ഇത്രയേ ഉള്ളോ…
ഇനിയും ഉണ്ട് എല്ലാം കൂടെ എടുത്താൽ കൊണ്ടുപോവാൻ പറ്റില്ലല്ലോ അതാ…
നമുക്കൊരു ഓട്ടോറിക്ഷ വിളിച്ചു പോവാം…
അവനെന്നെ നോക്കുന്നത് കണ്ട്
ഓട്ടോ പൈസ ഇപ്പൊ ഞാൻ കൊടുക്കാം വിറ്റുകഴിഞ്ഞിട്ട് നിങ്ങൾക്ക് ലാഭമുണ്ടെങ്കിൽ മാത്രം എനിക്ക് ഓട്ടോ പൈസ തിരിച്ചുതന്നാൽ മതി…
അവൻ ആലോചിച്ച ശേഷം സമ്മതിച്ചു അല്പം മാറി റോഡിൽ നിന്ന് ഓട്ടോ വിളിച്ച് അവന്റെ വീട്ടിൽ വന്നു പട്ടങ്ങളും വണ്ടിയിൽ കയറ്റി ഞങ്ങൾ വീണ്ടും ബീച്ച്ലേക്ക് തിരിച്ചു പോവും വഴി സ്കെച്ചുപെന്നുകളും കുറച്ച് പേപ്പറുകളും ഒരു പെനും ഒരു റൈറ്റിംഗ് ബോർഡും ഒരു വിസിലും കൂടെ വാങ്ങി ബീച്ചിൽ എത്തി
ഉച്ചത്തിൽ വിളിച്ചുകൂവാനറിയുമോ…
അവനെന്നെ നോക്കി
“പട്ടം പറത്തൂ കൈ നിറയെ സമ്പാതിക്കൂ” എന്ന് വിളിച്ച് പറയ്…
അവനെന്നെ നോക്കി
വിളിച്ച് പറയ്…
അതെങ്ങനെയാ പട്ടം പറത്തിയാൽ കാശു കിട്ടുന്നത്
അതൊക്കെ കിട്ടും… വിളിച്ച് പറ…
അവനെന്നെ ആവിശ്വാസത്തോടെ നോക്കി
പേരെന്താ…
കണ്ണൻ…
എഴുതാൻ അറിയുമോ…
അറിയാം…
എങ്കിൽ കണ്ണൻ ഈ പട്ടങ്ങളിൽ അവയുടെ വിലയുടെ ഇരട്ടി എഴുത് ഒപ്പം കണ്ണൻ എന്ന് പേരും ഒന്ന് മുതൽ അക്കങ്ങളും എഴുത്…
അവൻ എന്നെ തന്നെ നോക്കി നിൽക്കെ
ആൾക്കാരെ ഞാൻ വിളിച്ചുകൂട്ടാം… എഴുതി എഴുതിയ വിലക്ക് പട്ടം വിറ്റാൽ മതി…
അവനോട് പറഞ്ഞുകൊണ്ട് ചുറ്റുമുള്ള ആളുകളെ ഒന്ന് നോക്കി ഒരു പട്ടം അല്പം ഉഴരത്തിലേക്ക് പറത്തി പിടിച്ചു
ഓടിവാ… പട്ടം പറത്തൂ കൈ നിറയെ സമ്പാതിക്കൂ… ഓടിവാ ഓടിവാ… ഈ ഓഫർ അല്പസമയത്തേക്ക് മാത്രം… മിനിറ്റുകൾകൊണ്ട് ആയിരങ്ങൾ സമ്പാദിക്കുവാൻ നിങ്ങൾക്കിതാ ഒരു സുവർണവസരം… ഇന്നുവരെ ആരും കൊടുക്കാത്ത ഓഫർ ഈ ഓഫർ അല്പസമയത്തേക്ക് മാത്രം… നിങ്ങളുടെ കഴിവ് തെളിയിക്കാൻ നിങ്ങൾക്കുമുന്നിൽ ഒരു സുവർണാവസരം വന്നിരിക്കുന്നു… ഇന്നുവരെ ആരും കൊടുക്കാത്ത ഓഫർ ഈ ഓഫർ അല്പസമയത്തേക്ക് മാത്രം…
വിളിച്ചുപറച്ചിൽ കേട്ട് ആളുകൾ കൂടി എല്ലാവരുടെയും കണ്ണുകൾ എന്നെയും പട്ടത്തെയും നോക്കി നിൽക്കെ
ഒരു പട്ടം വാങ്ങി പറത്തിയാൽ പട്ടത്തിന്റെ വിലയുടെ പത്തിരട്ടി നിങ്ങൾക്ക് സമ്പാദിക്കാം… നിങ്ങൾ നൂറ് രൂപയുടെ പട്ടമാണ് പറത്തുന്നത് എങ്കിൽ നിങ്ങൾക്ക് ആയിരം രൂപ ഉണ്ടാക്കാൻ പറ്റും… വിശ്വാസമില്ലേ… ഇതൊരു മത്സരമാണ്… ഞങ്ങളോട് വാങ്ങി പറത്തുന്ന മറ്റുള്ള പട്ടങ്ങളെ എല്ലാം നൂല് പൊട്ടിച്ചു നിങ്ങളുടെ പട്ടം തിരികെ എടുത്താൽ നിങ്ങൾക്ക് നിങ്ങൾ വാങ്ങിയ പട്ടത്തിന്റെ പത്തിരട്ടിപൈസ തരുന്നതായിരിക്കും… നമ്മുടെ സ്വന്തം കണ്ണൻ അറുപതു രൂപ മുതൽ ഇരുന്നൂറ് രൂപയുടെ പട്ടങ്ങൾ വരെ നിങ്ങൾക്കായി നൽകുവാനായി നിൽക്കുന്നു… ഈ പട്ടങ്ങൾ തീരും വരെ മാത്രമാണ് ഈ ഓഫർ… കണ്ണന്റെ കൈയിൽ പട്ടത്തിന്റെ വില കൊടുത്ത് പേര് പറയുന്ന ആർക്കും ഇതിൽ വിജയി ആയി പണം സമ്പാദിക്കാം…
കണ്ണന്റെ മുനിലുള്ള നാല് തരം പട്ടങ്ങളും ഓരോന്നായി ഉയർത്തിപിടിച്ച് വില ഉറക്കെ വിളിച്ചുപറഞ്ഞു
ആളുകൾ തിക്കിതിരക്കാൻ തുടങ്ങി
കണ്ണന്റെ കൈയിൽ നിന്നും പട്ടം വാങ്ങി പേര് പറഞ്ഞു തരുന്നവരുടെ പേരും അവരുടെ പട്ടത്തിന് മേലുള്ള ക്രമനുമ്പറും എഴുതിയെടുത്തുകൊണ്ടിരുന്നു
ഒരു മണിക്കൂറിനുള്ളിൽ മുഴുവൻ പട്ടങ്ങളും ആളുകളുടെ കൈകളിലായി ചിരിയോടെ ഞാൻ കണ്ണനെ നോക്കെ അവന്റെ മുഖത്ത് അത്ഭുതഭാവമായിരുന്നു
പ്രായ ഭേദമന്യേ ആളുകൾ ഉത്സാഹത്തോടെ പട്ടം പറത്താൻ തുടങ്ങി ആകാശം നിറയെ പട്ടങ്ങൾ പാറി നടക്കേ പട്ടങ്ങൾ പലതും നൂലറ്റ് പറന്നു വിജയിയെ അറിയാനായി നൂല് പൊട്ടി പുറത്തായവരും മറ്റുള്ളവരും ആളുകൾ ആകാശത്തേക്ക് നോക്കിനിൽക്കേ പട്ടങ്ങൾ പലതും പിന്നെയും നൂലുപൊട്ടി പറന്നുകൊണ്ടിരുന്നു
പട്ടങ്ങളുടെ എണ്ണം കുറഞ്ഞുകൊണ്ടിരുന്നു അവസാനമായി ബാക്കിവന്ന പട്ടങ്ങൾ രണ്ടും തല്ലു പിടിച്ച് ഒരു പട്ടം പറന്നു പോയ പിറകെ ആളുകൾ കൈയടിച്ചയാളെ പോസാഹിപ്പിച്ചു പട്ടം കയ്യിലുണ്ടായിരുന്ന ആൾ പട്ടം വലിച്ചെടുത്തു അതിന്റെ നൂലും പൊട്ടാറായി നിൽപ്പുണ്ട്