‘ഡാ….’
ഞാൻ ഞെട്ടി പോയി.. ആ ചേച്ചി തന്നെ.. പിൻവശം വഴി വന്നതാണ്. അത് കൊണ്ട് ഞാൻ കണ്ടുമില്ല.. ആകെ പേടിച്ചു പോയ ഓടാൻ തുടങ്ങിയപ്പോ ആണ് ചെരുപ്പ് മുഴുവൻ ആയി കയറ്റിയിട്ടില്ല എന്ന് മനസിലായത്. എന്റെ ഓട്ടം പാളി.. ഞാൻ മൂഞ്ഞി കുത്തി വീടിന്റെ പടിയിലേക്ക് വീണു
കൈ മുന്നിൽ വച്ചത് കൊണ്ട് മുഖത്തിന് ഒന്നും പറ്റിയില്ല. കൈക്ക് നല്ല വേദന തോന്നി. പക്ഷെ ശരിക്കും വേദന കാൽ മുട്ടിനാണ്. അത് കറക്റ്റ് പടിയിൽ ആണ് വന്നിടിച്ചത്.. വേദന കാരണം ഞാൻ തിരിഞ്ഞു ആ പടിയിൽ ഇരുന്നു പോയി.. അപ്പോളേക്ക് ആ ചേച്ചി എന്റെ അടുത്തേക്ക് ഓടി വന്നു. എന്നെ എന്തേലും വച്ചു പെരുക്കാൻ ഉള്ള വരവാണ് എന്ന് ധരിച്ചു ഞാൻ എണീറ്റ് ഓടാൻ തുനിഞ്ഞു എങ്കിലും കഷ്ടപ്പെട്ട് എണീറ്റ് നിക്കാനേ എനിക്ക് പറ്റിയുള്ളൂ. വേദന കാരണം ഒരടി എനിക്ക് മുന്നോട്ടു നീങ്ങാൻ പറ്റിയില്ല.. ഞാൻ അവിടെ ഇരുന്നു പോയി
‘എന്തേലും പറ്റിയോ..?
അടുത്ത് വന്നു ആ ചേച്ചി ചോദിച്ചു. ഭാഗ്യം തല്ലാൻ വന്നതല്ല
‘ഇല്ല.. കുഴപ്പമില്ല..’
ഞാൻ പറഞ്ഞു
‘ഒന്ന് എണീറ്റ് നിന്നേ..’
ആ ചേച്ചി പറഞ്ഞു. ഞാൻ അവിടെ എണീറ്റ് നിന്നു. വേദന ഉണ്ട്..
‘നടന്നേ ഒന്ന് ചെറുതായ്..’
ചേച്ചി പിന്നെയും പറഞ്ഞു
ഞാൻ പതുക്കെ മുന്നോട്ടു നടന്നു. പക്ഷെ കാൽ കുത്തുമ്പോ നല്ല വേദന. ഞാൻ വയ്യാതെ ആ മുറ്റത്ത് കുത്തി ഇരുന്നു..
‘ ആ ഇടിയുടെ വേദന ആകും.. ഞാൻ എണ്ണ വല്ലോം ഉണ്ടോന്ന് നോക്കാം.. ഇവിടെ വന്നു ഇരിക്ക്..’
ആ ചേച്ചി പറഞ്ഞു
‘കുഴപ്പമില്ല..’
ഞാൻ പറഞ്ഞു
‘എന്നിട്ട് നിനക്ക് മര്യാദക്ക് നടക്കാൻ മേലല്ലോ.. ഞൊണ്ടി ഞൊണ്ടി എത്ര ദൂരം പോകും..’
എനിക്ക് പിന്നെ ഉത്തരം ഇല്ലായിരുന്നു. മനസ്സില്ലാമനസോടെ ഞാൻ വീട്ടിൽ കയറി അവിടെ ഉള്ള കസേരയിൽ ഇരുന്നു. ഒരു ആശ്വാസം ഉണ്ട് ഇരിക്കുമ്പോ..
ചേച്ചി അകത്തു പോയി എണ്ണ ആയി വന്നു. ഒരു പാത്രത്തിൽ കുറച്ചു ഒഴിച്ച് എന്റെ കയ്യിലേക്ക് തന്നു. ഞാൻ പാന്റ് തെറുത്തു കേറ്റി മുട്ടിൽ അത് പതിയെ തേച്ചു തടവി കൊടുത്തു.. കുറച്ചു നേരം കാലിലെ വേദനയേ കുറിച്ച് അല്ലാതെ ചേച്ചി വേറെ ഒന്നും ചോദിച്ചില്ല..
‘എന്തിനാ തിരിച്ചു ഈ വഴി വന്നേ..?
ഒടുവിൽ ആ ചോദ്യം ചേച്ചി ചോദിച്ചു
‘ഞാൻ.. അത്.. ചെരിപ്പ്.. ചെരുപ്പ് എടുക്കാൻ മറന്നു പോയി..’
ഓടിയ ഓട്ടത്തിൽ ചെരുപ്പ് എടുക്കാൻ വിട്ടു പോയത് പറഞ്ഞപ്പോ ചേച്ചിയുടെ മുഖത്ത് ചെറിയൊരു ചിരി വന്നു
‘മറ്റവൻ എവിടെ..?
ചേച്ചി ചോദിച്ചു
‘അവൻ വന്നില്ല. പേടിച്ചിട്ട്..’
ഞാൻ പറഞ്ഞു
‘നിനക്ക് പേടി ഇല്ലാരുന്നോ..?
ചേച്ചി ചോദിച്ചു
‘ഉണ്ടായിരുന്നു. എനിക്ക് വേറെ ചെരുപ്പ് ഇല്ലായിരുന്നു..’
‘കൊള്ളാം..’
അത് പറഞ്ഞു ചേച്ചി ചെറുതായ് മന്ദഹസിച്ചു.. പിന്നെ അകത്തേക്ക് പോയി പൈസയുമായി പുറത്തേക്ക് വന്നു
‘ദേ ഇതും മറന്നു പോയി..’
ചേച്ചി പൈസ എനിക്ക് നേരെ നീട്ടി
‘അത്.. വേണ്ട..’
ഞാൻ പൈസ വാങ്ങിയില്ല..
‘നിന്റെ കാശ് എന്തിനാ എനിക്ക്..?
ചേച്ചി കുറച്ചു കടുപ്പത്തിൽ ചോദിച്ചു. രംഗം വഷൾ ആകുമെന്ന് തോന്നിയപ്പോ ഞാൻ പെട്ടന്ന് ആ പൈസ വാങ്ങിച്ചു
‘സോറി..’
ഞാൻ പറഞ്ഞു. ചേച്ചി ഒന്നും മിണ്ടിയില്ല. മുഖം നല്ല ഗൗരവത്തിൽ ആണ്
‘നിന്നോട് ആരാ ഇവിടെ പൈസ തന്നാൽ കാര്യം നടക്കുമെന്ന് പറഞ്ഞത്..?
ചേച്ചി ചോദിച്ചു
‘ആരും പറഞ്ഞില്ല..’
ഞാൻ പറഞ്ഞു
‘ആരും പറയാതെ നിനക്ക് അശരീരി കിട്ടിയോ..? സത്യം പറയെടാ..’
ചേച്ചി ശബ്ദം ഉയർത്തി.. അന്തരീക്ഷം കൂടുതൽ ഭീകരമായി. പുറത്ത് നല്ല കാറ്റ്. മഴ വീഴാൻ സാധ്യത ഉണ്ട്. അത് കൂടെ ആയപ്പോൾ എന്റെ ഭയം കൂടി. എണ്ണ ഒക്കെ തന്നു ഇവിടെ ഇരുത്തിച്ചത് ഇത് അറിയാൻ ആയിരിക്കണം. ഞാൻ പെട്ടു.. ഞാൻ മിണ്ടാതെ ഇരുന്നപ്പോൾ ചേച്ചി ചോദ്യം ആവർത്തിച്ചു. എനിക്ക് ഉത്തരം പറയേണ്ടി വന്നു
‘ഒരു ചേട്ടൻ..’
ഞാൻ പറഞ്ഞു
‘ഏത് ചേട്ടൻ.. ചേട്ടന് പേരില്ലെ..?