💫Evil on earth✨ – 6അടിപൊളി  

ആരുമത് ശ്രദ്ധിക്കുന്നില്ലെന്ന് മനസിലായതും ആദിയൊരു ആശ്വാസത്തോടെ അവനോടെ ചേർന്നു നടന്നു

“എന്നിട്ട് അവളെ തന്നെ ആണോ നന്ദു കെട്ടിയെ…?

കഥയുടെ ബാക്കി അറിയാനുള്ള ആഗ്രഹത്തിലവൾ ചോദിച്ചു

”ഹിഹി…കെട്ടേണ്ടി വന്നു…..ഇതില് കോമഡി എന്താന്ന് വെച്ചാൽ ആ പെണ്ണിന്റെ വീടിനു മുകളിൽ പെയിൻഗസ്റ്റ്‌ ആയി വാടകക്ക് കൊടുത്ത റൂമില ഇവന്റെ താമസം….“

”അയ്യോ..എന്നിട്ട്…?

“ക്ലാസ്സൊക്കെ കഴിയാറായതും ഇവളുടെ അപ്പച്ചൻ അവളെ കെട്ടിച്ചു വിടാനുള്ള പ്ലാനിൽ ആയിരുന്നു….ഇവനാണേൽ അങ്ങേരെ ഒടുക്കത്തെ പേടിയും…ലാസ്റ്റ് അവളെ അവിടെ ഇട്ട് നാടു വിടാനുള്ള വഴി വരെയാ തെണ്ടി എന്നോട് ചോദിച്ചു….”

“പറഞ്ഞു കൊടുത്തോ…?

അവളൊരു ചിരിയോടെ അവനെ നോക്കി…

”പിന്നല്ലാണ്ട്…വള്ളി പുള്ളി തെറ്റാതെ ഇവന്റെ പ്ലാൻ ഞാനാ പെണ്ണിന് പറഞ്ഞു കൊടുത്തു…ഹഹഹ…..!

“എടാ ദുഷ്ടാ…!

മൂക്കിൽ വിരലു വെച്ചുകൊണ്ടവൾ ജോയെ നോക്കി..അവനാകട്ടെ നന്ദുവിന്റെ അപ്പോഴത്തെ അവസ്ഥയോർത്തു ഒടുക്കത്തെ ചിരിയും

”ഞാനന്ന് പറഞ്ഞത് ഏതായാലും നന്നായി…ആ പെണ്ണൊരു പാവമായിരുന്നു..പോരാഞ്ഞിട്ട് അസ്ഥിക്ക് പിടിച്ച പ്രേമവും…ഇവളവനെ ഓടിച്ചിട്ട് പിടിച്ചു ചെകിട് നോക്കി ഒന്ന് പൊട്ടിച്ചിട്ട് പറഞ്ഞു നാളെ വന്നു വീട്ടിൽ കാര്യം പറയാൻ പറഞ്ഞു…ഇവന് ആണേൽ ചെകുത്താനും കടലിനും നടുവിൽ പെട്ട അവസ്ഥ…ഒടുക്കം ഇറങ്ങി ഓടാൻ പാകത്തിന് ബാഗും സാധനങ്ങളും എല്ലാം പാക്ക് ചെയ്ത് അവളുടെ വീടിന്റെ ഗേറ്റിന് മുൻപിൽ കൊണ്ടുപോയി വച്ചിട്ട് പെണ്ണ് ചോദിക്കാൻ പോയി…“

”ഓഹ് ഇജ്ജാതി പ്ലാനിങ്….“

നന്ദുവിന്റെ മുൻകരുതലോർത്ത് അവൾ പറഞ്ഞു

”പിന്നല്ലാണ്ട്..ഞാനല്ലേ പറഞ്ഞു കൊടുത്തേ അങ്ങനെ ചെയ്യാൻ…“

അവനല്പം പൊങ്ങിക്കൊണ്ട് അവളോട് പറഞ്ഞു

”അയ്യാ…നീ ബാക്കി പറ…“

”ബാക്കി എന്തോന്ന്…ഇവൻ ചെന്നു തപ്പി പെറുക്കി കാര്യം പറഞ്ഞു….പറഞ്ഞത് ആണേൽ അവളുടെ അപ്പന് റെഡിക്ക് മനസിലായതുമില്ല…ഒടുക്കം അവളു തന്നെ വന്നു പറയേണ്ടി വന്നു…പിന്നെ വീട്ടുകാർ തമ്മിൽ സംസാരിച്ചല്ലാം ഒക്കെ ആണേൽ കെട്ടിച്ചു തരാമെന്ന് അവൾടെപ്പൻ പറഞ്ഞു..“

”ഓ അപ്പൊ കാര്യങ്ങൾ എളുപ്പമായല്ലോ..!

ഫുഡ്‌ കോർണറിലേക്ക് കയറിക്കൊണ്ട് ആദി പറഞ്ഞു…അത് കേട്ട ജോ ഉറക്കെ ചിരിക്കാൻ തുടങ്ങി..ഇതെന്തിനാ ഇപ്പൊ ഇങ്ങനെ ഒരു ചിരി എന്ന് മനസിലാവാതെ അവളവനെ നോക്കി

“എളുപ്പമായി…അവന്റെ വീട്ടിൽ കാര്യങ്ങൾ എളുപ്പമാക്കാൻ ചെന്നതിനവനെ ചട്ടകം കൊണ്ടടിച്ചാ അവന്റമ്മ സമ്മതം കൊടുത്തേ…കൂടെ ധൈര്യത്തിന് ചെന്ന എനിക്കും കിട്ടി….!

”ഹഹഹ…..അവർക്കുണ്ടാവുന്ന പിള്ളേർക്ക് പറഞ്ഞു കൊടുക്കാൻ ഒരു സ്റ്റോറി ആയല്ലേ അപ്പൊ….?

“നമുക്കും ഒണ്ടല്ലോ ഇതിലും വലുതൊന്നു…”

അവളുടെ മുഖത്തു നോക്കിയവൻ പറഞ്ഞു..അത് കേട്ടവളുടെ കവിളുകൾ അല്പം ചുവന്നു വന്നു…നാണം കൊണ്ടുവൾ പറഞ്ഞു

“അതെ അതെ….പോലീസ് സ്റ്റേഷനിലിരുന്ന് പ്രൊപോസ് ചെയ്ത കഥ പറയാൻ മാത്രം ഒണ്ട്….എന്തൊക്കെ ആയിരുന്നു…റോഡിന്റെ നീളവും വീട്ടിലേക്കുള്ള ദൂരവും…ആരാധ്യം വരും…ഹോ…എന്നെകൂടി ലാസ്റ്റ് ടെൻഷൻ അടിപ്പിച്ചു…

അവന്റെ കയ്യിൽ നുള്ളിക്കൊണ്ടവൾ പറഞ്ഞു…

”ആഹ്…ദേ പെണ്ണെ നിനക്കീ നുള്ളലും കടിയും കൊറച്ചു കൂടുന്നുണ്ടേ…“

വേദനതോന്നിയിടത്തു തടവി കൊണ്ടവൻ പറഞ്ഞു…

”എല്ലാം കൂടി ചേർത്ത് ഞാനൊന്ന് തരും…അതുവരെ കാണും നിന്റെയീ പിച്ചൽ…!

അവളെ നോക്കി പേടിച്ചുകൊണ്ടവൻ പറഞ്ഞു അത് കണ്ട ആദി പതിയെ ചിരിച്ചു കൊണ്ടിരിന്നു

അവിടുന്ന് ഫുഡ്‌ ഒക്കെ കഴിച്ചു അല്പ നേരം കൂടി ചുറ്റി കറങ്ങിയ ശേഷമവർ പുറത്തേക്കിറങ്ങി

“നമുക്ക് ഹോസ്പിറ്റലിൽ പോയാലോ…?

ബൈക്കിൽ കയറുന്നതിനിടയിൽ അവൾ ചോദിച്ചു

”വേണേൽ പോകാം..പക്ഷെ നല്ല പോസ്റ്റ്‌ അടിക്കേണ്ടി വരും..അമ്മ ബിസി ആവാൻ ചാൻസ് ഒണ്ട്..“

അവിടുത്തെ തിരക്കോർത്തുകൊണ്ടുവൻ പറഞ്ഞു..

”അത് സാരമില്ല…“

വീട്ടിൽ തന്നെ ഇരുന്ന് ബോറടിച്ചു മടുത്ത അവൾ പറഞ്ഞു…പിന്നൊന്നും പറയാതെയവൻ വണ്ടി മുന്നോട്ടെടുത്തു….അവർ തമ്മിലുള്ള അകലം വളരെ കുറവായിരുന്നു ബൈക്കിലിരിക്കുമ്പോൾ….അവന്റെ പുറത്തേക്ക് ചാഞ്ഞു കിടന്നവൾ ഇരു കൈകൾ കൊണ്ടുമവനെ കെട്ടിപിടിച്ചിരുന്നു

പോകുന്ന വഴിയിലുള്ള പോർഷേ ഷോറൂം കണ്ടതും അവിടേക്ക് ഒന്ന് നോക്കിക്കൊണ്ടവൻ വണ്ടിയോടിച്ചു..അത് ആദി മുൻപിലെ കണ്ണാടിയിലൂടെ ശ്രദ്ധിച്ചിരുന്നു

”ഇവിടെ ആണോ ജോയ്ക്ക് ഏറ്റവും ഇഷ്ടമുള്ള വണ്ടിയുള്ളത്…?

അവന്റെ ചെവിക്കടുത്തു വന്നുകൊണ്ടുവൾ ചോദിച്ചു

“മമ്…എന്റെ വലിയ സ്വപ്നങ്ങളിൽ ഒന്നാ അത്….വിലയല്പം കൂടുതലാ എന്നാലും ഒന്ന് രണ്ടു വർഷത്തിനുള്ളിൽ ഞാനത് സ്വന്തമാക്കും….”

നിറഞ്ഞ ആത്മവിശ്വാസത്തോടെയവൻ പറഞ്ഞു…അത് കേട്ട ആദിയുടെ ചുണ്ടിലുമൊരു ചിരി വിടർന്നു…..ഉത്തരവാദിത്തമില്ല ലക്ഷ്യബോധമില്ല എന്നൊക്കെ പലരും അവനെക്കുറിച്ചു പറയുമെങ്കിലും ഈ ഒരു കാര്യത്തിന് വേണ്ടി ഇത്രയധികം ആഗ്രഹിക്കുന്ന ജോയെ അവൾ സ്നേഹത്തോടെ കെട്ടിപിടിച്ചു

നിമിഷങ്ങൾ കൊണ്ടു തന്നെ അവർ ഹോസ്പിറ്റലിനകത്തേക്ക് കയറി…ജെസി അപ്പോൾ ഒരു എമർജൻസി കേസുമായി തിരക്കിലായിരുന്നു

“നിന്നോട് ഞാൻ പറഞ്ഞേയല്ലേ പോസ്റ്റ്‌ ആകുമെന്ന്…ഇതൊക്കെ ഞാൻ എത്ര കണ്ടെയാണെന്ന് അറിയോ…”

അത് കേട്ടവളുടെ മുഖമൊന്ന് വാടി..അത് കണ്ട ജോ അവളെ ചേർത്തു പിടിച്ചുകൊണ്ടു പറഞ്ഞു

“സാരമില്ല..എന്തായാലും ഇവിടെ വന്നെയല്ലേ…എനിക്ക് ഒരുപാട് ഇഷ്ടമുള്ള ഒരു സാധനം ഒണ്ടിവിടെ…ബാ കാണിച്ചു തരാം…”

അവനവളെയും ചേർത്തു പിടിച്ചുകൊണ്ടു ക്യാന്റീനിലേക്ക് നടന്നു..എവിടേക്കാണ് പോകുന്നതെന്ന് മനസിലാവാതെ അവളും കൂടെ നടന്നു….

അവൾക്കിരിക്കാൻ ഒരു കസേര വലിച്ചിട്ടുകൊണ്ട് അവൻ മറുവശത്തു പോയിരുന്നു

“ഇവിടെയെന്താ ജോ…?

ഒന്നും മനസിലാവാതെയവൾ ചോദിച്ചു

”അതൊക്കെ ഒണ്ട്…ചേച്ചി രണ്ടു ചായ…പിന്നെ പതിവ് സാധനവും എടുത്തോ…!!

അപ്പുറത്തായി ചായ അടിച്ചു കൊണ്ടിരുന്ന ചേച്ചിയെ നോക്കിയവൻ വിളിച്ചു പറഞ്ഞു…അധികം വൈകാതെ തന്നെ നിറഞ്ഞൊരു ചിരിയുമായി അവർ രണ്ടു ചായ കൊണ്ടുവന്ന മേശപ്പുറത്തു വച്ചു…പിറകെ തന്നെ ആവി പറക്കുന്ന മൊരിഞ്ഞ നാലു പഴംപൊരിയും…തിളച്ച എണ്ണ കുടിച്ചു തിളങ്ങി നിൽക്കുന്ന അതിൽ നിന്നൊന്നെടുത്തവൻ പതിയെ കടിച്ചു…ചൂട് ഉള്ളത് കൊണ്ടു തന്നെ സാവധാനം ആസ്വദിച്ചു കൊണ്ടാണവൻ തിന്നുന്നത്…അത് കണ്ട ആദിയും ഒന്നെടുത്തു കഴിച്ചു നോക്കി….പാകമായ എത്തപ്പഴവും ചേച്ചിയുടെ സ്‌പെഷ്യൽ മാവും ചേർത്തുണ്ടാക്കിയ പഴംപൊരിയുടെ സ്വാദിലവൾ ലയിച്ചു നിന്നു..അത് കണ്ട ജോ എങ്ങനെ ഉണ്ടെന്ന് കണ്ണുകൾ കൊണ്ടു ചോദിച്ചു….

+4

0