💫Evil on earth✨ – 6 1അടിപൊളി  

കമായി കൂടിയത്——

 

“നേരാണ്…എടുത്തെറിയുന്നത് പോലാണാ കാർ എന്നെയും കടന്ന് പോയത്…അത്…സിലിണ്ടർ….അവളത് ഉപയോഗിച്ചു കാണുമോ….”

 

അവന്റെയുള്ളിൽ വീണ്ടും സംശയങ്ങൾ കുന്നുകൂടി

 

—-ദേവ് ഒരു നിമിഷം……ആ സിലിണ്ടർ വ്യാജമാണ്—–

 

അവളുടെ വാകുകൾ കൂരമ്പുകണക്കെ അവനിൽ തറച്ചു കയറി…

 

“what…No…അത് എങ്ങനെ fake ആവും…authorized ഏജന്റിൽ നിന്നാ അതെല്ലാം ഇമ്പോർട്ട് ചെയ്തത്..”

 

——നീ ഓർഡർ ചെയ്തു ഒറിജിനൽ ആണ്….അവർ കയറ്റി അയച്ചതും ഒറിജിനൽ ആണ്…അവരുടെ ഡോക്യുമെന്റിസിൽ അതെല്ലാം ഉണ്ട്…ജപ്പാനിൽ നിന്നും ഇവിടേക്ക് ഷിപ്പിങ് നടക്കുന്നതിനിടയിൽ എന്തെങ്കിലും ഒരു തിരിമറി അല്ലെങ്കിൽ ഇവിടെ എത്തിയ ശേഷം——

 

“നിനക്കത് ചെക്ക് ചെയ്യാൻ പറ്റുമോ…?

 

കണ്ണുകൾ തുടക്കാൻ ശ്രമിച്ചു കൊണ്ടവൻ ചോദിച്ചു……

 

——yes………എയർപോർട്ടിലേക്ക് സാധനങ്ങൾ ഷിപ്പ് ചെയ്യുന്നതിനിടയിൽ ഒരു ആക്‌സിഡന്റ് നടന്നതായി റിപ്പോർട്ട് ചെയ്യുന്നുണ്ട്..സാധാരണമായൊരു അപകടമായാത് കൊണ്ടു തന്നെ അവരത് കാര്യമായി എടുത്തില്ല…എനിക്ക് തോന്നുന്നത് അതൊരു പ്ലാൻ ആയിരുന്നിരിക്കണം…സിലിണ്ടർ മാറ്റാനായി നടത്തിയൊരു അപകടം——

 

”അത്…അത് ആരാവും..എന്നെ കൊല്ലാൻ ശ്രമിക്കാൻ മാത്രം ജപ്പാനിൽ വരെ കണക്ഷൻ ഉള്ളവർ…“

 

—–walter ഷാ—–

 

”നോ…അയാൾക് വേണ്ടി പകരം ചോദിക്കാൻ അവിടെയാരും ബാക്കിയില്ല….ഇത്..ഇത് വേറാരൊ ആണ്…“

 

—–ദേവ് എനിക്കൊരു കാർ ഡാഷ്ബോർഡിൽ നിന്നൊരു വിഷ്വൽ കിട്ടിയിട്ടുണ്ട്…ചെക്ക് യുവർ ഫോൺ….എണീക്ക് നീ—–

 

”എണീക്കാനോ….?

 

“ഹേയ് ദേവ്….!!

 

അവനെയാരോ തട്ടി വിളിച്ചതും ഞെട്ടികൊണ്ടവൻ ചാടിഎണീറ്റു

 

”ICU…“

 

ചുറ്റിനും കണ്ണോടിച്ചു കൊണ്ടവൻ സ്വയം പറഞ്ഞു…

 

”ദേവ് താൻ ഓക്കേ അല്ലെ…!

 

അവനു മുൻപിൽ നിന്നൊരു ചെറുപ്പക്കാരനായ ഡോക്ടറെ അവനോട് ചോദിച്ചു

 

“ഏഹ്…അഹ് ഓക്കേ ആണ്…എൻറെ ഫോൺ…”

 

കയ്യിലും നെഞ്ചിലും പിടിപ്പിച്ചിരുന്ന സ്റ്റിക്റുകൾ പോലുള്ള വയറുകൾ വലിച്ചൂരി കളഞ്ഞു കൊണ്ടവൻ എണീക്കാൻ ശ്രമിച്ചു

 

“ഏയ്‌ ഏയ്‌….താൻ ഒന്ന് ഷമിക്ക്…”

 

ഡോക്ടർ അവനെ അവിടെ പിടിച്ചിരുത്താൻ ശ്രമിച്ചു…

 

എന്നാലദൊന്നും വക വെക്കാതവനൊരു ഭ്രാന്തനെ പോലെ ബെഡിൽ നിന്നും ചാടിയിറങ്ങി…പാന്റു മാത്രമിട്ടയവൻ നഗ്നമായ ശരീരവുമായി ഡോർ തുറന്നു പുറത്തേക്ക് ഇറങ്ങി…പിറകെ തന്നെ നഴ്സും ഡോക്ടറും ഓടിയെത്തി…

 

വെളിയിൽ ഇറങ്ങിയതേ അവൻ കണ്ടു ഒരു മൂലയിലായി എല്ലാം തകർന്നവനെ പോലിരിക്കുന്ന ഡാനിയും അയാളുടെ തോളിൽ തല ചായ്ച്ചു കരയുന്ന നൈലയും

 

“പപ്പാ….!!

 

അവനയാളെ ഉറക്കെ വിളിച്ചുകൊണ്ടു അവിടേക്ക് ഓടി

 

”ഏഹ്…ദേവ്…“

 

തോളിൽ തലചായ്ച്ചു കിടക്കുന്ന നൈലയെ തട്ടി വിളിച്ചുകൊണ്ടു ഡാനിയേൽ പറഞ്ഞു

 

അയാളവളെയും കൊണ്ടെണീറ്റു നിന്നതും പൊട്ടി കരഞ്ഞുകൊണ്ട് ദേവ് അയാളുടെ വാരി പുണർന്നു……

 

ഒരു നിമിഷം ഇരുവരും പിടിച്ചു നിർത്തിയ സങ്കടങ്ങളെല്ലാം കരച്ചിലായി പുറത്തേക്ക് തള്ളി വിട്ടു..അത് കണ്ടു നിക്കാൻ പറ്റാതെ സാരിയുടെ തലപ്പു കൊണ്ട് വാ പൊത്തി നൈലയും കരഞ്ഞു

 

”പപ്പാ…ഞാൻ…ഞാൻ…ഞാൻകാരണം…!

 

അത്രയും പറഞ്ഞു തീർന്നതും അവന്റെ ചികിടടച്ചുള്ള ഒരടിയായിരുന്ന മറുപടി…..അടി കൊണ്ട കവിള് പൊത്തിയവൻ കയ്യുയർത്തി നിൽക്കുന്ന നൈലയെ നോക്കി…അവളുടെ മുഖം ദേഷ്യം കൊണ്ടു ചുവന്നു തുടങ്ങിയിരുന്നു…

 

“നീ…നീ കാരണം ആണെന്ന് ആരാടാ പറഞ്ഞത്….ഏഹ്….എനിക്കെന്റെ ഒരു കുഞ്ഞിനെയെ നഷ്ടമായുള്ളു…നിന്നേം കൂടി ഇല്ലാതാക്കാൻ എനിക്ക് വയ്യ….മതി നിർത്തിക്കോ നീ…സ്വയം കുറ്റമെറ്റെടുത്തുകൊണ്ട് എത്രകാലം ജീവിക്കും നീ…പറയെടാ….?

 

അലറി കരഞ്ഞു കൊണ്ടവർ ദേവിന്റെ തോളിൽ പിടിച്ചു കുലുക്കി…അവന്റെ കണ്ണുകളും നിറഞ്ഞൊഴുകി…

 

”അമ്മ…“

 

അവരെ കെട്ടിപ്പിടിച്ചു കൊണ്ടവൻ തേങ്ങി….