💫Evil on earth✨ – 6 1അടിപൊളി  

അമാൻഡ വണ്ടിയിൽ കയറി ഡോർ അടഞ്ഞതും പിറകിലെ സീറ്റിൽ നിന്നുമൊരു കൈ അവൾക്ക് നേരെ ഉയർന്നു വന്നതും ഒരേ നിമിഷമായിരുന്നു…കൈ നിറയെ ടാറ്റൂവുമായി വികൃതമായി തോന്നിയയാ ബലിഷ്ടമായ കയ്യിൽ ചുരുട്ടി പിടിച്ചൊരു കർച്ചീഫ് ഉണ്ടായിരുന്നു….പിറകിൽ നിന്നൊരു അനക്കം കേട്ടതും അമാൻഡ ഉയർന്നു വന്നയാ കൈ തന്റെ ഇടതു കൈകൊണ്ട് പിടിച്ചതും ഒരേനിമിഷമായിരുന്നു….

പിറകിൽ നിന്നാക്രമിച്ചവൻ അങ്ങനൊരു നീക്കം പ്രതീക്ഷിച്ചില്ലായിരുന്നു…അവൻ തന്റെ കൈയിലേക്ക് ഫോഴ്സ് കൊടുക്കുന്ന സമയം കൊണ്ടു തന്നെ അമാൻഡ ഇടതു കയ്യുടെ കൂടെ വലതു കരം കൂടെ ചേർത്ത് മുകളിലേക്ക് ഒറ്റ തിരി…പൊട്ടുന്ന ശബ്ദത്തോടെ അയാളുടെ കൈകുഴ തെറ്റി മടങ്ങി…

“”“ആആആ……”“”“

വേദന കൊണ്ടു ചുവന്ന മുഖവുമായി അയാൾ നേരത്തെ തയ്യാറാക്കി വച്ച തോക്ക് വലതു കൈ കൊണ്ട് പിറകിൽ നിന്നെടുത്തു….എന്നാൽ ഒറ്റയടിക്ക് സീറ്റിൽ തിരിഞ്ഞിരുന്ന അമാൻഡ അയാളുടെ മുഖത്തു കൈ മുട്ടുകൊണ്ടടിച്ചു ശ്രദ്ധ തിരിച്ചു…അപ്രതീക്ഷിതമായ അടിയിൽ വാ തുറന്നു പോയവന്റെ തല വലതു വശത്തേക്ക് ചെരിഞ്ഞു…അതേ ടൈം തന്നെയവൾ അവന്റെ കയ്യിൽ നിന്ന് തോക്ക് തട്ടിയെടുത്തു…റഷ്യൻ made ലേറ്റസ്റ്റ് ഗൺ ആയിരുന്നത് പോരാത്തതിന് ശബ്ദം വെളിയിലേക്ക് ഒരു തരി പോലും പോകാതിരിക്കാനുള്ള സൈലെൻസറും ഘടിപ്പിച്ചിരുന്നു….തന്നെ കൊല്ലനായിരുന്നു ലക്ഷ്യമെന്ന് മനസിലാക്കിയ അവൾ മറ്റൊന്നും ചിന്തിക്കാതെ അവന്റെ തൂങ്ങിയ കീഴ്താടിക്ക് മുകളിൽ തോക്ക് വച്ചു കാഞ്ചി വലിച്ചു….

“”“”ടിക് “”“”“”

അങ്ങനെയൊരു ചെറു ശബ്ദത്തോടെ മാത്രമൊരു ബുള്ളറ്റ് പാഞ്ഞു വന്നവന്റെ കീഴ് താടി തുളച്ചു തലക്ക് മുകളിലൂടെ പാഞ്ഞു പോയി….തലയൊട്ടി പൊളിച്ചു കൊണ്ടത് കാറിനു മുകളിലെ റൂഫിൽ തട്ടി…..

കൺചിമ്മും നേരം കൊണ്ടാ കാറിന്റെ മുകൾ വശം മുഴുവൻ ചോര പടർന്നു…തലയൊട്ടി പിളർന്നവയൻ പിറകിലേക്ക് മലച്ചു വീണു…..

ഇതെല്ലാം നിമിഷങ്ങൾ കൊണ്ട് കഴിഞ്ഞതും എന്ത് ചെയ്യണമെന്ന് പിടി കിട്ടാതെ നിന്ന ഡ്രൈവർ സ്ഥാനത്തിരുന്നവൻ ഡാഷ് ബോർഡിൽ നിന്നൊരു ഗൺ തപ്പി തടഞ്ഞെടുത്തു…അത് ലോഡ് ചെയ്തവളുടെ നേരെ തിരിഞ്ഞതും അമാഡയുടെ തോക്കിൽ നിന്നും പാഞ്ഞു വന്ന രണ്ടാമത്തെ ബുള്ളറ്റ് അവന്റെ വലം കണ്ണിനു മുകളിലൂടെ കയറി പോയി….അടി കിട്ടിയത് പോലവന്റെ ബോഡി കാറിന്റെ സ്റ്റിയറിങ്ങിലേക്ക് വീണു

“ഓഹ് നോ…..!!!

അത് കണ്ട അമാൻഡ് എന്ത് ചെയ്യണമെന്നറിയാതെ ഡ്രൈവിങ് സീറ്റിലേക്ക് ചാടി കയറാൻ ശ്രമിച്ചു…പക്ഷെ അതിനു മുൻപേ അവളുയർന്നു വണ്ടിയുടെ റൂഫിൽ ഇടിച്ചു നിലത്തേക്ക് വീണു…..റോഡ് സൈഡിലുള്ള ഡിവൈഡറിലേക്ക് ഇടിച്ചു കയറിയ കാറിന്റെ പിന്ഭാഗം വായുവിലേക്ക് ഉയർന്നു പൊങ്ങിയതായിരുന്നു….രണ്ടു തവണയിൽ കൂടുതലായാ കാർ വായുവിൽ കറങ്ങി നിലം പതിച്ചു…………..

“ആഹ്ഹ്ഹ്….ഹ്ഹ…..!!!

അടഞ്ഞ കണ്ണുകൾ അമാൻഡ വലിച്ചു തുറന്നു…..താൻ കാറിന്റെ റൂഫിലാണ് കിടക്കുന്നത് അവൾക്ക് മനസിലായി…..വണ്ടി തല കുത്തനെ മറിഞ്ഞ അവസ്ഥയിലാണ്…പെട്ടന്ന് ചുറ്റുപാടും എന്താണെന്ന് ഒരു ധാരണയും കിട്ടാതിരുന്ന അവൾ എണീക്കാൻ ശ്രമിച്ചു…ഇടതു തോളിൽ വേദന അനുഭവപ്പെട്ടെങ്കിലും അത് കാര്യമാക്കാതെ അവൾ നിരങ്ങി നിരങ്ങി റോഡിലേക്ക് വീണു…നെറ്റി പൊട്ടി ചോര വരാൻ തുടങ്ങിയിരുന്നു….പറ്റുന്നത് പോലെ എണീറ്റ് നിന്നായവൾ തലയുയർത്തി ചുറ്റിനും നോക്കി..ആളുകളൊന്നും ഓടി കൂടിയിട്ടില്ല…പ്രധാന റോഡിൽ നിന്ന് മാറിയുള്ള ഏതോ പ്രദേശമാണ്….അവൾ കുനിഞ്ഞിരുന്നു തന്റെ ഹാൻഡ് ബാഗ് എടുത്തു..അതിൽ നിന്നെന്തെങ്കിലും നിലത്തു പോയിട്ടുണ്ടോ എന്ന് പരിശോധിച്ചു….എല്ലാം അതിൽ തന്നെ ഉണ്ടെന്ന് മനസിലാക്കിയതും അവൾ റോഡിലായി മാറി കിടക്കുന്ന തോക്ക് കണ്ട് അതിനടുത്തേക്ക് നടന്നു….അത് എടുക്കണോ വേണ്ടയോ എന്നായിരുന്നു അവളുടെ മനസ്സിലപ്പോൾ…ഒടുക്കം ഒരു ചിരിയോടെ അത് അവിടെ തന്നെ ഉപേക്ഷിച്ചവൾ റോഡിലേക്ക് കയറി നടന്നു………