“ശിവയെ ഞാൻ സമ്മതിപ്പിച്ചോളാം, ആൽബിക്ക് സമ്മതമല്ലെ..?
” എനിക്ക് ഒക്കേയാണ്, നമുക്ക് സെറ്റ് ആക്കാലോ..”
ഒരു പുഞ്ചിരിയോടെ ആൽബിൻ അവളുടെ നെറ്റിയിലേക്ക് അമർത്തി ചുംബിച്ചു,
എല്ലാ ഒരുക്കവും പൂർത്തിയാക്കി, ഒരുവട്ടം കൂടി കണ്ണാടിക്ക് മുന്നിലെക്ക് നിന്ന് ഒക്കേ ആണ് എന്നുറപ്പിച്ച ശേഷം രണ്ടുപേരും പുറത്തേക്ക് നടന്നു,
കോട്ടേജിന് വെളിയിൽ എത്തിയതും റിസോർട്ടിനു മുന്നിലായി ശിവ അവരെ കാത്തു നിൽക്കുന്നുണ്ടായിരുന്നു,
” ആൽബി കാർ എടുക്കുന്നൊ..??”
കീ കറക്കി കൊണ്ടുള്ള ശിവയുടെ ചോദ്യം,
സ്റ്റെല്ലക്കൊപ്പം ബാക്കിൽ കയറാൻ ആകും ശിവയുടെ പ്ലാൻ എന്ന് ആൽബിൻ ആദ്യമേ ഊഹിച്ചിരുന്നു,
കീ കയ്യിലേക്ക് വാങ്ങി ലോക്ക് ബട്ടൻ പ്രെസ്സ് ചെയ്തതും, സത്യത്തിൽ ആൽബിൻ ഞെട്ടി പോയിരുന്നു..!!
കുറച്ചു മാറി ഇരുട്ടിൽ തിളങ്ങുന്ന രണ്ട് കണ്ണുകൾ, നീല പ്രകാശം പോലുള്ള ഹെഡ് ലൈറ്റ് ലക്ഷ്വറി എടുത്ത് കാണിക്കുന്നു,
ആകാംഷയോടെ വാഹനത്തിന്റെ അടുത്തേക്ക് എത്തിയതും ആൽബിന്റെ കണ്ണുകൾ വിടർന്നു,
” എന്റെ ദൈവമേ…വാട്ട് എ ബീസ്റ്റ്..”
അറിയാതെ അവന്റെ ചുണ്ടുകൾ മന്ത്രിച്ചു പോയി, കറുത്ത കളറിൽ ഒരു കൊമ്പന്റെ പ്രൗഡിയോടെ കിടക്കുന്ന ലേറ്റസ്റ്റ് ടൊയോട്ടാ ലാൻഡ് ക്രൂയിസർ…..!!
ഡ്രൈവർ സീറ്റിലേക്ക് കയറിയതും ആൽബിൻ ശരിക്കും എക്സൈറ്റഡ് ആയിരുന്നു, അതിനൊപ്പം തന്നെ അവന്റെ മുൻവിധികളെ തെറ്റിച്ചു കൊണ്ട് ശിവയും മുൻസീറ്റിൽ ആണ് കയറിയത്,
ലാൻഡ് ക്രൂയിസർ സ്റ്റാർട്ട് ചെയ്തു മുന്നോട്ട് എടുത്തതും ഒരു മുരൾച്ചയോടെ വാഹനം പതിയെ മെയിൻ ഗേറ്റ് കടന്ന് റോഡിലേക്ക് കയറി,
“ഹൗ ഈസ് ഷീ..?? ”
ശിവയുടെ ചിരിയോടെ ഉള്ള ചോദ്യം,
” ഷീ ഇസ് ഫക്കിംഗ് സെക്സി മാൻ…”
ഒരു പുഞ്ചിരിയോടെ ആൽബിൻ കാർ തേർഡ് ഗിയറിലേക്ക് മാറ്റിയതും, മുരണ്ട് കൊണ്ട് LC മുന്നോട്ട് ഓടിത്തുടങ്ങി,
ശിവയുടെ കാർ റോഡിലേക്ക് കയറിയതും അതേ സമയം ഇരുട്ടിൽ മറഞ്ഞു കിടന്ന മറ്റൊരു വാഹ്നവും കൂടി സ്റ്റാർട്ട് ആയിരുന്നു,
ചെറിയ അകലം പാലിച്ചുകൊണ്ട് ആ റെഡ് കളർ പേജെറോ അവരുടെ പുറകേ തന്നെ ചലിക്കാൻ തുടങ്ങി,
മെലാക്കയിൽ നിന്നും ഏകദേശം 20 മിനിറ്റ് ദൂരമാണ് പോകേണ്ടത്,
വൈകുന്നേരങ്ങളിൽ ഇവിടെയുള്ള ട്രാഫിക് കുറച്ചു കൂടുതലാണ് അതുകൊണ്ടു തന്നെ ആൽബി ഡ്രൈവിങ്ങിലേക്ക് ശ്രദ്ധ കേന്ദ്രീകരിച്ചിരുന്നു,
ശിവ കോളിങ്ങിൽ ആണ്, അവൻ കന്നടയിൽ സംസാരിക്കുന്നത് പ്രകാരം ആരോ ഇന്ന് വൈകുന്നേരം ഇങ്ങോട്ടേക്ക് വരുന്നുണ്ട്,
ആൽബി റിയർവ്യൂ മീറ്ററിൽ കൂടി നോക്കിയതും സ്റ്റെല്ല ഫോണിന്റെ ക്യാമറയിൽ, അഴിച്ചിട്ട മുടിയുടെ സൗന്ദര്യം ഒന്നുകൂടി അഡ്ജസ്റ്റ് ചെയ്യുകയാണ്,
വാഹനം പതിയെ മുന്നോട്ട് ഓടിക്കൊണ്ടിരുന്നു ഇടയ്ക്കെപ്പോഴോ ട്രാഫിക്കിൽ പെട്ട് കിടക്കുമ്പോഴാണ് ആൽബി മിററിൽ കൂടി പുറകിൽ വരുന്ന വാഹനം ശ്രദ്ധിച്ചത്,
കുറച്ച് സമയമായി തങ്ങളുടെ പുറകെ തന്നെയുണ്ട് എങ്കിലും അവൻ അത് കാര്യമാക്കിയില്ല,
ഏകദേശം 10 മിനിറ്റ് കൂടി മാത്രമേ ഡെസ്റ്റിനേഷൻ ടൈം കാണിക്കുന്നുള്ളൂ,
ആൽബി ഫസ്റ്റ് ഗിയറിലേക്ക് ഇട്ട് വാഹനം മുന്നോട്ടേക്ക് എടുത്തു, അതേ സമയം അവന്റെ സംശയം സത്യമാക്കി കൊണ്ട് റെഡ് കളർ പജെറോ അവരുടെ പുറകെ തന്നെ അരിച്ചരിച്ചു വന്നു.
” ശിവ ഒരു കാർ നമ്മളെ ഫോളോ ചെയ്യുന്നതുപോലെ എനിക്ക് തോന്നുന്നു..” ശിവാ അപ്പോഴും കോളിങ്ങിൽ തന്നെ ആയതുകൊണ്ട് ആൽബി പറഞ്ഞത് ശ്രദ്ധിച്ചില്ല,
രണ്ടു മിനിറ്റിന് ശേഷം കോൾ കട്ട് ചെയ്തതും ശിവ ആൽബിയുടെ മുഖത്തേക്ക് ചോദ്യോഭാവത്തിൽ നോക്കി,
” ശിവ നമ്മളെ കുറെ നേരമായി ഒരു കാർ ഫോളോ ചെയ്യുന്നതുപോലെ എനിക്ക് തോന്നുന്നു…”
ശിവയും സ്റ്റെല്ലയും ഒരുപോലെ തിരിഞ്ഞു നോക്കിയെങ്കിലും സംശയിക്കത്തക്ക രീതിയിൽ ഒന്നും തന്നെ കണ്ടില്ല,
” ഏത് കാറാണ് ആൽബിൻ..??
ശിവയുടെ ചോദ്യത്തിന്, ആൽബിൻ മിററിൽ കൂടി നോക്കിയപ്പോൾ ആ പജേറോ അവരുടെ പുറകെ ഉണ്ടായിരുന്നില്ല,
” എനിക്ക് ചിലപ്പോൾ തോന്നിയതാണോ..?”