💞 ആരാധ്യ ടീച്ചർ 💞 65Onam Special 

 

 

 

“… മോനെ ഞാൻ ഒരു വേലക്കാരിയെ ഏർപ്പാട് ആക്കാം.മോന്റെ കാര്യങ്ങൾ നോക്കാൻ…”

 

 

 

“…അത് വേണ്ട അങ്കിളെ ഞാൻ നോക്കിക്കോളാം. അങ്കിളും പൊയ്ക്കോളൂ. എനിക്ക് കുറച്ചു സമയം ഒറ്റക്ക് ഇരിക്കണം…”

 

 

 

 

“…ഇത് വച്ചോ. മോന്റെ സിം ഇട്ട പുതിയ ഫോൺ ആണ്. എന്തെങ്കിലും ആവശ്യം ഉണ്ടങ്കിൽ എന്നെ വിളിക്കണം…”

 

 

 

പുതിയ ഫോൺ എനിക്ക് തന്ന ശേഷം കുറച്ചുനേരം എന്നെ നോക്കി അങ്കിൾ നിന്നു പിന്നെ പുള്ളി പോയി. ആ വലിയ വീട്ടിൽ ഞാൻ ഒറ്റക്കായി എവിടെ നോക്കിയാലും പപ്പയുടെയും മമ്മിയുടെയും മണവും അവരുടെ ഓർമകളും. അത് എന്നെ കൂടുതൽ വിഷമിപ്പിച്ചു. പോകെ പോകെ എനിക്ക് വിഷമം സഹിക്കാൻ വയ്യാതായി. ഓടി ഞാൻ എന്റെ മുറിയിൽ പോയി കാബോർഡിൽ ഞാൻ ഒളിപ്പിച്ചു വച്ച കുപ്പി എടുത്ത് കുടിച്ചു. അപ്പൊ ചെറിയൊരു ആശ്വാസം. കുപ്പി തീർന്നപ്പോൾ അങ്കിൾ തന്ന ഫോണിൽ നിന്നും ഓഫീസിലെ ഒരു പയ്യന്റെ നമ്പർ തപ്പി പിടിച്ച് വിളിച്ചു കുപ്പി എത്തിച്ചു.

 

 

 

എന്റെ ജീവിതം ആകെ താളം തെറ്റി. എല്ലാം ഉണ്ടായിരുന്നവൻ പെട്ടെന്ന് ഒരു നിമിഷം ആരും ഇല്ലാതെ ആവുന്ന അവസ്ഥ. അതിന് കാരണം താൻ ആണെന്നുള്ള കുറ്റബോധവും. ഞാൻ എന്റെ റൂമിൽ നിന്നും പുറത്ത് വരാതെയായി. വിശക്കുമ്പോൾ swiggy ഓർഡർ ചെയ്ത് വരുത്തും വിഷമം വരുമ്പോൾ കുടിക്കും വലിക്കും. ദിവസങ്ങളും ആഴ്ചകളും കടന്നു പോയി. ഒരു ദിവസം ജെക്കബ് അങ്കിൾ എന്നെ കാണാൻ എത്തി. എന്റെ അവസ്ഥ കണ്ട് ഒരുപാട് ഉപദേശവും വഴക്കും പറഞ്ഞിട്ട് പോയി. അപ്പോഴും എന്റെ അവസ്ഥക്ക് വല്യ മാറ്റം ഒന്നും സംഭവിച്ചില്ല. ഇതിന്റെ ഇടക്ക് കൈയിലെ പ്ലാസ്റ്റരും അഴിച്ചു മാറ്റി.

 

 

 

ആരാധ്യ അവരുടെ മരണത്തിന് ശേഷം ആ വീട്ടിലേക്ക് പോവാൻ തോന്നിയില്ല. എൽവിന്റെ ഈ അവസ്ഥയിൽ അവനെ എങ്ങനെ അശ്വസിപ്പിക്കും എന്ന് ഒരു പിടിയും ഇല്ലായിരുന്നു. എന്നും കോളേജിൽ പോകുമ്പോഴും രാത്രിയും swiggy പയ്യൻ ആ വീട്ടിലേക്ക് കേറി പോകുന്നതും തിരിച്ചു വരുന്നതും ആരാധ്യ ശ്രെദ്ധിച്ചു തുടങ്ങി. ഇടക്ക് വെൽ ഡ്രസ്സ്ഡ് ആയിട്ടുള്ള ഒരു പയ്യൻ കവറുമായി അകത്തുപോയി തിരിച്ചു വരുന്നതും കാണാം. വേറെ ആരെയും ഇതുവരെ അങ്ങോട്ട് കണ്ടിട്ടില്ല.ഇന്ന് എൽവിനോട് സംസാരിക്കണം എന്ന് തോന്നി അവന്റെ വീട്ടിലേക്ക് പോയി.

 

 

 

മുറ്റത്ത് എല്ലാം കാടുപ്പിടിച്ചു അലങ്കോലമായി കിടക്കുന്നു. വാതിൽ ലോക്ക് അല്ലാത്തോണ്ട് അത് തുറന്ന് അകത്തേക്ക് കയറി.

 

 

 

 

“… ആരാ അത്..? Swiggy നിന്നാണോ ഫുഡ്‌ ടേബിളിൽ വച്ച് ആ പൈസ എടുത്തോളൂ…” ഉള്ളിൽ നിന്നും എൽവിന്റെ സൗണ്ട് കേട്ടു.

 

 

ടേബിളിൽ നോക്കിയപ്പോ കുറച്ചു പൈസ ഇരിക്കുന്നത് കണ്ടു. ഞാൻ പയ്യെ മുകളിലേക്ക് പോയി. അവിടെ ഒരു മുറിയിൽ നിന്നും പുക വരുന്നത് കണ്ടു. ഞാൻ ആ മുറി ലക്ഷ്യം വച്ച് നടന്നു. വാതിൽ മെല്ലെ തള്ളി തുറന്നു.

 

 

എൽവിനെ കണ്ട് ഞാൻ ശെരിക്കും പേടിച്ചു പോയി. ഇത് എൽവിൻ തന്നെയാണോ എന്ന് വരെ ഞാൻ ചിന്തിച്ചു പോയി. എപ്പോഴും മുടിയും താടിയും വെട്ടി നല്ല വസ്ത്രങ്ങൾ ധരിച്ചു കണ്ടിട്ടുള്ള എൽവിൻ. എന്നാൽ ഞാൻ ഇപ്പൊ കാണുന്നത് വെട്ടാത്ത താടിയും മുടിയും ഉള്ള. മുഷിഞ്ഞ വസ്ത്രങ്ങൾ ധരിച്ച് വല്ലാതെ ശോഷിച്ച അവസ്ഥയിൽ ഇരിക്കുന്ന എൽവിനെയാണ്. കണ്ടാൽ പ്രാന്തനെ പോലെ തോന്നും.

 

 

 

“… മിസ്സ്‌ എന്താ ഇവിടെ…” എന്നെ കണ്ടതും വലിച്ചോണ്ട് ഇരുന്ന സിഗേരറ്റ് കുത്തിക്കെടുത്തി എഴുനേറ്റു.

 

 

 

“… എന്താ എൽവിൻ ഇതൊക്കെ…” തറയിൽ കിടക്കുന്ന മദ്യകുപ്പികളും സിഗേരറ്റ് കുറ്റികളും നോക്കി ഞാൻ ചോദിച്ചു.

 

 

 

“… മിസ്സും എന്നെ കുറ്റപ്പെടുത്താൻ വന്നതാണോ…” അത് പറഞ്ഞവൻ ബെഡിലേക്ക് ഇരുന്നു.

 

 

 

“…ഞാൻ നിന്നെ കുറ്റപ്പെടുത്താൻ വന്നതല്ല…”