ഹ്മ്മ് എന്തായാലും വേണ്ടിയില്ല നീ ഇപ്പൊ അങ്ങോട്ടേക്ക് പോകേണ്ട എന്ന് പറഞ്ഞതും ഷമി ചിരിച്ചോണ്ട് കഞ്ഞി പത്രവുമായി ഞങ്ങളുടെ അടുത്തേക്ക് വന്നു.
അവൾ വരുമ്പോൾ സലീന എന്റെ തോളിൽ ചാരി ഇരിക്കുന്നതാണ് കണ്ടത്.
നിങ്ങളെ കുറിച്ചാണോ ഉമ്മയും അമ്മായിയും പറഞ്ഞോണ്ടിരുന്നേ എന്തോ രണ്ടും കൂടെ വല്യ അടിയാ എന്നൊക്കെ.എന്ന് പറഞ്ഞോണ്ട് ഷമി ഞങ്ങൾ നോക്കി ഒന്ന് ചിരിച്ചു.
കേട്ടല്ലോ മതിയായില്ലേ എല്ലാവരും പറഞ്ഞത് കേട്ടല്ലോ ഇപ്പൊ സമാധാനം ആയല്ലോ.അല്ലേലും ഞാൻ കഷ്ടപ്പെടുത്തുകയാ എന്നല്ലേ പറഞ്ഞെ ഇപ്പൊ അത് എല്ലാവരും പറയുന്നത് കേട്ടപ്പോ സന്തോഷമായില്ലേ എന്ന് പറഞ്ഞോണ്ട് ഞാൻ സലീനയെ തോളിൽ നിന്നും മാറ്റി.
ആഹാ അങ്ങിനെയൊക്കെ ഉണ്ടായോ സൈനു.
ആട്ടെ എങ്ങിനെയാണാവോ നീ കഷ്ടപ്പെടുത്തുന്നെ അതും കൂടെ പറഞ്ഞിരുന്നേൽ നന്നായിരുന്നു.
അതില്ലേ അത്.
സൈനു വേണ്ട.
ഞാൻ ആരോടും പറഞ്ഞില്ലല്ലോ എന്നെ സൈനു കഷ്ടപ്പെടുത്തുന്നുണ്ട് എന്ന് പിന്നെ എന്തിനാ ഷമി നീ വെറുതെ ഓരോന്ന് പറയാൻ നിക്കുന്നെ.
എന്നെ ഇതുവരെ എന്റെ സൈനു കഷ്ടപ്പെടുത്തിയിട്ടൊന്നുമില്ല.
ആഹാ ഇപ്പൊ അങ്ങിനെയായോ.
ദേ നീ ഈ കഞ്ഞി കുടിച്ചോണ്ട് ഗുളിക കഴിക്കാൻ നോക്ക്.എന്നിട്ടു ബാക്കി ഒക്കെ.
ഹ്മ്മ് ഇങ്ങു തന്നെ ഞാൻ കൊടുത്തോളം എന്ന് പറഞ്ഞോണ്ട് സലീന അവളുടെ കയ്യിൽ നിന്നും പാത്രം വാങ്ങിക്കൊണ്ടു എന്റെ വായിലേക്ക് കുറേശ്ശെയായി തന്നോണ്ടിരുന്നു.
ഇത്രയേ ഉള്ളു രണ്ടിനും വെറുതെ ഞങ്ങളെ വിഷമിപ്പിക്കാൻ.
ആഹാ ആരെ വിഷമിപ്പിച്ചെന്നാ.
പിന്നെ ഇല്ലാതെ രണ്ടും കൂടെ മുഖം കറുപ്പിച്ചോണ്ട് നടക്കുമ്പോ കണ്ട് നിൽക്കുന്ന ഞങ്ങൾക്കാ അതിന്റെ വിഷമം നിങ്ങൾ ഒന്ന് കുറച്ചു നേരം അടുത്തിരുന്നാൽ തീരും.
ദേ ഇതും കുടിച്ചോണ്ട് ഉമ്മയോട് ചെന്നു പറ രണ്ടുംകൂടി എന്ന് പറഞ്ഞോണ്ട് ഷമി അവിടെ നിന്നും പോയി.
എന്താടി അവരെ കുറച്ചു നേരം ഒന്ന് സമാധാനത്തോടെ ഇരിക്കാൻ സമ്മതിക്കില്ലേ നി എന്ന് ചോദിച്ചോണ്ടി സലീനനയുടെ ഉമ്മ അവളെ വഴക്ക് പറഞ്ഞതും.
എന്റെ ഉമ്മ നിങ്ങൾക്ക് രണ്ടുപേർക്കും എന്താ അവര് അവിടെ സന്തോഷത്തോടെയാ ഇരിക്കുന്നെ താത്ത സൈനുവിന് കഞ്ഞി കൊടുത്തോണ്ടിരിക്കുകയാ നിങ്ങൾ വെറുതെ..എന്ന് പറഞ്ഞതും ഉമ്മ ചിരിച്ചോണ്ട് ഞാൻ പറഞ്ഞില്ലേ അവനെ കാണാഞ്ഞിട്ടാ എന്ന്.എന്ന് പറഞ്ഞ് സലീനയുടെ ഉമ്മയുടെ നേർക്കു തിരിഞ്ഞു ചിരിച്ചു.
അല്ല അവൾ വന്നു പറഞ്ഞപ്പോ ഞാൻ ആകെ പേടിച്ചു പോയി അതാ.
ആരുടെ കാര്യത്തിൽ അവരുടെ രണ്ടിന്റെയും കാര്യത്തിലോ.
അല്ല അവൻ ഒന്നും പറയാത്തെ പോയി എന്ന് കേട്ടപ്പോ..
അത് ഹോസ്പിറ്റലിന്റെ പണി തുടങ്ങാൻ വേണ്ടി എന്തോ കാര്യത്തിന് പോയതാ എന്നാ പറഞ്ഞെ.
അതിനായിരുന്നോ.
ഹ്മ്മ് അവന്റെ ഉപ്പ വിളിച്ചു പറഞ്ഞപ്പോ പോയതായിരുന്നത്രെ.
പിന്നെ ചെറിയ പിണക്കം ഉണ്ടായിക്കാണും അതാ പറയാത്തെ പോയിട്ടുണ്ടാകുക.
നോക്കിക്കോ രണ്ടും കൂടെ ഇപ്പൊ ചിരിച്ചു കളിച്ചു വരുന്നത് കാണാം.
അത് ശരിയാ.
മതി സലീന എന്നെകൊണ്ട് വയ്യ ഇനി കഴിക്കാൻ നീ ആ ടാബ്ലറ്റ്സ് എടുത്തേ എന്ന് പറഞ്ഞോണ്ട് ഞാൻ അവൾ നീട്ടിയ കഞ്ഞി മറുത്തു.
ദേ ഇതും കൂടെ എന്ന് പറഞ്ഞോണ്ട് കുഞ്ഞ് കുട്ടികളെ കുടിപ്പിക്കുന്ന പൊലെ എന്റെ വായിലേക്ക് വെച്ചോണ്ട്.അവൾ ചിരിച്ചു.
ഹ്മ്മ് ചിരിക്കേണ്ട കേട്ടല്ലോ അവൾ പറഞ്ഞത് വേഗം ചെല്ല് ഉമ്മാന്റെ അടുത്തേക്ക് ബാക്കി അവിടുന്ന് കേൾക്കാം.
ഉമ്മ ഒന്നും പറയില്ല.
അതെന്താ ഇത്ര വിശ്വാസം.
ഉമ്മാനെ എനിക്കറിയാലോ.
നോക്കിക്കോ ഉമ്മ നമ്മളെ നോക്കി കളിയാക്കി ചിരിക്കതെയുള്ളു.
ഹോ അപ്പൊ അതോണ്ടാ ഇങ്ങിനെ എന്ന് പറഞ്ഞ് ഞാൻ അവളെ വട്ടത്തിൽ പിടിച്ചോണ്ട് ഇരുന്നതും.
അതുകൊണ്ടോന്നുമല്ല.
വിഷമം ആയതോണ്ടാ.
എന്തിന്.
പിന്നെ ഞാനെന്തേലും പറഞ്ഞെന്നു വെച്ചു മിണ്ടാതെയും പറയാതെയും ഇറങ്ങി പോയാൽ. ഞാൻ എത്ര വിഷമിച്ചെന്നറിയോ. എന്തിനാ അപ്പൊ അങ്ങിനെ പറയാൻ തോന്നിയെ എന്ന് ചിന്തിച്ചു കുറെ സങ്കടപെട്ടു.
ആഹാ എന്നിട്ട്.