💘💘അനസൂയ💘💘 75അടിപൊളി 

അടുത്ത രണ്ടുമൂന്നു ദിവസം അനസൂയ പേടിച്ചു പേടിച്ചാണ് ജീവിച്ചത്. ഏത് നിമിഷവും ഫാരിസ് തൻ്റെ വീട്ടിലേക്ക് കടന്നുവരുമെന്നും തന്നെ ബെഡ്റൂമിലേക്ക് കൊണ്ടുപോകുമെന്നും അവൾ ഭയന്നു.
അങ്ങനെ സംഭവിക്കരുതെന്ന് സദാസമയം അവൾ പ്രാർത്ഥിച്ചുകൊണ്ടിരുന്നു.
ഒരു ദിവസം അവൾ അമ്പലത്തിൽ പോയി മനസ്സറിഞ്ഞ് പ്രാർത്ഥിച്ചു.
ദൈവമേ ഇതിൽ നിന്ന് എന്നെ എങ്ങനെയെങ്കിലും രക്ഷിക്കണേ. ഒരു തവണ എനിക്ക് തെറ്റുപറ്റി. ഇതിൽ നിന്ന് രക്ഷപ്പെട്ടാൽ ഇനി ഒരിക്കലും ഈ തെറ്റ് ഞാൻ ആവർത്തിക്കില്ല. എനിക്ക് എൻ്റെ ഭരതേട്ടൻ മതി.

കുറച്ചുദിവസം കഴിഞ്ഞപ്പോൾ ഭരത് വീട്ടിൽ വന്നത് ഭയങ്കര ഹാപ്പി ആയിട്ടാണ്.
ഇത്രയും കാലം അദ്ദേഹത്തിന്റെ ഉറക്കം കെടുത്തിയ കേസിൽ അനുകൂല വിധി വന്നു.
“എടോ ആ സ്ഥലം ശരിക്കും എന്റേതായി! യെസ്!”
സന്തോഷത്താൽ അനസൂയയെ എടുത്തുയർത്തി ഒന്ന് വട്ടം കറക്കി അയാൾ.
അയാളുടെ ആവേശം കണ്ട് അനസൂയയും ആഹ്ലാദിച്ചു.

അടുത്ത ദിവസം തന്നെ ഭരത് ആ സ്ഥലത്തിന്റെ കച്ചവടം ഉറപ്പിച്ചു. വലിയൊരു തുക അഡ്വാൻസും കൈപ്പറ്റിയിട്ടാണ് അന്ന് അദ്ദേഹം വീട്ടിൽ വന്നത്.
“ഇനി എൻ്റെ മോഷണം പോയ മൂന്നുലക്ഷം എനിക്ക് പുല്ലാ.”
അയാൾ പറഞ്ഞു. പിന്നെ എന്തോ ഓർത്ത പോലെ അയാൾ അനസൂയയെ നോക്കി.
“നീ കുറച്ചുകാലം മുമ്പ് എന്നോട് പണം ചോദിച്ചിരുന്നില്ലേ, എന്തോ സ്റ്റാർട്ടപ്പ് തുടങ്ങാൻ? അതെന്തായിരുന്നു?”
ഭരത് ചോദിക്കുന്നത് കേട്ട് അനസൂയ ആദ്യമൊന്ന് പരിഭ്രമിച്ചു. തന്റെ കള്ളത്തരങ്ങൾ മനസ്സിലാക്കി കഴിഞ്ഞിട്ടാണോ ഭരത് അങ്ങനെ ചോദിക്കുന്നത് എന്ന് അവൾ ഭയന്നു.
ധൈര്യം സംഭരിച്ച് സംയമനം പാലിച്ച് അവൾ മറുപടി പറഞ്ഞു.
“അത് ഓൺലൈൻ ഓർഡറുകൾ ഡെലിവറി ചെയ്യാനുള്ള ചെറിയ ഒരു സ്റ്റാർട്ടപ്പാണ് ഭരതേട്ടാ. നമ്മൾ കാശുകൊടുത്ത് സാധനങ്ങൾ നമ്മുടെ അടുത്ത് സ്റ്റോക്ക് ചെയ്യുന്നു. കൂടുതൽ മൂവ്മെന്റ് ഉള്ള സാധനങ്ങളാണ് വെക്കുക. എന്നിട്ട് ഓർഡർ അനുസരിച്ച് അത് ഡെലിവറി ചെയ്തു കൊടുക്കുന്നു. ഡെലിവറിയുടെ സ്പീഡ് കൂടുമ്പോൾ കമ്പനിക്ക് കൂടുതൽ ലാഭം ഉണ്ടാകും. നമുക്ക് കമ്മീഷനും കിട്ടും.”
“എത്രയാണ് ഇതിൻറെ ബജറ്റ്?”
“ഒരു മൂന്നോ നാലോ ലക്ഷം രൂപ വേണ്ടിവരുന്ന കാര്യമാണ്.”
“എന്നാൽ ശരി ഇതുവെച്ചാേ. ഇത് 5 ലക്ഷം ഉണ്ട്. നിന്റെ സ്റ്റാർട്ടപ്പ് നടക്കട്ടെ.”

അയാൾ രണ്ടു കെട്ട് നോട്ടുകൾ അവൾക്കു നേരെ നീട്ടി.
അനസൂയ കരഞ്ഞുപോയി.
“ഭരതേട്ടാ…!
“താൻ എന്റെ മുത്തല്ലേ?”
ഭരതേട്ടൻ അവളെ കെട്ടിപ്പിടിച്ചു.
അനസൂയ ഒരുപാട് കരഞ്ഞു. ഒരുപാട് ദിവസമായി മനസ്സിൽ കൊണ്ടുനടന്ന ഭയവും പരിഭ്രമവും പെട്ടെന്ന് അവളിൽ നിന്നും ഒഴുകിയിറങ്ങി. അവൾ നിർത്താതെ കരഞ്ഞു. പൊട്ടിക്കരഞ്ഞു.
ഭരത് അത്ഭുതപ്പെട്ടു.
“എന്തിനാ നീ ഇങ്ങനെ കരയുന്നത്?”
താൻ എന്തിനാണ് കരയുന്നത് എന്ന് അനസൂയ ആദ്യം മനസ്സിലായില്ല. പിന്നെ ഒന്നാലോചിച്ചു.
മതി. എല്ലാം മതി.
ഒരൊറ്റ നിമിഷം കൊണ്ട് അവൾ ഒരു തീരുമാനത്തിലെത്തിയിരുന്നു.
“ഭരതേട്ടൻ എന്നോട് ക്ഷമിക്കണം. തല്ലണമെങ്കിൽ തല്ലിക്കോ. എന്നാലും ഇത് ഇനി ഇത് മറച്ചുവെക്കാൻ എന്നെക്കൊണ്ട് പറ്റില്ല. ഭരതേട്ടൻ അറിയാതെ ഞാൻ ഈ സ്റ്റാർട്ടപ്പ് തുടങ്ങിയിരുന്നു. പൈസ കടം കൊടുക്കുന്ന ഹൈദരാലിക്കയിൽ നിന്ന് കടം മേടിച്ചായിരുന്നു തുടങ്ങിയത്. പക്ഷേ ആ പണവും കൊണ്ട് ഏജന്റ് മുങ്ങി. ഞാൻ കുടുങ്ങി. ഹൈദരാലിക്ക് പൈസ മടക്കിക്കൊടുക്കാൻ ഇല്ലാത്തപ്പോൾ ഞാനാണ് ഭരതേട്ടന്റെ ആ പണം മോഷ്ടിച്ചത്. അല്ലാതെ എന്റെ പക്കൽ വേറെ മാർഗം ഒന്നുമുണ്ടായിരുന്നില്ല.”
ഭരത് അന്തംവിട്ട് അവളെ തന്നെ നോക്കിയിരുന്നു. ഏതു നിമിഷവും അടി വീഴും എന്ന് അനസൂയക്ക് തോന്നി. പക്ഷേ അവൾ ഭയന്നില്ല.
“ഭരതേട്ടനോട് പറയണമെന്നുണ്ടായിരുന്നു. പക്ഷേ ഭരതേട്ടന്റെ കലിപ്പ് ഭാവം ഓർത്ത് ഞാൻ പേടിച്ചു പറയാനുള്ള ധൈര്യം കിട്ടിയില്ല. അടി കിട്ടും എന്ന് വിചാരിച്ചു. എനിക്ക് പേടിയ ഭരതേട്ടാ.”
“എന്നിട്ട് ഇപ്പൊ പേടി മാറിയോ?”
“ഇല്ല. പക്ഷേ ഭരതേട്ടനോട് കള്ളം പറയാൻ ഇനി എനിക്ക് പറ്റില്ല. എന്റെ സ്റ്റാർട്ടപ്പിനെ പറ്റി ഭരതേട്ടൻ ചിന്തിച്ചല്ലോ; എനിക്ക് അത്രയും മതി.”
ഭരത് അവളെ നോക്കി തെല്ലു നേരം നിന്നു.
പിന്നെ മെല്ലെ ചിരിച്ചു.
“താൻ ആ പണം എടുത്തില്ലായിരുന്നുവെങ്കിലും അത് എനിക്ക് നഷ്ടപ്പെടാതിരിക്കുകയോന്നുമില്ല. കാരണം ഞാൻ അത് ഒരു സ്ഥലത്തിന് അഡ്വാൻസ് കൊടുക്കാൻ വെച്ചിരിക്കുകയായിരുന്നു. ഈയിടെ ആണ് അറിഞ്ഞത് അതിന്റെ ആധാരം എല്ലാം ഫേക്ക് ആണ്. വേറൊരാള് മേടിച്ചിട്ട് ഇപ്പൊ കുടുങ്ങി നിൽക്കുവാണ്. അതുകൊണ്ട് ആ മൂന്നുലക്ഷം തനിക്കെങ്കിലും ഉപകാരപ്പെട്ടല്ലോ എന്നൊരു സന്തോഷമുണ്ട്.”
അനസൂയ വിശ്വസിക്കാനാവാതെ അയാളെ നോക്കി.
“താനിങ്ങനെ കണ്ണ് മിഴിച്ചു നോക്കണ്ട; ഞാൻ തന്നെ അടിക്കുയൊന്നും ഇല്ല.”
അനസൂയ തലകുലുക്കി കണ്ണുതുടച്ചു.
ഭരത് അവളുടെ കൈകൾ രണ്ടും വാരിയെടുത്തു.
“ഞാൻ നിന്നെ അന്ന് അടിച്ചതുകൊണ്ടാണ് ഈ പ്രശ്നമെല്ലാം ഉണ്ടായത് അല്ലെ? അല്ലെങ്കിൽ നീ അന്ന് തന്നെ എന്നോട് സത്യം പറഞ്ഞേനെ. ഇനി ഞാൻ അടിക്കില്ല. എന്ത് എത്ര ദേഷ്യം വന്നാലും. ദൈവമാണെ സത്യം.”
അനസൂയ അയാളെ കെട്ടിപ്പിടിച്ചു കഴുത്തിലുമ്മ വച്ചു.
ഭരത് ചിരിച്ചു.
“കഴുത്തിലാണോടി ഉമ്മ വയ്ക്കുന്നത്?”
അയാൾ അവളുടെ മുഖം രണ്ടു കൈകൾ കൊണ്ടും പിടിച്ചു തനിക്ക് നേരെ പിടിച്ചു.
പിന്നെ അവളുടെ ചുണ്ടുകളിൽ ഉമ്മവച്ചു.
അനസൂയ രണ്ടു ചുണ്ടുകളും വിടർത്തി അയാളെ സ്വാഗതം ചെയ്തു.