💫Evil on earth✨ – 6അടിപൊളി  

മുൻപിലെ മീറ്ററിലെ സൂചി കണ്ട അഞ്ചു അലറി….അത് കേട്ട നീലിമ സന്തോഷത്തോടെ സൈഡിലേക്ക് നോക്കി

എന്നാൽ അവരെ ഒന്ന് നോക്കി ചിരിച്ചുകൊണ്ട് ദേവിന്റെ കാർ മുൻപിലേക്ക് കയറി

“what….no..no..no…!

ഗിയർ മാറ്റികൊണ്ട് അഞ്ചു പറഞ്ഞു പക്ഷെ ഇരുവരും പ്രതീക്ഷിക്കാതെ ഒരു കാർ അവർക്ക് സൈഡിലേക്ക് കയറി പോയി…പെട്ടെന്നു ആയത് കൊണ്ടു തന്നെ ദേവും അഞ്ചുവും ഒരുമിച്ചു ബ്രേക്ക്‌ ചവുട്ടി

90 ഇൽ നിന്നിരുന്ന അവളുടെ സൂചി പൊടുന്നനെ 60 ലേക്ക് ചാടി

”ചേച്ചി ചേട്ടനിപ്പോ കയറും…!

ദേവിന്റെ കാറിൽ നിന്നും മുരൾച്ച കേട്ടതും നീലു അഞ്ജുവിനെ നോക്കി

“i will show you…..”“

അതും പറഞ്ഞവൾ ഗിയർ മാറ്റി ആക്‌സിലേറ്റർ ചവുട്ടി…അതേ നിമിഷം മുൻപിലെ ഡിസ്പ്ലേയിൽ തെളിഞ്ഞു വന്നൊരു ഓപ്ഷൻ ക്ലിക്ക് ചെയ്തു….

”“”“”“സസ്സ്സ്സ്…..”“”“”

ചെറിയൊരു ശബ്ദത്തോടെ പിറകിലായി പിടിപ്പിച്ച സിലിണ്ടറിന്റെ ക്യാപ്പിൽ ഉള്ള ചെറിയ അനലോഗ് മീറ്ററിലെ സൂചി കുത്തനെ മുകളിലേക്ക് കയറി..നീലിമ അത് അത്ഭുതത്തോടെ നോക്കി

“ചേച്ചി ഇത്…”

“കണ്ടോ നീലിപ്പെണ്ണേ….”

അഞ്ചുവിന്റെ കാറിന്റെ മീറ്ററിലെ സൂചി 80 കടന്നതും അവൾ സ്റ്റിയറിങ്ങിൽ ഘടിപ്പിച്ചൊരു നീല ബട്ടൻ അമർത്തി….

വണ്ടിയുടെ പിറകിലെ എക്സ്സോസ്റ്റ് പൈപ്പിൽ നിന്നും തീയും വെടി പൊട്ടുന്നൊരു ശബ്ദമുവായി അവരുടെ കാർ ദേവിന്റെ കാറിനെ കടന്നു ഒറ്റ നിമിഷം കൊണ്ട് കുതിച്ചു പാഞ്ഞു…തങ്ങളെ ആരോ എടുത്തു എറിഞ്ഞത് പോലെ തോന്നിയ നീലിമ വിടർന്ന കണ്ണുകളുമായി അഞ്ജുവിനെ നോക്കി

അവരുടെ കാറിന്റെ മീറ്ററിലെ സൂചി 100 കടന്ന് ഒറ്റയടിക്ക് 140 ഇൽ കയറിയതും ദേവിന്റെ കാറിന്റെ ഓട്ടോമാറ്റിക് ബ്രേക്ക് ആക്റ്റീവ് ആയതും ഒരുമിച്ചായിരുന്നു…എന്താണ് സംഭവിച്ചതെന്ന് മനസിലാവാതെ ബ്രേക്ക്‌ ജാമായി  മുന്പിലോട്ട് ടയറുകൾ നിരങ്ങി പോകുന്ന പോർഷേയിലിരുന്നവൻ അഞ്ജുവിന്റെ കാറിനെ നോക്കി….

പതിവിന് വിപരീതമായി അവരുടെ കാറിന്റെ എക്സ്സോസ്റ്റ് പൈപ്പിൽ നിന്നും വലിയ വലിയ തീനാളങ്ങൾ പുറത്തേക്ക് തെറിക്കുന്ന കാഴ്ച കണ്ടയവൻ ഞെട്ടിപ്പോയി….

“നീലു….”“

അവന്റെ ചുണ്ടുകൾ പേടിയോടെ ആ പേരുകൾ പതിയെ മന്ത്രിച്ചു….

”“”“”ബ്ഹും“”“”

വലിയൊരു പൊട്ടിത്തെരിയോടെയാ കാർ മുകളിലേക്ക് പൊങ്ങി…….

ബ്രേക്ക്‌ പിടിച്ചു നിയന്ത്രണം വിട്ട ദേവിന്റെ കാർ സൈഡിലെ ഇരുമ്പു കമ്പികളിലേക്ക് ഇടിച്ചു കയറി…

Nissan GTR ന്റെ എഞ്ചിൻ പൊട്ടിത്തെറിച്ചു കൊണ്ടു മുകളിലേക്ക് ഉയർന്നു പൊങ്ങിയതും വായുവിൽ വെച്ചു തന്നെയാ കാറിനുള്ളിലെ സിലിണ്ടറും കത്തിച്ചിതറി….

അലറി നിലവിളിച്ചുകൊണ്ടിരുന്ന അഞ്ജുവിനെയും നീലുവിനെയും കത്തിത്തെറിച്ചയാ തീ നാളം വന്നു വിഴുങ്ങി…

ഉയർന്നു പൊങ്ങിയ കാർ വീണ്ടും അകത്തു വച്ചു പൊട്ടിച്ചിതറിയത് കണ്ട ദേവ് അനങ്ങാൻ പോലുമാവാതെ സീറ്റിലിരുന്നു…

വലിയൊരു അലർച്ചയോടെയാ കത്തിയെരിഞ്ഞ ഇരുമ്പു കഷ്ണം റോഡിൽ വന്നു വീണു…അതൊരു കാർ ആയിരുന്നോ എന്ന് പോലും സംശയിക്കും വിധത്തിൽ ചിതറി പോയിരുന്നാ വണ്ടി

യാന്ത്രികമായി ഡോർ തുറന്നിറങ്ങിയ ദേവ് നിറഞ്ഞ കണ്ണുകളുമായി റോഡിൽ മുട്ടുകുത്തി വീണു

“ഹ്മ്മ്…ഏഹ്…നീ…നീലു…..മമ്…”

നിലത്തു കുത്തിയ കൈയിൽ അടർന്നു വീഴുന്ന കണ്ണുനീർ തുള്ളികൾ നോക്കിയവൻ അവിടെ ഇരുന്നു

മുൻപിലേക്ക് തലയുയർത്തി നോക്കാൻ അവനു പേടിയായിരുന്നു……

“”“”““ആആആ…….”“”“”“

റോഡിലേക്ക് തല കുനിച്ചിരുന്നവൻ അലറി കരഞ്ഞു…..പിന്നെ തന്റെ കാറിന്റെ ഡോറിൽ ശക്തിയായി മുഷ്ടി ചുരുട്ടി ഇടിച്ചു കൊണ്ടുവൻ അലറി………

“”“”ടക്ക്…ടക്ക്…ടം….ട്ട്…..“”“”

അവന്റെ സർവ്വശക്തിയുമെടുത്തുള്ള ഇടിയിൽ  ചളുങ്ങി ചതഞ്ഞു കൊണ്ടാ ഡോർ അകത്തേക്ക് ഒടിഞ്ഞു കയറി…..

അരമണിക്കൂർ കൊണ്ട് ആരൊക്കെയോ വിളിച്ചറിയിച്ചത് അനുസരിച്ചു ഫയർ ഫോഴ്‌സും പോലീസും അവിടേക്ക് പാഞ്ഞെത്തി….കത്തിയമരുന്ന കാറിനു മേലവർ വെള്ളം തെറിപ്പിച്ചു തീ അണച്ചു…..

ചുറ്റിനും അന്വേഷണം നടത്തിയവർക്ക് റോഡിന്റെ മറ്റേ സൈഡിൽ നിന്നായി കത്തികരിഞ്ഞൊരു ശരീരം കിട്ടി…അതെല്ലാം ദേവ് കാറിന്റെ ഡോറിൽ ചാരി റോഡിലിരുന്നു കാണുന്നുണ്ടായൊരുന്നു…ചാല് വെട്ടിയത് പോലവന്റെ മിഴികൾ നിറഞ്ഞൊഴുകികൊണ്ടിരുന്നു

“വണ്ടി ഓടിച്ചത് ഇവരാണെന്ന് തോന്നുന്നു….തെറിച്ചു വീണത് കൊണ്ട് ബോഡി എങ്കിലും കിട്ടി….മറ്റേ സൈഡിൽ ഇരുന്നതിന്റെ കാര്യമാ കഷ്ടം…മുടി നാര് പോലും കിട്ടിയിട്ടില്ല…ചിതറി പോയി….”

തടിച്ചു കൂടിയവരിൽ ആരൊക്കെയോ പറയുന്ന ശബ്ദം ദേവിന്റെ ചെവിയിൽ പതിഞ്ഞു…ഇരച്ചു വന്ന കരച്ചിലിനെ ഒഴുക്കി വിട്ടുകൊണ്ടവൻ ചെവി രണ്ടും പൊത്തി റോഡിൽ കുനിഞ്ഞിരുന്നു…..

“”“””dev are you ready“”“”“”

അഞ്ജുവിന്റെ ശബ്ദം ചെവിയിൽ വന്നടിച്ചതും ദേവ് നിറഞ്ഞ കണ്ണുകൾ തുറന്നു മുൻപിലേക്ക് നോക്കി…വെള്ള തുണികൊണ്ട് പൊതിഞ്ഞൊരു രൂപം സ്‌ട്രെക്ചറിൽ എടുത്തു ആംബുലൻസിലേക്ക് കയറ്റുന്ന രണ്ടു പേരെയവൻ കണ്ടു…തുണികൊണ്ട് മൂടിയയാ ശരീരം ഒന്നിളക്കിയപ്പോ പുറത്തായ ഒരു കൈ എല്ലോടിയുന്നത് പോലൊരു ശബ്ദത്തോടെ അതിൽ നിന്നും പറിഞ്ഞു റോഡിലേക് വീണു….

“ഏഹ്…!.!!!

പെട്ടെന്ന് പേടിയോടെ ദേവ് ചാടി പിടഞ്ഞെണീറ്റ് കാറിന് പിറകിലേക്ക് മാറി…അവിടെ കൂടി നിന്ന ആളുകൾ അവനെ പിടിച്ചു വച്ചു…എന്നാൽ തിരിഞ്ഞു നോക്കാൻ ഉള്ള ത്രാണിയില്ലാതെയവൻ അവർക്കിടയിലേക്ക് മുഖം താഴ്ത്തി നിന്നു കരഞ്ഞു……

കൊറച്ചു കഴിഞ്ഞൊരു ക്രയിൻ വന്നാ കത്തി കരിഞ്ഞ വണ്ടിയെ പൊക്കിയെടുത്തു റോഡരികിലേക്ക് മാറ്റി ഗതാഗതം പൂർവ്വ സ്ഥിതിയിലാക്കി…..

പെട്ടെന്ന് ശ്വാസം വിലങ്ങുന്നത് പോലെ തോന്നിയ ദേവ് കരഞ്ഞു ചുവന്ന കണ്ണുകളുമായി ചുറ്റിനും പരതി….അവിടെ മാറ്റി ഇട്ട കാറിനു മുന്നിൽ നിൽക്കുന്ന ഒരു രൂപം അവന്റെ കണ്ണുകളിലുടക്കി…..

”“നീലു…”“”

അവന്റ കണ്ണുകൾ വിടർന്നു….

“”“നീലു..മോളെ…”“”

ഏങ്ങി കരഞ്ഞു കൊണ്ടവൻ അവൾക്കടുത്തേക്ക് ഓടാൻ തുനിഞ്ഞു…എന്നാൽ അവനു മുൻപിൽ നിന്ന മങ്ങിയ രൂപമവനെ നോക്കി ഒന്ന് ചിരിച്ചു…അതിനനുസരിച്ചാ രൂപം വായുവിൽ അലിഞ്ഞില്ലാതായി പോകാൻ തുടങ്ങി

“No..no…no…”

അലറിക്കൊണ്ട് നടന്നു നീങ്ങിയ ദേവ് എവിടെയോ തട്ടി തടഞ്ഞു റോഡിലേക്ക് വീണു…അവനു ചുറ്റും ഓടി കൂടിയ ആളുകൾക്കു ഇടയിലൂടെ അവന്റെ കണ്ണുകൾ സൈഡിലായി മാറ്റിയിട്ട കാറിലേക്ക് നീണ്ടു…മെല്ലെ മെല്ലെ കാഴ്ച മങ്ങി പൂർണ്ണമായും അവന്റെ ബോധം നഷ്ടമായി

+4

0