💞 ആരാധ്യ ടീച്ചർ 💞 65Onam Special 

 

 

 

“… ലേറ്റ് ആവും മമ്മി…”

 

 

 

“… ഒരു കുത്ത് വച്ച് തരും ചെക്കാ. നേരത്തും കാലത്തും എഴുനേൽക്കത്തുംമില്ല എന്നിട്ട് ലേറ്റ് ആയെന്നു പോലും…”

 

 

 

ഇനി രക്ഷയില്ല കഴിക്കാതെ എഴുന്നേറ്റാൽ മമ്മി എന്നെ ഇന്ന് കുരിശിൽ കയറ്റും.

 

 

 

“… ഇച്ചായ ആ ബ്രോക്കറോട് പറഞ്ഞു ഔട്ട്ഹോസ്സിലേക്ക് പുതിയ താമസക്കാരെ വല്ലതും നോക്ക്…” പപ്പയോടു അങ്ങനെ പറഞ്ഞു മമ്മി എന്നെ ഇടം കണ്ണിട്ടു നോക്കി.

 

 

 

“… എന്തിനാ എന്നെ നോക്കുന്നെ…”

 

 

 

“… നീ എതിര് വല്ലതും പറയോ എന്ന് നോക്കിയതാ…”

 

 

 

“… നിങ്ങളുടെ ഇഷ്ടത്തിന് ചെയ്തോളാൻ ഇന്നലെ തന്നെ ഞാൻ പറഞ്ഞതല്ലേ…” കഴിപ്പ് മതിയാക്കി ഞാൻ പോയി കൈ കഴുകി.

 

 

 

“…മുഴുവനും കഴിച്ചിട്ട് പോടാ…”

 

 

 

“…ഇനിയും നിന്നാൽ ശരിയാവില്ല മമ്മി…”

 

 

 

മമ്മിക്ക് കവിളിൽ ഒരു ഉമ്മയും കൊടുത്ത് വണ്ടിക്ക് അരികിലേക്ക് ഓടി. ഡ്യൂക്ക് 390 സ്റ്റാർട്ട്‌ ചെയ്ത് കോളേജിലേക്ക് പറന്നു. അപ്പൊ നിങ്ങൾ കരുതും ബുള്ളറ്റ് എവിടെ എന്ന്. ഓൾ ഇന്ത്യ ട്രിപ്പ് അടിച്ചതിൽ പിന്നെ അവൻ എനിക്ക് ഒരു ലെജൻഡ് ആണ്. അത് കൊണ്ട് ലോക്കൽ ഓട്ടങ്ങൾക്ക് ഒന്നും അവനെ ഞാൻ എടുക്കാറില്ല. കോളേജിലേക്ക് പായുന്ന സമയത്ത് ആണ് ഡ്യുക്കിന് പഞ്ചർ കിട്ടുന്നത്.

 

 

 

മൂഞ്ചി അടുത്ത് എങ്ങും പഞ്ചർ വർക്ഷോപ്പും ഇല്ല ഉണ്ടെങ്കിൽ തന്നെ ഇത്ര രാവിലെ തുറക്കത്തും ഇല്ല. വേറെ വഴിയില്ല ബസ് തന്നെ ശരണം.

 

 

 

അടുത്തുള്ള ബസ് സ്റ്റോപ്പിൽ നിന്നും കോളേജ് റൂട്ടിൽ പോവുന്ന ആദ്യ ബസ്സിൽ കേറിപ്പറ്റി. സീറ്റ്‌ എല്ലാം ഫുൾ ആയിരുന്നു പോക പോകെ ബസിനു നടുവിലായി ഞാൻ എത്തപെട്ടു. സത്യം പറഞ്ഞാൽ തൊട്ടു മുന്നിൽ ഒരു പെണ്ണാണ്. പിന്നിൽ നിന്നുള്ള തള്ള് കാരണം ഞാൻ അവളുമായി കൂടുതൽ ചേർന്നാണ് നിൽക്കുന്നത്.

 

 

വിടർത്തി ഇട്ട ഈറൻ കാർകൂന്തൽ. രണ്ട് സൈഡിൽ നിന്നും ഓരോ ഇഴ മുടി പിന്നിലേക്ക് കെട്ടി വച്ചിട്ടുണ്ട്. മുടിയിൽ നിന്നും വമിക്കുന്ന കാച്ചിയ എണ്ണയുടെ നറുമണം മൂക്കിലേക്ക് തുളച്ചു കയറി. കാതിൽ മിന്നുന്ന ചെറിയ സ്വർണ്ണത്തിന്റെ ജിമ്മിക്ക എന്റെ കണ്ണിൽ പുതിയ പ്രകാശം നൽകി.

 

 

പെട്ടെന്ന് നിന്നിൽ നിന്നും ഒരു ഉന്തൽ കിട്ടി. ഞാൻ ആ പെൺകുട്ടിയുടെ ശരീരത്തിൽ ചെന്നിടിച്ചു. അവൾ പെട്ടെന്ന് എന്നെ തിരിഞ്ഞു നോക്കി.

 

 

അഞ്ജനം വലിച്ചു എഴുതിയ ആ പേടമാൻ മിഴികൾ എന്നെ കൊത്തിവലിച്ചു. ചായം പുരട്ടാത്ത ചെഞ്ചുണ്ടിൽ ദേഷ്യമാണോ അതോ..? അതേ ദേഷ്യം തന്നെയാണ് കവിളും മൂക്കും ചുവന്നിരിക്കുന്നു. ബസ്സിലെ തിരക്ക് കാരണം ആണെന്ന് തോന്നുന്നു മേൽചുണ്ടിലും മൂക്കിൻ തുമ്പത്തും വിയർപ്പിൻ കണികകൾ കാണാം. ഞാൻ അവളിലേക്ക് കൂടുതൽ ആകർഷിക്കപെട്ടു.

 

 

എന്നെ ദഹിപ്പിക്കുന്ന നോട്ടം നോക്കിയതിനു ശേഷം വീണ്ടും മുന്നേക്ക് നോക്കി നിന്നും. വീണ്ടും ബസ് മുന്നേക്ക് നീങ്ങി സ്കൂൾ സമയം ആയത്കൊണ്ട് തിരക്ക് കൂടുന്നത് അല്ലാതെ കുറയുന്നില്ല. പ്രതീക്ഷിക്കാതെ ഡ്രൈവർ ബ്രേക്ക് ചവുട്ടിയതും ഞാൻ മുന്നേക്ക് ആഞ്ഞു. സീറ്റിന്റെ കമ്പിയിൽ പിടിച്ചിരുന്ന കൈ പെട്ടെന്ന് വിട്ടുപോയി. വീഴാതെ ഇരിക്കാൻ പിടികിട്ടിയത് എന്റെ മുന്നിലെ പെണ്ണിന്റെ സാരിക്ക് ഇടയിലൂടെ നഗ്നമായ വയറിലായിരുന്നു.

 

 

എന്ത് സോഫ്റ്റ്‌ വയറാ പിടിച്ചതും എന്റെ വിരലുകൾ അതിൽ ആഴ്ന്നു പോയി. ഇപ്പൊ എന്താ നടന്നത് എന്ന് ചിന്തിക്കുന്നതിനു മുമ്പ് തന്നെ കണ്ണിൽ നിന്നും പൊന്നീച്ച പാറി. ബസ്സിൽ ഉണ്ടായിരുന്ന എല്ലാവരുടെയും ശ്രെദ്ധ എന്നിലേക്കായി. ഞാൻ കാരണത്തു കൈ വച്ച് നിന്നു പോയി.

 

 

 

“… എന്താ മോളെ പ്രശ്നം…” സൈഡിൽ ഇരുന്ന ഒരു മാമി ചോദിച്ചു.

 

 

 

“…കേറിയപ്പോ തൊട്ടു തുടങ്ങിയതാ പിന്നിൽ നിന്നും ഉന്താനും തള്ളാനും. വേണ്ട വേണ്ട എന്ന് വെച്ചപ്പോ ഇവൻ എന്നെ കേറി പിടിച്ചു വൃത്തികെട്ടവൻ 😡…” ദേഷ്യത്തിൽ അവൾ ഉറഞ്ഞു തുള്ളി