“”…ആഹാ.! എത്തിയോ..?? എങ്ങനുണ്ടായ്രുന്നൂ
ഒറക്കോക്കെ..??”””_ ഡൈനിങ് ഹോളിലെത്തീതും അടുക്കളയിൽനിന്ന് എന്നെക്കണ്ട ചേച്ചിയൊരുകുത്ത്…
“”…അതെന്താടീ പതിവില്ലാതൊരന്വേഷണം..??”””_ അപ്പോൾ അടുക്കളവാതിലിലൂടെ കയറിയങ്ങോട്ടേയ്ക്കുവന്ന അച്ഛൻതിരക്കീതും,
“”…അതുപിന്നെ പതിവില്ലാതോരോന്നൊക്കെ കാട്ടുമ്പോൾ നമ്മളുംതിരക്കണ്ടേ അച്ഛാ..??”””_ ചോദിയ്ക്കുമ്പോഴും ചേച്ചിയുടെ മുഖത്താ അവലക്ഷണംകെട്ട ചിരിയുണ്ട്…
കോപ്പ്.!
””…പിന്നേ… അവനിച്ചരെ കള്ളുകുടിച്ചൂന്നുമ്പറഞ്ഞ് നീയവനിങ്ങനെ കളിയാക്കുവൊന്നുമ്മേണ്ട..!!”””_ എന്നെ സപ്പോർട്ടുചെയ്തുകൊണ്ട് അച്ഛനങ്ങനെ പറഞ്ഞതും എനിയ്ക്കുചെറിയൊരാശ്വാസം…
ഉടനെ,
“”…അതന്നെ… ഇന്നലെത്തൊട്ടേ തുടങ്ങീതാ രണ്ടൂടി, ആ കൊച്ചിനെയിട്ട് കളിയാക്കാൻ… അവനൊരബദ്ധം പറ്റിപ്പോയി… എന്നുകരുതിയാരും അവന്റെ നെഞ്ചത്തേയ്ക്കങ്ങനെ കേറുവൊന്നുമ്മേണ്ട..!!”””_ അച്ഛന്റെ പിന്നാലെ അമ്മയുമെന്റെപക്ഷം ചേർന്നു…
“”…അബദ്ധോ..??”””_ അങ്ങോട്ടേയ്ക്കുവന്ന ജോക്കുട്ടന്റെ വായീന്നാണതു വന്നത്…
ശേഷം,
“”…അവൻ കുടിയ്ക്കുന്നേൽ കുടിച്ചോട്ടേ… ഒരു പ്രശ്നോമില്ല… എന്നുകരുതി മീനൂനെക്കൊണ്ട്കൂടി കുടിപ്പിച്ചേനാ ഞങ്ങളങ്ങനെ പറഞ്ഞത്..!!”””_ അവന്റെ വിശദീകണവുമെത്തി…
“”…അവളെ കുടിപ്പിച്ചെന്നോ..??”””_ കേട്ടതും അങ്കിളെന്നെ തുറിച്ചുനോക്കി…
“”…എന്റങ്കിളേ… ഇവര് നൊണപറയുവാ… ഞാനവളെ കുടിപ്പിച്ചേന്നുവില്ല…
അവളവൾടെ ഇഷ്ടത്തിനുകേറി കുടിച്ചതാ… പിന്നെ അടിച്ചുവീലായപ്പോൾ ഞാനെടുത്തിട്ടുവന്നൂന്ന് മാത്രം..!!”””_ ഒന്നുനിർത്തിയശേഷം,
“”…അതേ… അവളെ ഞാനായ്ട്ടാണു കുടിപ്പിച്ചേങ്കിൽ അതു നിങ്ങളോടെ തുറന്നുസമ്മയ്ക്കാൻ എനിയ്ക്കൊരു മടീമില്ല..!!”””_ എന്നുകൂടി കൂട്ടിച്ചേർത്തപ്പോൾ പിന്നെയാരും വാപൊക്കീല…
അല്ലേൽചിലപ്പോൾ ഹോസ്പിറ്റലിൽനടന്നേന്റെ ബാക്കി അടുക്കളേൽ നടന്നാലോന്നുള്ള പേടിയുമുണ്ടാവും…
“”…ഇതുങ്ങളങ്ങനൊക്കെ പലതുമ്പറയും, സിദ്ധുവതൊന്നും കാര്യവാക്കണ്ടാട്ടോ… മോനിരിയ്ക്ക്, അമ്മ കഴിയ്ക്കാനെടുക്കാം..!!”””_ എന്റെ നെറുകംതലയിൽ കുറച്ചു തണുത്തവെള്ളമൊഴിയ്ക്കുമ്പോലെ അമ്മപറഞ്ഞതും ഞാനാരേം മൈൻഡാക്കാതെ കഴിയ്ക്കാനിരുന്നു…
“”…എടാ ചെക്കാ… നിനക്കു ഫീലാവാമ്മേണ്ടി പറഞ്ഞതല്ലടാ… ഞങ്ങളൊരു തമാശയേ ഉദ്ദേശിച്ചുള്ളൂ..!!”””_ അമ്മ കാസ്ട്രോളിൽനിന്നും ദോശ പ്ളേറ്റിലേയ്ക്കിടുമ്പോൾ ചേച്ചി ചായയുമായങ്ങോട്ടേയ്ക്കു വന്നു…
“”…വേണ്ട… ഇനി നിന്റൊരു വിശദീകരണവും എന്റെകുഞ്ഞിനു കേൾക്കണ്ട…
മോൻ കഴിയ്ക്ക്..!!”””_ ചേച്ചിയുടെ കയ്യീന്ന് ചായമേടിച്ചെന്റെ മുന്നിൽവെച്ചുകൊണ്ട് അമ്മ മറുപടികൊടുക്കുമ്പോൾ അങ്കിളുമെന്റടുത്തായി കഴിയ്ക്കാനിരുന്നു…
കൂട്ടത്തിലെന്നെനോക്കിയൊരു ചിരിയും…
…എന്നാലും ഇയാളെപ്പോലൊരു നല്ലമനുഷ്യന് എങ്ങനാണാവോ എന്റെതന്തേടെ കൂട്ടുകിട്ടീത്..??
“”…എടിയേ… ഇപ്പൊ കെളവനും കെളവിയ്ക്കും നമ്മളെവേണ്ടാട്ടെടീ… സിദ്ധുമതി… ആ… എന്നാന്നുവെച്ചാ ആയിക്കോട്ടേ..!!”””_ പൊണ്ടാട്ടിയേംമണത്ത്
പിന്നാലേവന്ന
ജോയതുപറഞ്ഞതും,
“”…ആ മതി.! അതിനു നെനക്കെന്താപ്പൊ..??”””_ അമ്മ തിരിച്ചുചോദിച്ചു…
“”…ഓ.! ഞങ്ങക്കൊന്നുവില്ലായേ..!!”””_ ചേച്ചി തുടർന്നു…
“”…പിന്നെ ഇവനെയിങ്ങനിട്ടു കൊഞ്ചിയ്ക്കുമ്പോൾ നിങ്ങളൊന്നാലോചിച്ചോണം, ഇതൊന്നുമറിയാതൊരു കുഞ്ഞുപൈതൽ മേലെക്കിടന്നുറങ്ങുന്നുണ്ട്..!!”””
“”…അതേ…
അടിച്ചുതാമരയായി
വാളുംവെച്ച്..!!”””_ ചേച്ചിപറഞ്ഞതിനെ ജോക്കുട്ടൻ പൂരിപ്പിച്ചതും രണ്ടൂടൊറ്റച്ചിരിയായ്രുന്നു…
കൂട്ടത്തിലങ്കിളും അമ്മയുംകൂടിചേർന്നപ്പോൾ അത്രയുംനേരം എയറുപിടിച്ചിരുന്ന ഞാനുമൊന്നു ചിരിച്ചുപോയി…
അപ്പോഴാണ് രാവണന്റെവരവ്…
സോറി മീനാക്ഷീടെവരവ്…
ഞാനിന്നലെധരിപ്പിച്ച ടീഷർട്ടോ പാവാടയോമാറ്റാതെ അതേ ഡ്രെസ്സിൽത്തന്നെവരുന്ന കക്ഷിയെക്കണ്ടതും
ഞങ്ങളെനോക്കി ചേച്ചി മിണ്ടല്ലേന്നാംഗ്യംകാട്ടി…
ശേഷം ചിരികടിച്ചമർത്തിയപ്പോൾ ഒരു വെകിടച്ചിരിയോടെ ജോക്കുട്ടനെന്റെതിരെയുള്ള കസേരയിലേയ്ക്കിരിയ്ക്കുവേം ചെയ്തു…