💞 ആരാധ്യ ടീച്ചർ 💞 65Onam Special 

 

 

 

“…മോളെ…” അമ്മയുടെ വിളി ആരാധ്യയെ ചിന്തകളിൽ നിന്നും ഉണർത്തി.

 

 

 

“…ഒരു ഗ്രാമത്തിൽ ഒരു ചെറിയ വീട്ടില ഞാൻ താമസിക്കുന്നത്. ഞാൻ ജനിച്ചു കുറച്ചു നാൾ കഴിഞ്ഞപ്പോ അച്ഛൻ മരിച്ചു. എന്റെ പത്താമത്തെ വയസ്സ് വരെ വളരെ കഷ്ടപ്പെട്ട അമ്മ എന്നെ വളർത്തിയ. ഒരു സ്ത്രീ ഒറ്റക്ക് ഒരു പെൺകുട്ടിയെയും കൊണ്ട് കഴിയുമ്പോൾ ഉണ്ടാവുന്ന ചീത്തപേരും അപമാനവും അമ്മക്ക് അറിയാലോ…” മമ്മിയെ നോക്കി ചോദിച്ചു.

 

 

 

“…നാട്ടുകാരുടെയും വീട്ടുകാരുടെയും കുറ്റപെടുത്തലും കുത്തുവാക്കുകളും സഹിക്ക വയ്യാതെ അമ്മ രണ്ടാമത് ഒരു വിവാഹം കഴിച്ചു. എനിക്കും അതിൽ സന്തോഷമായിരുന്നു. എത്രയെന്ന് വച്ച എനിക്ക് വേണ്ടി അമ്മ കഷ്ട്ടപെടുന്നത്. കല്യാണം കഴിഞ്ഞ് ആദ്യ 3,4 വർഷം നല്ലരീതിയിൽ ആണ് പോയത്. പുള്ളിക്ക് തട്ടിന്റെ പണിയായിരുന്നു എന്നോടും നല്ല കാര്യം ആയിരുന്നു. എനിക്കും എന്റെ സ്വന്തം അച്ഛനെ പോലെ ആയി.പോക പോക അതിന് മാറ്റം വന്നു. പുള്ളിയുടെ അടുത്ത്‌ പണിക്കായി പുതിയൊരു ആൾ വന്നു.അവിടെമുതൽ ഞങ്ങളുടെ ജീവിതം മാറി.ആ സമയങ്ങളിൽ അച്ഛൻ പണി കഴിഞ്ഞ് ചെറുതായി മദ്യപിച്ചു വീട്ടിൽ വരാൻ തുടങ്ങി. ശരീരം അനങ്ങുന്ന പണിക്ക് അല്ലെ പോകുന്നെ. അതുകൊണ്ട് കുടിക്കുന്നതിൽ വല്യ കുഴപ്പം തോന്നിയില്ല. എന്നാ പതിയെ പതിയെ കുടിക്കുന്ന അളവ് കൂടി . പിന്നെ കൂടെ പണിച്ചെയ്യുന്ന അവനെ വീട്ടിൽ വിളിച്ചോണ്ട് വന്ന് അവിടെ ഇരുന്ന് കുടിക്കാൻ ആരംഭിച്ചു. ഞാനും അമ്മയും ഇതിന്റെ പേരിൽ ഒരുപാട് പ്രശ്നങ്ങൾ ഉണ്ടാക്കി. അതിനെല്ലാം അനുഭവിച്ചത് എന്റെ അമ്മയാണ്.ഇപ്പോഴും ഉണ്ട് അമ്മയുടെ ശരീരത്തിൽ അ പാടുകൾ…” കരയാൻ തുടങ്ങിയ ആരാധ്യയെ മമ്മി സമാധാനിപ്പിച്ചു.

 

 

 

“… ഒരു ദിവസം പ്ലസ്ടു പരീക്ഷക്ക് ഞാൻ വീട്ടിൽ ഇരുന്ന് പഠിക്കുവായിരുന്നു. അമ്മ അമ്പലത്തിൽ പോയിരുന്നു. എന്നത്തേയും പോലെ അന്നും അച്ഛനും അയാളും വീട്ടിൽ ഇരുന്ന് മദ്യപിക്കാൻ തുടങ്ങി. ഞാൻ അതൊന്നും വിലയ്ക്ക് എടുക്കാൻ നിന്നില്ല. പഠിച്ചോണ്ട് ഇരുന്ന എന്റെ മുറിയിലേക്ക് അയാൾ വന്ന് എന്നെ കയറി പിടിക്കാൻ നോക്കി കറക്റ്റ് സമയത്തിന് അമ്മ വന്നില്ലെങ്കിൽ…” വീണ്ടും എങ്ങൽ അടിച്ചു കരഞ്ഞു

 

 

 

“…കരയാതെ മോളെ…” അവളെ തന്റെ തോളിലേക്ക് ചാച്ച് അശ്വസിപ്പിക്കാൻ ശ്രെമിച്ചു.

 

 

 

“…ആ സംഭവത്തെ ചൊല്ലി അച്ഛനുമായി അമ്മ വഴക്കുണ്ടാക്കി. അപ്പൊ അച്ഛൻ പറയാ അവൻ കെട്ടാൻ പോവുന്ന പെണ്ണല്ലേ കൂടെ കിടന്നു എന്ന് വച്ച് കുഴപ്പം ഒന്നും ഇല്ല എന്ന്. എന്നേക്കാൾ 10,15 വയസ്സ് കൂടുതൽ ഉള്ള ആൾക്ക് എന്നെ കെട്ടണം എന്ന്.അത് കേട്ടപ്പോ ഞാൻ ആകെ തകർന്ന് പോയി.ഇനിയും അവിടെ നിന്നാൽ എന്റെ ജീവിതം തുലയും എന്ന് പറഞ്ഞു ഒരു ബന്ധു വീട്ടിൽ വിട്ട് ബാക്കി പഠിപ്പിച്ചു. അമ്മയെ ആ നരകത്തിൽ നിന്നും രക്ഷിക്കാൻവേണ്ടി ഞാൻ കഷ്ടപ്പെട്ട് പഠിച്ചു ഈ ജോലി നേടി. എന്നാൽ അമ്മയെ ഇങ്ങോട്ട് കൊണ്ടുവരാൻ പറ്റുന്നില്ല….”അവൾ പൊട്ടി കരഞ്ഞു.

 

 

 

“…മോൾ അമ്മയെ ഇങ്ങോട്ട് കൊണ്ട് വാ ബാക്കി ഞങ്ങൾ നോക്കിക്കോളാം…”

 

 

 

“… ഞാൻ അമ്മയോട് ഒരുപാട് പറഞ്ഞതാ എന്റെ കൂടെ വരാൻ. എന്റെ കൂടെ വന്ന് വെറുതെ എന്റെ ജീവിതം കൂടി അമ്മ കാരണം നശിക്കണ്ട എന്നാ പറയുന്നേ. കഴിഞ്ഞ തവണ ഞാൻ വീട്ടിൽ പോയപ്പോഴും അയാൾ വന്നിരുന്നു എന്നെ കെട്ടണം എന്ന്. എനിക്ക് വെറുപ്പാ അയാളോട്. ഇന്നും വീട്ടിൽ വന്ന് വഴക്കുണ്ടാക്കി. അത് പറയാനാ അമ്മ വിളിച്ചേ…” കരഞ്ഞോണ്ട് അവളുടെ വിഷമം പറഞ്ഞു.

 

 

 

“…ചിരിച്ച് കളിച് നടക്കുന്ന മോളെ കണ്ടാൽ പറയില്ല. ഇത്രയും വിഷമം ഉള്ളിൽ കൊണ്ട് നടക്കുന്നു എന്ന്…”ആരാധ്യ ഒന്ന് പുഞ്ചിരിക്കാൻ ശ്രെമിച്ചു.

 

 

 

“…നാളെ ദൂരെ എന്റെ ബന്ധുവിന്റെ ഒരു കല്യാണം ഉണ്ട്. ഞങ്ങൾ എല്ലാരും വളരെ രാവിലെ പോകും. അത് മോളോട് പറയാൻ വേണ്ടിയാ ഞാൻ വന്നേ.ഞങ്ങൾ പോയിട്ടു വരട്ടെ ഇച്ചായനോട് മോളുടെ കാര്യം സംസാരിക്കാം…”