💞 ആരാധ്യ ടീച്ചർ 💞 65Onam Special 

 

 

 

“…ഞങ്ങൾക്ക് ജീവിക്കാൻ ആ വീടിന്റെ വാടക ആവശ്യം ഇല്ല. ഇവൾക്ക് വയസായി അപ്പൊ ഈ വീടും ആ വീടും ഒരുപോലെ നോക്കാൻ പറ്റില്ല. വടകയ്ക്ക് കൊടുത്താൽ വീട് വൃത്തിയായി കിടക്കും അല്ലോ. ഞാൻ അത്രയേ ചിന്തിച്ചോളൂ…”

 

 

 

“…അത് ശെരിയ…” ബ്രോക്കർ ഒത്താശ പിടിച്ചു.

 

 

 

“…ഞങ്ങൾ ഫാമിലിക്കും കൊടുക്കാം എന്നാ തീരുമാനിച്ചത്. അപ്പോഴാ ഇയാൾ ടീച്ചറുടെ കാര്യം പറയുന്നത്. എനിക്ക് ബാചിലർക്ക് കൊടുക്കാൻ താല്പര്യം ഇല്ലായിരുന്നു. ഇയാളാ പറഞ്ഞെ ഇയാൾക്ക് അറിയാവുന്ന ആളാ കുഴപ്പം ഒന്നും ഇല്ലന്ന്…” ഞാൻ അത് കേട്ട് പെട്ടെന്ന് ബ്രോക്കറെ നോക്കി. പുള്ളി കണ്ണടച്ചു കാണിച്ചു.

 

 

 

“…ടീച്ചർ എവിടെയാ പഠിപ്പിക്കുന്നെ…” ആരാധ്യ കോളേജിന്റെ പേര് പറഞ്ഞു.

 

 

 

“…ആഹാ എന്റെ മോനും അവിടെയ പഠിക്കുന്നത്…” ആ സ്ത്രീ ഇടക്ക് കയറി പറഞ്ഞു.

 

 

 

“… ആണോ മോന്റെ പേരെന്താ…” ആകാംഷയോടെ ആരാധ്യ തിരക്കി.

 

 

 

“… അതൊക്കെ നമുക്ക് പിന്നെ സംസാരിക്കാം ഇപ്പൊ ഡീലിലേക്ക് കടക്കാം…” ബ്രോക്കർ കുറുക്കെ കയറി പറഞ്ഞു.

 

 

 

“…ടീച്ചർക്ക് വീട് ഇഷ്ട്ടായ സ്ഥിതിക്ക് നാളെത്തന്നെ എഗ്രിമെന്റ് എഴുതാം. ഡെപ്പോസിറ്റ് ആയിട്ട് 20,000 രൂപ. എന്താ ok അല്ലെ…”

 

 

 

“… Ok ആണ് സാർ. നാളെ തന്നെ ഞാൻ പൈസ അറേഞ്ച് ചെയ്യാം…”

 

 

 

“… എന്നാ എല്ലാം പറഞ്ഞ പോലെ. എന്നാ ടീച്ചർ ഇങ്ങോട്ട് മാറുന്നത്…”

 

 

 

“… ഇപ്പൊ ഞാൻ ഒരു ഹോസ്റ്റലിൽ ആണ് നിൽക്കുന്നെ സൺഡേ ഇങ്ങോട്ട് മാറാം എന്നാ വിചാരിക്കുന്നത്…”

 

 

 

“…ഓ അത് മതി. ഞാൻ ചോദിക്കാൻ കാരണം എന്താന്ന് വെച്ചാൽ അത്യാവശ്യം ഫർണിചർ എല്ലാം അവിടെ ഉണ്ട്. ഗ്യാസ് കണക്ഷൻ ഇല്ല ഞാൻ നാളെ തന്നെ അതിനുള്ള ഏർപ്പാട് ചെയ്യാം. വേറെ എന്തെങ്കിലും വേണോ…”

 

 

 

“…അയ്യോ വേണ്ട സാർ. ഇപ്പൊ തന്നെ സൗകര്യങ്ങൾ ഒക്കെ കൂടുതൽ ആണ്…”

 

 

 

“… എന്നാ ശെരി. വീട് നല്ല പോലെ നോക്കണം കേട്ടോ…” പുഞ്ചിരിച്ചോണ്ട് സാർ പറഞ്ഞു.

 

 

 

“… തീർച്ചയായും. എന്റെ സ്വന്തം വീട് പോലെ നോക്കിക്കോളാം…” ആരാധ്യ നെഞ്ചിൽ തൊട്ടു പറഞ്ഞു.

 

 

 

“… എന്നാ നമുക്ക് ഇറങ്ങിയാലോ. എഗ്രിമെന്റ് ആയിട്ടു ഞാനും ടീച്ചറും നാളെ വരാം…”

 

 

 

ആരാധ്യ അവരോട് യാത്ര പറഞ്ഞിറങ്ങി. ബ്രോക്കർ ചേട്ടൻ ബാക്കി കാര്യം നോക്കിക്കോളാം എന്ന് പറഞ്ഞു പോയി. അപ്പൊ തന്നെ ലക്ഷ്മി മിസ്സിനെ വിളിച്ചു.

 

 

 

“… ഹലോ. എന്തായി…” ആകാംഷയോടെ ലക്ഷ്മി തിരക്കി.

 

 

 

“…നല്ല അടിപൊളി വീട് ചേച്ചി. വാടകയും കുറവാ…” ലക്ഷ്മി മിസ്സ്‌ എനിക്ക് ഇപ്പൊ ചേച്ചിയെ പോലെയാ.

 

 

 

“… പെണ്ണ് നല്ല സന്തോഷത്തിലാണെന്ന് തോന്നുന്നു…”

 

 

 

“… പിന്നെ സന്തോഷം ഇല്ലാതെ ഇരിക്കുമോ. ആകെ ഒരു വിഷമം കോളേജിൽ നിന്നും ഇച്ചിരി അകലെയാണ് വീട്…”

 

 

 

“… ദേ പെണ്ണെ ഇത്രയും കുറഞ്ഞ വാടകയ്ക്ക് ഇതുപോലെ ഒരു വീട് വേറെ കിട്ടില്ല. അപ്പൊ ദൂരം ഒന്നും നോക്കണ്ട…”

 

 

 

“…ആഹ്. എന്തായാലും നാളെത്തന്നെ എഗ്രിമെന്റ് എഴുതാം എന്നാ പറഞ്ഞെ. ഡെപ്പോസിറ്റ് 20,000 കൊടുക്കണം…”

 

 

 

“… നിന്റെൽ അത്രയും പൈസ ഒക്കെ ഉണ്ടോ…”

 

 

 

“… അമ്മ എന്റെ പേരിൽ ഇട്ട കുറച്ചു പൈസ ഉണ്ട് അത് എടുക്കാം…”

 

 

 

“… പൈസക്ക് വല്ല ബുദ്ധിമുട്ട് ഉണ്ടങ്കിൽ ചോദിക്കണം കേട്ടോ മടിക്കരുത്…” ആ വാക്കുകൾ എന്റെ മനസ് നിറച്ചു.

 

 

 

“… അങ്ങനെ എന്തെങ്കിലും ഉണ്ടങ്കിൽ ആദ്യം ചേച്ചിയോട് തന്നെ ചോദിക്കും പോരെ…”

 

 

 

“… അത് മതി. അപ്പൊ ട്രീറ്റ്‌ എപ്പോഴാ…”

 

 

 

“… ശമ്പളം കിട്ടിയാൽ ഉടൻ ചേച്ചിക്ക് ഞാൻ വലിയൊരു ട്രീറ്റ്‌ ചെയ്യുന്നുണ്ട്…”