💞 ആരാധ്യ ടീച്ചർ 💞 65Onam Special 

 

 

 

“… മിസ്സേ ഹാപ്പി ഓണം…”

 

 

 

“… എല്ലാർക്കും ഓണാശംസകൾ…” പുഞ്ചിരിയോടെ ആരാധ്യ എല്ലാരേയും നോക്കി പറഞ്ഞു കൂട്ടത്തിൽ എന്നെയും ഒന്ന് നോക്കി. ഞാൻ വല്യ മൈൻഡ് കൊടുക്കാൻ നിന്നില്ല.

 

 

 

അത്തപ്പൂക്കള മത്സരത്തിന്റെ വിധി കർത്താക്കളിൽ ഒരാൾ ആരാധ്യ ആയിരുന്നു. അത് കൊണ്ട് അല്ല കേട്ടോ നമുക്ക് ഫസ്റ്റ് കിട്ടിയത് നല്ലതുപോലെ പണിയെടുത്തത് കൊണ്ടാണ്. ഞാനും നിഖിലും സദ്യക്ക് ശേഷം രണ്ടെണ്ണം അടിക്കാൻ ഉള്ള സ്കീം ഉണ്ടാക്കുമ്പോൾ ആണ് അൻവർ ഓടിപിടച്ചു ഞങ്ങടെ അരികിലേക്ക് വരുന്നത്.

 

 

 

“…നിങ്ങൾ അറിഞ്ഞായിരുന്നോ…” കിതച്ചോണ്ട് അൻവർ ചോദിച്ചു.

 

 

 

“…കല്യാൺ സിൽക്കിൽ ആടി സെയിൽ തുടങ്ങിയത് ആണോ…”

 

 

 

“… നിനക്ക് എങ്ങനാടാ ഉവ്വേ ഇതൊക്കെ സാധിക്കുന്ന…” വളിപ്പ് അടിച്ച നിഖിലിനെ നോക്കി ചോദിച്ചു.

 

 

 

“…ടാ മറ്റേ ക്ലാസ്സിലെ ആരോമൽ ഇല്ലേ. അവരെ അത്ത പൂക്കള മത്സരത്തിന് മനഃപൂർവം തോൽപ്പിച്ച് സ്വന്തം ക്ലാസ്സ്‌ ആയോണ്ട നമ്മളെ ജയിപ്പിച്ചത് എന്ന് പറഞ്ഞു ആരാധ്യ മിസ്സിനോട് വഴക്കുണ്ടാക്കി…”

 

 

 

“…എന്നിട്ട്…”

 

 

 

“… മിസ്സും തിരിച്ചു എന്തൊക്കെയോ പറഞ്ഞു. വഴക്കായി അവസാനം മിസ്സിന്റെ കൈക്ക് കേറി പിടിച്ചു. അത് മിസ്സിന് വല്ലാത്ത വിഷമം ആയെന്ന് തോന്നുന്നു കരഞ്ഞോണ്ട തിരിച്ചു പോയെ…”

 

 

 

“… നിന്നോട് ഇതൊക്കെ ആരാ പറഞ്ഞേ…” സത്യാവസ്ഥ അറിയാനായി ഞാൻ ചോദിച്ചു.

 

 

 

“… ഞാൻ നേരിൽ കണ്ടതാ. പാവം മിസ്സ്‌ ഒറ്റക്കെ ഉള്ളായിരുന്നു…” വിഷമത്തോടെ അൻവർ പറഞ്ഞു.

 

 

 

“…മൈര്. നമ്മളെ മിസ്സിനെ കരയിക്കാറായോ അവൻ…” ഞാൻ മുന്നും പിന്നും നോക്കാതെ അവന്റെ അടുത്തേക്ക് പോയി.

 

 

 

“… നീ ഇങ്ങനെ കരയല്ലേ…” സ്റ്റാഫ്‌ മുറിയിൽ ഇരുന്ന് ഏങ്ങി ഏങ്ങി കരയുന്ന ആരാധ്യയെ ലക്ഷ്മി സമാധാനിപ്പിക്കാൻ നോക്കി.

 

 

 

“… എന്നാലും ഞാൻ അവരെയൊക്കെ പഠിപ്പിക്കുന്ന ടീച്ചർ അല്ലെ…” സങ്കടം സഹിക്ക വയ്യാതെ ആരാധ്യ ഓരോന്ന് പറഞ്ഞു.

 

 

 

“…നീ കണ്ണൊക്കെ തുടച്ചേ എന്നിട്ട് വാ നമുക്ക് പ്രിൻസിക്ക് ഒരു കംപ്ലയിന്റ് കൊടുക്കാം…” ലക്ഷ്മി കൈയിലെ കർച്ചീഫ് കൊടുത്തു. പ്യുണ് പെട്ടെന്ന് സ്റ്റാഫ്‌ മുറിയിലേക്ക് കയറി വന്നു.

 

 

 

“…ആരാധ്യ മിസ്സേ പ്രിൻസിപ്പൽ ഓഫീസിലേക്ക് ഒന്ന് ചെല്ലാൻ പറഞ്ഞു. പിന്നെ ലക്ഷ്മി മിസ്സിനെ നവീൻ സാർ വിളിക്കുന്നു. വടം വലിയുടെ എന്തോ ലിസ്റ്റ് തയ്യാറാക്കാൻ…” ഇത്രമാത്രം പറഞ്ഞു പ്യുണ് ചേട്ടൻ ഇറങ്ങി പോയി.

 

 

 

“…എന്തായാലും നീ പ്രിൻസിയുടെ അടുത്തേക്ക് ചെല്ല്. ഞാൻ പറഞ്ഞപോലെ കംപ്ലയിന്റ് കൊടുക്ക്. ഞാൻ ഒന്ന് ഗ്രൗണ്ടിലേക്ക് ചെല്ലട്ടെ…” ലക്ഷ്മി മിസ്സ്‌ ആരാധ്യയെ പ്രിൻസിയുടെ മുറിയിലേക്ക് പറഞ്ഞയച്ചിട്ടു ഗ്രൗണ്ടിലേക്ക് പോയി.

 

 

 

പ്രിൻസിയുടെ ഓഫീസിൽ എത്തിയപ്പോ കാണുന്നത്. എൽവിനെയാണ് ഒപ്പം തന്റെ കൈക്ക് കേറി പിടിച്ച ആരോമലും ഉണ്ട്. അവന്റെ മുഖത്ത് ഇടികൊണ്ട് ചതഞ്ഞ പാടുകൾ കാണാം . കൂടെ അവന്റെ ക്ലാസ്സ്‌ ട്യൂട്ടറും.

 

 

 

“…ഇവൻ മിസ്സിന്റെ ക്ലാസ്സിൽ അല്ലെ…” എവിലിനെ ചൂണ്ടി ചോദിച്ചു.

 

 

 

“…അതേ സാർ എന്താ പ്രശ്നം…”

 

 

 

“… കണ്ടില്ലേ എന്താ ഇവൻ കാണിച്ചു വച്ചേക്കുന്നത് എന്ന്…” ആരോമലിന്റെ മുഖത്തേക്ക് നോക്കി പറഞ്ഞു.

 

 

 

“…എൽവിൻ എന്തിനാ നീ ഇവനെ ഇടിച്ചത്…” പ്രിൻസി വിചാരണ ആരംഭിച്ചു.

 

 

 

“…സാർ. ഞാൻ ഇവരുടെ ക്ലാസ്സിന്റെ അടുത്തൂടെ പോയപ്പോ ഇവൻ അവിടെ നിന്ന് മദ്യപിക്കുന്നത് കണ്ടു. ഞാൻ അതേപറ്റി ചോദിച്ചപ്പോ എന്നെ തല്ലാൻ നോക്കി അതാ ഞാൻ ഇവനെ ഇടിച്ചതു…” നിഷ്കളങ്ക ഭാവത്തിൽ എൽവിൻ പറഞ്ഞു.