ഒരു പെണ്ണിന്റെ ‘ഇസ്സത്ത്’ (അന്തസ്സ്) ആണത്! ഭർത്താവ് അവളുടെ അഭിമാനത്തിന് കൊടുക്കുന്ന ആദരവിന്റെ അടയാളം. ഭാര്യയും ഭർത്താവും പരസ്പരം വസ്ത്രം
ആണെന്നാണ്!
ഒരു നല്ല വസ്ത്രം നമ്മുടെ ശരീരത്തെ തണുപ്പിൽ നിന്നും വെയിലിൽ നിന്നും കാത്തുസൂക്ഷിക്കുന്നതുപോലെ, നമ്മുടെ കുറവുകളെയും നഗ്നതയെയും അന്യന്റെ കണ്ണുകളിൽ നിന്ന് മറച്ചുപിടിക്കുന്നതുപോലെ…
ഭർത്താവ് എന്ന് പറഞ്ഞാൽ പെണ്ണിന്റെ മാനവും ആത്മാവും പുറംലോകത്തിന് മുന്നിൽ തുറന്നുപോകാതെ പൊതിഞ്ഞുപിടിക്കുന്ന കവചമായിരിക്കണം. ഷാഹി അങ്ങനെയൊരു തണലായിട്ട് എപ്പോഴും മോളുടെ കൂടെയുണ്ടാവും…”
ഉമ്മ വളരെ നിഷ്കളങ്കമായി, തന്റെ മകനിലുള്ള അടിയുറച്ച വിശ്വാസത്തോടെ പറഞ്ഞ ആ വാക്കുകൾ ജസ്നയുടെ നെഞ്ചിലേക്ക് ഒരു പഴുത്ത ഇരുമ്പുദണ്ഡ് പോലെയാണ് തറച്ചുകയറിയത്!
അവളുടെ കൈകൾ തുണി മടക്കുന്നതിൽ നിന്ന് ഒരു നിമിഷം നിശ്ചലമായിപ്പോയി.
അന്യന്റെ കണ്ണുകളിൽ നിന്ന് ഭാര്യയുടെ നഗ്നതയെയും മാനത്തെയും മറച്ചുപിടിക്കുന്ന വസ്ത്രം!’ ഉമ്മ പറഞ്ഞ ആ വാക്കിന്റെ ക്രൂരമായ വിരോധാഭാസം അവളുടെ ഉള്ളിൽ വലിയൊരു നീറ്റലുണ്ടാക്കി.
പാവം ഉമ്മ! താൻ നൊന്തുപ്രസവിച്ച മകൻ കുമരകത്തെ ആ വില്ലയിൽ വെച്ച് ചെയ്തതെന്താണെന്ന് ഈ ഉമ്മ അറിയുന്നുണ്ടോ? ഭാര്യയ്ക്ക് ആവരണമാകേണ്ട അതേ ഭർത്താവ് തന്നെയാണ്, വണ്ടി ചാലക്കുടി എത്തിയപ്പോൾ തന്നെ തന്റെ ശരീരത്തിലെ പർദ്ദയും ഹിജാബും ഊരിമാറ്റിച്ചത്!
അവൻ തന്നെയാണ് കടുംചുവപ്പ് സാറ്റിൻ ഗൗണിലും കറുത്ത നീന്തൽക്കുപ്പായത്തിലും തന്നെ അർദ്ധനഗ്നയാക്കി ഒരു അന്യപുരുഷന്റെ ക്യാമറയ്ക്ക് മുന്നിൽ നിർത്തിയത്! അതും പോരാഞ്ഞ്, ആ ഫോട്ടോഗ്രാഫർ തൊട്ടുമുന്നിൽ നിൽക്കുമ്പോൾ താൻ പോലുമറിയാതെ തന്റെ വസ്ത്രം തുടയുടെ മുകളിലേക്ക് വകഞ്ഞുമാറ്റി തന്റെ അടിവസ്ത്രവും സ്വകാര്യതയും അയാൾക്ക് കാണിച്ചുകൊടുത്തതും ഇതേ ഭർത്താവ് തന്നെയാണ്!
ഒരു ഭർത്താവ് ഭാര്യയുടെ വസ്ത്രമായി മാറേണ്ടവനാണെങ്കിൽ, തന്റെ ഭർത്താവ് സ്വന്തം കൈകൊണ്ട് തന്റെ വസ്ത്രം അന്യന് മുന്നിൽ ഉരിഞ്ഞുമാറ്റിയവനാണ്!
എന്നിട്ടും, ആ ഓർമ്മയിൽ അവൾക്ക് ഷാഹിദിനോട് കടുത്ത
വെറുപ്പ് തോന്നാൻ അവളുടെ മനസ്സ് അനുവദിച്ചില്ല. അന്ന് യാത്ര തിരിക്കുന്നതിന് മുൻപ് തന്റെ കാൽക്കൽ വീണ് ഒരു കൊച്ചുകുട്ടിയെപ്പോലെ കരഞ്ഞു മാപ്പിരന്ന അവന്റെ മുഖവും, എയർപോർട്ടിൽ വെച്ച് തന്നെ നെഞ്ചോട് ചേർത്തുപിടിച്ച ആ ചൂടും അവളുടെ ഉള്ളിൽ
അപ്പോഴും ബാക്കിയുണ്ടായിരുന്നു. അവൻ ഒരു ദുഷ്ടൻ ഒന്നും അല്ല; പക്ഷേ പക്വതയില്ലാത്തവനാണ്.
തന്നെ എങ്ങനെ സ്നേഹിക്കണമെന്നോ സംരക്ഷിക്കണമെന്നോ അറിയാത്ത ഒരു പയ്യൻ! ആ ആശയക്കുഴപ്പം അവളുടെ നെഞ്ചിൽ വലിയൊരു ഭാരമായി കിടന്നു.
“എന്താ മോളേ ആലോചിച്ചു നിൽക്കുന്നത്? മോന് അവിടെ തണുപ്പ് തുടങ്ങിയോ ആവോ?” ഉമ്മ ചോദിച്ചു.
“ആം ഉമ്മാ… അവിടെയിപ്പോൾ മരങ്ങളിലെ ഇലയൊക്കെ കൊഴിഞ്ഞ് നല്ല തണുപ്പ് തുടങ്ങിയെന്നാ ഇക്കാക്ക പറഞ്ഞത്,” ജസ്ന ഉള്ളിലെ വിങ്ങൽ മറച്ചുവെച്ച് പുഞ്ചിരിയോടെ മറുപടി പറഞ്ഞു.
അന്ന് പകൽ മുഴുവൻ വീട്ടുജോലികളിൽ മുഴുകുമ്പോഴും ജസ്നയുടെ മനസ്സ് ആ രണ്ട് ധ്രുവങ്ങൾക്കിടയിൽ കിടന്ന് ഉഴലുകയായിരുന്നു.
എന്നാൽ ആ വീർപ്പുമുട്ടലുകൾക്കിടയിൽ, അവളുടെ ദിവസങ്ങൾക്ക് വെളിച്ചം നൽകിയിരുന്ന ഒരേയൊരു രഹസ്യമുണ്ടായിരുന്നു—അവളുടെ ചുരിദാറിന്റെ പോക്കറ്റിലോ തലയിണയ്ക്കടിയിലോ എപ്പോഴും ഒളിഞ്ഞിരിക്കുന്ന ആ സ്മാർട്ട്ഫോൺ!
കഴിഞ്ഞ ഒരാഴ്ചയായി, ഒരു ദിവസം പോലും മുടങ്ങാതെ കൃത്യസമയത്ത് എത്തുന്ന ഏട്ടൻൻ്റെ വാട്ട്സ്ആപ്പ് സന്ദേശങ്ങൾ!
രാവിലെ അവൾ അടുക്കളയിൽ പത്തിരി പരത്തുമ്പോഴോ, ഉച്ചയ്ക്ക് സഫയുടെ കൂടെ ഉമ്മറത്തിരുന്ന് വർത്തമാനം പറയുമ്പോഴോ ഫോൺ ഒന്ന് വൈബ്രേറ്റ് ചെയ്താൽ അവളുടെ ഹൃദയമിടിപ്പ് തനിയെ വേഗത്തിലാകും.
ഷാഹിദ് കാനഡയിൽ എത്തിയ ശേഷം അവളുടെ വിസയുടെ മെഡിക്കൽ കാര്യങ്ങളും ബയോമെട്രിക് അപ്പോയിന്റ്മെന്റുകളുമെല്ലാം രോഹിത് കുമാർ തന്നെയാണ് നേരിട്ട് നോക്കിയിരുന്നത്.