💫Evil on earth✨ – 6അടിപൊളി  

സെയിൽസ് ഗേളിനടുത്തു പോയി എന്തോ പറഞ്ഞു ചിരിച്ച ആദിയെ അവൻ നോക്കി..പെട്ടന്ന് ആയിരുന്നു ആ സെയിൽസ് ഗേൾ അവനെ നോക്കി ഒരാക്കിയ ചിരിയോടെ റാക്കിൽ എന്തോ തിരയാൻ തുടങ്ങിയത്…അധികം പ്രായം തോന്നിക്കാത്ത ആ പെണ്ണിന്റെ ആക്കിയ ഭാവത്തിലുള്ള ചിരി കണ്ടതും ജോ നിന്ന നിൽപ്പിൽ ആവിയായി പോയ അവസ്ഥയിലായി….അപ്പോളേക്കും പാക്ക് ചെയ്ത ഒരു കവറുമായി ആദി അവനടുത്തേക്ക് ഓടിയെത്തി…ശിലപോലെ നിന്ന ജോയെയും തള്ളിക്കൊണ്ടവൾ ബില്ലടക്കാനായി നടന്നു…കൌണ്ടറിനോട് അടുക്കും തോറും അവൻ ഉള്ളിൽ പ്രാർഥിച്ചു മുൻപേ കണ്ടയാ സെയിൽസ് ഗേൾ അവിടേക്ക് വരരുതേ എന്ന്

വളരെ തിടുക്കത്തിലവൻ കാർഡ് എടുത്തു മുൻപിൽ ബില്ലടിക്കുന്ന ആൾക്ക് കൊടുത്തു…ചുറ്റിനുമവൻ കണ്ണുകൾ കൊണ്ടു പരതുന്നുണ്ടായിരുന്നു…അവളെ അവിടെയൊന്നും കാണുന്നില്ലല്ലോ എന്ന ആശ്വാസത്തിൽ തിരിഞ്ഞതും കൊറച്ചപ്പുറം മാറി നിന്ന് കൂടെ ജോലി ചെയ്യുന്ന ഏതോ ഒരു സെയിൽസ് ഗേളിനോട്‌ എന്തോ അടക്കം പറയുന്നയാ പെണ്ണിനെ അവൻ കണ്ടു..ഇടക്ക് ഒരു ചിരിയോടെ തന്നെ നോക്കുന്നുണ്ടെന്ന് മനസിലായ അവൻ കയ്യിലിരിക്കുന്ന ഹെൽമെറ്റ്‌ എടുത്തു തലയിൽ വച്ചാലോഎന്ന് വരെ ആലോചിച്ചു…അത് പിന്നെയും പണിയാകുമെന്ന് തോന്നിയ അവൻ വളരെ തിടുക്കത്തിൽ ആദിയുടെ കയ്യും പിടിച്ചു പുറത്തേക്ക് ഇറങ്ങി..അവന്റെയീ കാട്ടിക്കൂട്ടലുകൾ കണ്ടു വയറു പൊത്തി ചിരിക്കുകയായിരുന്നു ആദി

“ഇങ്ങോട്ട് നടക്ക് പിശാചെ…!!!

അവളെയും വലിച്ചുകൊണ്ടവൻ പറഞ്ഞു….

”ആഹ് വരുന്നു വരുന്നു…“

അതും പറഞ്ഞവൾ അവനു പിറകെ ഓടി…ആ ഷോപ്പിൽ നിന്നും മാറി കൊറച്ചപ്പുറത്തായുള്ള ലിഫ്റ്റിനരികിലേക്ക് അവനവളെയും കൊകൊണ്ടെത്തി

”ശ്ശെയ്യ്….!!

തല ചൊറിഞ്ഞു കൊണ്ടവൻ വാതിൽ തുറക്കാനായി കാത്തിരുന്നു

“വല്ല കാര്യോം ഉണ്ടായിരുന്നൊ ജോ..?

അവനെ നോക്കിയവൾ ചോദിച്ചു…മറുപടിയൊന്നും ജോ കൊടുത്തില്ല..അല്ലേലും സ്വയം വരുത്തി വച്ചതല്ലേ….

നിമിഷങ്ങൾ പിന്നീട്ടതും അവനു മുൻപിൽ ലിഫ്റ്റിന്റെ വാതിലുകൾ മലർക്കേ തുറന്നു…അതിനുള്ളിൽ കണ്ട ആളിനെ കണ്ടവൻ ഒരു നിമിഷം അത്ഭുതപ്പെട്ടു

”ബാംഗ്ലൂർക്ക് പോകുവാണെന്നു പറഞ്ഞിട്ട് ഇവിടെ ആണോടാ നിന്റെ ബിസിനസ് മീറ്റിംഗ്….?

മുൻപിൽ കണ്ട നന്ദുവിന്റെ വയറിനു കുത്തികൊണ്ടവൻ ചോദിച്ചു…

“അഹ് പതിയെ ഇടിക്കട കാലമാടാ…!

ഇടി കൊണ്ട വയറും പൊത്തി പിടിച്ചു കൊണ്ടവൻ പറഞ്ഞു…പിന്നെയാണ് ജോയുടെ പിറകിൽ നിൽക്കുന്ന ആദിയെ അവൻ കണ്ടത്….വീട്ടിൽ വന്ന കൊറച്ചു ദിവസങ്ങൾക്കുള്ളിൽ തന്നെ അവൾക്ക് നന്ദുവിനെ പരിചയപ്പെടുത്തി കൊടുത്തിരുന്നവൻ

”ആഹാ കെട്ടിയോനും കെട്ടിയോളും കൂടെ തെണ്ടാൻ ഇറങ്ങിയതാണോ….?

അവളെ നോക്കി നന്ദു ചോദിച്ചു…അതിന് മറുപടിയായി അവളൊന്നു വെളുക്കെ ചിരിച്ചു കാണിച്ചു

“കെട്ടിയോൾ ഒന്നും ആയിട്ടില്ല…!

പിറകിൽ നിൽക്കുന്ന ആദിയെ ഒളികണ്ണ്കൊണ്ടു നോക്കി ജോ പറഞ്ഞു…അതിനുള്ള ഉത്തരം സ്പോട്ടിൽ തന്നെ അവന്റെ പുറത്തു കിട്ടി…ഇട്ടിരുന്ന ഷർട്ട് കൂട്ടി ഒരു നുള്ള് കിട്ടിയ ജോ ഒന്ന് തുള്ളിക്കൊണ്ട് ലിഫ്റ്റിനുള്ളിലേക്ക് കയറി….

”എടാ അടക്കല്ലേ ഞാൻ പോകാൻ ഇറങ്ങിയത…!

ലിഫ്റ്റിന്റെ വാതിലടയും മുന്നേ വെളിയിലേക്ക് ചാടികൊണ്ട് നന്ദു പറഞ്ഞു

“നിനക്കെന്താ ഇത്ര തിരക്ക്..?

അവന്റെ ദിർദികണ്ട ആദി ചോദിച്ചു

”അത് പിന്നെ യാത്ര മുടങ്ങിയല്ലോ…അപ്പൊ എന്റെ പൊണ്ടാട്ടിക്ക് ഒരു സർപ്രൈസ് കൊടുക്കാൻ…!

കയ്യിൽ പിടിച്ചിരുന്ന ഒരു കവർ പൊക്കി കാണിച്ചു കൊണ്ടവൻ പറഞ്ഞു….

“ഹ്മ്മ് നടക്കട്ടെ നടക്കട്ടെ….”

അവളതും പറഞ്ഞവനെ ചിരിച്ചു കാണിച്ചു…

“നീ വൈകുന്നേരം കാണില്ലേ….?

ലിഫ്റ്റ് അടയുന്നതിനിടയിൽ ജോ വിളിച്ചു ചോദിച്ചു…അതിന് തള്ള വിരലുയർത്തി കാണിച്ചുകൊണ്ട് നന്ദു ഉത്തരം നൽകി

വാതിലുകൾ അടഞ്ഞതും കൈകൾ രണ്ടും മാറിൽ പിണച്ചുകൊണ്ട് ആദി അവനെ സംശയത്തോടെ നോക്കി…അവളുടെയാ നോട്ടത്തിൽ അവനൊന്നു പതറിയെങ്കിലും അത് വെളിയിൽ കാണിക്കാതെ കയ്യിൽ പിടിച്ച ഹെൽമെറ്റിന്റെ ഭംഗി നോക്കിക്കൊണ്ടവൻ നിന്നു

”അതെ…വൈകുന്നേരം എന്താ പരുപാടി…?

അതെ നിൽപ്പ് നിന്നുകൊണ്ടുവൾ ചോദിച്ചു

“വൈകുന്നേരം…വൈകുന്നേരം ഇപ്പൊ എന്താ…ഒന്ന് ക്ലബ്ബിൽ പോണം അത്രേ ഉള്ളു മതി…!

സംശയം ഒന്നും തോന്നിക്കാത്ത വിധത്തിൽ അവൻ പറഞ്ഞു…എന്നാലും അവളുടെ സംശയം മാറിയിട്ടില്ലെന്ന് ആ നിൽപ്പിൽ തന്നെ അവനു ബോധ്യമായി

”അത്രേ ഉള്ളു…?

വീണ്ടുമവളുടെ ചോദ്യം എത്തിയതോടെ എന്ത് പറയണമെന്നറിയാതെ അവൻ നിന്നു

“അത് പിന്നെ…നീ വിചാരിക്കും പോലെ വേറെ പരുപാടി ഒന്നുമില്ല..സത്യായും….”

“ഒറപ്പാണോ…?

കൈകൾ താഴ്ത്തി കൊണ്ടവൾ ചോദിച്ചു

”ആടി പെണ്ണെ…“

”ഹ്മ്മ്…അല്ല ഈ നന്ദുവിന്റെ കല്യാണം കഴിഞ്ഞതാണോ..?

അവൾ സംശയത്തോടെ ചോദിച്ചു…നന്ദു ജോയുടെ അടുത്ത സുഹൃത്ത് ആണെന്ന് അല്ലാതെ അവനെക്കുറിച്ചു മറ്റൊന്നും അവൾക്കറിയില്ലായിരുന്നു

“പിന്നല്ലാണ്ട്…ഞങ്ങടെ കൂട്ടത്തീന്ന് ആദ്യം പെണ്ണ് കെട്ടിയത് അവന..കെട്ടിയതല്ല പിടിച്ചു കെട്ടിച്ചതാ…!

അവൻ നന്ദുവിന്റെ കാര്യമോർത്തു ചിരിച്ചുകൊണ്ട് പറഞ്ഞു..അവന്റെയാ ചിരിയുടെ അർഥം മനസിലാവാതെ ആദി ജോയെ തന്നെ നോക്കി നിന്നു…ഡോർ തുറന്നതും പുറത്തിറങ്ങിയ അവനു പിറകെ അവൾ സംശയത്തോടെ നടന്നു

“അതെന്താ നീ പിടിച്ചു കെട്ടിച്ചെന്ന് പറഞ്ഞെ…?

”അത് സംഭവം ഫുൾ കോമഡിയാ…ഇവൻ പണ്ട് MBA എടുക്കാൻ വേണ്ടി എറണാകുളത്തു പോയിനിന്നിരുന്നു…അവിടെ തന്നെ കൂടെ പഠിക്കാൻ വന്നൊരു പെണ്ണിന് ഇവനോട് മുടിഞ്ഞ പ്രേമം….“

”എന്നിട്ട്…?

“എന്നിട്ട് എന്താവാൻ പെണ്ണും പെടക്കോഴിയും വേണ്ടെന്ന് പറഞ്ഞു നടന്ന ഇവനൊണ്ട് ഇവളുടെ ആദ്യത്തെ പ്രൊപോസലിൽ തന്നെ മൂക്കും കുത്തി വീണു….ഇപ്പോളും എനിക്ക് മനസിലാവാത്തത് എന്ത് കണ്ടിട്ടാണോ ആ പെണ്ണിവനെ പ്രേമിച്ചതെന്ന….”

ചിരിച്ചു കൊണ്ടവൻ അവളോട് പറഞ്ഞു

“ഓ പ്രേമം തോന്നാൻ അങ്ങെനെ ഇന്ന കാരണം എന്നൊന്നുമില്ല…”

തന്റെ കാര്യമോർത്തവൾ അവനോട് പറഞ്ഞു…അവളുടെയാ സംസാരത്തിന്റെ അർഥം മനസിലാക്കിയ ജോ ഒരു ചിരിയോടെ അവളോട് ചേർന്നു നിന്നു

പെട്ടെന്നുള്ളയവന്റെയാ പ്രവർത്തയിൽ ആദി ഞെട്ടികൊണ്ട് പിറകോട്ടു മാറി ചുറ്റിനും നോക്കി…തിരക്കുള്ളെയാ മാളിൽ തങ്ങളെ ആരെങ്കിലും ശ്രദ്ധിക്കുന്നുണ്ടോ എന്നവൾ നോക്കി..അത് കണ്ട ജോ ഒരു കൈകൊണ്ടു അവളുടെ തോളിലൂടെ കൈ ഇട്ടുപിടിച്ചു കൊണ്ടു മുൻപോട്ട് നടന്നു

+4

0