💘💘അനസൂയ💘💘 75അടിപൊളി 

സംസാരിച്ചു തീർന്നപ്പോൾ അനസൂയക്ക് അല്പം ആശ്വാസം തോന്നി. ഒപ്പം ചെറിയ കുറ്റബോധവും.
കുറച്ചെങ്കിലും പണം കണ്ടെത്താനായി എന്നതിൻറെ ആശ്വാസം. പണത്തിനുവേണ്ടി സണ്ണിച്ചനെ വെറുതെ മോഹിപ്പിക്കുന്നതിന്റെ കുറ്റബോധവും.
എന്തായാലും സാരമില്ല. അനസൂയ മനസ്സിൽ പറഞ്ഞു.
തന്നെ കണ്ട് തെറ്റായ കാര്യങ്ങൾ ആഗ്രഹിക്കുന്നത് സണ്ണിച്ചന്റെ ഭാഗത്തുനിന്നുള്ള തെറ്റാണ്. അയാൾക്കും ഭാര്യയും കുട്ടികളും ഉണ്ട്. സുഹൃത്തിൻറെ ഭാര്യ കുറച്ച് പണം കടം ചോദിച്ചു എന്നുവച്ച് അവളെ മറ്റു രീതിയിൽ ഉപയോഗിക്കാം എന്ന് വിചാരിക്കുന്നത് അയാൾ ചെയ്യാൻ പാടില്ലാത്ത കാര്യമല്ലേ.
പോരാത്തതിന് തെറ്റായ ഒന്നും താൻ വാഗ്ദാനം ചെയ്തിട്ടുമില്ലല്ലോ.

വെള്ളിയാഴ്ചയാണ് ഭരത് തിരുവന്തപുരം പോവാൻ തീരുമാനിച്ചിരുന്നത്. തന്റെ പറമ്പിന്റെ രേഖകൾ സ്ഥിരീകരിക്കാൻ ഉള്ള മറ്റു രേഖകൾ സംഘടിപ്പിക്കാനാണ്. വ്യാഴാഴ്ച ഭരത് വീട്ടിൽ വരുന്നതിനു മുമ്പ് തന്നെ അനസൂയ അയാളുടെ വസ്ത്രം എല്ലാം ഇസ്തിരി ഇട്ടുവെച്ചു. വസ്ത്രങ്ങൾ അടുക്കി വയ്ക്കുമ്പോൾ അനസൂയക്ക് പരിഭ്രമം തോന്നി.
നാളെ സണ്ണി വരും. വെറുതെ സംസാരിച്ചിരിക്കാൻ എന്നാണ് പറഞ്ഞിട്ടുള്ളത്. പക്ഷേ അയാളുടെ മനസ്സിൽ മറ്റെന്തെങ്കിലും ഉണ്ടോ എന്ന് എങ്ങനെ അറിയും. ഒന്നുമില്ലെങ്കിലും വീടിൻറെ വാതിൽ താനല്ലേ തുറന്നു കൊടുക്കുന്നത്. താൻ വിളിച്ചിട്ടാണ് അയാൾ വരുന്നത്. അയാൾ ബലപ്രയോഗത്തിനെങ്ങാനും മുതിർന്നാൽ തനിക്ക് എതിർക്കേണ്ടി വരും. അപ്പോൾ അയാൾ പറയുമോ ഇവൾ വിളിച്ചിട്ടാണ് താൻ വന്നതെന്ന്? പോരാത്തതിന് കാശും ചോദിച്ചിട്ടുണ്ട്.
അനസൂയ കുറെ ആലോചിച്ചു.
പക്ഷേ തൻറെ കയ്യിൽ വേറെ ഒരു മാർഗ്ഗവുമില്ല എന്ന് അവൾക്ക് അറിയാമായിരുന്നു.

പക്ഷേ അന്ന് രാത്രി ഭരത് വീട്ടിൽ വന്നപ്പോൾ അയാൾ പറഞ്ഞു, “നാളെ ഞാൻ തിരുവനന്തപുരം പോകുന്നില്ല. ഒരു ഡോക്യുമെന്റ് വെരിഫൈ ചെയ്യാൻ വേണ്ടിയാണ് പോകാനിരുന്നത്. പക്ഷേ ഇപ്പോ അതിൻറെ ആവശ്യം വരില്ലാ എന്ന് തോന്നുന്നു.”
അതോടെ സണ്ണിക്കുള്ള ചായ സൽക്കാരം മുടങ്ങി.

ഭരത് കുളിക്കാൻ പോയ നേരം അനസൂയ സണ്ണിയെ വിളിച്ചു കാര്യം പറഞ്ഞു.
അല്പനേരം നിശബ്ദനായ ശേഷമാണ് സണ്ണി മറുപടി പറഞ്ഞത്.
“അതേതായാലും നന്നായി. എനിക്കും നാളെ അനുവിനെ കാണാൻ നിർവാഹം ഇല്ലാത്ത അവസ്ഥയായിരുന്നു. പണം ഒന്നും റെഡിയായിട്ടില്ല. പൈസ ഇല്ലാതെ എങ്ങനെ ഞാൻ അനുവിനെ കാണാൻ വരും എന്ന് വിചാരിച്ച് വിഷമിച്ചിരിക്കുകയായിരുന്നു ഞാൻ. ഇനി ഏതായാലും കുറച്ചു ദിവസം കൂടി ഉണ്ടല്ലോ. ഞാൻ ഒന്നുകൂടി ശ്രമിക്കട്ടെ.”

ചായ സൽക്കാരം ഇല്ല എന്നറിഞ്ഞതും സണ്ണി കാലു മാറിയതാണെന്ന് അനസൂയക്ക് തോന്നി.
അന്ന് രാത്രി ഉറങ്ങാൻ കിടക്കുമ്പോൾ അനസൂയയുടെ മനസ്സ് കലുങ്കഷമായിരുന്നു.
ഇനിയെന്തു ചെയ്യും? ഹൈദരാലിക്കയോട് ഇനി എന്ത് മറുപടി പറയും?

കുറച്ചുദിവസം കഴിഞ്ഞപ്പോൾ അനസൂയയുടെ വേവലാതിയെ സാധൂകരിച്ചുകൊണ്ട് ഹൈദരാലിക്ക അവളെ തേടിയെത്തി.
വെള്ള ജുബ്ബയും കറുത്ത പാന്റ്സും ഇട്ട അയാൾ അകത്തേക്ക് കയറിയപ്പോൾ തന്നെ അനസൂയയുടെ ചങ്കിടിക്കാൻ തുടങ്ങി. ഒരുവിധം അയാളെ ലിവിംഗ് റൂമിൽ ഇരുത്തി അവൾ ചായ എടുക്കാൻ അടുക്കളയിലേക്ക് പോകാൻ തുടങ്ങി. പക്ഷേ അയാൾ തടഞ്ഞു, “വേണ്ട മോളെ. ഇക്കക്ക് ലേശം ധൃതിയുണ്ട്. എൻറെ കാശ് കിട്ടിയാൽ വേഗം പോകാമായിരുന്നു.”
അനസൂയയുടെ ഹൃദയമിടിപ്പ് വീണ്ടും വർദ്ധിച്ചു.
ഈശ്വരാ, എന്തുപറയും?
“ഇക്കാ… അത് പിന്നെ… എൻറെ കയ്യിൽ പണം ഇപ്പോൾ റെഡിയായിട്ടില്ല. ഞാൻ വിചാരിച്ച പോലെ കാര്യങ്ങൾ ശരിയായില്ല. എനിക്ക്…”
ഹൈദരാലിക്കയുടെ മുഖത്ത് സൗമ്യഭാവം മാത്രമേ ഉള്ളൂ. എന്നിട്ടും എന്തെന്നറിയാത്ത ഭയവും പരിഭ്രമവും കൊണ്ട് വാക്കുകൾ പൂർത്തിയാക്കാൻ അനസൂയക്ക് കഴിഞ്ഞില്ല. അയാളുടെ തീക്ഷ്ണമായ കണ്ണുകളും പറ്റെ വെട്ടി നിർത്തിയ നരച്ച താടിയും കഴുത്തിൽ തെളിഞ്ഞു കാണുന്ന നെഞ്ചിലെ മുടികളും അവളെ ഭയപ്പെടുത്തി. പുറമേ സൗമ്യനായി അഭിനയിക്കുന്നുണ്ടെങ്കിലും ഏതു നിമിഷവും തന്നെ വലിച്ചിഴച്ച് ബെഡ്റൂമിലേക്ക് കൊണ്ടുപോകാനാണ് അയാൾ വന്നിരിക്കുന്നത് എന്ന് അവൾക്ക് തോന്നി.
“അത് സാരമില്ല മോളെ. അടുത്ത തവണ തന്നാൽ മതി.” ഹൈദരലിക്ക പുഞ്ചിരിച്ചു. “തന്റെ സുഹൃത്ത് അനിതയും ഇങ്ങനെ തന്നെയായിരുന്നു. പക്ഷെ രണ്ടുമാസം കൊണ്ട് രണ്ടര ലക്ഷം രൂപ തിരിച്ച് തന്നു. ”
“അതെയോ?” അനസൂയ അമ്പരന്നു.
“അവളുടെ ബിസിനസും വിചാരിച്ചപോലെ അല്ലായിരുന്നല്ലോ.”
“ശരിയാ, ആ കൊച്ചിന്റെയും ബിസിനസ് ആദ്യം ഒന്ന് പാളിയിരുന്നു. പക്ഷേ ഇപ്പോൾ ശരിയായിട്ടുണ്ട് എന്ന് തോന്നുന്നു. അതുകൊണ്ടല്ലേ പണം തിരിച്ചുവന്നത്. എന്താണ് മോളുടെ ബിസിനസ് എന്ന് എനിക്കറിയില്ല. പക്ഷേ എല്ലാം ശരിയാകും. ഒട്ടും പേടിക്കണ്ട.”