💞 ആരാധ്യ ടീച്ചർ 💞 65Onam Special 

 

 

 

“…അപ്പൊ നീ ഇന്ന് മിസ്സിന് വേണ്ടി അടി ഉണ്ടാക്കിയതോ…”

 

 

 

“…ഇതൊക്കെ എന്റെ പ്ലാനിന്റെ ഭാഗമാ. ഇപ്പോ അവൾക്ക് എന്നോട് ഒരു സോഫ്റ്റ്കോർണർ ഉണ്ടായി കാണും. പയ്യെ അവൾ എന്റെ വലയിൽ വീഴും. എത്ര കാലം കഴിഞ്ഞാലും എന്റെ പക മാറില്ല നിങ്ങൾ കണ്ടോ…” അടുത്ത പെഗ്ഗ് അടിച്ചു ഞാൻ വീട്ടിലേക്ക് തിരിച്ചു.

 

 

 

വീട്ടിൽ കയറാൻ ഉള്ളത് കൊണ്ട് എൽവിൻ 4 പെഗിൽ നിർത്തി. കോളേജിൽ വടം വലി നടക്കുന്നുണ്ട് അത് കണ്ടിട്ടും വല്യ കാര്യം ഇല്ലാത്തത് കൊണ്ട് വീട്ടിലേക്ക് പോയി.മമ്മി കാണാതെ റൂമിൽ പോയി കട്ടിലിലേക്ക് മറിഞ്ഞു.

 

 

 

“… എന്തിനാടി ചുമ്മാ ഇരുന്ന് ചിരിക്കുന്നേ…” സ്റ്റാഫ്‌ മുറിയിലേക്ക് തിരിചെത്തിയ ലക്ഷ്മി കാണുന്നത് എന്തോ ഓർത്തു ചിരിക്കുന്ന ആരാധ്യയെ ആണ്.

 

 

 

“… ഏയ്യ് ഒന്നും ഇല്ല ചേച്ചി…”

 

 

 

“…ഞാൻ ഇവിടന്ന് പോവുമ്പോൾ ഇവിടെ ഇരുന്ന് മോങ്ങുവായിരുന്നല്ലോ. ഇപ്പൊ എന്നപറ്റി പ്രിൻസിക്ക് കംപ്ലയിന്റ് കൊടുത്തോ…”

 

 

 

“… അതിന്റെ ആവശ്യം വന്നില്ല.അവന് കിട്ടാൻ ഉള്ളത് ഒക്കെ കിട്ടി…”

 

 

 

“…എന്തൊക്കെയാ പെണ്ണെ നീ പറയുന്നേ. മനുഷ്യന് മനസ്സിലാവുന്ന പോലെ പറയ്…”

 

 

 

“… എന്നെ കരയിപ്പിച്ചതിന് അവന് നല്ല ഇടി കിട്ടി…” സന്തോഷത്തോടെ ആരാധ്യ പറഞ്ഞു.

 

 

 

“…ഇടി കിട്ടിയെന്നോ ആര് ഇടിച്ചൂന്ന…”

 

 

 

“… എൽവിൻ ☺️… ”

 

 

 

“…അവനൊ..? അതിനു നിന്റെ കാര്യം അവൻ എങ്ങനെ അറിഞ്ഞു…”

 

 

 

“… ആ അതൊന്നും എനിക്ക് അറിയില്ല…”

 

 

 

“… എന്തായാലും നന്നായി. നീ ഹാപ്പി ആയല്ലോ അത് മതി. എന്നാ നമുക്ക് ഇറങ്ങിയാലോ…” ലക്ഷ്മി ബാഗ് എടുത്ത് ആരാധ്യയോടെ ചോദിച്ചു. അവളും ബാഗ് എടുത്ത് നടന്നു.

 

 

ബസ് സ്റ്റോപ്പിലേക്ക് പോവുന്ന വഴി എൽവിന്റെ ബൈക്ക് അവിടെ ഉണ്ടോ എന്ന് നോക്കി പക്ഷെ കണ്ടില്ല.ചിലപ്പോ വീട്ടിൽ പോയി കാണും.

 

 

 

“… നീ ആരെയാ നോക്കുന്നെ…” ലക്ഷ്മി ടീച്ചർ ചോദിച്ചു.

 

 

 

“… ഏയ്യ് ഒന്നും ഇല്ല. ചേച്ചി ഞാൻ ഒരു കാര്യം ചോദിക്കട്ടെ…”

 

 

 

“… ആഹ് ചോദിക്ക്…”

 

 

 

“… എന്നെ കാണാൻ ബോർ ആണോ…”

 

 

 

“… ഹ അത്രക്ക് ബോർ ഒന്നും അല്ല…”

 

 

 

“… അപ്പൊ എന്തോ കുഴപ്പം ഉണ്ടന്നല്ലേ അതിന്റെ അർത്ഥം 😟…”

 

 

 

“… ഈ പെണ്ണിനെ കൊണ്ട് 🤦‍♀️ നീ സുന്ദരിയാ പോരെ. അല്ല ആരെങ്കിലും വല്ലതും പറഞ്ഞോ…”

 

 

 

“… ഏയ്യ് ഇല്ല…” ഞാൻ ചെറിയ പതർച്ചയോടെ പറഞ്ഞു.

 

 

 

“… ഹ്മ്മ് എനിക്ക് എല്ലാം മനസ്സിലാവുന്നുണ്ട്. വേഗം നടക്ക് നിനക്ക് ഇന്ന് നാട്ടിൽ പോണ്ടേ…”

 

 

 

“… അയ്യോ ഞാൻ ആ കാര്യം വിട്ടുപോയി.വാ നമുക്ക് വേഗം പോകാം…”

 

 

 

ആരാധ്യ പെട്ടന്ന് തന്നെ കിട്ടിയ ബസിൽ കയറി വീട്ടിലേക്ക് പോയി. കുളിച്ചു ഡ്രസ്സ്‌ ഒക്കെ മാറി ബാഗിൽ ഡ്രസ്സ് പാക്ക് ചെയ്ത് വീട് പൂട്ടി ഇറങ്ങി. താക്കോൽ എൽവിന്റെ മമ്മിയെ ഏൽപ്പിക്കാൻ അവരുടെ വീട്ടിലേക്ക് ചെന്നു. എൽവിന്റെ ബൈക്ക് വീട്ടു മുറ്റത്ത്‌ തന്നെ ഉണ്ട്.

 

 

 

“…അമ്മേ അമ്മേ…” തുറന്ന് കിടന്ന വാതിൽ വഴി അകത്തേക്ക് നോക്കി വിളിച്ചു.

 

 

 

“…മോൾ ഇറങ്ങിയോ…” ഉമ്മറത്ത് എത്തിയ അമ്മ ചോദിച്ചു.

 

 

 

“… ആഹ് അമ്മേ ഞാൻ ഇറങ്ങുവാ…”

 

 

 

“… എപ്പോഴാ ബസ്…”

 

 

 

“… 6.00pm ആണ് ബസ്…”

 

 

 

“… അയ്യോ ഇപ്പൊ തന്നെ വൈകിയല്ലോ.മോൾ എങ്ങനെ ടൗണിൽ എത്തും…”

 

 

 

“… ഞാൻ ഒരു ഓട്ടോ പിടിച്ചു പൊക്കോളാം…”

 

 

 

“… ഈ സമയത്ത് ഓട്ടോ കിട്ടാൻ ബുദ്ധിമുട്ടാണ്. ഞാൻ എൽവിനോട് പറയാം അവൻ മോളെ ടൗണിൽ ആക്കും…”