ഫോൺ എടുത്ത് കൊണ്ട് ഹരി പറഞ്ഞു : ഹലോ………….
സ്ത്രീയുടെ ശബ്ദം : ഞാൻ സിമി ആണ്… ഡോക്ടർ സിമി… ഇന്നലെ നമ്മൾ കണ്ടിരുന്നു….
ഹരിയൊന്ന് ഞെട്ടി……..
ഹരി വിക്കി പതിയെ പറഞ്ഞു : ഹ… ഹലോ ഡോക്ടറെ പറയൂ….
സിമി : എടോ… ഇന്ന് ഈവെനിംഗ് എന്റെ മമ്മിടെ ഒരു ബർത്ഡേ പാർട്ടി ഉണ്ട്… ലൊക്കേഷൻ ഞാൻ സെന്റ് ചെയ്യാം… വീട്ടിൽ വച്ചാണ്… താൻ വരണം…
ഹരി അതിശയത്തോടെ മിഴിച്ചു കൊണ്ട് : ഞാനോ?…
സിമി : പിന്നല്ലാതെ…. താൻ തന്നെ…. വന്നേക്കണം……
ഇത്ര മാത്രം പറഞ്ഞു കൊണ്ട് ഫോൺ കട്ട് ആയി………….
ഹരിയുടെ നിൽപ്പും ഭാവവും സംസാരവും കേട്ട ജെറിന്, എന്തോ പന്തി കേട് തോന്നിയത് കൊണ്ട് തന്നേ ചോദിച്ചു : എന്താടാ…. ഏത് ഡോക്ടർ ആണ്….
ഹരിക്ക് എന്ത് പറയണം എന്ന് അറിയില്ലായിരുന്നു….
തുടങ്ങാൻ ബുദ്ധിമുട്ടി എങ്കിലും, ഇന്നലെ നടന്ന കാര്യങ്ങൾ ഹരി ജെറിനോട് പറഞ്ഞു…
കാര്യം കേട്ട ജെറിൻ, ആദ്യം വാ പൊളിച്ചെങ്കിലും, പിന്നെ പൊട്ടി ചിരിച്ചു കൊണ്ട് പറഞ്ഞു : എടാ…… നിന്റെ ഒരു കാര്യം….. വൺ ടൈം ആണ് എന്നൊക്ക വച്ച് കാച്ചിയിട്ട്….. അതും ഹോസ്പിറ്റലിൽ… അമ്പട കേമാ..
ഹരി : അത്… അത്…. അപ്പോൾ കയ്യിന്ന് പോയിന്നെ…. ഇങ്ങോട്ട് വന്ന് കെട്ടിപിടിച്ചപ്പോൾ….
ജെറിൻ ചിരി നിർത്താതെ : എന്തായാലും… നീ പോണില്ലേ?..
ഹരി : പോണോ?..
ജെറിൻ : പിന്നെ പോവാതെ… എന്താ ഉദ്ദേശം എന്ന് ചെന്നാലല്ലേ അറിയാൻ പറ്റൂ. പിന്നെ, ഡോക്ടറുടെ അമ്മ ആയോണ്ട്, കുറേ ഡോക്ടർസ് ഉണ്ടാവാൻ വഴി ഇണ്ട്… നീ പരിചയപ്പെടാൻ നോക്ക് പോയി… ധൈവം ആയി ഓരോ വഴി കാണിച്ച് തരുമ്പോൾ അതെന്തിനാ വേണ്ട വക്കുന്നത്… വല്ല പ്രശ്നവും ഉണ്ടായാൽ എന്നെ വിളി…. ഞാൻ ഇല്ലെടാ…..
വീട്ടിൽ കണ്ണാടിക്ക് മുന്നിൽ നിൽക്കുമ്പോൾ, വിറയൽ ഉണ്ടെങ്കിലും, പുറത്ത് കാണിക്കാതെ, ഒരുങ്ങുന്ന ഹരിയുടെ അടുത്ത് ചെന്ന് രേവതി പരിഭവത്തിൽ പറഞ്ഞു : കഷ്ടം ഉണ്ട് ട്ടോ… ഞങ്ങളെ കൂടെ കൊണ്ട് പോവാതെ….
ഹരി : എന്താ എന്റെ രേവൂ… ഫാമിലി പാർട്ടി ആയാൽ അല്ലെ കൊണ്ട് പോവാൻ പറ്റൂ…..
രേവതി ചിണുങ്ങി…………………………..
നഗര മധ്യത്തിൽ ഉള്ള വലിയ വീട്… അല്ലെങ്കിൽ സിമിയുടെ വീട്, അന്നയുടെയും…..
വില കൂടിയ കാറുകൾ അവിടെയും ഇവടെയും ആയി പുറത്ത് കിടപ്പുണ്ടായിരുന്നു.
വീടിനു മുന്നിലെ ലോണിൽ, കുറച്ചു ആളുകൾ അവിടെയും ഇവടെയും ആയി കയ്യിൽ ഗ്ലാസും പിടിച്ച് നിൽപ്പുണ്ടായിരുന്നു.
അകത്തേക്ക് കയറാണോ വേണ്ടയോ, എന്ന് ആലോചിച്ചു പരുങ്ങി നിൽക്കുമ്പോൾ ആണ് ബ്ലാക്ക് സിംഗിൾ പീസ് ഡ്രെസ്സിൽ സുന്ദരി ആയി അണിഞ്ഞൊരുങ്ങി സിമി പുറത്തേക്ക് വന്നത്…
താൻ രണ്ടു ദിവസം മുന്നേ കണ്ട കോലത്തിൽ അല്ലാത്തത് കൊണ്ട് തന്നേ ഹരി സിമിയെ അടിമുടി ഒന്ന് നോക്കി….
ബ്ലൂ ജീൻസ് പാന്റ്സും, ബ്ലൂ ഷർട്ടും ഇട്ട ഹരിയും മോശം ആയിരുന്നില്ല….
” ആ ഹരിയോ?.. ഇവിടെ നിക്കാതെ അകത്തു വാടോ “……… ഇത്രയും പറഞ്ഞു കൊണ്ട് സിമി അകത്തേക്ക് നടന്നു. ഹരി ചെരുപ്പ് ഊരി പിന്നാലെയും…
വിശാലമായ വീടിന്റെ, ഭംഗി ആയി ചെയ്തിരിക്കുന്ന ഇന്ററിയർ വർക് നോക്കി ഉള്ളിലേക്ക് കടന്നതും ഹരിയുടെ കണ്ണ് ഉണ്ടാക്കിയത്, ചുവരിലെ ഫോട്ടോയിൽ ആണ്..
” പ്രൊഫസർ അന്ന “…. ഹരി പതിയെ പറഞ്ഞു….
സിമി തിരിഞ്ഞ് കൊണ്ട് പറഞ്ഞു : യപ്പ്… മൈ മമ്മി….
വീടിനുള്ളിൽ ആൽക്കൂട്ടത്തിനിടയിലൂടെ ഹരി സിമിക്ക് പിന്നാലെ കോണി കയറി മുകളിലെ നിലയിൽ എത്തി…..
വയലറ്റ് നിറത്തിലുള്ള, സിംഗിൾ പീസ് ഡ്രെസ്സിൽ, മേക്കപ്പ് ഒക്കെ ഇട്ട്, മുടി പിന്നിൽ റൗണ്ടിൽ ആക്കി കുത്തി, തൂങ്ങി കിടക്കുന്ന ഡയമണ്ട് കമ്മലുകൾ ഇട്ട് ഒരുകൂട്ടം പെണ്ണുങ്ങളുടെ കൂടെ നിൽക്കുന്ന ആൻസിയെ കണ്ടതും ഹരി ഒന്ന് നിന്നു.
താഴേക്കും മേലേക്കും, നോക്കുന്നതിനിടയിൽ തന്നേ തന്നേ ഒരു ഭാവവും ഇല്ലാതെ നോക്കി നിൽക്കുന്ന ആൻസിയെ ഹരി ഇടം കണ്ണിട്ട് നോക്കി…