💫Evil on earth✨ – 6 1അടിപൊളി  

 

പെട്ടെന്നുള്ളയാ ആക്രമണത്തിൽ അടിതെറ്റിയ ജോ അവനെയും കൊണ്ട് റോഡിലേക്ക് അടിച്ചു തല്ലി വീണു….

 

“ജോ….!!!

 

ഇതെല്ലാം കണ്ട് പേടിയോടെ നിലവിളിച്ചുകൊണ്ട് ആദി ഡോർ തുറന്നിറങ്ങാൻ ശ്രമിച്ചു…അതിനെ തടഞ്ഞു കൊണ്ട് ജെസി അവളുടെ കയ്യിൽ മുറുകെ പിടിച്ചു…

 

”വിട് അമ്മാ…ജോ…അവനെ….“

 

എങ്ങലടിച്ചുകൊണ്ട് അവൾ ജെസിയെ നോക്കി…എന്നാൽ നിറഞ്ഞൊഴുകിയ കണ്ണുകളുമായി അവരവളെ വിടാതെ പിടിച്ചു

 

”അമ്മാ..!!

 

യാജന നിറഞ്ഞ സ്വരത്തിൽ അവളവരെ വിളിച്ചുകൊണ്ടു സീറ്റിൽ ചാരിയിരുന്നു കരഞ്ഞു

 

“ആദി…അവനറിയാം എങ്ങനെ വരണമെന്ന്..”

 

ഉറച്ച സ്വരത്തിലുള്ള അവരുടെ വാക്കുകൾ കേട്ട ആദി ഒരുനിമിഷം ഒന്നും മനസിലാവാതെ അടച്ചു പിടിച്ച കണ്ണുകൾ തുറന്നവരെ നോക്കി

 

“ചിരിച്ചു കളിച്ചു പിള്ളേരെ പോലെ നടക്കുന്ന ജോയെ നമ്മൾ കാണാറുള്ളു…വർഷങ്ങൾക്ക് മുൻപ് വരെ എന്നും പ്രശനങ്ങളും വഴക്കുമായ നടന്നൊരു തലതെറിച്ചൊരു ചെറുക്കൻ ഉണ്ടായിരുന്നു…അന്നാ മുഖത്തു കണ്ട ചിരിയാ കൊറച്ചു മുന്നേ ഞാൻ അവനിൽ കണ്ടത്….അവനറിയാം എങ്ങനെ എഴുന്നേറ്റ് പോരണമെന്ന്…”

 

ജെസിയുടെ വാക്കുകൾ ആദിയുടെ ചെവിയിൽ അലയടിച്ചതും ഒരലർച്ചയോടെ സൈഡ് മാറി നിർത്തിയിരുന്ന ഒരു കാറിനു ബൊണറ്റിലേക്ക് ഒരുത്തൻ വന്നടിച്ചു വീണു….നിലത്തു കൈ കുത്തി ജോ എണീറ്റതും മറുപുറത്തു നിന്നവൻ നിലത്തേക്ക് ഊർന്നു വീണു….

 

വാരിയെല്ലും വയറും വരുന്ന ഭാഗം പൊതിഞ്ഞു പിടിച്ചുകൊണ്ടവൻ നിലത്തു കിടന്നു ഉരുണ്ടു…അവക്തമായ ശബ്ദത്തിൽ അവന്റെ കരച്ചിലിന്റെ സ്വരം അവിടെ മുഴങ്ങി കേട്ടു കൊണ്ടിരുന്നു….ഇതെല്ലാം കണ്ടു കൊണ്ടു നിന്ന ആന്റണി മുൻപിൽ നിന്ന വയസ്സന്റെ തോളിൽ കൈ വച്ചുകൊണ്ട് പറഞ്ഞു

 

“പ്രശ്നമൊന്നുമില്ല….നിങ്ങൾ പൊയ്ക്കോളു…”

 

അതും പറഞ്ഞയാൾ ദേവിനെ നോക്കി..ആ നോട്ടത്തിൻറെ അർഥം മനസിലായത് പോലവൻ ഒന്ന് ചിരിച്ചു കാണിച്ച ശേഷം മുൻപിൽ മറിഞ്ഞു കിടന്ന ബൈക്ക് എടുത്തു റോഡരികിലേക്ക് മാറ്റി സ്റ്റാൻഡിൽ ഇട്ടു

 

നിമിഷങ്ങൾ കൊണ്ടു തന്നെ ദേവിന്റെ വരിയിലുണ്ടായിരുന്ന വണ്ടികൾ ചലിച്ചു തുടങ്ങി…നിലത്തു വീണു കിടക്കുന്നവനെ ജോ ഷർട്ടിൽ കുത്തി പിടിച്ചു പൊക്കി എടുത്തു…..പിന്നീട് അവന്റെ മുഖത്തു നോകിയൊന്നു ചിരിച്ച ശേഷം റോഡരിലേക്ക് തള്ളിയിട്ടു…പഴംതുണി വീഴും പോലെ അവനാ റോഡരികിൽ വീണു കിടന്നു

 

ആന്റണി കൂടി വന്നതോടെ ജോ ഒന്നും മിണ്ടാതെ വന്നു കാറിൽ കയറി….മുൻപിലെ തിരക്കൊന്നു കുറഞ്ഞപ്പോൾ അവരുടെ കാറും നീങ്ങി തുടങ്ങി….ജോയെ ഇടക്ക് കണ്ണാടിയിലൂടെ നോക്കി മിണ്ടാതെ ഇരിക്കുകയായിരുന്നു ജെസിയും ആന്റണിയും…ആദി ആവട്ടെ അവനെ അത്ഭുതത്തോടെ നോക്കി ഇരുന്നു…

 

അവളുടെയാ ഇരുത്തം കണ്ട് ചിരി വന്നയവൻ കണ്ണാടിയിലൂടെ നോക്കിയവളെ ഒരു കണ്ണടച്ചു കാണിച്ചു…

 

“ഏഹ്…”“

 

പെട്ടെന്നവന്റെയാ ചെയ്ത്തിൽ നാണവും അത്ഭുതവും മാറി മാറി വന്നയവൾ ആരെങ്കിലും അത് കണ്ടോ എന്ന് ആശങ്കയോടെ ചുറ്റിനും നോക്കി…

 

പിന്നെ അവനെ കാണാത്ത രീതിയിൽ പുറത്തേക്ക് നോക്കി ഇരുന്നു….സന്ത്യമയങ്ങി തുടങ്ങിയിരുന്നു…അടച്ചിട്ട കണ്ണാടിയിലൂടെ തട്ടി തെറിക്കുന്ന പുറത്തുള്ള പ്രകാശമാവളുടെ മുഖത്തിലും കാണപ്പെട്ടു….നാണം കൊണ്ടു ചുവന്ന കവിളുകളും കരഞ്ഞു കലങ്ങിയ ചുവന്ന കണ്ണുകളുമവളാ കണ്ണാടിയിലൂടെ കണ്ടു….

 

ഇടക്കെപ്പോഴോ അടിച്ചു കയറിയ കാറ്റിൽ പാറിതുടങ്ങിയ മുടിയിഴകൾ ഒരു കൈകൊണ്ടു പിടിച്ചു ചെവിക്ക് പിറകിലേക്ക് ഒതുക്കി കൊണ്ടവൾ ജോയെ പാളി നോക്കി…അവന്റെ കണ്ണുകൾ അപ്പോഴും മുൻപിലുള്ള കണ്ണാടിയിലൂടെ കാണുന്ന ആദിയുടെ മുഖത്തായിരുന്നു…

ഒരുനിമിഷം തമ്മിലുടക്കിയ ഇരുവരുടെയും മിഴികൾ മറ്റെങ്ങോട്ടും മാറാതെ അങ്ങനെ ഇരുന്നു…അവന്റെ കടും കറുപ്പു കണ്ണുകളിൽ നോക്കിയിരിക്കുന്ന ഓരോ നിമിഷവും തനിക്ക് തന്നെതന്നെ നഷ്ടമാവുന്നത് പോലവൾക്ക് തോന്നിത്തുടങ്ങി…കാലുകളെ ഒരു വിറയൽ ബാധിച്ചത് പോലെ….കാറിനുള്ളിലെ ഏസിയുടെ തണുപ്പിലും അവളുടെ നെറ്റിയും കഴുത്തും വിയർക്കാൻ തുടങ്ങി…ശരീരമാകെ ചൂട് പിടിക്കുന്നത് പോലെ….അവന്റെ അവസ്ഥയും മറിച്ചല്ലായിരുന്നു..ഹൃദയമിടിപ്പ് കൂടി അതിപ്പോ പൊട്ടിപ്പോകുമോ എന്ന്വരെ അവൻ സംശയിച്ചു പോയി….അവളെ കാണുന്ന ഓരോ നിമിഷവും ആദ്യമായി കാണുന്നത് പോലവന് അനുഭവപ്പെട്ടു….ഇരുവരുടെയും മിഴികളുടക്കി അനങ്ങാൻ പോലുമാവാതെയുള്ള ഇരുപ്പ് കണ്ട ജെസിയും ആന്റണിയും തമ്മിൽ നോക്കി ചിരിച്ചു..അവരറിയുകയായിരുന്നു തന്റെ മകന്റെ ആദ്യ പ്രണയത്തിന്റെ ആഴം എത്രത്തോളം ആണെന്ന്..ഇരുവരെയും ഒരിക്കലും പിരിക്കരുതേ എന്ന് ജെസി മനസ്സാൽ പ്രാർഥിച്ചു..അതെ സമയം ആന്റണി ജെസിയെ ആദ്യമായി കണ്ട ഓർമ്മകളിലേക്ക് പോയിരുന്നു….ജെസിയുടെ കണ്ണുകളിൽ അന്ന് കണ്ട അതെ ഭാവമായിരുന്നു ജോയുടെ കണ്ണുകളിൽ ഇപ്പോൾ കാണുന്നതെന്ന കാര്യമോർത്തയാൾ മനസ്സിൽ ചിരിച്ചു