💞 ആരാധ്യ ടീച്ചർ 💞 65Onam Special 

 

 

 

“…നീ അല്ലെ പറഞ്ഞിട്ടുള്ളത് എന്നെ നല്ലൊരു ഫ്രണ്ട് ആയിട്ട കാണുന്നത് എന്ന്. അപ്പൊ എനിക്ക് നിന്നെ കാണാൻ വരാൻ പാടില്ലേ…” എന്നെ ഒന്ന് നോക്കിയ ശേഷം അവൻ കുനിഞ്ഞിരുന്നു.

 

 

 

“…എത്ര കാലമാ നീ ഇങ്ങനെ ജീവിക്കുക. ഇങ്ങനെ ഒരു അവസ്ഥയിൽ നിന്നെ മമ്മി കണ്ടാൽ അവർക്ക് അത് സഹിക്കോ…” ബെഡിൽ ഇരുന്ന അവന്റെ മുന്നിൽ നിന്നുകൊണ്ട് അവൾ ചോദിച്ചു.

 

 

 

“…നീ പഴയപോലെ ആവണം.ഇങ്ങനെ കുടിച്ചു നശിക്കാൻ വേണ്ടിയാണോ ആ പാവങ്ങൾ നിന്നെ വളർത്തിയത്…”

 

 

പെട്ടെന്ന് എൽവിൻ അതേ ഇരുപ്പിൽ ആരാധ്യയുടെ ആരയിലൂടെ കെട്ടിപിടിച് അവനിലേക്ക് അടുപ്പിച്ചു. അവൾ പെട്ടെന്ന് ഞെട്ടി പോയി. അവളുടെ സാരിയിലും വയറിലും നനവ് അനുഭവപ്പെട്ടപ്പോഴാണ് എൽവിൻ കരയുന്നു എന്ന് മനസ്സിലായത്.

 

 

 

“… എല്ലാം ഞാൻ കാരണ. ഞാൻ കാരണമാ പപ്പയും മമ്മിയും എന്നെ വിട്ട് പോയത്…”

 

 

 

“… അങ്ങനെ ഒന്നും അല്ല…” അവന്റെ തലയിൽ തലോടി അവനെ അശ്വസിപ്പിക്കാൻ ശ്രെമിച്ചു.

 

 

 

“…പപ്പ അന്ന് എന്നോട് പറഞ്ഞതാ വേറെ ഡ്രൈവറെ വിളിക്കാം എന്ന്. ഞാനാ ഞാനാ പറഞ്ഞെ വേണ്ടന്ന്. എന്റെ അഹങ്കാരം കാരണം പപ്പയെയും മമ്മിയയും ഞാൻ കൊലക്ക് കൊടുത്തു…” എൽവിൻ ഏങ്ങൽ അടിച്ചു കരയാൻ തുടങ്ങി.

 

 

 

“… കർത്താവ് എന്നെ മാത്രം എന്താ അങ്ങോട്ട് വിളിക്കാതെ ഇരുന്നേ. തെറ്റെല്ലാം ചെയ്തത് ഞാൻ അല്ലെ…”

 

 

 

“…അയ്യേ ഞാൻ കരഞ്ഞപ്പോൾ എന്നെ കളിയാക്കിയ ആളാ ഇപ്പൊ ഇരുന്ന് കരയുന്നെ…” എൽവിന്റെ മുഖം കൈകുമ്പിളിൽ കോരിയെടുത്ത് ആരാധ്യ പറഞ്ഞു.

 

 

 

“… ഇനി വിഷമിച്ചിരുന്നിട്ട് കാര്യം ഇല്ല. നടക്കേണ്ടത് എല്ലാം നടന്നു. അതിനൊന്നും നീ ഉത്തരവാദിയല്ല. മദ്യപാനം കൊണ്ട് ഒന്നും നേടാൻ പറ്റില്ല. നീ പോയി കുളിച്ചേ നമുക്ക് കുറച്ചു സ്ഥലങ്ങളിൽ പോവാൻ ഉണ്ട്…” എൽവിന് ഇപ്പൊ വേണ്ടത് ഒരു ചേഞ്ച്‌ ആണ്. അതിന് ആദ്യം പുറത്തേക്ക് ഇറങ്ങണം

 

 

 

“…ഞാൻ എങ്ങോട്ടും ഇല്ല…”

 

 

 

“…അതൊന്നും പറഞ്ഞാൽ പറ്റില്ല. ഞാൻ ഇപ്പൊ നിന്റെ ടീച്ചർ ആയിട്ട പറയുന്നത് പോയി കുളിച്ചിട്ടു വാ…” അവനെ നിർബന്ധിച്ചു ബാത്‌റൂമിൽ പറഞ്ഞു വിട്ടു. എൽവിൻ തിരിച്ചു വരുന്ന സമയം കൊണ്ട് ആ മുറിയിൽ ഉണ്ടായിരുന്ന കുപ്പികളും സിഗേരറ്റ് കുറ്റികളും മാറ്റി അടിച്ചു തൂത്തു. ബെഡ് ഒക്കെ തട്ടി കുടഞ്ഞിട്ടു. കുളിച്ചിറങ്ങിയപ്പോ എൽവിൻ റൂമ് മുഴുവൻ എന്തോ ഒരു മാറ്റം സംഭവിച്ച പോലെ.

 

 

 

“… ഇപ്പൊ ഇത്രയേ വൃത്തിയാക്കാൻ പറ്റിയോളു ബാക്കി വന്നിട്ട് ശെരിയാക്കാം…” എൽവിൻ അതിന് എന്നെ നോക്കി ഒന്ന് ചിരിച്ചു.

 

 

 

“… നീ റെഡി ആവ്. ഞാൻ അപ്പോഴേക്കും ഡ്രസ്സ്‌ മാറ്റി വരാം…”ഞാൻ ഡ്രസ്സ്‌ മാറാനായി വീട്ടിലേക്ക് പോയി.

 

 

 

ടീച്ചർ പോയതും അലമാരയിൽ ഇരുന്ന ഡ്രസ്സ്‌ എടുത്ത് ഇട്ടു. വീടിനു പുറത്തേക്ക് ഇറങ്ങിയതും. സൂര്യ പ്രകാശം മുഖത്തേക്ക് പതിച്ചു. ഇരുട്ടിൽ ജീവിച്ച എനിക്ക് ഇത് പുതിയൊരു അനുഭവം ആയി തോന്നി. ഞാൻ ഷൂസ് ഇടുമ്പോഴേക്കും ടീച്ചർ വീട്ടിലേക്ക് വന്നു.

 

 

 

ടീച്ചർ ബുള്ളറ്റിന്റെ അടുത്ത്‌ പോയി നിന്ന് പോവാം എന്ന് പറഞ്ഞു. ബൈക്ക് കണ്ടതും എനിക്ക് വീണ്ടും പഴയ കാര്യങ്ങൾ ഓർമ വന്നു. അത് മനസിലാക്കിയിട്ടാവണം ഓട്ടോയിൽ പോവാം എന്ന് പറഞ്ഞു. റോഡിൽ ഇറങ്ങി ഒരു ഓട്ടോ പിടിച് ടൗണിലെ ഒരു സലൂണിലേക്ക് എന്നെ കൊണ്ട് പോയി.

 

 

 

“… നമ്മൾ എന്താ ഇവിടെ…”

 

 

 

“… നീ സ്വയം കണ്ണാടി നോക്കിയിരുന്നെങ്കിൽ ഇത് എന്നോട് ചോദിക്കില്ലായിരുന്നു…”

 

 

 

സലൂണിലേക്ക് കയറി മിസ്സ്‌ എന്നെ ഒരു ചെയറിൽ ഇരുത്തി. കണ്ണാടി നോക്കിയപ്പോ എനിക്ക് തന്നെ വിശ്വസിക്കാൻ ആയില്ല. അത്രക്ക് മോശം എന്റെ അവസ്ഥ ആയിരുന്നു താടിയും മുടിയും വളർന്ന്.