💘💘അനസൂയ💘💘 75അടിപൊളി 

പിന്നെ സിമൻറ് ബ്ലോക്കുകൾ നിർമ്മിച്ചു വിൽക്കുന്ന ജയറാം ആണ്. നല്ല കട്ട താടിയൊക്കെ വെച്ച് ഹാൻസമായി നടക്കുന്ന അദ്ദേഹം തന്നെ ഒളിക്കണ്ണുകളാൽ വീക്ഷിക്കുന്നത് അനസൂയ പലപ്പോഴും കണ്ടിട്ടുണ്ട്. ഒരു ലക്ഷം രൂപയൊക്കെ തനിക്ക് വേണ്ടി ഒന്നോ രണ്ടോ മാസത്തേക്ക് മാറ്റിവയ്ക്കാൻ അദ്ദേഹത്തിന് മടിയൊന്നും കാണില്ല. അവൾ കണക്കുകൂട്ടി.

മൂന്നാമത്തെ ആൾ മൻസൂർ. റിയൽ എസ്റ്റേറ്റ് ബിസിനസ് മാൻ ആണ്. തങ്ങളുടെ പറമ്പിന് പിറകിലുള്ള റോഡിന്റെ അപ്പുറത്തെ സ്ഥലം വാങ്ങിക്കാൻ വന്നപ്പോഴാണ് കക്ഷിയെ ആദ്യമായിട്ട് പരിചയപ്പെടുന്നത്. സ്ഥലം വേറെ ആളുകൾ റാഞ്ചി എങ്കിലും ഭരതേട്ടന്റെ സുഹൃത്തായി മാറിയ പുള്ളി ഇടയ്ക്കിടയ്ക്ക് വീട്ടിൽ വരും. കുട്ടികൾക്ക് കിന്റർജോയ് കൊണ്ടാണ് എല്ലായിപ്പോഴും വരിക. അതുകൊണ്ടുതന്നെ കുട്ടികളുമായി നല്ല സൗഹൃദമാണ്. വീടിൻറെ അടുക്കള വരെ കയറി വരും. പക്ഷേ ഏറ്റവും വലിയ പേടി എന്താണെന്ന് വെച്ചാൽ പുള്ളിയോട് കാശ് ചോദിച്ചാൽ പുള്ളി ചിലപ്പോൾ നേരെ ഭരതേട്ടനോട് പറയും. അതോടെ തീർന്നു എല്ലാം.

രണ്ടുദിവസം കഴിഞ്ഞ് ടൗണിലേക്ക് പോയ അനസൂയ ഫ്ലോർ മില്ല് സന്ദർശിച്ചു.
അവളെ കണ്ടു സണ്ണി എണീറ്റു.
“എന്താ ഇന്ന് പരമു വീട്ടിലില്ലേ. അനുവിന് ഇവിടെ വരണ്ട ആവശ്യമുണ്ടോ?”
സണ്ണി ചോദിച്ചു.
“ഞാൻ മില്ലിലേക്ക് വന്നതല്ല, സണ്ണിയെ കാണാൻ വന്നതാ.”
അനു പറഞ്ഞു.
സണ്ണിയുടെ കണ്ണുകൾ വികസിക്കുന്നത് അവൾ ശ്രദ്ധിച്ചു.
“ആണോ എങ്കിൽ ഇരിക്ക് ഞാൻ ചായക്ക് പറയാം.”
അനസൂയ വേണ്ടെന്ന് പറഞ്ഞെങ്കിലും സണ്ണി ചായക്ക് പറഞ്ഞു. ഒന്നും രണ്ടും പറഞ്ഞിരിക്കുമ്പോഴേക്കും ചായ വന്നു.
ചായ കുടിക്കുമ്പോൾ സണ്ണിയുടെ കണ്ണുകൾ തന്റെ അധരങ്ങളിൽ തന്നെ തങ്ങിനിൽക്കുന്നത് അനു കണ്ടു. ആദ്യം അവൾക്ക് വല്ലായ്മ തോന്നിയെങ്കിലും പിന്നെ ആവശ്യം തന്റേതാണല്ലോ എന്നോർത്ത് അവനെ നോക്കി മന്ദഹസിച്ചു.
“ചായ നല്ലതാണോ?”
സണ്ണി ചോദിച്ചു.
“അതെ നല്ലതാ…”
അനസൂയ പുഞ്ചിരിയോടെ പറഞ്ഞു.
അവൾ കപ്പ് താഴെ വെക്കും വരെ സണ്ണിയുടെ കണ്ണുകൾ അവളുടെ മുഖത്തും ചുണ്ടുകളിലും തന്നെയായിരുന്നു.
“അനസൂയ വന്ന കാര്യം പറഞ്ഞില്ല.”
സണ്ണി ഓർമിപ്പിച്ചു.
“എനിക്ക് കുറച്ചു കാശിന്റെ ആവശ്യമുണ്ട്. എൻറെ മീൻകുളം റിനവേറ്റ് ചെയ്യാനാണ്. ഞാൻ ഭരതിനോട് ചോദിച്ചു കുറേ; പക്ഷേ അദ്ദേഹം സമ്മതിക്കുന്നില്ല. എടഞ്ഞു നിൽക്കുവാ. പുള്ളിയോട് പറയാൻ ഇനി എന്നെ കൊണ്ടാവില്ല. അതുകൊണ്ടാണ് ഞാൻ സണ്ണിയുടെ അടുത്ത് വന്നേ. സണ്ണി ഈ കാര്യം പുള്ളിയോട് പറയുകയും ചെയ്യരുത്.”
സണ്ണിയുടെ മുഖത്ത് പ്രതീക്ഷിക്കാത്ത കാര്യം കേട്ടതുപോലെ ഒരു ഭാവം വന്നു.
“അനുവിന് എന്ത് ആവശ്യമുണ്ടെങ്കിലും എന്റെ അടുത്തേക്ക് വരാല്ലോ. മീൻകുളം റിനവേറ്റ് ചെയ്യുകയല്ലേ വേണ്ടത്. അതിന് അനു വിഷമിക്കേണ്ട. എന്റെ പണിക്കാരെ ഞാൻ വിട്ടു തരാം. പിന്നെ മീൻ എല്ലാം ആകുമ്പോൾ എനിക്ക് ഇടക്കിടയ്ക്ക് പിടിക്കാൻ തന്നാൽ മതി.
ചിരിച്ചുകൊണ്ട് അയാൾ പറഞ്ഞു.
സണ്ണി പൈസ ഒന്നും തരാൻ പോകുന്നില്ലെന്ന് അനുവിന് മനസ്സിലായി.

അടുത്ത ദിവസം തന്നെ സണ്ണിയുടെ ജോലിക്കാരിൽ ഒരാൾ അനസൂയയുടെ വീട്ടിലെത്തി. അവൾക്ക് ആദ്യം താല്പര്യം ഒന്നുമുണ്ടായില്ല. പിന്നെ മനസ്സില്ലാ മനസ്സോടെ സമ്മതിച്ചു. അന്ന് തന്നെ വൈകുന്നേരം വേറെയും ആളുകൾ വന്നു കുളം എല്ലാം വൃത്തിയാക്കി.ഒരു ഗുഡ്സ് നിറയെ മണലും ഇറക്കി. പിന്നെ ഷീറ്റ് വിരിച്ച് സൈഡുകളിൽ ഇഷ്ടികയും വെച്ച് സെറ്റ് ആക്കി വെള്ളം നിറച്ചു.
മൂന്നാം ദിവസം രാവിലെ അനസൂയ നോക്കുമ്പോൾ കുളം റെഡി വെള്ളം റെഡി.
ഇനി മീൻ കുഞ്ഞുങ്ങളെ ഇട്ടാൽ മതി.

അന്ന് വൈകുന്നേരം സണ്ണിയുടെ ഫോൺ വന്നു.
“എന്തായി അനു. കുളം റെഡിയായോ?”
“ഞാനൊന്നും അറിഞ്ഞില്ല സണ്ണി. അത്രയും പെട്ടെന്നായിരുന്നു എല്ലാം. താങ്ക്സ് എ ലോട്ട്.”
അവൾ പറഞ്ഞു.
“ഒരു നന്ദിയിൽ എല്ലാം ഒതുക്കാൻ പറ്റുമോ.”
“ഇല്ലെന്ന് അറിയാം. എല്ലാം ഒന്ന് ശരിയാകട്ടെ ആദ്യം.”
“അതെ അതെ. ഭരത് ഉണ്ടോ അവിടെ?”
“ഇല്ല, വന്നിട്ടില്ല.”
“വരുമ്പോൾ ഞാൻ അന്വേഷിച്ചു എന്ന് പറയണം.”
“വേണ്ട ഞാൻ പറയുന്നില്ല.”
“അതെന്താ”
“അദ്ദേഹം അറിയേണ്ട. ഞാൻ പറഞ്ഞില്ലേ പുള്ളി ദേഷ്യപ്പെടും”
“അനു പേടിക്കേണ്ട രഹസ്യങ്ങൾ സൂക്ഷിക്കുന്നതിൽ എന്നെ കഴിഞ്ഞേ ഉള്ളൂ ആരും.”
സണ്ണി ഒരു താളത്തിൽ എന്നപോലെ പറഞ്ഞു.
“എനിക്ക് അത് കേട്ടാൽ മതി.”
“അപ്പൊ ഇനി എനിക്കുള്ള ട്രീറ്റും രഹസ്യമായിരിക്കുമല്ലോ”
“ട്രീറ്റോ?”
“പിന്നെ, മീൻ കുളം റെഡിയായാൽ എനിക്ക് ട്രീറ്റ് ഉണ്ടാവില്ലേ?”
“ഓ… അങ്ങനെ! പിന്നെന്താ…”
“എനിക്ക് സ്കോച്ചാണ് ഇഷ്ടം, കേട്ടോ?”
“എൻറെ ദൈവമേ! വലിയ ട്രീറ്റ് ആണല്ലോ.”
“പിന്നെ. തരില്ലേ?”
“ഞാൻ ആലോചിക്കട്ടെ.”
“അനു എന്ത് തന്നാലും ഞാൻ റെഡിയാണ്.”