അമലേ… ഞാൻ വെറുതേ പറഞ്ഞതാടോ….. എനിക്ക് മനസ്സിലായിരുന്നു താനറിയാതെയാണ് വന്നിടിച്ചതെന്ന്… അത്പോട്ടെ കുഴപ്പമൊന്നുമില്ല…..
എന്നാൽ താനിരുന്നോളൂ…
ഒരിക്കൽ കൂടി മിസ്സ് എന്നെ നോക്കി പുഞ്ചിരിച്ചശേഷം തിരിഞ്ഞു നടക്കുവാൻ തുടങ്ങി………
“സ്വപ്ന ലോകത്തെ ബാലഭാസ്കരനായ്” മിസ്സിൻ്റെ ചിരിയിലലിഞ്ഞു ഞാനവിടെ ഇരുന്നു……
ബെല്ലടിച്ചതും മിസ്സ് പോയതും ഞാനറിഞ്ഞതേയില്ല…..
ഹലോ… അമലേ….
ഒരു വിളികേട്ട് ഞാൻ നോക്കുമ്പോൾ അവിഞ്ഞൊരു ചിരിയും പാസ്സാക്കി എന്നെത്തന്നെ നോക്കി നിൽക്കുന്ന നിജുവിനെ യാണ് കാണുന്നത്….
നിനക്കിതെന്ത് പറ്റി??? “””കഞ്ചാവടിച്ച കുരങ്ങനെപ്പോലെ ഇളിച്ചോണ്ടിരിക്കുന്നു”””….
ഏയ്…. ഒന്നുമില്ലെടാ ഞാൻ വെറുതേ…….
വെറുതേയോ???? നിൻ്റെ മുഖം കണ്ടാലറിയാല്ലോ കാര്യമായ എന്തോ ആലോചനയിലായിരുന്നെന്ന്…. എന്താണ് മോനേ കാര്യം???….
സത്യമാടാ… ഒന്നുമില്ല…. എടാ നമുക്കൊന്ന് ഓഫീസ് വരെപോയാലോ?….
വിഷയം മാറ്റുന്നതിനു വേണ്ടി ഞാൻ നിജൂനോട് പറഞ്ഞു…..
അതെന്തിനാടാ ഓഫീസിൽ പോകുന്നത്????
എനിക്ക് ID കാർഡ് കിട്ടിയിട്ടില്ലെടാ…. അതൊന്ന് വാങ്ങാനാണ്…. ID കാർഡില്ലേൽ ST തരില്ലാന്ന് ബസ്സുകാർ പറഞ്ഞു…..
ആണോ…. എന്നാൽ വാ പോകാം….
നിജൂ നമുക്ക് ഈ അവറെന്താണ്????
Second language ആണെടാ….
അമലേ നീ മലയാളമാണോ , ഹിന്ദിയാണോ എടുത്തിരിക്കുന്നത്???…..
മലയാളമാണെടാ…. നീയോ???
ഞാനും മലയാളമാണ്…. എന്നാൽ വാ നമുക്ക് ഓഫീസിൽ പോയ് ID കാർഡ് ശരിയാക്കാം മലയാളം ക്ലാസ്സിൽ കയറണ്ട….
ഏയ്…… അത് വേണ്ട ക്ലാസ്സ് കട് ചെയ്ത് ഒരു പരിപാടിയും വേണ്ടെടാ….
എടാ മണ്ടാ ഇന്ന് കയറീല്ലേലും ഒരു കുഴപ്പവുമില്ല….
മലയാളം ക്ലാസ്സിലും ഇന്ന് പരിചയപ്പെടൽ തന്നായിരിക്കും…. നമ്മുടെ ക്ലാസ്സ് മാത്രമായിരിക്കില്ല ഉണ്ടാവുന്നത് വേറെ ഡിപ്പാർട്ട്മെൻ്റിലെ കുട്ടികളും ഉണ്ടാവും….
എല്ലാരും പേരും നാളുമൊക്കെ പറഞ്ഞ് വരുമ്പോൾ ലഞ്ച് ബ്രേക്കുമാവും ….. “പിന്നെ വെറുതേ അതിനകത്ത് ഈച്ചയേ ആട്ടിയിരിക്കന്നെയുള്ളു”….
‘നീ ഉത്സവപ്പറമ്പിലൊക്കെ ആന നിൽക്കുന്നത് കണ്ടിട്ടില്ലേ ‘ …… അത്പോലെ ഒരാഴ്ചത്തേക്ക് “നമുക്കും കഴുത്തിൽ പേരെഴുതി കെട്ടിയിട്ടോണ്ട് നടക്കായിരുന്നു അതാവുമ്പോൾ എല്ലാ രോടും പേര് പറഞ്ഞ് ബുദ്ധിമുട്ടണ്ടായിരുന്നു”…
എടാ…. എന്നാലും…..
ഒരെന്നാലുമില്ല …. നീ വാ നമുക്ക് ഓഫീസിലേക്ക് പോകാം…..
നിജു എന്നെയും കൂട്ടി ഓഫീസിലേയ്ക്ക് നടക്കുവാൻ തുടങ്ങി…….
എടാ എൻ്റെ അഡ്മിഷൻ കാര്യങ്ങൾ ശരിയാക്കിത്തന്നത് ദേ അദ്ദേഹമാണ്…
ഓഫീസിലെത്തിയശേഷം മുരളിസാറിനെ ചൂണ്ടിക്കാണിച്ചുകൊണ്ട് ഞാൻ
പറഞ്ഞു….
ആണോ….. എന്നാൽ നീ അദ്ദേഹത്തോട് തന്നെ ചോദിക്ക് ….. അദ്ദേഹത്തിൻ്റെ കയ്യിലുണ്ടാവും നിൻ്റെ ID…..
ഞങ്ങളിരുവരും മുരളി സാറിനടുത്തേക്ക് നടന്നടുത്തു…….
Excuesme sir….
Yes…..
സാറിന് എന്നെ മനസ്സിലായോ??? അന്ന് വേണുസാർ പറഞ്ഞ് അഡ്മിഷനെടുക്കാൻ വന്ന…..
ഓ….. മനസ്സിലായ്…. അമൽ അല്ലെ….
അതെ….
എന്താ വന്നേ????
എനിക്ക് ID കാർഡ് കിട്ടിയില്ല…. അത് ഒന്ന് ശരിയാക്കാനായ് വന്നതാണ്….
ID കാർഡ് കിട്ടിയില്ലേ ???…..
ഇല്ല….
സോറി അമലേ…..
അന്ന് ചിലപ്പോൾ ഞാൻ മറന്ന് പോയതായിരിക്കും…..
തോമസേ…. ആ ഐൽഫിൽ നിന്ന് ഒരു ID സ്ലിപ്പ് ഇങ്ങെടുത്തേ….
പ്യൂണിനോടായ് മുരളിസാർ പറഞ്ഞു….
ദാ ID ഇതിൽ ഫോട്ടോ ഒട്ടിച്ച് പേരും ഡിപ്പാർട്ട്മെൻ്റും എഴുതി തോമസിൻ്റെ കയ്യിൽ കൊടുക്ക് അദ്ദേഹമത് പ്രിൻസിപ്പലെക്കൊണ്ട് സൈൽ ചെയ്യിച്ച് കൊണ്ട് വരും പിന്നെ വേണു സാറിൻ്റെ കയ്യിൽ തൻ്റെ ID നമ്പർ കൊടുക്കണം രജിസ്റ്ററിൽ ആഡ് ചെയ്യേണ്ടതാണ്…..
ok sir…..
ID കാർഡ് ഫിൽ ചെയ്ത് ഫോട്ടോയും ഒട്ടിച്ച് ഞാൻ തോമസിൻ്റെ കയ്യിൽ കൊടുത്തു……
ഒരു 15 മിനിട്ടിന് ശേഷം പ്രിൻസിപ്പലെക്കൊണ്ട് സൈൻ ചെയ്യിച്ച് തോമസ് ID കാർഡ് എൻ്റെ കയ്യിൽ ഏൽപ്പിച്ചു….
നിജൂ…. ലഞ്ച്ബ്രേക്കിന് ഇനിയും അരമണിക്കൂർ കൂടി ഉണ്ടല്ലോ…. എന്ത് ചെയ്യും….
വാ… നമുക്ക് വെറുതേ കോളേജിലൊന്ന് കറങ്ങാം…. അമലേ നീ ചോറ്കൊണ്ട് വന്നിട്ടുണ്ടോ????
ഇല്ലെടാ അടുത്ത ദിവസം മുതൽ കൊണ്ട് വരാന്ന് വെച്ചു…. നീ കൊണ്ട്
വന്നിട്ടുണ്ടോ????
ഏയ് ഇല്ല…. ആദ്യ ദിവസമല്ലേ ആരെങ്കിലും ഒരു കമ്പനി കിട്ടിയിട്ട് കൊണ്ടുവരാന്നു വെച്ചു…. എന്നാൽ നമുക്ക് ക്യാൻ്റീനിൽ പോയ് ഊണ് കഴിച്ചാലോ????
എടാ….അതിന് സമയം 12 കഴിഞ്ഞതല്ലെ ഉള്ളു…..
അതിനിപ്പോ എന്താ???
അല്ല ഞാനൊന്ന് ചോദിക്കട്ടെ സമയം നോക്കി ഭക്ഷണം കഴിക്കാൻ നീ എന്താ വല്ല ജ്യോത്സ്യനുമാണോ???…..
വിശക്കുമ്പോഴാണ് എല്ലാരും ഭക്ഷണം കഴിക്കുന്നത് ….. എനിക്ക് നല്ലവണ്ണം വിശക്കുന്നുണ്ട് …
നിനക്ക് വിശക്കുന്നൊന്നുമില്ലേ????
ചെറുതായിട്ട്….
എന്നാൽ വാ…. ഫുഡ് കഴിച്ചതിന് ശേഷം ഡിപ്പാർട്ട്മെൻ്റിൽ ചെന്ന് ID നമ്പർ കൊടുക്കാം….
നീ രാവിലെ ഒന്നും കഴിച്ചില്ലേടാ ????
ക്യാൻ്റീനിലേക്ക് നടക്കുന്നതിനിടയിൽ നിജൂനോടായ് ഞാൻ ചോദിച്ചു…..
കഴിച്ചായിരുന്നു……
എന്താ കഴിച്ചത്????
2 കുറ്റി പുട്ടും 1 പുഴുങ്ങിയ ഏത്തപ്പഴവും….
ആഹാ അത്രയും കുത്തിക്കയറ്റിയിട്ടാണോ ഇപ്പോൾ വിശക്കുന്നെന്ന് പറയുന്നത്……
എടാ അത് 8 മണിക്കാണ് കഴിച്ചത് ഇപ്പോൾ സമയം 12 കഴിഞ്ഞു…..
നിൻ്റെ വയറ്റിലെന്താടാ കോഴിക്കുഞ്ഞുങ്ങൾ മെഴുകുതിരി കത്തിച്ചിരുന്ന് കുർബാന നടത്തുവാണോ????
അല്ലെടാ… കോ……. എന്നെക്കൊണ്ടൊന്നും പറയിപ്പിക്കരുത് കിണിക്കാണ്ട്
നടക്കെടാ വേഗം…..
പരസ്പരം പരിഹസിച്ചുകൊണ്ട് ഞങ്ങൾ ക്യാൻ്റീനിൽ എത്തിച്ചേർന്നു…… അത്യാവശ്യം വലിയൊരു ക്യാൻ്റീൻ തന്നായിരുന്നു…..
ഊണും കോഴിക്കോടൻ സ്റ്റൈൽ അയല പൊരിച്ചതുംതും കഴിച്ച് ഞങ്ങൾ കൈ കഴുകുമ്പോഴാണ് ലഞ്ച് ബ്രേക്കിനുള്ള ബെൽ മുഴങ്ങുന്നത്…..
അര മണിക്കൂർ കൂടി വെയ്റ്റ് ചെയ്തശേഷം ഞാനും നിജുവും കൂടി വേണു സാറിനെ കാണുവാൻ ഡിപ്പാർട്ട്മെൻ്റിലേക്ക് കയറി…..
ഡോറിനരികിൽ വലത് വശത്തായ് ആദ്യം ഇരിക്കുന്നത് അനുപമമിസ്സാണ്…. എന്നെ കണ്ടതും മിസ്സിൻ്റെ മുഖത്ത് പുഞ്ചിരി വിടർന്നു…..
അതിനു പകരമെന്നോണം ഞാനും മിസ്സിനൊരു പുഞ്ചിരി സമ്മാനിച്ചു….
അനുമിസ്സിന് തൊട്ടടുത്തായ് തന്നെ ധന്യ മിസ്സുമുണ്ട്….. ഞങ്ങളെ കണ്ടതും മിസ്സിൻ്റെ മുഖത്തൊ പുച്ചഭാവം നിറഞ്ഞു….. രാവിലത്തെ സംഭവമായിരിക്കാം….
അധികനേരം അവരെ നോക്കി പുച്ചം എറ്റുവാങ്ങാതെ ഞങ്ങൾ നടന്ന് വേണുസാറിനടുത്തെത്തി….
സർ…..
ഇതാര് …. അമലോ…. രാവിലെ എന്നെ മാഷ് വിളിച്ചായിരുന്നു തന്നെ നന്നായ് നോക്കിക്കോണമെന്ന് പറഞ്ഞു…. തനിക്ക് ക്ലാസ്സൊക്കെ ഇഷ്ടമായോ????
ഇഷ്ടമായ് സാർ….
എന്താവശ്യമുണ്ടേലും പറയാൻ മടിക്കണ്ട കേട്ടോ…. രാധാകൃഷ്ണൻ മാഷിനേപ്പോലെ തന്നെ എന്നെയും കണ്ടോളൂ… ഇപ്പോൾ എന്താ വന്നത് ??? എന്തെങ്കിലും സഹായം വേണോ????
