💫Evil on earth✨ – 6അടിപൊളി  

ഡെജിനെ ആംബുലൻസിൽ കയറ്റിയതും നാസുമിയും ഓടി വന്നതിൽ കയറി…ഹോസ്പിറ്റലിലേക്ക് പോകാൻ ഇറങ്ങിയത് കൊണ്ടു തന്നെ അവൾ യൂണിഫോമിലായിരുന്നു…പിറകെ തന്നെ ഒരു പോലീസ് ഓഫീസറും വന്നു കയറി….

നഗരത്തിലെ തന്നെ പ്രധാന ഹോസ്പിറ്റൽ ലക്ഷ്യമാക്കി ആംബുലൻസ് പാഞ്ഞു

————————————-

അമാൻഡയുമായി വൈകുന്നേരം കറങ്ങാൻ ഇറങ്ങിയതായിരുന്നു ദേവ്….നഗരത്തിലെ പ്രധാന മാളിലും മറ്റും കയറി ഷോപ്പിങ് കഴിഞ്ഞിറങ്ങും നേരമായിരുന്നു അമാൻഡ അവനോട് താൻ റഷ്യക്ക് തിരിച്ചു പോകുന്ന കാര്യം പറഞ്ഞത്

“നിനക്ക് ഇപ്പൊ പോണമെന്നുണ്ടോ…?

അല്പം വിഷമത്തോടെ അവൻ ചോദിച്ചു…അവന്റെ ഉള്ളിലെന്താണെന്ന് മനസിലായ അവളൊരു ചിരിയോടെ ദേവിന്റെ കയ്യിൽ പിടിച്ചുകൊണ്ടു പറഞ്ഞു

”ദേവ്…ഞാൻ ഏറിപ്പോയാൽ ഒരാഴ്ച…അതിനുള്ളിൽ തിരിച്ചു വരും….എനിക്ക് ആവശ്യമായ ഒരുപാട് കാര്യങ്ങൾ ഉണ്ട് അവിടെ…അതെല്ലാം എടുത്തു കൊണ്ടു വരണം…ഇനി അതവിടെ ഇരിക്കേണ്ട ആവശ്യമില്ലലോ..പിന്നെ ഓർഫാനെജിൽ പോണം..അവരോടും യാത്ര പറഞ്ഞു ഞാൻ പെട്ടെന്നിങ്ങു വരുമെടാ ചെക്കാ…!

തമാശയായി അവളതു പറഞ്ഞിട്ടും ദേവിന്റെ ഉള്ളിലെ വിഷമം മാറിയില്ല….എന്നാലും അവളാദ്യമായി ആവശ്യപ്പെട്ട കാര്യമതായത് കൊണ്ടവൻ എതിരൊന്നും പറഞ്ഞില്ല…

“ഹ്മ്മ്…നീ പോകുന്നത് ഒക്കെ ശെരി…എന്ന് കരുതി അവിടെ പോയി അലമ്പ് ഒന്നും കാണിച്ചേക്കല്ല്…ഞാൻ ഒരുപാട് കഷ്ടപ്പെട്ടിട്ട നിന്റെ ഹിസ്റ്ററി ഒന്ന് ക്ലീൻ ആക്കി എടുത്തത്…മനസ്സിലായോ…?

അല്പം കനത്തിലവൻ പറഞ്ഞു…അവന്റെയാ സംസാരം കണ്ട അമാണ്ട ചിരിച്ചുകൊണ്ടിരുന്നു…ആരെയും മയക്കാൻ പോന്നയവളുടെയാ ചിരിക്കണ്ട ദേവും അതിൽ പങ്കു ചേർന്നു….മാളിന്റെ പാർക്കിങ്ങിൽ നിന്നുമവന്റെ കാർ പുറത്തേക്ക് പോയതും അതിനെ കടന്നായിരുന്നു ജോയുടെ ബൈക്ക് അവിടേക്ക് വന്നത്

മുൻപിലൂടെ വലിയ ശബ്ദകോലാഹങ്ങളുമായി കടന്നു പോയ പോർഷയെ നോക്കിയവൻ വണ്ടി മുൻപോട്ടെടുത്തു..പെട്ടെന്നായിരുന്നു അവന്റെ തോളിൽ ഒരടി വീണത്…

”ആഹ്…ചുമ്മാ ഇരിയെടി….!

അടി കിട്ടിയ ഭാഗം തടവിക്കൊണ്ടവൻ ബൈക്ക് ഒരു മൂലയോടെ ചേർത്തു നിർത്തി

“പെണ്ണുങ്ങളെ വായി നോക്കുന്നവന്മാരെ കണ്ടിട്ടുണ്ട്…പക്ഷെ ഒരു കാറിനെ ഒക്കെ…!

അവൻ കേൾക്കാൻ വേണ്ടി പറഞ്ഞുകൊണ്ട് ആദി വണ്ടിയുടെ പിറകിൽ നിന്ന് ചാടി ഇറങ്ങി…

”വോ….നമ്മള് പാവങ്ങൾ…വണ്ടിയെ നോക്കി വെള്ളമിറക്കിക്കൊള്ളാമേ…തമ്പുരാട്ടി നടക്ക്….“

ഹെൽമെറ്റ്‌ ഊരി കയ്യിൽ പിടിച്ചുകൊണ്ടുവൻ പറഞ്ഞു…അത് കേട്ടവൾ ഒരു പുച്ഛത്തോടെ മുഖം തിരിച്ചു താഴെയായുള്ള ലിഫ്റ്റിലേക്ക് നടന്നു….നീല ജീൻസിന്റെ പാന്റും വെള്ള ചുരിദാറുമണിഞ്ഞ അവളുടെ നടത്തവും നോക്കി അവൻ പിറകെ ഓടി

ഹെൽമെറ്റും പിടിച്ചു ഓടി വരുന്ന ജോയെ കണ്ടവൾ മുകളിലേക്കുള്ള ബട്ടൻ അമർത്തി ചോദിച്ചു

”എങ്ങോട്ടാ മനുഷ്യാ നിങ്ങളീ ഹെൽമെറ്റും പൊക്കി പിടിച്ചോണ്ട്…?

അടഞ്ഞു തുടങ്ങിയ ലിഫ്റ്റിന്റെ വാതിലിനിടയിലൂടെ ഓടി കയറിയ ജോ അവളുടെ ചോദ്യം കേട്ട് കയ്യിൽ പിടിച്ച ഹെൽമെറ്റ് നോക്കി

“ഓഹ് ഇതോ…പൊന്ന് മോളെ കുനിഞ്ഞു നിന്നാൽ ആസനം വരെ അടിച്ചോണ്ട് പോണ കൊറച്ചു ടീമുകൾ ഒണ്ട് ഇവിടെ…ദൈവത്തിനറിയ തിരിച്ചു വരുമ്പോ ബൈക്ക് അവിടെ കാണുവോ ഇല്ലയോന്ന്…”

കയ്യിലെ ഹെൽമെറ്റിനെ കെട്ടി പിടിച്ചു കൊണ്ടവൻ പറഞ്ഞു..അത് കേട്ട ആദി ഒരു ചിരിയോടെ അവന്റെ തോളിലേക്ക് ചാഞ്ഞു..പക്ഷെ അതിന് മുന്നേ മുകളിലെത്തിയ ലിഫ്റ്റ് വാതിലുകൾ തുറന്നിരുന്നു..,.

മാളിനുള്ളിലേക്ക് കയറിയ അവർ ആദ്യമവിടെയൊക്കെ ചുറ്റി കറങ്ങി…ഇടക്കിടെ വായിനോക്കാൻ വരാറുള്ള ജോ അവിടുത്തെയോരോ മുക്കും മൂലയും കണ്ടു പരിചിതമായതാണ് എന്നാൽ ആദി അവന്റെ കൈ പിടിച്ചു അവിടെയെല്ലാം ഓടി ചാടി നടന്നു….ആഴ്ചയുടെ അവസാനമായത് കൊണ്ടു തന്നെ കളക്ഷൻ എടുക്കാൻ വന്ന കൊറച്ചു വായിനോക്കി ടീമുകൾ അവിടെ ഉണ്ടായിരുന്നു…അവരുടെയെല്ലാം കണ്ണുകൾ പിള്ളേരെപോലെ തുള്ളി ചാടി നടക്കുന്ന ആദിയിലേക്ക് തെന്നി വീണു…പക്ഷെ അവളുടെ കൂടെ നടക്കുന്ന ജോയെ കണ്ടതോടെ അവരെല്ലാം സ്ഥലം കാലിയാക്കി…കാരണം വേറൊന്നുമല്ല എല്ലാ അവധി ദിവസങ്ങളിലും അവരുടെ കൂടെ വായിനോക്കാൻ മുൻപിൽ നിൽക്കാറുള്ള ജോയോടുള്ള ബഹുമാനം കൊണ്ടാണ്…

“നമുക്ക് അവിടെ കേറാം…!

ചുറ്റിനും അലസമായി നോക്കി നടന്ന അവന്റെ കയ്യിലടിച്ചുകൊണ്ട് ആദി പറഞ്ഞു…അവൾ ചൂണ്ടി കാട്ടിയ പുതുതായി തുറന്ന തുണികടയിലേക്ക് ജോയേയവൾ പിടിച്ചു വലിച്ചു കയറ്റി

”എടി ഇവിടെ ലേഡീസിന് മാത്രേമുള്ളതേ ഉള്ളു…!

ചുറ്റിനും നോക്കിയ അവനവനളുടെ ചെവിയിൽ പറഞ്ഞു

“അതിനെന്ന…ഞാൻ ലേഡീ അല്ലെ..?

ചൂണ്ടുവിരൽ കടിച്ചു കൊണ്ടവൾ ചുറ്റിനും നോക്കി..അത് കേട്ടവൻ തന്റെ കയ്യിൽ പിടിച്ച അവളുടെ കൈ വിടുവിച്ചു കൊണ്ടു പറഞ്ഞു

”ആണല്ലേ…എന്നാ ലേഡീ ഒറ്റക്ക് പോയി ഡ്രസ്സ്‌ എടുക്ക്…ബില്ലടക്കാനാവുമ്പോ എന്നെ വിളിച്ചാ മതി…“

അതും പറഞ്ഞു തിരിഞ്ഞു നടക്കാൻ തുനിഞ്ഞയവന്റെ കയ്യിൽ മുറുകെ പിടിച്ചുകൊണ്ടവൾ കെഞ്ചി

”എന്റെ പൊന്നല്ലേ…എനിക്ക് ഈ ഡ്രെസ്സിങ് സെലെക്ഷൻ എന്നൊരു സാധനം തീരെയില്ല…ഒന്ന് കൂടെ വാ…ജോയ്ക്ക് ഇഷ്ടപ്പെടുന്നത് ഏതൊക്കെ ആണെന്ന് പറഞ്ഞാ മതി….“

അവളുടെയാ ആവശ്യം കേട്ട അവന്റെ ഉള്ളിലൊരു ഐഡിയ തോന്നി…പിന്നെ ഒരല്പം ജാഡയിട്ടു കൊണ്ടവൻ അവളുടെ മുന്നേ കേറി നടന്നു…വാലു പോലെ അവളും പിറകെ നടന്നു….

ഇവിടെ വരെ പിടിച്ചു കയറ്റിയതല്ലേ അതുകൊണ്ട് ഒരു ചെറിയ പണി കൊടുത്തേക്കാമെന്നുള്ള ആശയത്തോടെ അവൻ നടന്നു…ഒടുക്കം ഇന്നർ വെയർസിന്റെ സെക്ഷൻ എത്തിയതും സൈഡിലായി ഒരു ഡെമ്മി രൂപത്തിൽ ഇട്ടിരുന്ന ബിക്കിനി മോഡലിനെ കാണിച്ചവൻ അവളോട് പറഞ്ഞു

”എനിക്കതു ഇഷ്ടമായി കെട്ടോ…വേഗം ചെന്നു വാങ്…ട്രയൽ അടിച്ചു നോക്കുവൊന്നും വേണ്ട നമുക്ക് വീട്ടിൽ പോയി ഇട്ട് നോക്കാ..ഹിഹി….“

പൊട്ടിവന്ന ചിരി അമർത്തി പിടിച്ചവൻ പറഞ്ഞു….അവൻ കാണിച്ചതിലേക്ക് തന്നെ നോക്കി നിൽക്കിവായിരുന്നു ആദി…എന്ത് പറയണമെന്നറിയാതെ അവളുടെ വായിലെ വെള്ളം വറ്റി….വലപോലെ തൂണിചേർത്തയാ ബിക്കിനി കണ്ടു മിഴിഞ്ഞു വന്ന കണ്ണുകളുമായി അതിനെയും ജോയെയും അവൾ മാറി മാറി നോക്കി….തനിക്ക് ഒരു പണി തന്നതാണെന്ന് മനസിലായ അവൾ ശ്വാസമൊന്ന് നീട്ടിയെടുത്തു കൊണ്ടുവന്റെ ചെവിയിൽ പറഞ്ഞു

”അത് സൈസ് കൊറച്ചു കുറവാ…വലുത് ഉണ്ടാവുമോ എന്ന് ചോതിച്ചു നോക്കട്ടെ….കാണുമോ എന്തോ….!

വളരെ കൂളായി പറഞ്ഞവൾ അതിനടുത്തു നിൽക്കുന്ന സെയിൽസ് ഗേളിനടുത്തേക്ക് നടന്നു…അങ്ങനൊരു നീക്കം ജോ ഒരിക്കലും പ്രതീക്ഷിച്ചിരുന്നില്ല…അന്തം വിട്ടവനവിടെ തന്നെ നിന്നു

+4

0