💞 ആരാധ്യ ടീച്ചർ 💞 65Onam Special 

 

 

 

“…പച്ച കള്ളം ആണ് സാർ ഇവൻ പറയുന്നത്. ഞാൻ അവിടെ വെറുതെ നിന്നപ്പോ ചുമ്മാ വന്ന് എന്നെ ഇടിക്കായിരുന്നു…”

 

 

 

“…ചുമ്മാ ഇടിക്കാൻ എനിക്ക് വട്ടുണ്ടോ. എന്റെ മെക്കിട്ട് കയറിയിട്ടാ ഞാൻ ഇടിച്ചേ…” രണ്ടുപേരുടെയും ഭാഗം കേട്ട ടീച്ചർമാർക്കും പ്രിൻസിക്കും ആരാ കള്ളം പറയുന്നത് എന്ന് മനസ്സിലാവുന്നില്ല.

 

 

 

“…ആരോമൽ താൻ മദ്യപിച്ചിട്ടുണ്ടോ…” പ്രിൻസി ചോദിച്ചു.

 

 

 

“… അത് സാർ…” ആരോമൽ മുഖം കുനിച്ചു.

 

 

 

“…how dare you. നിനക്ക് എന്റെ കോളേജിൽ മദ്യപിക്കാൻ എങ്ങനെ തോന്നി…” കസേരയിൽ നിന്നും ചാടി എഴുനേറ്റ് പ്രിൻസി അലറി.

 

 

 

“…എൽവിൻ. തനിക്ക് വല്ല പരാതിയും ഉണ്ടങ്കിൽ എന്നോട് വേണം പറയാൻ അല്ലാതെ തല്ലുണ്ടാക്കയല്ല വേണ്ടത്. ഇവരെ വെറുതെ വിട്ടാൽ പറ്റില്ല സസ്‌പെൻഷൻ കൊടുത്ത് വീട്ടിൽ ഇരുത്തിയാലേ പഠിക്കോളും…” പ്രിൻസി ദേഷ്യത്തിൽ പറഞ്ഞു.

 

 

 

“… സാർ… സാർ പ്ലീസ് സാർ ഇത്തവണത്തെക്ക് ക്ഷമിക്കണം സാർ. ഇനി പ്രശ്നങ്ങൾ ഒന്നും ഉണ്ടാവാതെ ഞാൻ നോക്കിക്കോളാം…” ഞാനും ആരോമലിന്റെ ട്യൂട്ടറും പ്രിൻസിയോട് കെഞ്ചി.

 

 

 

“… നല്ലൊരു ദിവസം ആയത് കൊണ്ടും നിങ്ങളുടെ ടീച്ചേർസ് പറഞ്ഞതുകൊണ്ടും ഇത്തവണ ഞാൻ ക്ഷമിച്ചിരിക്കുന്നു. ഇനി എന്തെങ്കിലും കേസിൽ നിങ്ങൾ എന്റെ മുമ്പിൽ വന്ന് പെട്ടാൽ ഈ കോഴ്സ് നിങ്ങൾ കംപ്ലീറ്റ് ചെയ്യില്ല…” വാണിംഗും തന്ന് പ്രിൻസി ഞങ്ങളെ പറഞ്ഞു വിട്ടു.

 

 

 

“… എൽവിൻ…” എനിക്ക് മുന്നേ പോവുന്ന എൽവിനെ ഞാൻ വിളിച്ചവിടെ നിർത്തി.

 

 

 

“…പ്രിൻസിയുടെ മുന്നിൽ എന്നെ നാണം കെടുത്തിയപ്പോ നിനക്ക് മതിയായല്ലോ😡…” ഞാൻ എൽവിനോട് ചൂടായി.

 

 

 

“… താൻ പഠിപ്പിക്കുന്ന ചെറുക്കന്റെ കൈയിൽ നിന്നും വഴക്കും കേട്ട് കരഞ്ഞോണ്ട് വന്നതിന്റെ അത്ര നാണക്കേടില്ല…” ഞാൻ ഞെട്ടി തരിച്ചു നിന്നുപോയി.

 

 

 

“…കൈയിലെ മുറിവ് ഇപ്പോഴും മാറോയിട്ടില്ലല്ലോ. മരുന്ന് വല്ലതും പുരട്ടാൻ നോക്ക്…”ആരോമൽ കൈക്ക് കേറി പിടിച്ചപ്പോൾ കുപ്പിവള പൊട്ടി ഉണ്ടായ മുറിവ് നോക്കി എൽവിൻ പറഞ്ഞിട്ട് മുന്നിലേക്ക് നടക്കാൻ തുടങ്ങി.

 

 

 

അപ്പൊ ആരോമൽ പറഞ്ഞത് ആണോ സത്യം. എനിക്ക് വേണ്ടിയാണോ ഇവൻ ആരോമലിനെ ഇടിച്ചതു.

 

 

 

“…അതേ…” മുന്നിലേക്ക് രണ്ടടി വച്ച എൽവിൻ തിരിഞ്ഞ് ആരാധ്യയെ വിളിച്ചു. ചിന്തയിൽ ആയിരുന്ന ആരാധ്യ പെട്ടെന്ന് ഞെട്ടി അവനെ നോക്കി

 

 

 

“…ഇന്ന് കാണാൻ കുറച്ചു മെനയൊക്കെ ഉണ്ട് വെറുതെ കരഞ്ഞു ഉള്ള സൗന്ദര്യം കളയണ്ട…” എൽവിൻ അതും പറഞ്ഞും തിരിഞ്ഞു നടന്നു.

 

 

 

“…അവൻ പറഞ്ഞതിന്റെ അർത്ഥം ബാക്കി ഉള്ള ദിവസം ഞാൻ സുന്ദരി അല്ല എന്നല്ലേ… ” എൽവിൻ പറഞ്ഞതിൽ കുശുമ്പ് കൊണ്ട ആരാധ്യ സ്റ്റാഫ്‌ മുറിയിൽ പോയി.

 

 

 

“…എന്തായടാ…” തങ്ങളുടെ അടുത്തേക്ക് എത്തിയ എൽവിനോട് അൻവർ ചോദിച്ചു.

 

 

 

“…അവന് കണക്കിന് കൊടുത്തിട്ടുണ്ട്…” നിഖിൽ നീട്ടിയ പെഗ് ഒറ്റ വലിക്ക് ആകത്താക്കികൊണ്ട് പറഞ്ഞു.

 

 

 

“… പ്രിൻസിയുടെ അടുത്ത് നിന്ന് എങ്ങനെ ഊരി പോന്നു…” അൻവർ ചോദിച്ചു.

 

 

 

“…സത്യം പറയാലോ അളിയാ ഞാൻ രണ്ടണ്ണം വീശിയിട്ട് പോയിരുന്നെങ്കിൽ പെട്ടേനെ. ഞാൻ അവനിട്ടു രണ്ടണ്ണം കൊടുത്തപ്പോഴേ മച്ചാൻ വെള്ളത്തിൽ ആണെന്ന് എനിക്ക് മനസിലായി. പിന്നെ പ്രിൻസിയോട് അത് വെച്ചൊരു കഥയങ്ങ് കാച്ചി. പ്രിൻസി മണ്ടൻ ഫ്ലാറ്റ്…”

 

 

 

“…അപ്പൊ മിസ്സിനോട് നിനക്ക് ശെരിക്കും ഇഷ്ട്ടം ഒക്കെ ഉണ്ട് അല്ലെ…” അൻവർ ചോദിച്ചു.

 

 

 

“… ഇഷ്ട്ടം എനിക്ക് അതും അവളോട്‌ 😏…” അടുത്ത പെഗ് അടിച്ചു

 

 

 

“…പകയാ എനിക്ക് അവളോട്‌ തീരാത്ത പക…”