പ്രണയവുംപൂക്കളും വർണശലഭങ്ങളും – 1

[ സ്പൾബർ ]

( ഗയ്സ്… മറ്റേ കഥ ഇനിയും തുടരും..എഴുതിക്കൊണ്ടിരിക്കുന്നു.. അത് വരുന്നത് വരെ ഈ കഥയൊന്ന് വായിക്ക്.. ഈ പാർട്ടിൽ വലിയ കമ്പിയൊന്നുമില്ല..എന്നാലും നിങ്ങൾക്കിഷ്ടപ്പെടും എന്ന് തന്നെയാണ് എന്റെ വിശ്വാസം..പതിവ് പോലെ വളരെ സാവകാശമെടുത്ത് കമ്പിയിലേക്ക് പോകുന്ന ശൈലിയിലാണ് ഈ കഥയും..എന്റെ വായനക്കാർക്കും അതിഷ്ടമാണല്ലോ..

നിങ്ങളുടെ പ്രതീക്ഷക്കൊത്ത് വരും പാർട്ടിൽ എല്ലാമുണ്ടാവും.. ഇഷ്ടമായാൽ മാത്രം ലൈക്ക് തരിക..അഭിപ്രായങ്ങൾ കമന്റിലൂടെ അറിയിക്കുക.. സ്പൾബൾ)

✍️✍️✍️… കാലം ഒരുപാട് മാറിയെങ്കിലും ആചാരാനുഷ്ഠാനങ്ങളിൽ ഇന്നും ഒരു മാറ്റവുമില്ലാതെ തുടർന്ന് പോരുകയാണ് ആ നാട്ടിലെ പേര് കേട്ട നമ്പൂതിരി കുടുംബം..

കാലത്തിനനുസരിച്ച് മൊബൈൽ ഫോണും കംപ്യൂട്ടറും ടി വി യു മൊക്കെ ഇല്ലത്ത് സ്ഥാനം പിടിച്ചെങ്കിലും ചില ആചാരങ്ങൾക്കൊന്നും ഇന്നും മാറ്റമില്ല.. യുവതലമുറ പരിഷ്കാരികളായി മാറിയിട്ടുണ്ട്..

അവർക്ക് ആചാരങ്ങളിലൊന്നും വിശ്വാസമില്ലെങ്കിലും ഇല്ലത്തെ കാരണവർ പറയുന്നതിനപ്പുറം അവരും കടക്കില്ല.. എന്നാലും ഇല്ലത്തെ ചിട്ടകൾ ലംഘിച്ച് ചില വിദ്വാന്മാരൊക്കെ സർക്കാർ ജോലിയും തരപ്പെടുത്തിയിട്ടുണ്ട്..

നാട് തന്നെ ഭരിച്ചിരുന്ന ഇല്ലത്തെ താഴ് വഴി സർക്കാർ ജോലിക്ക് പോകുകാന്ന് വെച്ചാ അതൊരു കുറച്ചിലായി കണ്ടിരുന്ന ഒരു കാലമുണ്ടായിരുന്നു..

പരിഷ്ക്കാരങ്ങൾ ഇല്ലത്തൊരുപാട് വന്നെങ്കിലും ചില ചിട്ടകളൊന്നും ഇന്നും മാറ്റമില്ലാതെ തുടരുകയാണ്.. അതിലൊന്നാണ് ചൊവ്വാദോഷം.. ഈ എ ഐ യുഗത്തിലും ചൊവ്വാദോഷം ഒരു ഭയങ്കര സംഭവമാണ് ഇല്ലത്ത്.. അതിന്റെ ഒരിരയാണ് കാർത്തികത്തമ്പുരാട്ടി..

ഇല്ലത്തെ ഇപ്പോഴത്തെ കാരണവർ നാരായണൻ നമ്പൂതിരിയുടെയും സാവിത്രി അന്തർജനത്തിന്റെയും മൂത്ത സന്താനമാണ് കാർത്തികത്തമ്പുരാട്ടി.. അവൾക്കിപ്പോ മുപ്പത്താറ് വയസുണ്ട്.. കാർത്തികയുടെ ഇളയവർ മൂന്നും പെണ്ണാണ്..

അവരുടെ മൂന്ന് പേരുടെയും വേളി കഴിഞ്ഞ് അവർക്ക് കുട്ടികളുമായി.. മുപ്പത്തി ആറാം

വയസിലും മംഗല്യഭാഗ്യമില്ലാതെ ഇല്ലത്തെ ഇടനാഴിയിലൂടെ നെടുവീർപ്പോടെ നടക്കുകയാണ് കാർത്തിക..

ചൊവ്വാദോഷത്തിന് പുറമെ വേറെയും പല ദോഷങ്ങളും കാർത്തികക്കുണ്ടെന്നാണ് ജാതകവശാൽ..ചുരുക്കത്തിൽ വിവാഹം എന്ന സ്വപ്നം കാർത്തികക്ക് ഒരു നടക്കാത്ത സ്വപ്നമാണ്.. അവളുടെ ദോഷം മാറ്റാൻ അഛൻ തിരുമേനി ജോൽസ്യന്മാരെ പലത് വരുത്തി പ്രശ്നം വെച്ച് നോക്കി..എല്ലാവരും ഒരേ സ്വരത്തിൽ പറഞ്ഞത് കാർത്തികക്ക് മംഗല്യഭാഗ്യം ഇല്ലാന്ന് തന്നെയാണ്..

ഭൂമിയിൽ നിന്നും അനേകം പ്രകാശവർഷമകലെ സ്ഥിതി ചെയ്യുന്ന ഒരു ഗ്രഹം തന്റെ ജീവിതത്തിൽ ചെലുത്തുന്ന സ്വാധീനം കണ്ട് അന്തംവിട്ട് നിൽക്കുകയാണ് കാർത്തികത്തമ്പുരാട്ടി..

വിവാഹം നടക്കാത്തത് മാത്രമല്ല കാർത്തികയുടെ ജീവിതത്തിലെ പ്രശ്നങ്ങൾ…അവളൊരപശകുനമാണ്..ഇല്ലത്തെ ഏത് ചടങ്ങിനും മുന്നിൽ പോയിട്ട് പിന്നിൽ പോലും അവൾക്ക് സ്ഥാനമില്ല..എന്ത് ചടങ്ങായാലും ആരുടെയും കൺവെട്ടത്ത് വരാതെ അവൾ അറയിൽ അടച്ചിരുന്നോണം..

ഒരുമിച്ചിരുന്ന് ഭക്ഷണം കഴിക്കാൻ അവൾക്ക് അവകാശമില്ല.. അനിയത്തിമാരുടെ കുഞ്ഞിനെയൊന്ന് തൊടാൻ പോലും അവകാശമില്ല.. തന്നെക്കാൾ അവകാശം കോലോത്തെ വാല്യക്കാരികൾക്കുണ്ടെന്ന് പലപ്പോഴും കാർത്തിക കണ്ടറിഞ്ഞതാണ്.. വാല്യക്കാരികൾക്ക് പോലും തന്നോടൊരു പുഛഭാവമാണ്..

എല്ലാത്തിൽ നിന്നും ഒഴിഞ്ഞ് മാറി, ആർക്കുമൊരു ശല്യമാവാതെ കാർത്തിക ആ ഇല്ലത്ത് ജീവിച്ചു.. അഛൻ തമ്പുരാനെയൊക്കെ അവൾ മുഖാമുഖം കണ്ടിട്ട് എത്രയോ കാലമായി..അമ്മത്തമ്പുരാട്ടിയുമായും അവൾക്ക് വലിയ അടുപ്പമില്ല..

അവൾക്ക് ഒരു പണിയും ചെയ്യണ്ട.. നേരത്തിന് ഭക്ഷണം അറയിലെത്തും.. അവൾക്ക് വേണ്ടതെന്തും കിട്ടും..പക്ഷേ എവിടെയും അവളുടെ സാനിധ്യമുണ്ടാവാൻ പാടില്ല.. ഒരു ജയിലറയിൽ കഴിയും പോലെ മുപ്പത്താറ് കൊല്ലം അവൾ ജീവിച്ചു..