‘കൂട്ടാനൊന്നും ആരും വരില്ല . ടാക്സി വിളിച് ചെല്ലാൻ ആണ് അവർ പറഞ്ഞത് . അവിടെ ഓഫീസിൽ ചെന്ന് ലെറ്റർ കാണിച്ചാൽ റൂമിൽ കൊണ്ട് വിടും .അടുത്തു തന്നെ ആണ് റൂം എന്നു പറഞ്ഞു . ക്യാമ്പസ് ആക്കൊമഡേഷൻ ആണ് .’
‘ഞാൻ കണ്ടിട്ടുണ്ട് ക്യാമ്പസ് , മുപ്പത് കിലോമീറ്റർ കാണും എയർപോർട്ടിൽ നിന്ന് . സ്കൈ ടവറിന്റെ അടുത്താണ്, പിന്നെ എന്റെ ഊഹം ശെരിയാണെങ്കിൽ എനിക്ക് ബുക്ക് ചെയ്തിരിക്കുന്ന ഹോട്ടൽ യൂണിവേഴ്‌സിറ്റിക്ക് അടുത്ത് തന്നെ ആണ് , അവിടെ എത്തിയാൽ അറിയാം ‘
‘ആണോ , എന്നാൽ രക്ഷപെട്ടു , ഹരിയേട്ടൻ എന്നാ തിരിക്കുന്നെ , ‘
‘ഞാൻ എന്തായാലും രണ്ടാഴ്ച ഇവിടെ കാണും . നിനക്ക് പത്തു ദിവസം എന്നല്ലേ പറഞ്ഞത് ‘
‘അതെ , പക്ഷെ പത്തു വർക്കിംഗ് ഡേയ്സ് ആണ് , 20 നാണു റിട്ടേൺ ടിക്കറ്റ് , അപ്പൊ രണ്ടാഴ്ച ആയില്ലേ ‘
‘ആഹാ , ഞാൻ റിട്ടേൺ എടുത്തിട്ടില്ല, ഒപ്പം തിരിച്ചു പോരാൻ ശ്രെമിക്കാടോ ‘
ഓക്കെ . എന്തായാലും ഹരിയേട്ടനെ കണ്ടത് ഭാഗ്യമായി ‘
‘ഹഹ ‘ ഞാൻ ഒന്ന് ചിരിച്ചത് മാത്രേ ഉള്ളു ,
‘എന്നെ കൂട്ടാൻ ഒരു സുഹൃത് വരും , അവന്റെ കാറിൽ നിന്നെ ഡ്രോപ്പ് ചെയ്യാം’
‘ആണോ, ഏത് ഫ്രണ്ടാ ‘
‘എന്റെ കൂടെ മസ്കറ്റിൽ വർക്ക് ചെയ്തിരുന്നവനാ , ഇപ്പോൾ ഇവിടെ ആണ് . ഒരു വിജയ് , ജാർഖണ്ഡ് കാരൻ ആണ് .’
‘ഓ ‘
‘അല്ലടോ , ചോദിക്കാൻ വിട്ടു, ഹസ്സ്?? ‘
‘ആൾക്ക് ബഹ്‌റൈനിൽ ജോലി കിട്ടി ,അതുകൊണ്ടാ കല്യാണം പെട്ടന്ന് നടത്തിയത് . കല്യാണം കഴിഞ്ഞു ഇരുപത് ദിവസം കഴിഞ്ഞപ്പോ ആളു പോയി . നീട്ടാൻ കുറെ നോക്കി ,പക്ഷെ അവർ സമ്മതിച്ചില്ല ‘
അത് പറഞ്ഞപ്പോൾ അവളുടെ മുഖം ഒന്ന് വാടിയ പോലെ
ഇടക്ക് പൈലറ്റിന്റെ നിർദ്ദേശം വന്നു , ലാൻഡ് ചെയ്യാൻ ഉള്ള തയ്യാറെടുപ്പിൽ ആണ് , എല്ലാവരും സീറ്റ് ബെൽറ്റ് ധരിക്കണം എന്ന് , സമയം പുലർച്ചെ 3:10 , ഞങ്ങൾ സീറ്റ് ബെൽറ്റ് ഇട്ടു , സീറ്റ് എല്ലാം ശെരിയാക്കി . കുറച്ചു സമയങ്ങൾക്കുള്ളിൽ കരയിലെ വെളിച്ചം കണ്ടു . നിമിഷങ്ങൾക്കുള്ളിൽ ഞങ്ങളുടെ ഫ്ലൈറ്റ് ഓക്‌ലാൻഡ് എയർ പോർട്ടിലെ റൺവെയിൽ പന്നിറങ്ങി .
””””””””””””ഓക്‌ലാൻഡ്””””””””””””
വിമാനം റൺവേ കഴിഞ്ഞു ടാക്സി വേയിലേക്കു കയറി .
‘എന്നാലും ഒറ്റയ്ക്ക് ന്യൂ സീലാന്റിലേക്കു വരാൻ കാണിച്ച ധൈര്യം ഉണ്ടല്ലോ … സമ്മതിച്ചിരിക്കുന്നു ”
‘ഹഹ , എനിക്ക് കുറച്ചു ലക്ഷ്യങ്ങൾ ഉണ്ട് , അവിടേക്കെത്താൻ കുറച്ചു കൂടി കടമ്പകൾ കടക്കണം , അതിലേക്കുള്ള ആദ്യത്തെ സ്റ്റെപ് ആവട്ടെ ഇത് . ഞാൻ നന്നായി അന്വേഷിച്ചിട്ടാണ്ഇങ്ങോട്ട്‌ ഇറങ്ങി തിരിച്ചത് , പിന്നെ ഇപ്പൊ ഞാൻ ഒറ്റക്കല്ലല്ലോ .. ‘
അവൾ ചിരിച്ചു .
വിമാനം പാർക്ക് ചെയ്തു , അഞ്ചു മിനിറ്റുകൾക്കുള്ളിൽ യാത്രക്കാർ പുറത്തേക്കു
ഇറങ്ങുവാൻ തുടങ്ങി . മുകളിൽ നിന്നും ബാഗും എടുത്ത് ഞങ്ങളും പുറത്തേക്ക് .
എന്റെ മുന്നിലായാണ് അവൾ നടക്കുന്നത് ,പുറത്തിടുന്ന ഒരു ബാഗ് മാത്രമേ അവളുടെ കയ്യിലും ഉള്ളു , ബാക്കി എല്ലാം ലഗേജിൽ വിട്ടതാണ് . പടികൾ ഇറങ്ങി താഴേക്കു നടന്നു.നല്ല തണുപ്പുണ്ട് . ബസിൽ കയറി. ബസ് ഞങ്ങളെ ടെര്മിനലിലേക്കു കൊണ്ടു പോയി .
‘ടോ , എനിക്ക് വിസ ഉണ്ട് ,സ്റ്റാമ്പ് ചെയ്തതാ, നീ വിസ സ്റ്റാമ്പ് ചെയ്തിട്ട് പുറത്തു വരുന്ന വഴിക്കു ഞാൻ ഉണ്ടാവും , എനിക്ക് അങ്ങോട്ട് വരാൻ കഴിയില്ല, ഡോക്യൂമെന്റസ് എല്ലാം കയ്യിൽ വെച്ചോ, ഒന്നും വിടേണ്ട .
‘ആണോ , നോക്കട്ടെ’
‘ഫോണിൽ വൈഫൈ കണക്ട് ചെയ്തോ , എന്തേലും ഉണ്ടെങ്കിൽ മെസ്സേജ് അയച്ചാൽ മതി ‘
‘ശെരി, ഞാൻ നോക്കീട്ട് അയക്കാം’
വിസ സ്റ്റാമ്പ് ചെയുന്ന സ്ഥലം കാണിച്ചുകൊടുത്ത് ഞാൻ വേറെ വഴിയിലൂടെ പുറത്തിറങ്ങി ,എനിക്ക് ഒരു വർഷത്തേക്കുള്ള മൾട്ടി എൻട്രി വിസ ഉണ്ട് . രണ്ടു മാസത്തെ വാലിഡിറ്റി കൂടി വിസക്കുണ്ട് .എമിഗ്രേഷൻ ചെക്കിങ് കഴിഞ്ഞു . അവൾ പുറത്തേക്കു വരുന്നതും കാത്ത് ഞാൻ അവിടെ നിന്നു .ആ സമയം ഫോണിൽ എയർ പോർട്ടിന്റെ വൈഫൈ കണക്ട് ചെയ്ത് സിം മാറ്റി ഇട്ടു .
ഇരുപത് മിനിട്ടുകക്കുള്ളിൽ അവൾ വന്നു . എല്ലാം ഓക്കേ ആണ് , വിസ സ്റ്റാമ്പ് ചെയ്തു എന്ന് പറഞ്ഞു , ശേഷം ഞങ്ങൾ ലഗേജ് എടുക്കുവാനായി നടന്നു . രണ്ടുപേരുടെയും ലഗേജ് ഒരു ട്രോളിയിൽ വെച് എയർ പോര്ടിനു പുറത്തേക്ക് . പുറത്തേക്കു നടക്കുന്നതിനിടയിൽ ഞാൻ വിജയിയെ ഫോണിൽ ബന്ധപെട്ടു , പത്തു മിനിട്ടു കൊണ്ട് പുറത്തു ഉണ്ടാകും എന്ന് പറഞ്ഞു ആൾ ഫോൺ കട്ട് ചെയ്തു.
‘നിനക്ക് ഇവിടത്തെ സിം വേണ്ടേ ?’
‘വേണം ‘
‘എന്നാൽ വാ ‘
അവൾക്കായി ഒരു സിം എടുത്തു , കുറച്ചു പൈസക്ക് റീചാർജും ചെയ്ത ഒരു ഇന്റർനെറ്റ് ഓഫറും കയറ്റി കൊടുത്തു .
‘നിന്റെ കയ്യിൽ ഇവിടുത്തെ പൈസ വല്ലതും ഉണ്ടോ ‘
‘ഇല്ല, കുറച്ച് ഇന്ത്യൻ രൂപ കയ്യിൽ ഉണ്ട്, പിന്നെ എടിഎം കാർഡും ഉണ്ട് , അതിൽ പൈസ ഉണ്ട് , ഇവിടെ ചിലവൊന്നും ഇല്ല, ഫുഡും റൂമും അവർ തരും ‘
‘ പേഴ്‌സ് തുറന്നു ഞാൻ അവൾക്കു അൻപത് ഡോളർ നൽകി . ‘തത്കാലം ഇത് കയ്യിൽ വെച്ചോ’
അവൾ ഒരു മടിയും കൂടാതെ അത് വാങ്ങി അവളുടെ ബാഗിൽ വെച്ചു
‘എന്തെങ്കിലും ആവശ്യം ഉണ്ടെങ്കിൽ എന്നോട് പറഞ്ഞാൽ മതി ‘
അവൾ എന്റെ ഫോൺ നമ്പർ വാങ്ങി .
‘വാട്സാപ്പിൽ മെസേജ് അയചാൽ കിട്ടൂലെ ‘ അവൾ ചോദിച്ചു
‘ആ , അത് നാട്ടിലെ നമ്പർ തന്നെ ആണ് , നിന്റെ കയ്യിൽ ഉള്ളതല്ലേ’
‘ഉം ,ഉണ്ട്’
ഞങ്ങൾ പുറത്തേക്കു നടന്നു . നല്ല തണുപ്പ് ഉണ്ട് , ഇവിടെ വിന്റെർ ആണ് . പകലും രാത്രിയിലും നല്ല തണുപ്പാകും .നല്ല കാലാവസ്ഥ, നാട്ടിൽ നല്ല മഴയായിരുന്നു , ഗൾഫിൽ നല്ല ചൂട് ,ഇവിടെ നല്ല തണുപ്പ്, ആഹാ പ്രകൃതിയുടെ ഓരോ ലീലാവിലാസങ്ങൾ . മഴ ഇവിടെയും ചെറുതായി പെയ്യുന്നുണ്ട് . ഈ മാസത്തിൽ ആണ് ഇവിടെ ഏറ്റവും തണുപ്പ് അനുഭപ്പെടുന്നത്.
വിജയ് പുറത്തു കാത്ത് നിൽക്കുന്നുണ്ടായിരുന്നു . എന്നെ കണ്ടപ്പോൾ ആൾ ഓടി വന്നു കെട്ടിപിടിച്ചു
‘കൈസെ ഹോ ഭായ് ‘ അവൻ ചോദിച്ചു
‘ടിക് ട്ടാക് ഹേ , ഓർ ആപ് ‘
‘സബ് ബഡിയ ,ചൽത്തെ ഹേ ഭായ് ‘
ഞങ്ങൾ ചിരിച്ചു
‘ചലോ ‘
അവൻ ഞങ്ങളെ കൂട്ടി കാറിന്റെ അടുത്തേക്ക് പോയി , ഇതിനിടയിൽ അവൻ നിമ്മിയെ പറ്റിയെല്ലാം ചോദിച്ചു മനസിലാക്കി . എന്റെ റൂം യൂണിവേഴ്‌സിറ്റിക്ക് അടുത്താണ് . കഷ്ട്ടിച്ചു ഒരു കിലോമീറ്റർ മാത്രമേ ഉള്ളു എന്ന് അവൻ പറഞ്ഞു . അവൾക്കത് മനസിലായി ,ഹിന്ദിയിൽ നിമ്മിക്ക് നല്ല പരിജ്ഞാനം ഉണ്ട് .
ലഗേജ് എല്ലാം ഡിക്കിയിൽ വെച്ചു . ഞാൻ മുന്നിലായും അവൾ പിറകിലായും ഇരുന്നു . കാർ മെല്ലെ നീങ്ങി തുടങ്ങി . സമയം രാവിലെ 6 ആവുന്നതേ ഉള്ളു . വിശപ്പില്ല. ഏകദേശം അര മണിക്കൂർ യാത്രയുണ്ട് . അത്ര നേരം ഞങ്ങൾ സംസാരിച്ചിരുന്നു .
റോഡിൽ തിരക്ക് വളരെ കുറവായിരുന്നു . എനിക്ക് ബുക്ക് ചെയ്ത റെന്റ് എ കാർ ഇന്ന് വൈകീട്ട് കിട്ടും എന്ന് വിജയ് പറഞു . കുഴപ്പമില്ല, എനിക്ക് ഇന്ന് നന്നായി ഒന്ന് ഉറങ്ങണം എന്ന് ഞാൻ അവനോട് പറഞ്ഞു . നല്ല തല വേദന എടുക്കുന്നുണ്ട് , ഉറക്കം ശെരിയായിട്ടില്ല .
