടന്ന ആ ചെറിയ മുടിയിഴകൾ എന്റെ വിരലുകൾകൊണ്ട് ഒതുക്കി ഞാൻ അവളുടെ മുഖത്തേക്ക് സൂക്ഷിച്ചുനോക്കി. ആ നിമിഷത്തിൽ ഞങ്ങൾക്ക് ഇടയിലെ ദൂരമെല്ലാം ഇല്ലാതായിക്കഴിഞ്ഞിരുന്നു. എന്റെ ഹൃദയമിടിപ്പ് അവളും കേൾക്കുന്നുണ്ടായിരുന്നു.
എന്റെ പ്രാണീനിയായ അവളുടെ കണ്ണുകളിലെ ആഴത്തിലേക്ക് നോക്കിക്കൊണ്ട് ഞാൻ എന്റെ മുഖം അവളുടെ മുഖത്തോടടുപ്പിച്ചു. അവളുടെ വിറയ്ക്കുന്ന ചുണ്ടുകളിൽ എന്റെ ചുണ്ടുകൾ ചേർത്തുവെച്ച ആ നിമിഷം…
സമയം അവിടെ സ്തംഭിച്ചുപോയതുപോലെ എനിക്ക് തോന്നി. തെരുവിന്റെ പൊടിപടലങ്ങളിൽ നിന്ന് എന്നിലേക്ക് പറന്നുവന്ന എന്റെ ജീവന്റെ പാതിക്ക്, എന്റെ പ്രണയത്തിന്റെ ആഴം പകർന്നുകൊടുത്ത ആ ആദ്യ ചുംബനത്തിൽ ലോകം തന്നെ മറന്ന് ഞങ്ങൾ ഒന്നായി അലിഞ്ഞുചേർന്നു.
അതവളും ആഗ്രഹിച്ചിരുന്ന പോലെ ആയിരുന്നു
അവളുടെ കൈ എന്നെ ചുറ്റിവരിഞ് അവൾ എന്നിലേക്ക് കൂടുതൽ അടുത്തു
അവളുടെ ചുണ്ടുകളുടെ മധുരവും തേനും ഞാൻ ആവോളം നുകർന്നു
അല്പനേരം ആ പ്രണയനിമിഷത്തിൽ ഞങ്ങൾ പരസ്പരം അലിഞ്ഞുചേർന്നു നിന്നു. പിന്നീട്, അവളുടെ വിറയ്ക്കുന്ന ചുണ്ടുകളിൽ നിന്ന് ഞാൻ പതിയെ പിൻവാങ്ങി. ലജ്ജയോടെ തല താഴ്ത്തി നിന്ന അവളുടെ നെറ്റിയിലേക്ക് ഞാൻ എന്റെ ചുണ്ടുകൾ ചേർത്തു വെച്ച് ഒരു സ്നേഹചുംബനം നൽകി.
ഞാൻ മുറിക്ക് പുറത്തേക്ക് നടക്കാൻ തുടങ്ങിയതും
പെട്ടെന്ന്, ഭയത്തോടെ വിറയാർന്ന ഒരു ചെറിയ കൈ എന്റെ കൈകളിൽ വന്നു മുറുകി. തിരിഞ്ഞു നോക്കിയപ്പോൾ, അവളുടെ കണ്ണുകൾ നിറഞ്ഞു തുളുമ്പുന്നത് ഞാൻ കണ്ടു.
വിറയ്ക്കുന്ന ചുണ്ടുകളോടെ അവൾ എന്നോട് ചോദിച്ചു: