💞 ആരാധ്യ ടീച്ചർ 💞 65Onam Special 

 

 

 

“… ഇത് ആരാ മമ്മി ഗേറ്റ് ഒക്കെ തുറന്ന് ഇട്ടേക്കുന്നെ…” ഗേറ്റ് കടന്ന് വീട്ടിലേക്ക് കടക്കുന്ന വേളയിൽ എൽവിൻ ആരാഞ്ഞു.

 

 

 

“… ഔട്ട്‌ഹൗസിന്റെ വാതിൽ തുറന്ന് കിടക്കാണല്ലോ. ചിലപ്പോ ആ കൊച്ച് വന്നിട്ടുണ്ടാവും…”

 

 

 

“… എന്നാലും ഒരു മര്യത വേണ്ടേ. അടഞ്ഞു കിടക്കുന്ന വീട്ടിൽ ഇങ്ങനെ ആണോ ചെയ്യുന്നേ…” ബുള്ളറ്റിൽ നിന്നും ഇറങ്ങവെ എൽവിൻ ചോദിച്ചു.

 

 

 

“… എടാ നമ്മൾ പള്ളിയിൽ പോയേക്കുവല്ലായിരുന്നോ ചിലപ്പോ അതുകൊണ്ടായിരിക്കും. നീ ചെന്ന് ഡ്രസ്സ്‌ മാറി വാ നമുക്ക് അങ്ങോട്ട് ഒന്ന് ചെന്നിട്ട് വരാം…”

 

 

 

എൽവിനും മമ്മിയും ഡ്രസ്സ്‌ മാറാനായി വീടും തുറന്ന് റൂമിലേക്ക് പോയി.

 

 

 

വണ്ടിയുടെ സൗണ്ട് അല്ലെ കേട്ടത് അവർ വന്നെന്ന് തോന്നുന്നു. താൻ ഉണ്ടാക്കിയ പായസം രണ്ട് ഗ്ലാസിൽ ആക്കി സാരിയും നേരെ പിടിച്ചിട്ടു അവരുടെ വീട്ടിലേക്ക് ചെന്നു. കാളിങ് ബെൽ അടിച്ചപ്പോ ഇന്നലെ കണ്ട സ്ത്രീ ഇറങ്ങി വന്നു.

 

 

 

“…ആഹ മോൾ രാവിലെ വന്നോ എന്താ കൈയിൽ…” ഉമ്മറത്തേക്ക് വരവേ അവർ ചോദിച്ചു.

 

 

 

“…ഞാൻ രാവിലെ വന്നു മാഡം. ഇവിടെ ബെൽ അടിച്ചപ്പോ ആരെയും കണ്ടില്ല അപ്പൊ ഞാൻ ആ വീട് തുറന്ന് വൃത്തിയാക്കി…”

 

 

 

“…ഞങ്ങൾ രാവിലെ പള്ളിയിൽ പോയിരുന്നു അതാ മോൾ വന്നപ്പോ ഞങ്ങളെ കാണാത്തെ. മുറ്റത്ത് തന്നെ നിൽക്കാതെ കയറി വാ…” ആരാധ്യയുടെ കൈയിൽ നിന്നും പായസം വാങ്ങി അവളെ വീട്ടിലേക്ക് ക്ഷണിച്ചു.

 

 

 

“… എന്താ മോളെ പായസം ഒക്കെ…” ഒരു സിപ് കുടിച്ചോണ്ട് മമ്മി ചോദിച്ചു.

 

 

 

“… വീട്ടിൽ കയറി എല്ലാ ഇടവും ഒന്ന് തൂത്തു പാലുകാച്ചി. പിന്നെ അത് പായസം ആക്കി നിങ്ങൾക്ക് മധുരം തരാം എന്ന് വിചാരിച്ചു…”

 

 

 

“… ആണോ നല്ല ടേസ്റ്റ് കേട്ടോ. മോൾക്ക് നല്ല കൈപ്പുണ്യം ഉണ്ട്…” പായസം കുടിച്ചോണ്ട് മമ്മി പറഞ്ഞു.

 

 

 

“… താങ്ക്സ് മാഡം…”

 

 

 

“… ഞാൻ പറയണം എന്ന് വിചാരിച്ചതാ എന്നെ മാഡം എന്നൊന്നും വിളിക്കണ്ട കേട്ടോ…”

 

 

 

“… ഞാൻ അമ്മേ എന്ന് വിളിച്ചോട്ടെ…” കുറച്ചു നേരം ആലോചിച്ച ശേഷം പേടിയോടെ ആരാധ്യ ചോദിച്ചു.

 

 

 

“…അതിനെന്താ മോൾ അങ്ങനെ വിളിച്ചോ. അയ്യോ മോളുടെ പേര് ചോദിക്കാൻ മറന്നു. ഇന്നലെ ടീച്ചറുടെ പേര് ചോദിച്ചില്ല എന്ന് പറഞ്ഞു എന്നെ അവൻ കൊന്നില്ല എന്നെ ഉള്ളു…”

 

 

 

“… ആരാധ്യ ദേവി…”

 

 

 

“… ആരാധ്യ കൊള്ളാം നല്ല പേര്…” അതിനു അവൾ ഒന്ന് പുഞ്ചിരിച്ചു.

 

 

 

“… മോൻ ഇവിടെ ഉണ്ടോ…”

 

 

 

“… ആഹ്ഹ്. പള്ളിയിൽ പോയിട്ടു ഡ്രസ്സ് മാറാനായിട്ട് പോയതാ. 🗣️മോനെ എൽവി ഒന്ന് ഇങ്ങോട്ട് വന്നെടാ…” അകത്തേക്ക് നോക്കി മമ്മി വിളിച്ചു പറഞ്ഞു.

 

 

ഇപ്പൊ വരാം എന്ന് അവിടന്ന് ഒരു അശരീരി കേട്ടു. അവർ തമ്മിൽ വീണ്ടും ഓരോ നാട്ടു വർത്താനം പറഞ്ഞിരുന്നു. സ്റ്റെയർകെയ്സിൽ കാലൊച്ച കേട്ട ആരാധ്യ അവിടേക്ക് നോക്കി. ഇറങ്ങി വരുന്ന ആളെ കണ്ട് ആരാധ്യ ഒന്ന് ഞെട്ടി. അവളെ കണ്ടതും എൽവിനും ഞെട്ടി സ്റ്റെയറിൽ തന്നെ നിന്നും. ആരാധ്യ നോക്കുന്ന ഇടത്തേക്ക് നോക്കിയതും മമ്മിയും എൽവിനെ കണ്ടു.

 

 

 

“…ഇതാണ് എന്റെ മോൻ എൽവിൻ…” എൽവിനെ നോക്കി മമ്മി പറഞ്ഞു.

 

 

 

“… എൽവിനെ എനിക്ക് അറിയാം. എന്റെ ക്ലാസ്സിലാണ് എൽവിൻ പഠിക്കുന്നത്…”അവനെ നോക്കി പറഞ്ഞു. അവൻ പതിയെ നടന്ന് അവരുടെ അടുത്തേക്ക് എത്തി.

 

 

 

“…ആണോ ഞാൻ ഇന്നലെ ഇവനോട് പറഞ്ഞതെ ഉള്ളു കോളേജിൽ വല്ല കുരുത്തക്കേട് ഒപ്പിച്ചാൽ എന്നെ അറിയിക്കാൻ പുതിയ ആളൊക്കെ ആയെന്ന്…” അത് പറഞ്ഞു മമ്മി ചിരിച്ചു.

 

 

 

“… ഇത് കുടിക്കട മോൾ ഉണ്ടാക്കിയത…” രണ്ടാമത്തെ ഗ്ലാസ്‌ പായസം മമ്മി എൽവിന് കൊടുത്തു അവൻ അത് കുടിച്ചു.