“എങ്കി വീട്ടിലേക്ക് കൊണ്ടു പോവണ്ട ഇവളെ നമുക്ക് ഏതേലും ഹോസ്റ്റലിൽ നിർത്താം…നീ വരുന്നത് വരെ ഉള്ള കാര്യമല്ലേ ഉള്ളൂ….”
“അപ്പൊ ഇതുവരെ പറഞ്ഞതൊക്കെ കള്ളം ആണെന്ന് എല്ലാവർക്കും മനസിലാകും,… അവളെ ഹോസ്റ്റലിൽ നിന്നു അവളുടെ വീട്ടുകാർക്ക് കൊണ്ടു പോവാനാണോ പാട്‌,…നമുക്ക് അവളുടെ മേൽ ഒന്നും പറയാൻ പറ്റില്ല….”
“നിന്റെ പ്ലാൻ ഒക്കെ വെറും മണ്ടത്തരം ആണ്,…ഇതൊക്കെ പോട്ടെ…എന്നെ കെട്ടാൻ അവള് സമ്മതിക്കും എന്നു തോന്നുന്നുണ്ടോ….”
അവസാന ശ്രെമം എന്ന നിലയിൽ ഞാൻ ഒന്ന് എറിഞ്ഞു നോക്കി.
“ചാരു ആണോ…. അവൾക്ക് സമ്മതാ,…ഇന്നലെ രാത്രി മുതൽ ഞാൻ പറഞ്ഞു കൊണ്ടിരുന്നതാ,…അവൾ സമ്മതിച്ചിട്ടുണ്ട്….”
അവൻ പറയുന്നത് കേട്ട് ഞാൻ അവളെ ഒന്നു നോക്കി,… ചുരിദാറിന്റെ ഷാൾ കൊണ്ടു നിറഞ്ഞൊഴുകുന്ന കണ്ണീരു തുടച്ചുകൊണ്ട് അവൾ അവിടെ ഇരിക്കുന്നു,.
വെള്ള ചുരിദാർ,.. ഒളിച്ചോടുമ്പോൾ ഇടാൻ പറ്റിയ കളർ, ഞാൻ ആലോചിച്ചു,….ഓഹ് ഞാൻ ഒപ്പിച്ചതൊക്കെ ഓർത്തതും ആഹ് പുച്ഛം ബൂമെറാങ് പോലെ തിരിച്ചു വന്നതും ഞാൻ ഒന്ന് സ്വയം മടങ്ങി,.
എനിക്ക് പക്ഷെ ഇതൊന്നും ദഹിക്കാത്തത് കൊണ്ടു ഞാൻ പിന്നെയും തർക്കിച്ചുകൊണ്ടിരുന്നു. അവൻ ഇരുന്നു മോങ്ങാനും തുടങ്ങി,.
“നീ ഒന്നു കൊണ്ടും പേടിക്കണ്ട…ഇതെല്ലാം ഞാൻ സംസാരിച്ചു ശെരി ആക്കിക്കോളം…..ഞാൻ അവളെ കെട്ടാനും പോണില്ല,…പക്ഷെ നീ വരുമ്പോൾ അവൾ നമ്മുടെ കൂടെ ഉണ്ടാവും നീ പേടിക്കാതെ ഇരി…”
പറഞ്ഞുകൊണ്ട് ഞാൻ ഒന്ന് നീങ്ങിയതും എന്റെ കാല് തട്ടി അവിടെ ഇരുന്ന ഒരു ചെറിയ ഡ്രം വീണു,. അതൊന്നു നേരെ വെക്കാൻ ഞാൻ കുനിഞ്ഞതും എന്റെ നടുവിലൂടെ ഒരു പെരുപ്പ് കയറിപ്പോയി,. ഡ്രമ്മിൽ ഒരു യുദ്ധതിനുള്ള ആയുധമുണ്ട്, വടിവാളും, വാക്കത്തിയും കത്തിയും കോടാലിയും സൈക്കിൾ ചെയ്‌നും, എക്ക കൂടി ഒരു നോക്കു കണ്ടതും എന്റെ വായിൽ വെള്ളം വറ്റി, പെട്ടത് എവിടെ ആണെന്ന് ഒരൂഹം കിട്ടി, അവനപ്പോഴും ഫോണിലൂടെ കരച്ചിലും യാചനകളും നടത്തുന്നുണ്ടായിരുന്നു.
പെട്ടെന്ന് കതകിൽ കൊട്ടുന്ന സ്വരം കേട്ടതും ഞാൻ ഫോൺ താഴ്ത്തി പിടിച്ചു, ഞെട്ടി അവൾ എന്നെയും നോക്കുന്നുണ്ട്,.
“ഹെലോ…ഞങ്ങൾ അകത്തേക്ക് വന്നോട്ടെ,…”
പുറത്തു നിന്നു സ്വരം,.. ഓഹ് ഇവിടെ ആദ്യരാത്രിയുടെ ഇന്റർവെൽ ആണല്ലോ,….
“ചേട്ടാ…എല്ലാം ഞാൻ പറഞ്ഞതുപോലെ,….”
വെക്കും മുന്നേ അവൻ വീണ്ടും പറഞ്ഞു.
ഫോൺ വെച്ചപ്പോഴേക്കും കഷണ്ടി തിന്ന തലയും, വെള്ളമുണ്ടും ഷർട്ടും ധരിച്ച ഒരു അജാനുഭാഹു അകത്തേക്ക് കയറി ഇടതും വലതുമായി, രണ്ടു മൂന്നു ശിങ്കിടികളും,.
എല്ലാം തുറന്നു പറയാം എന്നുള്ള എന്റെ ചിന്ത മൊത്തം ആഹ് രൂപം കണ്ടപ്പോഴേ എങ്ങോട്ടോ ഒഴുകി പോയി. ഇരുണ്ട മുഖത്തു നെറ്റിയിൽ നീളത്തിൽ ഒരു വര, അതു കണ്ടപ്പോൾ ഡ്രമ്മിൽ ഇരുന്ന വടിവാളാണ് ഓർമ വന്നത്.
“ആഹാ ബോധം തെളിഞ്ഞു ആളങ്ങു ഉഷാറായല്ലോ….”
എന്നെ ഒന്ന് മൊത്തത്തിൽ നോക്കിയ അയാൾ പറഞ്ഞു,.
“ഹോ നീ ആണ് ആണ്കുട്ടി,….നീ RDP കാരനാണോ,…”
ബുൾസ് ഐ പോലുള്ള കണ്ണു തള്ളി അയാൾ ചോദിച്ചു,.
“അല്ല…ആഹ് അതേ…”
“ആഹ് വെരി ഗുഡ്,…അല്ലേലും ഞാൻ ഓർത്തു അങ്ങേരുടെ മോളെ പ്രേമിച്ചു അടിച്ചോണ്ടു പോരാൻ നമ്മടെ ചുണക്കുട്ടികൾക്കെ കൊണ്ടേ പറ്റൂ എന്നു.
മുന്നിൽ വന്നു നിന്നു അങ്ങേരു ഏതാണ്ടൊക്കെയോ വിളിച്ചു പറഞ്ഞോണ്ടിരുന്നു,.
“എന്നാൽ കൊച്ചിനെ നമ്മുടെ മെമ്പർ ചിത്രയുടെ വീട്ടിലേക്ക് കൊണ്ടു പൊക്കോ, ഒരുക്കി അമ്പലത്തിലേക്ക് കൊണ്ടു വന്നാൽ മതി, വരനെയും കൊണ്ടു ഞങ്ങൾ അങ്ങു എത്തിയേക്കാം,… തളർന്നൊടിഞ്ഞിരുന്ന അവളെയും കൂട്ടി രണ്ടു മൂന്നു പെണ്ണുങ്ങൾ പോകുന്നത് ഞാൻ നോക്കി നിന്നു,.
“ആഹ് നാറിക്കിട്ട് ഒരു നല്ല പണി കൊടുക്കാൻ ഞങ്ങൾ ഒത്തിരി ആയി മെനക്കെടുന്നു, ഈ കൊച്ചിനെ വളച്ചെടുക്കാൻ ഇവിടുള്ള കൊശവന്മാരെകൊണ്ടൊന്നും കൂടിയില്ല… മോന്റെ പേരെന്താ…”
“ഏഹ്….!”
“മോന്റെ പേരെന്താന്ന്…”
“വിവേക്….”
“ആഹ് അവസാനം ആഹ് INSP കാരൻ തെണ്ടിക്ക് പണി കൊടുക്കാൻ വിവേക് മോൻ വേണ്ടി വന്നു നിന്റെ ഒരു ഫോട്ടോ പ്രിന്റ് ചെയ്തു ഞാൻ വേണേൽ ദേ ഞങ്ങളുടെ താത്വിക ആചാര്യന്റെ അടുത്തു തൂക്കും,.
ഭിത്തിയിൽ ഒരു ബീഡിയും വലിച്ചു ഇരിക്കുന്ന ഒരു കിളവന്റെ ഫോട്ടോ ചൂണ്ടി അയാൾ പറഞ്ഞു,.
“എന്നാൽ കാര്യങ്ങൾ നടക്കട്ടെ,…മൂക്കിലെ ബാൻഡേജ് ഒരു അവലക്ഷണം ആണ് എന്നാലും സാരമില്ല,…
ഡാ പയ്യനെ ഒരുക്കണം…. പെട്ടെന്നായിക്കോട്ടെ…”
കൂടി നിന്നവരോട് പറഞ്ഞ ശേഷം അയാളെന്റെ തോളിൽ കൈ വെച്ചു എന്തോ അഭിമാനത്തോടെ എന്നെ നോക്കി,.
“ഹാ…..നന്നായി വരും…”
ആനന്ദ പുളകിതനായി അത്രയും പറഞ്ഞു അങ്ങേരു പുറത്തേക്ക് നടന്നു,… ഇങ്ങേരാരാ എന്റെ തന്തയോ….എന്നാണ് എനിക്ക് തോന്നിയത്,… അപ്പോഴേക്കും മുണ്ടും ചീപ്പും ഷർട്ടും ഒക്കെയായി ഒരു പട എനിക്ക് ചുറ്റും നിറഞ്ഞിരുന്നു.
“ഡാ ഇറങ്ങുമ്പോഴേക്കും കുറച്ചു പിള്ളേരെ കൂടെ കൂട്ടണം….പിന്നെ നമ്മുടെ സാധങ്ങൾ ഒക്കെ ഒന്നു എടുത്തു വെച്ചോ….എങ്ങാനും ആവശ്യം വന്നാലോ…,”
ലൈറ് അടിച്ചാൽ തിരിച്ചടിക്കുന്ന കഷണ്ടി തല തഴുകി അങ്ങേരതും പറഞ്ഞു തിരിച്ചു പോയപ്പോൾ, നേരത്തെ ഞാൻ കണ്ട ഡ്രമ്മിന്റെ അടുത്തേക്ക് മൂന്നാലെണ്ണം പോകുന്നത് കണ്ടു,. അതോടെ എന്റെ കാര്യത്തിൽ ഒരു തീരുമാനം ആയി എന്നെനിക്കുറപ്പായി. സത്യം പറയാൻ പോയിട്ടു വായിൽ നിന്ന് തുപ്പലിറക്കാൻ വരെ പേടിച്ച അവസ്ഥയിൽ മരവിച്ചു ഇരിക്കാനെ എനിക്ക് പറ്റിയുള്ളൂ.
ഇതിനിടയിൽ ഇവന്മാരിതൊക്കെ എങ്ങനെ ഒപ്പിച്ചാവോ… സ്വർണ കരയുള്ള മുണ്ടും കസവു ഷർട്ടും ഉടുപ്പിച്ചു അവന്മാര് എല്ലാം കൂടി എന്നെ വരൻ ആക്കി,. പുറത്തേക്ക് ഇറക്കി,… ഇന്ത്യയിൽ പ്രസിഡന്റ് കഴിഞ്ഞാൽ പിന്നെ ഏറ്റവും കൂടുതൽ സെക്യൂരിറ്റി എനിക്ക് ആണെന്ന് തോന്നും, ഞാൻ ഇരുന്ന ഇന്നോവയിൽ എന്റെ അപ്പുറവും ഇപ്പുറവും രണ്ടു പേര് കയറി. കഷണ്ടി മുന്നിൽ ഡ്രൈവറിനൊപ്പവും, ഞങ്ങളുടെ മുന്നിലും പിന്നിലും വേറെ രണ്ടു കാറും എല്ലാ കാറിലും ആളുകളും ഉണ്ട്,…
“ആഹ് ചിത്രേ… ഞങ്ങൾ ഇറങ്ങി,… അവിടെ എന്തായി,….”
“ഓഹ്…എത്തിയാൽ മതി…പിള്ളേരില്ലേ ഒപ്പം….എന്തേലും പ്രശ്നമുണ്ടെങ്കിൽ ഒന്നു വിളിച്ചാൽ മതി…”
അയാൾ ഇരുന്നു പറയുന്നത് കേട്ട എനിക്ക് സത്യം പറഞ്ഞാൽ പേടി ആണ് തോന്നിയത്,…. മൈര് പേടിച്ചു മുള്ളാനും മുട്ടുന്നുണ്ട്.
“കേട്ടോ…വിവേക് മോനെ…. കൊച്ചിനെയും കൊണ്ടു അവരും ഇറങ്ങി,….ഒന്നും പേടിക്കാനില്ല നമ്മുടെ പിള്ളേർ ഉണ്ട്….എല്ലായിടത്തും,… ഇന്നത്തെ കമ്മിറ്റി മാറ്റിവെച്ചു എല്ലാവരോടും ഞാൻ അമ്പലത്തിലേക്ക് വരാൻ പറഞ്ഞിട്ടുണ്ട്…”
അയാള് ചിരിയോടെ ഓരോന്നു പറയുമ്പോൾ ഞാൻ ഇവിടെ ഇരുന്നു ഉരുകുകയായിരുന്നു.
