പ്രണയവുംപൂക്കളും വർണശലഭങ്ങളും – 1 Likeഅടിപൊളി  

മൂന്നാമനും വെടിയേറ്റെങ്കിലും അവനെ കാണാനില്ല.. ഇതാണാ വാർത്ത.. കാർത്തിക അവിശ്വസിനീയതയോടെ അവന്റെ മുഖത്തേക്ക് നോക്കി..

“ ഞാ… ഞാനാണാ… മൂന്നാമൻ… “..

തളർച്ചയോടെ അവൻ പറഞ്ഞു..

“അപ്പോ… നീ… കള്ളക്കടത്ത് കാരനാണോ…?”..

“അയ്യോ അല്ല… പെട്ട്

പോയതാ… “..

“ഹും… എല്ലാ ക്രിമിനലുകളും ഇതൊക്കെത്തന്നെയാ പറയുന്നത്… നീയെങ്ങോട്ടാന്ന് വെച്ചാ വേഗം പൊയ്ക്കോ… ഇനി നിന്നെ സഹായിക്കാൻ എനിക്കാവില്ല… “..

കാർത്തിക തീർത്ത് പറഞ്ഞു..

“സത്യമായിട്ടും ഞാൻ ക്രിമിനല്ല… പറ്റിപ്പോയി… ദയവായി നിങ്ങളാ വെടിയുണ്ടയൊന്ന് എടുത്ത് താ… വേദന സഹിക്കാൻ വയ്യ… അല്ലെങ്കിൽ… എന്നെയൊന്ന്… കൊന്ന് താ… “..

അവൻ ഉറക്കെ കരഞ്ഞു.. കാർത്തികക്കത് കണ്ട് സഹിക്കാൻ കഴിഞ്ഞില്ല.. .അപരിചിതനാണെങ്കിലും ഒരു പുരുഷൻ വേദന സഹിക്കവയ്യാതെ കരയുന്നത് കാണാനൊന്നും അവൾക്കാവില്ലായിരുന്നു…

“ ഞാനെന്ത് ചെയ്യും… ?..എനിക്കതിനൊന്നും കഴിയില്ല… ഞാൻ വേണേൽ ഇല്ലത്ത് ചെന്ന് അഛൻ തമ്പുരാനോട് വിവരം പറയാം…”..

“അയ്യോ വേണ്ട… ഞാനിവിടെയുള്ളത് ആരുമറിയണ്ട… ഇതെടുത്താ ഞാൻ പൊയ്ക്കോളാം… “..

കാർത്തികക്കവനെ സഹായിക്കണമെന്നുണ്ട്.. ഒരു മുറിവായിരുന്നെങ്കിൽ മരുന്ന് വെച്ച് കെട്ടിക്കൊടുക്കാരുന്നു… ഇതിപ്പോ അവന്റെ ഇറച്ചിയിൽ പൂണ്ട് കിടക്കുന്ന വെടിയുണ്ട പുറത്തെടുക്കാൻ എന്തായാലും തനിക്ക് കഴിയില്ല..

“നിങ്ങളുടെ… വീട്… അടുത്താണോ… ?”..

ഞരങ്ങിക്കൊണ്ടവൻ ചോദിച്ചു..

“ ഉം… ഇതൊക്കെ ഞങ്ങളുടെ പറമ്പാ… “..

“ എന്നാ… ഒരു… സഹായം ചെയ്യോ…?”..

“ എന്ത്… ?”…

“നിങ്ങള്… വീട്ടീപോയി… ഒരു കത്തിയും… കത്രികയും… എടുത്ത് വരോ… ?”..

“എന്തിന്… ?”..

“ഈ… വെടിയുണ്ട… ഞാനെടുത്തോളാം…”..

കാർത്തിക ഞെട്ടലോടെ അവനെ നോക്കി..

“നീയെന്താ ഈ പറയുന്നത്… ?..അതൊന്നും നമുക്കെടുക്കാൻ പറ്റില്ല… “..

“പറ്റും… എനിക്ക് പറ്റും… എനിക്കീ വെടിയുണ്ടയെടുത്ത് നടന്നേ പറ്റൂ… “..

കടുത്ത വേദനയിലും അവന്റെ മുഖത്തെ നിശ്ചയദാർഢ്യം കാർത്തിക കണ്ടു..

“നീ വെറുതെ ഓരോന്ന് പറയരുത്… ഇതൊരു ഡോക്ടർക്കേ കഴിയൂ…. ചിലപ്പോ രക്തം വന്നാ അത് നിർത്താൻ

നീ വിചാരിച്ചാൽ കഴിയില്ല…”..

“ ചേച്ചീ… പ്ലീസ്… ഇപ്പോ ഡോക്ടറുടെ അടുത്ത് പോവാനൊന്നും പറ്റില്ല…

ചേച്ചി… ഞാൻ പറഞ്ഞ സാധനങ്ങൾ ഒന്ന് കൊണ്ടു വാ…”..

കാർത്തികക്കൊരെത്തും പിടിയും കിട്ടിയില്ല.. സ്വന്തം ശരീരത്തിൽ തറഞ്ഞ് നിൽക്കുന്ന വെടിയുണ്ട അവൻ തനിച്ച് എടുക്കാന്ന്..അതെങ്ങിനെ..?. അവന്റെ മുഖഭാവം കണ്ടപ്പോ അവനത് ചെയ്യുമെന്ന് കാർത്തികക്ക് തോന്നി..

ഏതായാലും അവൻ പറഞ്ഞ സാധനങ്ങൾ കൊണ്ട് കൊടുത്തേക്കാം എന്നോർത്ത് അവളെണീറ്റു..

“ ചേച്ചീ… “..

അവൾ ചോദ്യഭാവത്തിൽ അവനെ നോക്കി..

“അത്… ആ മൊബൈൽ… എനിക്കൊന്ന്…തരോ… ?”..

“ഇല്ല… ഇതിൽ നിന്നാരെയും വിളിക്കാൻ പറ്റില്ല… “..

“ വിളിക്കാനല്ല ചേച്ചീ…”..

“പിന്നെ… ?”..

“ അത്… വെടിയുണ്ട പുറത്തെടുക്കുന്ന… വീഡിയോ… യൂട്യൂബിലുണ്ടാവും… അതൊന്ന്… നോക്കാനാ… “..

കാർത്തിക അന്തംവിട്ട് അവനെ നോക്കി.. വീഡിയോ കണ്ട് സ്വന്തം ശരീരത്തിൽ തറഞ്ഞ് കിടക്കുന്ന വെടിയുണ്ട പുറത്തെടുക്കാനാണ് ഇവന്റെ പരിപാടി.. ഏതായാലും കൊള്ളാം..

അവൾ കുറച്ച് നേരം ചിന്തിച്ച് നിന്നു..പിന്നെ മൊബൈൽ അവന്റെ കയ്യിലേക്ക് കൊടുത്ത് ഷെഡിൽ നിന്ന് പുറത്തിറങ്ങി..ഇല്ലത്തേക്ക് നടക്കുമ്പോൾ ഇത് വേണോന്ന് അവൾ പിന്നെയും ചിന്തിച്ചു..

ഏതായാലും അവന്റെ ധൈര്യമല്ലേ… അവൻ എന്താന്ന് വെച്ചാ ചെയ്യട്ടെ..

അവൾ ഇല്ലത്തേക്ക് കയറി നേരെ അവളുടെ അറയിലേക്ക് പോയി.. ഇല്ലത്തിപ്പോ കൂടുതൽ അംഗങ്ങളൊന്നുമില്ല.. അഛനും അമ്മയും കാർത്തികയും മാത്രേ ഉള്ളൂ.. അഛൻ തിരുമേനിക്ക് പല വിധ ബിസിനസുമായി കൂടുതലും പുറത്തായിരിക്കും..

മൂന്നനിയത്തിമാരും വിവാഹം കഴിഞ്ഞ് പോയി.. അടുക്കളയിൽ ജാനുത്തള്ളയുണ്ട്.. പുറം പണിക്കായി രണ്ട് മൂന്ന് പേരും..

കാർത്തിക അറയിൽ കയറി മേശ വലിപ്പ് തുറന്ന് ചില സാധനങ്ങളൊക്കെ എടുത്തു.. ഒരു