💫Evil on earth✨ – 6 1അടിപൊളി  

അവളുടെ ചെവിയിൽ പിടിച്ചു വേദനിപ്പിക്കാത്ത രീതിയിൽ തിരിച്ചു കൊണ്ടവൻ പറഞ്ഞു

 

“ആ ശെരിശെരി….ഞാൻ വിളിച്ചു പറയട്ടെ ചേച്ചിയോട്…?

 

അവൾ ഒരു കണ്ണടച്ചവനെ തല തിരിച്ചു നോക്കി

 

ദേവ് ഒരു നിമിഷം ആലോചിച്ചശേഷം അവളോട് ഒക്കെ പറഞ്ഞു..അത് കേട്ട പാടെ അവന്റെ കയ്യിൽ നിന്നും ഫോണും വാങ്ങി കൊണ്ടവൾ തുള്ളി ചാടി അകത്തേക്ക് ഓടി

 

ഏഴുമണി കഴിഞ്ഞതോടെ ദേവും നീലിമയും കാറുമായി ഇറങ്ങി….രാത്രി വൈകി മെയിൻ റോഡിലൊക്കെ തിരക്ക് കുറവായത് കൊണ്ടു തന്നെ അതികം വൈകാതെ തന്നെ അവരുടെ വണ്ടി ബോർഡറുകടന്നു

 

തിരിച്ചുള്ള വരവ് വൈകിക്കേണ്ടെന്ന് കരുതി അഞ്ചുവിനോട്ഗാറേജിൽവന്നു നിൽക്കാൻ നീലിമ പറഞ്ഞിരുന്നു..അതനുസരിച്ചു തന്നെയവർ ഗാറേജിൽ എത്തിയപ്പോളവിടെ അഞ്ചുവും ഉണ്ടായിരുന്നു…..

 

”എവിടാരുന്നു നിങ്ങള്…അവരിപ്പോ ഷോപ്പ്പൂട്ടി ഇറങ്ങിയതേ ഉള്ളു…“

 

വാച് നോക്കി കൊണ്ടവൾ ദേവിനോട് പറഞ്ഞു….

 

”പോയോ…?

 

അവൻ അവൾക്ക് പിറകിലായി അടഞ്ഞു കിടക്കുന്ന ഷട്ടർ നോക്കി

 

“പിന്നല്ലാണ്ട്….കൊറേ നേരം നോക്കി ഇരുന്നു.,,പിന്നെ വൈകണ്ടല്ലോന്ന് കരുതി ഞാനാ പറഞ്ഞെ പൊയ്ക്കൊള്ളാൻ….”

 

അതും പറഞ്ഞൊരു ചിരിയോടെവൾ ഒരു കീ അവനു നേരെ പൊക്കി കാണിച്ചു….അത് കണ്ടതും അവന്റെ മുഖം നൂറു വാൾട്ട് ബൾബ് കത്തിയത് പോലെ പ്രകാശിച്ചു….

 

“നോക്കിയേടി നീലിപ്പെണ്ണേ നിന്റെ ചേട്ടന്റെ സന്തോഷം….”

 

അവനെ നോക്കി ചിരിച്ചു കൊണ്ടുവൾ കീ ഇട്ട് ഇളക്കി

 

“പക്ഷെ ചിരിക്കണ്ടമോനെ…വണ്ടി ഞാൻ കണ്ടു…എന്നാ കിടിലൻ സാധനമാ…ആ വീട്ടിൽ തുരുമ്പെടുത്തു കിടന്നപ്പോ പോലും ഇത്രയും ഭംഗി ഉണ്ടാവുമെന്ന് ഞാൻ കരുതിയില്ല…സൊ ഇവിടുന്ന് ബോർഡറു വരെ റേസ് വെക്കാം നമുക്ക്….”

 

പുരുകമുയർത്തി ചിരിക്കുന്ന മുഖവുമായി അഞ്ചു അവനെ നോക്കി…അത് കണ്ടപ്പോ ചുണ്ടിൽ വിരിഞ്ഞ ചെറു ചിരിയുമായി ദേവ് പിറകിലേക്ക് റോഡിലേക്ക് നോക്കി…..

 

വിജനമായാ പാത……..

 

“ശെരി…”

 

അവൻ അതേ ചിരിയോടെ സമ്മതം നൽകി…ഇരുവരുടെയും നിൽപ്പ് കണ്ട നീലിമ സന്തോഷം കൊണ്ടു കയ്യടിച്ചു ആ റേസിന് തന്റെയും പിന്തുണ അറിയിച്ചു

 

“But one condition dev……ഒരു റേസ് ആവുമ്പോൾ ഒരു സമ്മാനവും വേണ്ടേ…സൊ…ഇവിടെ ആവശ്യക്കാരൻ നീ ആയതു കൊണ്ടും നമ്മൾക്ക് രണ്ട് വണ്ടികളും ഉള്ളത് കൊണ്ടും…”

 

പാതിവച്ചു നിർത്തി കൊണ്ടുവൾ അവനെ നോക്കി…ബാക്കി എന്താണെന്ന് അറിയാനുള്ള ആകാംഷയിൽ ദേവും നീലിമയും അവളെ നോക്കി ….

 

എന്നാൽ അവരെ നോക്കി ചിരിച്ചുകൊണ്ട് അഞ്ചു പിറകിലേക്ക് നടന്നു….അവളെങ്ങോട്ടാ പോകുന്നതെന്ന് മനസിലാവാതെ ഇരുവരും നിന്നും

 

“ബാക്കി എന്താ..?

 

ഷെമകെട്ട് നീലു വിളിച്ചു ചോദിച്ചു….

 

”ഹഹഹ….ബാക്കി…റേസ് ജയിക്കുന്നവർക്ക് കേരളാബോർഡർ മുതൽ വണ്ടിയൊടിക്കാം….!!!

 

“വണ്ടിയോ…ഏത്…?

 

സംശയത്തോടെ നീലിമ ചോദിച്ചു…ആ ചോദ്യം പ്രധീക്ഷിച്ചത് പോലെ അഞ്ചു വലിയ ബ്ലാക്ക് കവർ കൊണ്ടു മൂടിയിട്ടിരുന്ന ഒരു സ്ഥലത്തിരുന്നു…അത് എന്താണെന്നു ശ്രദ്ധിച്ചു നോക്കിയ ദേവിന് മനസിലായി അതൊരു കാറിന്റെ ബോണറ്റ്ആണെന്ന്

 

”ഈ കാർ….!!

 

അതും പറഞ്ഞവൾ കയ്യിൽ പിടിച്ചിരുന്ന കീ ഉയർത്തി കാണിച്ചതിലൊരു സ്വിച്ച് ഞെക്കി

 

“”“”“കീ കീ…”“”“

 

ലോക്ക് തുറക്കുന്ന ശബ്ദം അവിടെ മുഴങ്ങി..കൂടെ അഞ്ചു ഇരുന്നിരുന്ന കവറിന്റെ ഇരുസൈഡിൽ നിന്നും വളരെ ശക്തിയറിയ രണ്ടു ഓറഞ്ചു ബൾബുകൾ മിന്നി കത്തി

 

”ദേ ഏട്ടാ കാർ…“

 

നീലിമയാ വണ്ടി മനസിലാക്കിയതും ദേവിനെ നോക്കി…എന്നാൽ അവന്നപ്പോഴും അതേ ചിരിയോടെ അഞ്ജുവിനെ നോക്കി നില്കുകയായിരുന്നു

 

”റെഡി ആണോ ദേവ്….!!

 

എണീറ്റ് നിന്നാ കാറിനെപൊതിഞ്ഞ കറുത്ത കവറിൽ പിടിച്ചു ശക്തിയിൽ വലിച്ചു കൊണ്ടവൾ ചോദിച്ചു….

 

അല്പ്പംപൊടി പറത്തി കൊണ്ടാ കവർ പൂർണ്ണമായും നിലത്തേക്ക് അഴിഞ്ഞു വീണു

 

മുൻപിൽ നീല നിറത്തിൽ തിളങ്ങുന്ന പുതുപുത്തൻ കാറിനു സമമായി കിടക്കുന്ന Nissan GTR നോക്കി ദേവ് ഒരുനിമിഷം നിന്നു…അവന്റെയുള്ളിൽ സന്തോഷം അലയടിക്കുന്നുണ്ടായിരുന്നു….പപ്പയിത് കണ്ടുമ്പോ എങ്ങനെ പ്രതികരിക്കുമെന്ന് അറിയാനായി അവന്റെയുള്ളം തുടിച്ചു,..ഡാനി പറഞ്ഞു കേട്ടിട്ടുണ്ട് അയാളുടെ പെങ്ങൾ ഒരുപാട് ഇഷ്ടപ്പെട്ടിരുന്ന അപൂർവംചില കാര്യങ്ങളിൽ ഒന്നായിരുന്നു ഇവനെന്ന്…