💞 ആരാധ്യ ടീച്ചർ 💞 65Onam Special 

 

 

 

“… ഞാൻ ചുമ്മാ പറഞ്ഞതാ നീ വെറുതെ പൈസ ഒന്നും പാഴാക്കി കളയണ്ട…”

 

 

 

“…ഇങ്ങോട്ട് ഒന്നും പറയണ്ട ഇത് ഞാൻ ഉറപ്പിച്ച കാര്യമാ. ബസ് വന്നു ചേച്ചി ഞാൻ പിന്നെ വിളിക്കാം…” ലക്ഷ്മിയും ഓക്കേ പറഞ്ഞു ഫോൺ വച്ച്.

 

 

 

പിറ്റേന്ന് രാവിലെ തന്നെ ബ്രോക്കർ എഗ്രിമെന്റ് എല്ലാം ശരിയാക്കി ആരാധ്യയെയും കൂട്ടി അവരുടെ വീട്ടിലേക്ക് പോയി. എഗ്രിമെന്റ് എഴുതി പൈസ കൈമാറി. അവർ അവൾക്ക് നേരെ താക്കോൽ നീട്ടി. ഇരുകൈയും നീട്ടി വാങ്ങി പ്രാർത്ഥിച്ചു. അത് കണ്ടപ്പോ എല്ലാരുടെയും ചുണ്ടിൽ ഒരു പുഞ്ചിരി വിരിഞ്ഞു. ഇപ്പൊ ആ വീട്ടുകാർക്ക് ഒരു വിശ്വാസം ഉണ്ട് ആരാധ്യ ആ വീട് സ്വന്തം വീട് പോലെ നോക്കിക്കോളും എന്ന്.

 

 

 

“… മോനെ നാളെ ഔട്ട്ഹൗസിൽ പുതിയ തമാശക്കാർ എത്തും… ” അത്താഴം കഴിക്കുന്നതിന്റെ ഇടക്ക് എൽവിനോട് മമ്മി പറഞ്ഞു.

 

 

 

“…ഇതൊക്കെ എപ്പോ എന്നോട് ആരും ഒന്നും പറഞ്ഞില്ലല്ലോ…” വിഷമത്തോടെ എൽവിൻ പറഞ്ഞു.

 

 

 

“…അച്ചോടാ പിണങ്ങല്ലേ കുട്ടാ മമ്മി പറയാൻ വിട്ടുപോയതാ…” എൽവിന്റെ തലയിൽ തലോടി അവനെ കൊഞ്ചിച്ചു.

 

 

 

“…നിന്റെ കോളേജിൽ പഠിപ്പിക്കുന്ന ടീച്ചർ ആണ് വരുന്നേ…”

 

 

 

“… എന്റെ കോളേജിൽ പഠിപ്പിന്നുന്നതോ.പുള്ളികാരിയുടെ പേരെന്താ…”

 

 

 

“…പേര്… പേര്… അയ്യോ പേര് ചോദിക്കാൻ വിട്ടു പോയി…” എന്തോ ആലോചിച്ചു മമ്മി പറഞ്ഞു.

 

 

 

“…ആഹ് ബെസ്റ്റ് പേര് പോലും അറിയാത്ത ആൾക്ക് ആണോ വീട് കൊടുക്കുന്നെ…”

 

 

 

“…എന്തായാലും നാളെ വരുവല്ലോ അപ്പൊ ചോദിക്കാം…” എന്നെ കൊഞ്ഞനം കുത്തി മമ്മി പറഞ്ഞു.

 

 

 

“… ഫാമിലി ആയിട്ടാണോ വരുന്നെ…”

 

 

 

“… അല്ല ഒറ്റക്ക…”

 

 

 

“… ഫാമിലി ആണെങ്കിലെ വീട് കൊടുക്കു എന്നല്ലേ പപ്പ പറഞ്ഞെ…”

 

 

 

“… അതൊരു പാവം കൊച്ചാടാ കണ്ടാൽ തന്നെ അറിയാം. വീടൊക്കെ നല്ലപോലെ നോക്കിക്കോളും. അത് മാത്രം അല്ല ഇനി നീ കോളേജിൽ വല്ല വേലത്തരവും കാണിച്ചാൽ എനിക്ക് അറിയാലോ…”

 

 

 

“…അങ്ങനെ വരട്ടെ എന്നെ നോക്കാൻ ഉള്ള spy ആയിട്ടാണ് അല്ലെ അപ്പോന്റ് ചെയ്യുന്നേ. അങ്ങനെ ആണെങ്കിൽ അവർക്ക് വീട് കൊടുക്കണ്ട…”

 

 

 

“…ഇനി ഒന്നും നടക്കില്ല മോനെ. എഗ്രിമെന്റ് ഒക്കെ സൈൻ ചെയ്ത് താക്കോലും കൊടുത്തു…”

 

 

 

“… എന്റെ പുണ്യാള എന്തൊക്കെയാ ഈ വീട്ടിൽ നടക്കുന്നെ…” കണ്ണും മിഴിച്ചു ഞാൻ മമ്മിയെ നോക്കി

 

 

 

“… ഇന്നലെ വന്ന് വീട് നോക്കി. ഇന്ന് എഗ്രിമെന്റ് എഴുതി താക്കോൽ വാങ്ങി. നാളെ താമസിക്കാൻ വരും…”

 

 

 

“… രണ്ട് ദിവസം കൊണ്ട് ഇത്രയൊക്കെ നടന്നോ…”

 

 

 

“… ഇതൊക്കെ അറിയണം എങ്കിൽ നീ വീട്ടിൽ ഇരിക്കണം അല്ലാതെ കൂട്ടുകാരുടെ കൂടെ ഊരുതെണ്ടാൻ പോയാൽ ഒന്നും അറിയത്തില്ല…”

 

 

 

“… നാളെ എന്തായാലും വരുമല്ലോ ആ അവതാരം അപ്പൊ ഞാൻ കണ്ടോളാം..” കഴിച്ചു കഴിഞ്ഞ് കൈ കഴുകി റൂമിലേക്ക് പോവാൻ ഒരുങ്ങി.

 

 

 

“… ടാ നാളെ രാവിലെ എഴീച്ചേക്കണം പള്ളി പോവാനുള്ളതാ…”അതിന് ഞാൻ ഓക്കേയോ പറഞ്ഞു റൂമിലേക്ക് പോയി.

 

 

 

ഞായറാഴ്ച രാവിലെ തന്നെ തന്റെ ബാഗും സാധങ്ങളുമായി പുതിയ വീട്ടിലേക്ക് എത്തി. ഗേറ്റ് തുറന്ന് ആ വലിയ വീട്ടിൽ എത്തിയപ്പോ വാതിൽ എല്ലാം അടച്ചു ഇട്ടേക്കായിരുന്നു. ബെൽ അടിച്ചു എങ്കിലും ഒച്ചയും അനക്കവും ഒന്നും കേട്ടില്ല. താക്കോൽ കൈയിൽ ഇരിക്കുന്നത് കൊണ്ട് നേരെ ആ ചെറിയ വീട്ടിൽ പോയി വാതിൽ തുറന്ന് അകത്ത് കയറി. എല്ലാം ഒന്ന് കൂടി ചുറ്റികറങ്ങി നോക്കി. സാർ പറഞ്ഞ പോലെ ഗ്യാസ് കണക്ഷൻ ഒക്കെ സെറ്റ് ചെയ്തിട്ടുണ്ട്. എല്ലാം തൂത്തു ഒക്കെ ഇട്ടിട്ടുണ്ട്. എന്നാലും തന്റെ മനസമാധാനത്തിന് എല്ലാം ഒന്നുകൂടി തൂത്തു. മുറ്റത്ത് ഒക്കെ ഇലകൾ വീണു കിടപ്പുണ്ടായിരുന്നു അതും തൂത്തു വൃത്തിയാക്കി. അടുത്തുള്ള കടയിൽ പോയി പാൽ വാങ്ങി പായസത്തിനു വേണ്ട സാധനങ്ങളും വാങ്ങി വീട്ടിലേക്ക് എത്തി. താൻ ജീവന് തുല്യം കരുതുന്ന കൃഷ്ണ വിഗ്രഹം നല്ലൊരു ഇടത് വച്ച് വിളക്ക് വച്ച് പ്രാർത്ഥിച്ചു. പിന്നെ കൊണ്ട് വന്ന പാൽ കാച്ചി അതിൽ പായസം ഉണ്ടാക്കി.