💫Evil on earth✨ – 6അടിപൊളി  

കണ്ടമാത്രയിൽ തന്നെ അവനോട് തോന്നിയ ആകർഷണം പടർന്നു പന്തലിച്ചു സ്നേഹമെന്ന പ്രതിഭാസമായി അവളിൽ…..

“നീ ആരാണെന്നോ എന്തു ചെയ്യുന്നുവെന്നോ എനിക്ക് അറിയില്ല…എന്നെ പറ്റിക്കുവാണോന്ന് പോലും…പക്ഷെ ഒന്ന് പറയാം…ജീവിതത്തിൽ ആദ്യമായാണ് എനിക്ക് ഒരാളോട് ഇത്രയും ഭ്രാന്തമായി പ്രണയം തോന്നുന്നത്….നീ അല്ലാതെ മറ്റൊരു പുരുഷനും എന്റെ ജീവിതത്തിൽ ഉണ്ടാവുമോയെന്ന് എനിക്ക് സംശയമാ ഇപ്പൊ…!

ഇരച്ചു കയറിയ രക്തസമ്മർദ്ദത്തിൽ കിതച്ചു കൊണ്ടവൾ പറഞ്ഞു…തന്റെ ശരീരം ചൂടുപിടിച്ചൊരു തൂവലു കണക്കെ ഉയർന്നു പോവുന്നതായി അവൾക്കു തോന്നി….ഒരു ബലതിനെന്നവണ്ണമവൾ അവനെ ചുറ്റി പിടിച്ചു…..

”ദേവിക…“

തന്നെ കെട്ടിപിടിച്ചു നിൽക്കുന്ന അവളെ അവൻ വിളിച്ചു….

”മമ്…“

മുഖമുയർത്തി നോക്കാതെ അവന്റെ നെഞ്ചിൽ തലചേർത്തു വച്ചാ താളത്തിലുള്ള ഹൃദയമിടുപ്പ് സ്രവിച്ചു കൊണ്ടുവൾ വിളി കേട്ടു….

”നമുക്ക്…നമുക്ക് നടന്നാലോ…?

അവന്റെയാ ചോദ്യം കേട്ടവൾ തല തിരിച്ചു പുറത്തേക്ക് നോക്കി….കെട്ടടങ്ങാതെ പെയ്യുന്ന മഴയെ നോക്കിയവൾ അവന്റെ മുഖത്തേക്ക് തല തിരിച്ചു..പിന്നെ ചുണ്ടിൽ പൊട്ടി വിരിഞ്ഞൊരു ചിരിയോടെ അവന്റെ കൈ പിടിച്ചു വലിച്ചുകൊണ്ട് മഴയത്തേക്ക് ചാടി

മഴ നനയാമെന്നവൻ പറഞ്ഞിങ്കിലും അവളിങ്ങനെ പ്രതികരിക്കുമെന്ന് അവനു തോന്നിയില്ല….അവളുടെയാ ചിരിയിൽ പങ്കു ചേർന്നുകൊണ്ടവൻ ബെഞ്ചിൽ ഇരുന്ന ദേവികയുടെ പേഴ്സ് ഒരു കൈ കൊണ്ട് എടുത്തു പുറത്തേക്ക് ചാടി…..

കാലം തെറ്റിപ്പെയുന്ന മഴയിലൂടെ കാലങ്ങൾ മുന്നേ ബന്ധമുള്ളത് പോലെ ഒന്നായി ചേർന്ന അർഥറും ദേവികയും കൈ പിടിച്ചു നടന്നു….ഇടക്ക് അവളുടെ കുസൃതികളും സംസാരവും ആസ്വദിച്ചവൻ അവളോടൊപ്പം റോഡിറങ്ങി………………!

താൻ ഒരനാഥനാണെന്നും ഒറ്റപ്പെട്ടു ജീവിക്കുന്ന ഒരാളുമാണെന്ന് ആർഥർ അവളോട് പറഞ്ഞു……താൻ വന്നു വീണ ഷിപ്പിലെ സാങ്കേതികവിദ്യകൾ പലതും മാറ്റങ്ങൾ വരുത്തിയവൻ പല ബാങ്കുകളുടെയും സേർവറിൽ കയറിയിരുന്നു….പാക്ക് ഭീകരസംഘടനകളുടെ ഉപയോഗ്യശൂന്യമായ ബിനാമി അക്കൗണ്ടുകൾ കണ്ടുപിടിച്ചയവൻ തനിക്ക് വേണ്ടത്ര പണം അതിൽ നിന്നും പിൻവലിച്ചു….തങ്ങളുടെ വിവാഹത്തിനവളുടെ വീട്ടുകാരുടെ സമ്മതം ലഭിക്കണമെങ്കിൽ സ്ഥിരവരുമാനമുള്ളൊരു ജോലി ആവശ്യമായി അവനു തോന്നി…അതുകൊണ്ട് തന്നെ കർണാടക ബോർഡറിലായി പണി തീർന്നൊരു റിസ്സോർട്ടവൻ വിലക്കുവാങ്ങി…..അതിന്റെ അറ്റകുറ്റ പണികൾക്കൊടുവിൽ carlton എന്ന പേരു നൽകിയാ റിസ്സോർട്ട് നടത്തുവാൻ തുടങ്ങി…അധികം വൈകാതെ തന്നെ ഇരുവരുടെയും വിവാഹത്തിനായി ആലക്കൽ തറവാട്ടിൽ നിന്നും സമ്മതം നൽകി….എന്നാൽ തന്റെ പദ്ധതികൾ എല്ലാം പിഴക്കുന്നത് മനസിലാക്കിയ വിശ്വൻ കലിപൂണ്ടു നടന്നു…അയാൾ അവർക്കിടയിൽ പ്രശ്നങ്ങൾ ഉണ്ടാക്കാനുള്ള വഴികൾ തേടി…എന്നാൽ ഹൃദയങ്ങൾ കൊണ്ടത്രമാത്രം അടുത്തു പോയ ദേവികയും ആർഥറും അവയെല്ലാം അതിജീവിച്ചു….ഒടുക്കം എല്ലാവരെയും സാക്ഷിനിർത്തി ദേവികയുടെ കഴുത്തിലവൻ താലി ചാർത്തി……..അത് കൊണ്ടൊന്നും വിശ്വൻ തളർന്നില്ല…അടി കിട്ടിയ പാമ്പിനെ പോലെയാൾ ആക്രമിക്കാനായി തക്കം പാർത്തിരുന്നു…..

————————————

ദേവിനെ ഇല്ലാതാക്കാൻ വഴി നോക്കിയിരുന്ന വിശ്വന്റെ കണ്ണുകളെ ത്രസിപ്പിച്ചു കൊണ്ടായിരുന്നു അയാളുടെ ഫോണിലേക്ക് രാത്രി വൈകിയൊരു മെസ്സേജ് വന്നത്….ഇന്ത്യക്ക് അകത്തും പുറത്തുമായി പടർന്നു കിടക്കുന്നൊരു വലിയ ഹാക്കർ കമ്യൂണിറ്റിയുടെ ഭാഗമായി പ്രവർത്തിക്കുന്ന Lazurus ഗ്രൂപ്പിൽ നിന്നാണത് അയാൾക്ക് വിവരങ്ങൾ എത്തിയത്…നോർത്തു കൊറിയ ആസ്ഥാനമാക്കി പ്രവർത്തിച്ചിരുന്ന അവർക്കെതിരെ കണക്കിലധികം ക്രിമിനൽ കേസുകൾ വന്നു നിറഞ്ഞതോടെ ഏജൻസി പൂട്ടിപ്പോയി…എന്നാൽ അതിലുള്ള അംഗങ്ങളെ walter ഷാ ഗ്രൂപ്പ് വിലക്കെടുത്തിരുന്നു…ഷായുമായി വളരെയധികം അടുപ്പം സ്ഥാപിച്ചിരുന്ന വിശ്വൻ ഇന്ത്യയിൽ അവരുടെ ടീമിനു വർക്ക് ചെയ്യാനായി സൗകര്യമൊരുക്കി…വാൾട്ടർ ഷായുടെമരണത്തിനു ശേഷം അവർക്ക് വേണ്ടി അയാളുടെ പേർസണൽ ബാങ്ക് അക്കൗണ്ടിൽ നിന്നും കണക്കിൽ കവിഞ്ഞ വിധം ഫണ്ടിങ് ഏർപ്പാടാക്കി…..

കോഴിക്കോട് നിന്ന് തിരിക്കുന്നതിന് മുൻപയാൾ അവരുമായി ബന്ധപ്പെട്ടിരുന്നു…അവർ കളക്ട് ചെയ്ത വിവരങ്ങൾ കണ്ടയാൾ ഒരുപാട് നേരം ആലോചനയിലാണ്ടു….തെളിവുകൾ ഒന്നുമില്ലാതെ ദേവിനെ തീർക്കുക എന്നതായിരുന്നു ലക്ഷ്യം….ഒരൊറ്റ പിഴവ് മതി തന്റെ സാമ്രാജ്യം ഇല്ലാതാവാൻ എന്നൊരു ചിന്ത അയാൾക്കുണ്ടായിരുന്നു…കാരണം ഡാനിയേലിന്റെ പിടിപാടുകൾ അത്രക്ക് വലുതാണ്….

ഒടുക്കം വിശ്വനൊരു വഴി കണ്ടെത്തി…അത് സേഫ് ആണോയെന്നറിയാൻ അയാളൊരു നമ്പറിലേക്ക് വിളിച്ചു……

“ഡയാന…!

മറുപുറം കാൾ എടുത്തതോടെ അയാൾ വിളിച്ചു….

”പറയു വിശ്വൻജി….“

മറുപുറം നിന്നൊരു പെൺശബ്ദമുണർന്നു….

”ദേവിന്റെ ഡീറ്റെയിൽസ് കിട്ടി…അതിൽ അവരുടെ ഗ്യാരേജിൽ അവന്റെ പേരിൽ രജിസ്റ്റർ ചെയ്ത വണ്ടിയേതാ..?

“one minute sir……”

അല്പനേരത്തെ നിശബ്ദതക്കൊടുവിലവൾ അയാളോട് സംസാരിച്ചു തുടങ്ങി

“സർ അതൊരു പഴയ മോഡൽ കാർ ആണ്…Nissan Gtr….പഴയത് ആയതു കൊണ്ടു തന്നെ restoration ചെയ്യാൻ വേണ്ടി കൊണ്ടു വന്നതാണ്…almost എല്ലാ വർക്കുകളും തീർന്നതായി ആണ് കാണിക്കുന്നത്…!

അവൾക്കു കിട്ടിയ വിവരങ്ങൾ അയാൾക്ക് നൽകി….അത് കേട്ട അയാളുടെ ചുണ്ടിൽ ഒരു ചിരി വിടർന്നു…തന്റെ റൂമിനടുത്തായി പണിത ഓഫീസ് റൂമിലേക്കയാൾ നടന്നു…

അവിടെ ഉണ്ടായിരുന്നു സിസ്റ്റം ഓൺ ചെയ്തതും ദേവ് ഓഫീസിൽ വന്നു മുഴക്കിയ ഭീഷണിയുടെ ദൃശ്യങ്ങൾ ആയിരുന്നതിൽ…അവനോടുള്ള ദേഷ്യം കാരണം വീണ്ടും വീണ്ടുമാ cctv ദൃശ്യങ്ങൾ റിവൈണ്ട് ചെയ്ത് കാണുന്നതിനിടയിൽ ആയിരുന്നയാൾക്ക് ഏജൻസി നൽകിയ വിവരങ്ങൾ ലഭിച്ചത്….

അയാൾ ക്യാമെറകളുടെ പൊസിഷൻ മാറ്റി അവൻ ഓഫിസിലേക്ക് വന്നു കയറുന്ന ദൃശ്യങ്ങൾ എടുത്തു…അത് കൂടാതെ പാർക്കിങ്ങിൽ കാർ നിർത്തി വെളിയിൽ ഇരുന്ന ദേവിനെയും…വിശ്വൻ ചുണ്ടിൽ വിരിഞ്ഞൊരു വില്ലൻ ചിരിയോടെ അവന്റെ കാർ zoom ചെയ്തു…ഒറ്റ നോട്ടത്തിൽ തന്നെ ലക്ഷങ്ങൾ വാരി എറിഞ്ഞു രൂപമാറ്റം ചെയ്ത അവന്റെ പോർഷേ കണ്ടയാൾ ഫോണിൽ ഡയാനയോട് പറഞ്ഞു

“പണി തീർന്നായാ വണ്ടി എടുക്കാൻ ദേവ് തന്നെ ആവും വരിക…!

വളരെ ആത്മവിശ്യാസത്തോടെയുള്ള അയാളുടെ സംസാരം കേട്ട ഡയാന ഒരു സംശയത്തോടെ ചോദിച്ചു

”സർ നമുക്കത് തറപ്പിച്ചു പറയാൻ പറ്റില്ല…!

“പറ്റും ഡയാനാ…അവനൊരു വണ്ടിപ്രാന്തൻ ആണ്….അത് എനിക്ക് മനസിലായി….പഴക്കം ചെന്നൊരു വണ്ടി ഇത്രയും കാത്തിരുന്നവൻ പണിതറക്കണമെങ്കിൽ അതിനോട് അവനൊരു ബന്ധം കാണും…അതുകൊണ്ട് തന്നെ ഡെലിവറി എടുക്കാൻ അവൻ തന്നെ വരും……!

+4

0