ഒരു ഗ്ലാസ് ഒഴിച്ച്, ഹരിക്ക് നേരെ നീട്ടി അവനെ കൊണ്ട് പിടിപ്പിച്ച ശേഷം സിമി പറഞ്ഞു ” ഇപ്പോൾ എന്റേം ആൻസിയുടെയും മാത്രം ഫ്രണ്ട് അല്ല ഹരി. നമ്മുടെ എല്ലാവരുടേം ആണ്. നമ്മളിൽ ഒരാൾ. അവന് വേണ്ട ഹെൽപ്, ഹോസ്പിറ്റലിൽ,, എല്ലാവരും ചെയ്ത് കൊടുത്തേക്കണം “…..
ഹരി ചെറുതായി പുഞ്ചിരിച്ചു…….
ഓരോരുത്തർ ഓരോന്നായി ചോദിക്കാൻ തുടങ്ങി… ഹരി അതിനുള്ള ഉത്തരവും കൊടുത്തു കൊണ്ടിരുന്നു. തുടക്കം ഹരി ജോലി ചെയ്യുന്ന ഫാർമ കമ്പനിയെ കുറിച്ചും മരുന്നുകളെ കുറിച്ചും ആയിരുന്നു എങ്കിൽ, പിന്നെ ഹരിയെ കുറിച്ചായി.
ഹരിയെ കുറിച്ച് ചോദ്യങ്ങൾ വന്ന് തുടങ്ങിയപ്പോൾ, ഹരി പരുങ്ങുന്നത് കണ്ട, ഹരിയുടെ ബുദ്ധിമുട്ട് മനസ്സിലാക്കിയ അന്ന ചോദിച്ചു : ഹരീ… പാർട്ടിയെ പറ്റി ഒന്നും പറഞ്ഞില്ല.. കൊള്ളാമായിരുന്നോ?..
എടുത്ത വഴി ഹരി ഉത്തരം കൊടുത്തു : ഇതാണോ പാർട്ടി ?.. ഇതെന്ത് പാർട്ടി ആണ്….മെഡിക്കൽ കോൺക്ലാവ് പോലെ ഉണ്ട്……
അന്നക്ക് ചിരി വന്നപ്പോൾ, പാർടിക്ക് വേണ്ടി കഷ്ടപ്പെട്ട, ആൻസി അടക്കം ഹരിയെ തുറിച്ചു നോക്കി…..
സിമി : അതെന്താ ഹരീ… അങ്ങിനെ പറഞ്ഞത്…..
ഹരി തന്റെ കയ്യിലെ ഗ്ലാസ് ഒറ്റ വലിക്ക് കാലിയാക്കി പറഞ്ഞു : ഇത് നിങ്ങൾക്ക് അണിഞ്ഞൊരുങ്ങി ഷോ കാണിക്കാൻ ഉള്ള പാർട്ടി പോലെ ആയാണ് എനിക്ക് തോന്നിയത്. മുക്കിലും മൂലയിലും ഓരോ കൂട്ടം കൂടി നിന്ന് അവരവരുടേതായ ലോകത്ത് അസുഖങ്ങളും, സർജറിയും മരുന്നും….. ഏഹ്……..
ഹരി പറഞ്ഞു കൊണ്ട് മുഖം ചുളിച്ചു….
ഹരിയുടെ എടുത്തടിച്ച പോലുള്ള മറുപടി, ഫൈവ് സ്റ്റാർസ് ഞെട്ടി എങ്കിലും, അന്ന പതിയെ പുഞ്ചിരിച്ചു.
സിമി വിട്ടില്ല, അൽപം ദേഷ്യത്തോടെ : എന്നാ നീ പറ, എങ്ങിനെ പ്ലാൻ ചെയ്യണമായിരുന്നു പാർട്ടി?….
ഹരി അപ്പോഴാണ് ശരിക്കും മറ്റുള്ളവരുടെ മുഖ ഭാവം ശ്രെദ്ധിക്കുന്നത്…. തന്നോട് എന്തോ ദേഷ്യം ഉള്ള പോലെ…
ഹരി പതിയെ എഴുന്നേൽക്കാൻ ശ്രമിച്ചു കൊണ്ട് പറഞ്ഞു : അയ്യോ സോറി… ഞാൻ കഴിച്ചാൽ ഇതാണ് പ്രശ്നം.. ഉള്ളിൽ ഉള്ളത് അതേ പോലെ പറയും….
അന്ന ഹരിയോട് പറഞ്ഞു : ഹരി ഇരിക്ക്……. ചില സമയങ്ങളിൽ സത്യം അനിവാര്യം ആണ്. ഞാൻ പറഞ്ഞതായിരുന്നു ഇങ്ങനെ ഒരു പാർട്ടിയുടെ ആവശ്യം ഇല്ല എന്ന്… പക്ഷെ വിടണ്ടേ…….
ഹരി തന്നേ അൽപം കലിപ്പോടെ നോക്കുന്ന സിമിയെ നോക്കി പറഞ്ഞു : ഫസ്റ്റ് ഓഫ് ആൾ….. പാർട്ടിയുടെ സെന്റർ ഓഫ് അറ്റെൻഷൻ ആരുടെയാണോ പാർട്ടി അവർ ആവണം……… ഇത് നിങ്ങൾ അണിഞ്ഞൊരുങ്ങി കിടു ലുക്കിലും……… മാമിനെ സാരി ഉടുപ്പിച്ച്, അതും തള്ളച്ചി ലുക്കിൽ………..
ഹരി പൂർത്തി ആക്കിയില്ല, അവൻ കണ്ണടച്ചു വാ പൊത്തി പിടിച്ചു……. പറഞ്ഞത് കൂടുതൽ ആയെന്ന പോലെ…
തനിക്ക് ചുറ്റും പൊട്ടി ചിരികൾ ഉയർന്നത് കൊണ്ടാണ് ഹരി കണ്ണ് തുറന്നത്….
അന്ന ചിരിച്ചു കൊണ്ട് പറഞ്ഞു : എനിക്ക് ഇന്ന് അറുപത് ആയി ഹരീ… ലൈക് യൂ സെഡ്… തള്ളച്ചി….
ഹരി തല ചൊറിഞ്ഞു കൊണ്ട് : തല വെളുത്തിട്ടുണ്ട് എന്നൊഴിച്ചാൽ, അറുപതു ഒന്നും പറയില്ല മാമിനെ……. മാമിനും ഇവർ ഇട്ട പോലെ ഉള്ള ഡ്രസ്സ് ഇടാർന്നു… ഉറപ്പായും മാമിന് ഇവരേക്കാൾ ചേർച്ച ഉണ്ടാവും…..
അന്ന ഉറക്കെ ചിരിച്ചു കൊണ്ട് പറഞ്ഞു : താങ്ക് യൂ ഹരീ……..
ആൻസി മാത്രം ഹരിയെ നോക്കിയപ്പോൾ, ബാക്കി ഉള്ളവർ പരസ്പരം അതിശയത്തോടെ നോക്കി …
” മാം… ഒരു കാര്യം ചോദിക്കാൻ മറന്നു”………” ഭർത്താവ്…. അല്ലെങ്കിൽ സിമിയുടെ അച്ഛൻ “…. അതായിരുന്നു ചോദ്യം…………
സിമി ആണ് ഉത്തരം പറഞ്ഞത് : എനിക്ക് അറിയില്ല എന്റെ അപ്പൻ ആരാണ് എന്ന്. എന്നെ ദത്ത് എടുത്തതാണോ എന്ന് വരെ ഡൌട്ട് ഉണ്ട്…. ചോദിച്ചാൽ ഉത്തരം കിട്ടുകയും ഇല്ല… ” നീ എന്റെ മോളാണ്, നിന്റെ അപ്പനും അമ്മയും ഞാൻ ആണ് “… ഇതാണ് ഉത്തരം…