“” ആ… അതൊന്നും നിക്കറിഞ്ഞൂടാ.. നിക്കിപ്പോ കാണണോന്ന് തോന്നി, അത്രേ ഉള്ള്.. ഹും.. “”
അവളാ പിണക്കം ന്നെ ആ ശബ്ദത്തിലൂടെ അറിയിച്ചു.
“” ഹാ…..ന്റെ പെണ്ണങ്ങനെ പിണങ്ങല്ലേ, പറയട്ടെ… “”
ഞാനവളെയൊന്ന് മായപ്പെടുത്തി,
“” മ്മ്.. പറയ്… “” അവളൊരു ഒഴുക്കൻ മട്ടിൽ പറഞ്ഞതും
“” ഓഹ്… അത്രേ ഡിമാന്റ് ഉള്ളൊരാരും ന്നോട് സംസാരിക്കേണ്ട വെച്ചേരെ… “”
“” നിക്ക് ആരോടും ഡിമാന്റോന്നുല്ല.. “”
“” ആ പറഞ്ഞതിതന്നെയൊരു ഡിമാന്റില്ലെടി… ഏഹ്..?? “”
“” ആ എനിക്കെങ്ങും അറിയാബ്ബാടില്ല… “” അവള് വീണ്ടും അതെ ടോൺ,
“” ഈ അടികൂടുന്നത് എന്തിനാ ന്നൊക്കെ നിക്കറിയാട്ടോ മോളെ… ഒന്നുല്ലേലും വർഷം കുറച്ചാടികമായില്ലെടി നിന്നെ ഞാൻ കാണാൻ തുടങ്ങീട്ട്… “”
കള്ളി വെളിച്ചതായത് പോലെ അവളാ ഫോണിലൂടെ ഒന്ന് പമ്മി,
“” ന്ത്.. ഏഹ്. ന്താ…റിയാന്ന്…”” അവളൊന്ന് പരുങ്ങിയതും ഞനൊന്ന് ചിരിച്ചു.
അതിന്റെ ദേഷ്യത്തിൽ അവളുടനെ ഫോൺ വെച്ചിട്ട് പൊയ്.. അപ്പോളേക്കുമെന്നിലെ ചിരി ഇരട്ടിച്ചു.
“”അപ്പൊ ഇന്നത്തെ ഫുഡ് ഞാന്തന്നെ ഉണ്ടാക്കണം.. ഹ്മ്മ്… “”
ഞനൊരു ആത്മഗതം പറഞ്ഞ് വണ്ടി മുന്നോട്ട് വിട്ടു,
അവൾക്ക് ആഹാരം ഉണ്ടാക്കാൻ വയ്യാത്ത ദിവസങ്ങളിൽ ഇത് പോലെ വെറുതെ വന്നടി ഉണ്ടാക്കും.. ന്നിട്ട് ന്നെ കൊണ്ട് ഫുഡുണ്ടാക്കിക്കും, അതാണ് ചേച്ചിടെ ഐഡിയ.. ഞാൻ പിന്നെ ഒന്നും മനസിലാവാത്ത പോലെ നില്കും.. കാരണം ന്റെ പെണ്ണിന് ഞാൻ ഉണ്ടാക്കുന്ന ആഹാരം വല്യ ഇഷ്ട..
അങ്ങനെ പിന്നെയും ദിവസങ്ങളും മാസങ്ങളും നീണ്ട്പോയ്.. അങ്ങനെ ഒരു വൈകിട്ട് ജോലിയും കഴിഞ്ഞ് ഞാൻ കുറച്ച് ലേറ്റ് ആയി, അവൾ അക്ഷരയുടെ ഒപ്പം നേരതേം പോന്നു.
വണ്ടി നേരെ പാർക്കിങ്ങിൽ നിർത്തി.ഞാനേരെ ലിഫറ്റിൽ കയറി ഫ്ലാറ്റിലേക്ക് വിട്ടു.
അവിടെ ഡോറിൽ മുട്ടിട്ട് യാതൊരു വിധ പ്രതികരണവുമില്ല. കുറച്ചു കഴിഞ്ഞു!!
“” തുറക്കാൻ സൗകര്യമില്ല.. വേണേ പുറത്ത് കിടന്നോ.. “”
ന്നായിരുന്നു അകത്തു നിന്നുള്ള അഞ്ജ..
“” നീയെന്റേന്ന് മേടിക്കും പെണ്ണെ.. മര്യാദക്ക് കതക്ക് തുറന്നോ.. ആഹ്ഹ… “”
ഭീഷണി ഒട്ടും കുറക്കാതെ ഞാൻ ആ കതകിൽ കൊട്ടുമ്പോൾ,
“” ഓഹ് പിന്നെ കുറെ മേടിക്കും.. ഡയലോഗ് അടിക്കാതെ,
പറ്റുങ്കിൽ ഒന്നകത്ത് കേറി കാണിക്കേടോ താൻ… “”
താനോ… നിന്നെ ഇന്ന് കാണിച്ചു തരാടി ഊളെ…
“” ന്നാ നീയവിടെ കിടന്നോടി കോപ്പേ.. ഞാൻ പോണ്.. “” അതും പറഞ്ഞ് ഞാൻ കുറച്ച് ശക്തിയിൽ ശബ്ദം ഉണ്ടാക്കി കുറച്ചപ്പുറം മാറി നിന്നു.
ഒരു പത്തു മിനിറ്റ് കഴിഞ്ഞു അനക്കം ഒന്നും വരാത്തത് കൊണ്ടാവും ആ തല ഡോറിന് പുറത്തേക്ക് നീണ്ടത്, അതൊന്ന് ചുറ്റും നോക്കി, ആരും ഇല്ലെന്ന് അറിഞ്ഞതും മുഴുവനായും പുറത്തേക്ക് ഇറങ്ങി എളിയിൽ കയ്യും കുത്തി തലങ്ങും വിലങ്ങും തലയോടിച്ചു,
അതാണ് നിക്കും വേണ്ടത്, പണ്ടേ ഇരുട്ട് പേടിയുള്ളവൾ, പ്രേതം ന്ന് എഴുതി കാട്ടിയാൽ ആ പരിസരത്തേക്കേ പോകാത്തവൾ..
നിന്നെ ഇന്ന് ഞാൻ കാണിച്ചു തരാടി..
ചേർന്ന് നിൽക്കുന്ന ഭാഗത്തെ, ലോബി ഏരിയിലെ സ്വിചിലേക്ക് ന്റെ കൈ നീണ്ടു, ചറ പറ ലൈറ്റ് ഓണാക്കി ഓഫാക്കി,
അത് കണ്ട് ഒന്ന് കണ്ണോടിച്ചവൾ തൊണ്ട കുഴിയിൽ നിന്നും തുപ്പൽ അല്പം പ്രയാസപ്പെട്ടിറക്കി..
ലൈറ്റ് എഫക്ട്ന് പുറമെ ഞാൻ ഒന്ന് ചിരിക്കുക കൂടെ ചെയ്തതും, പെണ്ണോന്ന് പരുങ്ങി അകത്ത് കയറി കതകടച്ചു,
വിട്ടില്ല….!! തികട്ടി വന്ന ചിരി കടിച്ചു പിടിച്ചു ഞാൻ ഡോറിനരികിൽ നിന്നും ശ്വാസം അല്പം ഉച്ചത്തിൽ എടുത്ത് വിട്ടു കൊണ്ടിരുന്നതും ന്റെ ഫോൺ ബെല്ലടിക്കുന്നതും ഒന്നിച്ചു. പെട്ടന്ന് ഞനത് സൈലെൻസ് ആക്കി വീണ്ടും കുറച്ചൂടെ ഒച്ചത്തിൽ ആക്കിയതും അവള് കിടന്ന് അലാറാൻ തുടങ്ങി, സംഭവം കൈ വിട്ടു പോയിന്ന് മനസിലായതും കളിയെല്ലാം വിട്ട് ഞാൻ അവളെ വിളിച്ചതും നിമിഷ നേരം കൊണ്ട് ആ വാതിൽ നിക്ക് മുന്നിൽ തുറന്ന്, ഒപ്പം കരഞ്ഞു കലങ്ങി വിറച്ച ശരീരവുമായി പെണ്ണെന്റെ നെഞ്ചിലെക്ക് ആർത്തലച്ചു വീണു..