💞 ആരാധ്യ ടീച്ചർ 💞 65Onam Special 

 

 

 

 

“…അയ്യോ അതൊന്നും വേണ്ട. സാറിനോട് ഒന്നും പറയണ്ട. നിങ്ങൾക്ക് വെറുതെ ബുദ്ധിമുട്ട് ആവും…”

 

 

 

“…നിന്നെ ഞങ്ങൾ സ്വന്തം മോളെ പോലെയാ കാണുന്നെ. ഞങ്ങൾ പോയിട്ടു വന്നിട്ട് ഇതിനൊരു തീരുമാനം എടുക്കും…” ആരാധ്യക്ക് ആ ഒരു ഉറപ്പും നൽകി അവളെ അശ്വസിപ്പിച്ചതിന് ശേഷം വീട്ടിലേക്ക് പോയി.

 

 

 

പിറ്റേന്ന് നേരം പുലരും മുമ്പ് തന്നെ പപ്പയെയും മമ്മിയെയും കൂട്ടി എൽവിൻ തന്റെ ബന്ധുവിന്റെ കല്യാണത്തിനു പുറപ്പെട്ടു. നല്ല ദൂരം ഉള്ളത് കൊണ്ട് തന്നെ പപ്പയും മോനും മാറി മാറിയാണ് വണ്ടി ഓടിച്ചത്. കല്യാണം വളരെ ഗംഭീരം ആയി തന്നെ നടന്നു. കല്യാണത്തിന് ശേഷം റിസെപ്ഷൻ നിൽക്കുമ്പോൾ ആണ് എൽവിന് ഒരു കാൾ വരുന്നത്.

 

 

 

“…ജേക്കബ് അങ്കിളേ പറഞ്ഞോ…”

 

 

 

“…മോനെ നമ്മുടെ പുതിയ പ്രോജെക്ടിൽ അവർക്ക് എന്തോ ചില ഡൌട്ട്…”

 

 

 

“… അത് എങ്ങനെ ശെരിയാവും നമ്മൾ എല്ലാം ക്ലിയർ ചെയ്തത് അല്ലെ…”

 

 

 

“…അത് എന്താണെന്ന് എനിക്കും അറിയില്ല. നാളത്തേക്ക് അവർ ഒരു മീറ്റിംഗ് അറേഞ്ച് ചെയ്തിട്ടുണ്ട്…”

 

 

 

“…അയ്യോ ഞാൻ നാളെ ലീവ് ആണ്. പോരാത്തതിന് നല്ല ദൂരയ നിൽക്കുന്നത്…”

 

 

 

“… അത് എനിക്ക് അറിയാടാ. നാളെ മീറ്റിംഗ് നടന്നില്ലെങ്കിൽ പ്രൊജക്റ്റ്‌ നമ്മുടെ കൈവിട്ടു പോവും…”

 

 

 

“… ശോ ഇത് വല്ലാത്ത അവസ്ഥ ആയല്ലോ. ഞാൻ ഒന്ന് നോക്കട്ടെ അങ്കിളേ ഇപ്പൊ വിളിക്കാം…”

 

 

 

ഫോൺ വച്ചതിനു ശേഷം അവന് ഒന്ന് ആലോചിച്ചു. പപ്പയെയും മമ്മിയെയും ഇവിടെ ആക്കിയിട്ടു പോവാം അവർക്ക് നാളെ വേറൊരു വണ്ടി അറേഞ്ച് ചെയ്ത് കൊടുത്താൽ മതിയല്ലോ.

 

 

 

“… പപ്പാ നാളെ എനിക്ക് ഒരു അർജന്റ് മീറ്റിംഗ് ഉണ്ട് പോയെ പറ്റു…” പാർട്ടിയിൽ എല്ലാരോടും സംസാരിച്ചോണ്ട് ഇരുന്ന മമ്മിയെയും പപ്പയെയും മാറ്റി നിർത്തി സംസാരിച്ചു.

 

 

 

“…നീ നാളെ ലീവ് അല്ലെ…”പപ്പാ ചോദിച്ചു.

 

 

 

“… പുതിയ പ്രോജെക്ടിന്റെ ചില പ്രോബ്ലെംസ്. നാളെ ഓഫീസിൽ എത്തിയെ പറ്റു. ഞാൻ എന്തായാലും ഇറങ്ങാ. നിങ്ങൾ നാളെ വന്നാൽ മതി ഞാൻ ഒരു കാർ അറേഞ്ച് ചെയ്ത് തരാം…” എൽവിൻ കാര്യങ്ങൾ എല്ലാം വിശദമാക്കി.

 

 

 

“…നീ ഇല്ലാതെ ഞങ്ങൾ ഇവിടെ എന്ത് ചെയ്യാനാ. പോരാത്തതിന് നാളെ വേറെ കാർ അറേഞ്ച് ചെയ്യുക എന്ന് പറഞ്ഞ ബുദ്ധിമുട്ട് അല്ലെ. ഞങ്ങൾ കൂടി നിന്റെ കൂടെ വരാം…” മമ്മി പറഞ്ഞു.

 

 

ഞാൻ അധികം തർക്കിക്കാൻ നിൽക്കാതെ എല്ലാരോടും യാത്ര പറഞ്ഞിറങ്ങി.

 

 

 

“…ഇന്ന് രാവിലെ മുതൽ വണ്ടി ഓടികയല്ലേ നീ ക്ഷീണിച്ച് കാണും. വേറെ ഡ്രൈവറെ വിളിച്ചാലോ…”

 

 

 

“…അതിന്റെ ആവശ്യം ഒന്നും ഇല്ല പപ്പാ. ഞാൻ ഓക്കേ ആണ്. ഇപ്പൊ തന്നെ വൈകി ഇനിയും താമസിച്ചാൽ വീട് എത്തുമ്പോൾ ഒരു സമയം ആവും…”

 

 

 

“… Are you sure…” പപ്പയുടെ ചോദ്യത്തിന് ഞാൻ ഉറപ്പ് നൽകി ഞങ്ങൾ വീട്ടിലേക്ക് യാത്ര തിരിച്ചു.

 

 

രാത്രി ആയത് കൊണ്ട് തന്നെ എതിരെ വരുന്ന വണ്ടികൾ എല്ലാം bright അടിച്ചോണ്ട് ആണ് വരുന്നേ. ഞങ്ങൾ ഓരോ കാര്യങ്ങൾ പറഞ്ഞു യാത്ര തുടർന്ന്.

 

 

 

“…മമ്മിയുടെ മുഖം എന്താ വല്ലാതെ ഇരിക്കുന്നെ…” പുറത്തേക്ക് നോക്കി ഇരിക്കുന്ന മമ്മിയെ നോക്കി ഞാൻ ചോദിച്ചു.

 

 

 

“… ഞാൻ ആരാധ്യയുടെ ഓരോ കാര്യങ്ങൾ ആലോചിച്ചു ഇരുന്നതാ…”

 

 

 

“… മിസ്സിന് എന്താ പ്രശനം…”

 

 

 

“… ആ കൊച്ചിന് പ്രശ്നങ്ങളും ദുരിതങ്ങളും മാത്രമേ ഉള്ളു…”

 

 

 

“… എന്താന്ന് പറയ്…” ഞാൻ നിർബന്ധിച്ചു

 

 

 

“… ആ കൊച്ചിന്റെ കാര്യത്തിൽ ഞാൻ ചില തീരുമാനങ്ങൾ എടുത്തിട്ടുണ്ട് വീട് എത്തിയിട്ട് പറയാം…” ഞാൻ പിന്നെ മമ്മിയെ നിർബന്ധിക്കാൻ പോയില്ല.