💫Evil on earth✨ – 6 1അടിപൊളി  

 

കുലുങ്ങി ചിരിച്ചുകൊണ്ട് വിശ്വൻ ജോയെ നോക്കി

 

“എന്റെ മോനോട് ഞാൻ മുൻപൊന്ന് പറഞ്ഞെത അതിനെക്കുറിച്ചു…അവന് അതിലൊന്നും താല്പര്യമില്ല…എന്തിനേറെ ഇന്ത്യയിലേക്ക് വരാൻ പോലും കൂട്ടാക്കാത്തൊരു ചെറക്കൻ….”

 

തന്റെ മകന്റെ സ്വഭാവമോർത്തു വിശ്വൻ പറഞ്ഞു….

 

“എന്നാ ഞാൻ ഇറങ്ങട്ടെ സർ….”

 

പോകാനായി തുനിഞ്ഞു കൊണ്ട് ജോ ചോദിച്ചു

 

“താനെന്ന നാട്ടിലേക്ക് പോകുന്നെ…?

 

വിശ്വൻ ചോദിച്ചു…

 

”നാളെ…“

 

”എന്നാൽ അടുത്ത ഞായറാഴ്ച ബാംഗ്ലൂർക്ക് പോരെ…നമുക്കാ പ്ലോട്ട് പോയി കാണാം…“

 

വിശ്വനോട് യാത്ര പറഞ്ഞു ജോ ഡോർ അടച്ചു…ജോയെ നോകിയൊന്ന് ചിരിച്ചു കൊണ്ടയാൾ കാർ മുന്നോട്ടെടുത്തു

 

”ഞായർ…..ഇനിയൊരാഴ്ച്ച സമയം….ഹും….“

 

അയാൾ പോകുന്നത് നോക്കി ജോ പല്ല് കടിച്ചു…….അവന്റെയുള്ളിൽ പകയുടെ തീ ആളിക്കത്തി…..ഒരാഴ്ച സമയം വിശ്വനായി ജോ കുറിച്ചു നൽകി

 

ഇതേ സമയം ബാംഗ്ലൂർക്ക് പോകാനായി ഇറങ്ങിയതായിരുന്നു ദേവ്….ഉച്ച കഴിഞ്ഞാണ് അവന്റെ ഫോണിലേക്കാ കാൾ വന്നത്..താൻ പണി കഴിപ്പിക്കാനായി ഏൽപ്പിച്ചു വണ്ടി റെഡി ആണെന്ന് അറിയിച്ചു കൊണ്ട് ഗ്യാരജിൽ നിന്നായൊരുന്നാ കാൾ…

 

അതുവരെ അസ്വസ്ഥതമായ മനസ്സുമായി നടന്നയാവന്റെ മനസ്സ് അല്പം തണുപ്പിച്ചു കൊണ്ടുള്ളൊരു വാർത്തയായിരുന്നത്….അതുകൊണ്ട് തന്നെ കയ്യോടെ പോയാ വണ്ടി എടുക്കാനാവൻ തീരുമാനിച്ചു

 

”അമ്മാ ഞാൻ രാത്രി ബാംഗ്ലൂർക്ക് പോകുംട്ടോ…“

 

അടുക്കളയിലായിരുന്ന നൈലയോട് അവൻ വിളിച്ചു പറഞ്ഞു

 

”നീ എന്തിനാ ഇപ്പൊ തിരിച്ചു പോണേ…ക്ലാസ്സ്‌ തുടങ്ങിയില്ലല്ലോ അതിന്..?

 

സംശയത്തോടെ നൈലയവനെ നോക്കി..അവരുടെ സംസാരം കേട്ടു കൊണ്ടായിരുന്നു നീലിമയും അവിടേക്ക് വന്നത്

 

“ഇത് ഞാൻ പോയിട്ട് നാളെത്തന്നെയിങ് വരുമെന്നേ…വണ്ടി ശെരിയായിട്ടുണ്ട് അത് എടുക്കാൻ പോണതാ…”

 

അവൻ സന്തോഷത്തോടെ അവരെ നോക്കി

 

“ഓ അതായിരുന്നോ..”

 

വണ്ടികളുടെ കാര്യത്തിൽ വലിയ താല്പര്യമൊന്നുമില്ലാതിരുന്ന നൈല അതും പറഞ്ഞു അടുക്കളയിലേക്ക് നടന്നു..എന്നാൽ നീലിമ അവന്റെ മുഖത്തെ സന്തോഷം മുഴുവൻ നോക്കി കാണുകയായിരുന്നു…കുറച്ചു ദിവസങ്ങൾക്ക് ശേഷമാണ് അവൻ മനസ്സ് തുറനൊന്നു ചിരിക്കുന്നത്

 

“ഏട്ടാ ഞാനും വരട്ടെ..?

 

അവനടുക്കലായി വന്നുകൊണ്ട് നീലിമ കൊഞ്ചി

 

”നീ എന്ത് കാണാൻ വരുന്നെയാ…“

 

അവളെ നോക്കിയവൻ ചിരിച്ചു

 

”അത് കൊറച്ചു കാലമായിലേ അവിടേക്ക് ഒക്കെ പോയിട്ട്…അതോണ്ട്…ആ പിന്നെ അഞ്ചു ചേച്ചിയും വന്നിട്ടുണ്ട് ബാംഗ്ലൂർ അവളെയും കൂട്ടാം നമുക്ക്…“

 

പെട്ടെന്ന് എന്തോ ഓർത്തത് പോലവൾ അവനെ നോക്കി

 

”അഞ്ചുവോ…എപ്പോ എത്തി അവൾ….?

 

ഡാനിയുടെ കുടുംബത്തിലെ തന്നെ ആയിരുന്നു അഞ്ചുവും…ഏകദേശം ദേവിനെക്കാൾ രണ്ടു വയസ്സ് ഇളയത് ആയിരുന്നവൾ…ഓസ്ട്രേലിയയിൽ പഠിക്കുകയായൊരുന്നു…

 

“കഴിഞ്ഞ ആഴ്ച…എന്നെ വിളിച്ചായിരുന്നു..അവിടെ ബോറടി ആണെന്ന്..ഈ ആഴ്ച ഇങ്ങോട്ട് വരാൻ നിൽക്കുവായിരുന്നു എന്തായാലും..നമുക്ക് ആ വഴി ചേച്ചിയെയും കൂട്ടി വരാം…”

 

നീലിമ അവളുടെ പ്ലാൻ പറഞ്ഞു…

 

“പക്ഷെ വണ്ടി…?

 

അവനൊരു സംശയത്തോടെ അവളെ നോക്കി

 

”നമ്മള് പോണ വണ്ടി ചേച്ചി എടുത്തോളും…മറ്റേ റേസിംങിലൊക്കെ പോണ ആളല്ലേ…?

 

അവളൊരു കുസൃതി നിറഞ്ഞ നോട്ടവുമായി ദേവിനെ നോക്കി

 

“മറ്റേ റേസിങ്ങോ..?

 

അവളുടെ സംസാരം കേട്ട ദേവ് ഉച്ചത്തിൽ ചിരിച്ചു…..

 

”ആന്നേ…ഈ മണ്ണിലൂടെയും കാട്ടിലൂടെയും കാറോടിക്കുന്ന…“

 

”എന്റെ പൊന്ന് പെണ്ണെ മഡ് റേസിംഗ് ആണോ നീ ഉദ്ദേശിച്ചത്…ആഹഹാ…!!

 

“ആ പേരൊന്നും അറിയാൻ മേല..അതൊക്കെ ഓടിക്കുന്ന ആളാ…അപ്പൊ പിന്നെ ഏട്ടന്റെ പാട്ട വണ്ടി ഓടിക്കാനാണോ ഇത്ര പാട്…”

 

അവളുടെ സംസാരം കെട്ടവനവളുടെ ചെവിയിൽ പിടിച്ചു

 

“പാട്ട വണ്ടിയോ….പോർഷേ ആണത് പോർഷേ…”