“രാജീവിന് ശത്രുക്കള്‍ ആരെങ്കിലും ഉള്ളതായി നിനക്ക് അറിവുണ്ടോ?”
“അങ്ങനെ പറയാന്‍…കുറെ ദിവസങ്ങള്‍ക്ക് മുന്‍പ് റോയി ശിവന്‍ എന്ന രണ്ടുപേര്‍ രാജീവിനെ കാണാന്‍ വന്നിരുന്നു..” ചെറിയ ചമ്മലോടെ ഷാഫി പറഞ്ഞു. എസ് പി വസീമിനെ നോക്കി.
“അവര്‍ക്ക് അവനോടു ശത്രുത ഉണ്ടോ?” എസ് പി ചോദിച്ചു.
“കാണും സര്‍..കാരണം രാജീവ് അവന്റെ സഹോദരിയെ വിവാഹം കഴിക്കാന്‍ ആഗ്രഹിച്ചിരുന്നു..പക്ഷെ അവള്‍ക്ക് അവനെ ഇഷ്ടമായിരുന്നില്ല..അതിന്റെ പേരില്‍ അവള്‍ വീട്ടില്‍ പരാതിയോ മറ്റോ പറഞ്ഞത് ചോദിയ്ക്കാന്‍ വന്നതാണ്‌ അവര്‍”
“ആരാണീ ശിവന്‍?” എസ് പി വസീമിനോട് ചോദിച്ചു.
“റോയിയുടെ സുഹൃത്താണ് സര്‍..”
“ഒകെ..അവര്‍ രാജീവിനെ ഭീഷണിപ്പെടുത്തുകയൊ മറ്റോ ചെയ്തോ?”
“ഇല്ല സര്‍..പക്ഷെ അവന്റെ മനസ്സില്‍ പക ഉണ്ട് എന്നെനിക്ക് തോന്നിയിരുന്നു…”
“പക തോന്നാനുള്ള കാരണം?” ചോദ്യം വസീമിന്റെ വക ആയിരുന്നു. ഷാഫി വിളറുന്നത് എസ് പിയും സി ഐയും ശ്രദ്ധിച്ചു.
“റോയിയുടെ സഹോദരിയെ രാജീവ് ഉപദ്രവിച്ചിരുന്നോ? വിവാഹം കഴിക്കണം എന്ന് പറഞ്ഞതിന്റെ പേരില്‍ ആര്‍ക്കും പക തോന്നേണ്ട കാര്യമില്ലല്ലോ…” സി ഐ ചോദിച്ചു.
“ശങ്കര്‍..ഇപ്പോള്‍ ഈ ചോദ്യങ്ങള്‍ക്ക് പ്രസക്തി ഇല്ല..നമുക്ക് വേണ്ടി വന്നാല്‍ ഇവനെ വീണ്ടും ചോദ്യം ചെയ്യാം..ഉം..നീ പൊക്കോ..സ്റ്റേഷന്‍ പരിധി വിട്ട് എങ്ങും പോകരുത്..എപ്പോള്‍ വിളിപ്പിച്ചാലും വരണം…”
“ശരി സര്‍” ഷാഫി പുറത്തേക്ക് പോയി.
“വസീം..ഈ ശിവനെ നിങ്ങള്‍ എന്തുകൊണ്ട് കൊണ്ടുവന്നില്ല..റോയിയുടെ വലംകൈ ആണ് അവനെന്നല്ലേ ഷാഫി തന്ന മൊഴിയില്‍ നിന്നും മനസിലാകുന്നത്.?” എസ് പി വസീമിനെ നോക്കി ചോദിച്ചു.
“സര്‍ അവര്‍ ക്രിമിനല്‍സ് ഒന്നുമല്ല..രണ്ടു സാധാരണ ചെറുപ്പക്കാര്‍ മാത്രമാണ്..എനിക്കവരെ നന്നായി അറിയാം…രാജീവ് വധക്കേസില്‍ അവരെ സംശയിക്കാനുള്ള കാരണം ഉണ്ടെന്നല്ലാതെ അവര്‍ അത്തരമൊരു കൃത്യം ചെയ്യും എന്ന് ഞാന്‍ കരുതുന്നില്ല….പിന്നെ ശിവനും റോയിയും ഒരുമിച്ചാണ് പുറത്ത് പോയിരുന്നത്..വീട്ടില്‍ എത്തിയാലുടന്‍ രണ്ടുപേരും ഇവിടെ എത്തും..” വസീം പറഞ്ഞു.
“നിങ്ങള്‍ക്ക് അവന്മാരോട് എന്തോ ഒരു സോഫ്റ്റ്‌ കോര്‍ണര്‍ ഉണ്ടല്ലോ? നോക്ക് വസീം..നമുക്ക് ആരെയും ഒഴിവാക്കാന്‍ സാധ്യമല്ല..നിങ്ങള്‍ പറഞ്ഞത് ശരിയാണ് എങ്കില്‍ ഈ കേസില്‍ ഏറ്റവും സംശയിക്കപ്പെടാന്‍ സാധ്യതയുള്ളവര്‍ റോയിയും ശിവനും തന്നെയാണ്…പ്രത്യേകിച്ചും അവന്റെ സഹോദരിയെ തട്ടിക്കൊണ്ടു പോകാന്‍ ശ്രമം നടന്ന സ്ഥിതിക്ക്..അതിന്റെ പിന്നില്‍ രാജീവാണ് എന്നവര്‍ കരുതിക്കാണണം..”
“അത് ശരിയാണ് സര്‍..അങ്ങനെ ഒരു സംശയം അവര്‍ക്കുണ്ട്..”
“ഉം..അതാണ്‌ ഞാന്‍ പറഞ്ഞത്….ഇപ്പോള്‍ ചിത്രം ഏറെക്കുറെ വ്യക്തമാണ്‌…റോയിക്ക് രാജീവിനോട്‌ പക ഉണ്ടായിരുന്നു. ശിവനും അവനും കൂടി ഗൂഡാലോചന നടത്തി എങ്ങനെയോ അവനെ വധിച്ചു എന്നാണ് എന്റെ അനുമാനം. അവര്‍ നേരിട്ടോ അതല്ലെങ്കില്‍ വേറെ ആള്‍ മുഖേനയോ ആണ് ഈ കൃത്യം നടത്തിയിട്ടുള്ളത്..അവന്മാരെ എത്രയും വേഗം കണ്ടെത്തിയേ പറ്റൂ..ഒപ്പം എന്റെ മറ്റു ചില സംശയങ്ങള്‍ കൂടി നമുക്കൊന്ന് പരിശോധിക്കാം..അത് കഴിഞ്ഞു വേണം പരമേശ്വരനെ എനിക്ക് കാണേണ്ടത്…”
“യെസ് സര്‍..”
“നമുക്ക് ആ ദിവസത്തെ സംഭവം ഒന്ന് പുന പരിശോധിക്കാം..തുടക്കം നിങ്ങളില്‍ നിന്നു തന്നെ ആകട്ടെ..അന്ന് രാജീവിനെ പിടികൂടാന്‍ പോകുന്ന വിവരം നിങ്ങള്‍ മുന്‍‌കൂര്‍ ആയി ആരോടെങ്കിലും പറഞ്ഞിരുന്നോ?” എസ് പി ചോദിച്ചു.
“ഇല്ല സര്‍..അതൊരു രഹസ്യമായ നീക്കം ആയിരുന്നു. കാരണം രാജീവിന്റെ പിടിപാട് എനിക്കറിയാം..അവനെതിരെ ഞാന്‍ സംസാരിച്ചാല്‍ അത് ആ നിമിഷം തന്നെ അവന്റെ കാതില്‍ എത്തും..കൂടെയുള്ളവരെ അങ്ങനെ കണ്ണടച്ചു വിശ്വസിക്കാന്‍ പറ്റില്ലല്ലോ സര്‍ പോലീസില്‍..”
“അതെ..ശരിയാണ്..അപ്പോള്‍ നിങ്ങള്‍ അവിടേക്ക് പോകുന്ന വിവരം ഒരാളും അറിഞ്ഞിട്ടില്ല..അല്ലെ?”
“ഇല്ല സര്‍..”
“ഒകെ..നിങ്ങള്‍ അവിടെ എത്തി അവനെ വിളിപ്പിക്കുന്നു. ബെയറര്‍ അവനെ കൊണ്ടുവരാനായി ലിഫ്റ്റില്‍ മുകളിലേക്ക് പോകുന്നു. തിരികെ അഞ്ചു മിനിറ്റ് കഴിഞ്ഞപ്പോള്‍ അവര്‍ എത്തുന്നത് രാജീവിന് നാലാം നിലയില്‍ വച്ച് കുത്ത് ഏറ്റ ശേഷമാണു..ഇത് എങ്ങനെ സംഭവ്യമാണ്?” എസ് പി നെറ്റിയില്‍ വിരലോടിച്ച് സി ഐ യെയും എസ് ഐ യെയും നോക്കി ചോദിച്ചു.
“സര്‍..ഒരു സാധ്യത ഞാന്‍ പറയാം..എന്റെ ഒരു അനുമാനം ആണ്..” സി ഐ എസ് പിയെ നോക്കി തുടര്‍ന്നു:
“ബെയറര്‍ രാജീവിനെ വിളിക്കാന്‍ ചെല്ലുന്നു. താഴെ പോലീസ് താങ്കളെ തിരക്കുന്നു എന്ന് പറയുന്നു. ഈ സമയത്ത് കൊലയാളി ഡാന്‍സ് ഫ്ലോറില്‍ ഉണ്ടായിരുന്നിരിക്കണം. എന്റെ ഊഹം ശരിയാണ് എങ്കില്‍ രാജീവിനെ കൊലപ്പെടുത്തനായി അയാള്‍ മുന്‍കൂട്ടി അവിടെ പ്രവേശിച്ചിരുന്നിരിക്കണം. അവന്റെക.മ്പി.കു.ട്ടന്‍.നെ..റ്റ് ഓരോ നീക്കവും ശ്രദ്ധിച്ച് തൊട്ടടുത്ത് തന്നെ അജ്ഞാതനായ ആ കൊലയാളി ഉണ്ടായിരുന്നു. പോലീസ് രാജീവിനെ അറസ്റ്റ് ചെയ്‌താല്‍ അവന്‍ രക്ഷപെടും എന്ന് മനസിലാക്കിയ കൊലയാളി അവന്‍ താഴേക്ക് പോകുന്നു എന്നറിഞ്ഞ നിമിഷം തന്നെ മറ്റൊരു ലിഫ്റ്റില്‍ താഴെ എത്തി നാലാം നിലയില്‍ കാത്ത് നില്‍ക്കുന്നു..രണ്ടു ലിഫ്റ്റുകള്‍ ആണ് അവിടെ ഉള്ളത്..അല്ലെ വസീം?”
“അതെ സര്‍”
“നാലാം നിലയില്‍ ഇറങ്ങിയ കൊലയാളി ബട്ടന്‍ അമര്‍ത്തി മറ്റേ ലിഫ്റ്റ്‌ വരാന്‍ കാത്ത് നില്‍ക്കുന്നു..അതിന്റെ ഡോര്‍ തുറന്ന നിമിഷം അവന്‍ ഉള്ളില്‍ കയറി കൃത്യം നടത്തിയിട്ട് ഓടിക്കളയുന്നു…എന്ത് തോന്നുന്നു സര്‍?” സി ഐ എസ് പിയുടെ പ്രതികരണത്തിനായി നോക്കിക്കൊണ്ട് പറഞ്ഞു നിര്‍ത്തി.
“വളരെ ശരിയായ ഒരു അനുമാനമാണ്..അതാകാം സംഭവിച്ചത്…അങ്ങനെ ആണെങ്കില്‍ നമുക്ക് മറ്റേ ലിഫ്റ്റിന്റെ ക്യാമറ പരിശോധിക്കണം. ആ സമയത്ത് അതില്‍ ആരാണ് താഴേക്ക് പോയത് എന്നറിഞ്ഞാല്‍ കാര്യം ക്ലിയര്‍..എന്ത് പറയുന്നു വസീം?”
“അതെ സര്‍..അങ്ങനെ ചെയ്യാം”
“ഒപ്പം..അന്ന് ഡാന്‍സ് ഫ്ലോറില്‍ ഉണ്ടായിരുന്ന എല്ലാ ആളുകളുടെയും പേര് വിവരങ്ങള്‍ എനിക്ക് കിട്ടണം..ശങ്കര്‍ പറഞ്ഞ സാധ്യത തന്നെയാണ് എനിക്കും തോന്നുന്നത്. രാജീവിന് മുന്നേ മറ്റൊരാള്‍ താഴേക്ക് പോയിട്ടുള്ളതായി ആര്‍ക്കെങ്കിലും അറിയാമെങ്കില്‍ അതും ചോദിച്ചറിയണം..” എസ് പി എഴുന്നേറ്റുകൊണ്ട് പറഞ്ഞു.
“ഷുവര്‍ സര്‍” വസീം പറഞ്ഞു. അയാളും സി ഐയും എഴുന്നേറ്റു.
“പിന്നെ..റോയിയും ശിവനും ഇന്ന് വൈകുന്നേരത്തിനുള്ളില്‍ എത്തിയില്ല എങ്കില്‍, അവന്മാരെ തിരഞ്ഞു കണ്ടുപിടിക്കണം. വേണ്ടിവന്നാല്‍ ഒരു ലുക്കൌട്ട് നോട്ടീസ് ഇടുക” എസ് പി തൊപ്പി തലയില്‍ വച്ചിട്ട് ഇരുവരോടുമായി പറഞ്ഞു.
