💞 ആരാധ്യ ടീച്ചർ 💞 65Onam Special 

 

 

 

“… സാർ എങ്ങനെയാ വെട്ടേണ്ടത്…”

 

 

 

“…അത് അത് പിന്നെ…” ഞാൻ ആകെ വല്ലാണ്ടായി.

 

 

 

“… ചേട്ടാ ഇതുപോലെ വെട്ടിയാൽ മതി…” അവിടെ വച്ചിരുന്ന ഒരു ഫോട്ടോ ചൂണ്ടി മിസ്സ്‌ പറഞ്ഞു.പുള്ളി അതുപോലെ വെട്ടി തന്നു.

 

 

 

“… ഇപ്പൊ മുടുക്കൻ ആയി…” മുടി വീട്ടിയിറങ്ങിയ എന്നെ മൊത്തത്തിൽ ഒന്ന് നോക്കി പറഞ്ഞു.

 

 

 

“… അത്രക്ക് മോശം ആയോ…”

 

 

 

“… കുഴപ്പം ഇല്ല എന്റെ കൂടെ കൊണ്ട് നടക്കാൻ ഒക്കെ കൊള്ളാം…” എന്നെ കളിയാക്കികൊണ്ട് ആരാധ്യ മിസ്സ്‌ പറഞ്ഞു.

 

 

ഞങ്ങൾ അവിടെന്ന് ഹോട്ടലിൽ കയറി ഫുഡ്‌ കഴിച്ച് അടുത്തുള്ള ബീച്ചിൽ പോയി ഇരുന്നു.ഞാനും മിസ്സും അന്നത്തെ ദിവസം ഒരുപാട് സംസാരിച്ചു. എന്തോ മിസ്സിനോട് മനസ് തുറന്ന് സംസാരിച്ചപ്പോ ഒരു ആശ്വാസം. രാത്രിയോടെ വീട്ടിൽ തിരിച്ചെത്തി. ടീച്ചറെ ഔട്ട്ഹൗസിൽ ആക്കി ഞാൻ എന്റെ മുറിയിലേക്ക് പോയി. ഒന്ന് കുളിച്ചു തിരിച്ചു ബെഡിൽ വന്നിരുന്നു. പിന്നയും എനിക്ക് പഴയ കാര്യങ്ങൾ ഓർമ വന്നു. കാബോർഡിൽ പോയി കുടിക്കാൻ ആയി കുപ്പി എടുത്തതും. മിസ്സ്‌ പറഞ്ഞ കാര്യങ്ങൾ ഓർമവന്നു എന്തോ മമ്മി എന്നോട് പറയുന്നത് പോലെ തോന്നി . പിന്നെ കുടിക്കാൻ തോന്നിയില്ല. എങ്ങനെയോ കടിച് പിടിച് ഉറങ്ങി.

 

 

 

“…helo സമയം എത്രയായെന്ന.എഴുന്നേൽക്ക് നമുക്ക് ഒരുപാട് പണിയുള്ളത…” റൂമിലെ കർട്ടൻ മാറ്റി ടീച്ചർ എന്നെ ഉറക്കത്തിൽ നിന്നും ഉണർത്തി.

 

 

 

“…മിസ്സ്‌ ഇത് എങ്ങനെ വന്നു…” കൈകൾ ഒന്ന് സ്‌ട്രെച് ചെയ്തോണ്ട് ചോദിച്ചു.

 

 

 

“…ഞാൻ വന്നപ്പോ താഴെ കതക് പൂട്ടിയിട്ടില്ലായിരുന്നു.ഞാൻ പിന്നെ ഇങ്ങ് കേറി പോന്നു…”

 

 

 

“… എന്തിനാ വന്നേ…”

 

 

 

“… എന്തിനാ വന്നതെന്നോ. ഞാൻ നിന്നോട് പറഞ്ഞതല്ലേ ഇവിടെ മുഴുവൻ ക്ലീൻ ചെയ്യണം എന്ന്. വാ നമുക്ക് ഒരുമിച്ച് ക്ലീൻ ചെയ്യാം…”

 

 

ഞാനും മിസ്സും കൂടി വീട് മുഴുവൻ ക്ലീൻ ചെയ്യാൻ തുടങ്ങി. ഷോകേസ്‌ പൊടീ തൂത്തപ്പോ ഞാനും മമ്മിയും പപ്പയും നിൽക്കുന്ന ഫോട്ടോ കിട്ടി. അറിയാതെ കണ്ണിൽ നിന്നും വെള്ളം വന്നു.

 

 

 

“… അത് ഇങ്ങ് എടുത്തേ. മോൻ പോയി പുറത്തെ കാട് എല്ലാം വൃത്തിയാക്ക് ഇവിടത്തെ കാര്യം ഞാൻ നോക്കിക്കോളാം…”എന്റെ കൈയിൽ നിന്നും ആ ഫോട്ടോ വാങ്ങി എന്നെ പുറത്തേക്ക് അയച്ചു.

 

 

 

ഞാൻ പുറത്തെ കാട് എല്ലാം ചെത്തി പറിച്ച് വൃത്തിയാക്കിയപ്പോ മിസ്സ്‌ വീടിനകം ക്ലീൻ ചെയ്തു. ഉച്ചക്ക് മിസ്സ്‌ വീട്ടിൽ പോയി ചോറും കറികളും എടുത്തുകൊണ്ടുവന്ന് എനിക്ക് വിളമ്പി.

 

 

 

“…ഇത് മിസ്സ്‌ ഉണ്ടാക്കിയത് ആണോ…”

 

 

 

“… എന്താടാ കൊള്ളില്ലേ…” ആശങ്കയോടെ മിസ്സ്‌ എന്നെ നോക്കി

 

 

 

“…കൊള്ളാം. മമ്മി ഉണ്ടാക്കുന്നത് പോലെ ഉണ്ട്…”

 

 

 

“… എന്നാ മുഴുവനും കഴിച്ചോണം കേട്ടല്ലോ…” മിസ്സ്‌ എന്നെ നിർബന്ധിപ്പിച്ച് കഴിപ്പിച്ചു.

 

 

 

എന്റെ ജീവിതം പതിയെ പഴയത് പോലെ ആവാൻ തുടങ്ങി. ടീച്ചർ മൂന്നു നേരം ഫുഡ്‌ ഉണ്ടാക്കി എനിക്ക് വിളമ്പി തന്നു. മദ്യപാനവും പുകവലിയും കുറഞ്ഞു. ഒരാഴ്ചക്ക് ശേഷം ഓഫീസിൽ പോയി തുടങ്ങി. പതിയെ പതിയെ പഴയ ഞാൻ ആയി മാറിക്കൊണ്ടിരുന്നു. ജെക്കബ് അങ്കിൾ പഴയ ഓർമകളിലേക്ക് പോകാതിരിക്കാൻ പുതിയ ഉത്തരവാദിത്തങ്ങൾ എന്നെ ഏൽപ്പിച്ചു. എനിക്ക് ഇപ്പൊ എല്ലാം തുറന്ന് സംസാരിക്കാൻ നല്ലൊരു ഫ്രണ്ട് ഉണ്ട് അതാണ് എന്റെ ഏറ്റവും വല്യ സന്തോഷം. ഒരു ശനിയാഴ്ച ദിവസം വൈകുന്നേരം ഉമ്മത്ത് ഇരുന്ന് പാട്ട് കേൾക്കുമ്പോൾ ആണ്. സാരിയുടുത്ത് ഒരാൾ കുണുങ്ങി കുണുങ്ങി എന്റെ അടുത്തേക്ക് വരുന്നത്.

 

 

 

“… സാരിയൊക്കെ ഉടുത്തോരുങ്ങി ഇത് എങ്ങോട്ടാ…” മിസ്സിനെ നോക്കി ഞാൻ ചോദിച്ചു.