” കെട്ടിയ പെണ്ണിനെ കൂട്ടി കൊടുക്കുന്നോടാ തന്തയില്ലാത്തവനെ….??”
ഒന്നാമന്റെ അമർഷം അവന്റെ വാക്കുകളിൽ പ്രകടമായിരുന്നു,
ആൽബിൻ ഒന്നും മിണ്ടാൻ ആവാതെ തലകുനിച്ചു നിന്നു,
” അപ്പോൾ നമ്മൾ എവിടെയാ പറഞ്ഞു നിർത്തിയെ,യെസ് ബിസിനസ് കൈ മാറ്റം, ചന്ദ്ര ഗൗഡ മരിച്ചപ്പോൾ അയാളുടെ വലം കൈ ആയിരുന്ന സ്വാമി ഇപ്പോൾ നിന്റെ സ്വാമ്രാജ്യത്തിന്റെ സൈന്യാധിപൻ, വൗ സൂപ്പർ അതിനൊപ്പം അംഗരക്ഷകൻ ആയി , നിന്റെ എല്ലാത്തരം തോന്ന്യാസത്തിനും കൂടെ നിൽക്കുന്ന ഭഗത്തും, നീ കൊല്ലാൻ പറഞ്ഞാൽ കൊല്ലും നീ ചാവാൻ പറഞ്ഞാൽ ചാവും, കൊള്ളാം ചെറ്റത്തരത്തിനും കൂടെ നിൽക്കാൻ ആളുണ്ടല്ലോ….”
ഒന്നാമൻ സംസാരിക്കുമ്പോൾ ഇടക്കെല്ലാം വാച്ചിൽ സമയം നോക്കുന്നുണ്ടായിരുന്നു,
അതേസമയം ആൽബിയുടെ ചിന്തകൾ മറ്റൊരു വഴിക്ക് ആയിരുന്നു,
തന്റെ മുന്നിലിരിക്കുന്ന ഗ്യാങ്സ്റ്റർ വിളിച്ചിരിക്കുന്ന പേര് ഒരുപാട് തവണ കേട്ടിരുന്നു,
ഭഗത്ത്….!! ഒരു പക്ഷേ സ്റ്റെല്ലാ പറഞ്ഞ കഥകളിലും ഈ പേരുണ്ടായിരുന്നു അങ്ങനെയെങ്കിൽ….????
അവൻ സംശയത്തോടെയും ആശ്ചര്യത്തോടെയും ശിവയുടെ മുഖത്തേക്ക് നോക്കി…!!
“സ്റ്റെല്ലാ എവിടെ…?? ”
ശിവയുടെ ആക്രോശിക്കുന്ന ശബ്ദം കേട്ടതും ഒന്നാമൻ ഒരു ചിരിയോടെ ഒരു കാലിന്റെ മുകളിലേക്ക് മറ്റേ കാൽ കയറ്റി വെച്ചു,
” അവളെ കാണണോ..? എന്നാൽ വാ പോരെ ” അയാൾ പതിയെ എഴുന്നേറ്റ ശേഷം കൈ വിരലുകൾ ഞൊടിച്ചതും അവന്റെ കൂട്ടാളികൾ മുന്നോട്ടു വന്നു ശിവയെയും ആൽബിനെയും പിടിച്ചു എഴുന്നേൽപ്പിച്ചിരുന്നു,
“ജസ്റ്റ് ഫോളോ മീ….”
ഒന്നാമന്റെ നിദേശം കിട്ടിയതും ആൽബിനും ശിവയും ഒരുപോലെ മുന്നോട്ട് നടന്നു,
ആ വലിയ ഹാളിന്റെ അറ്റത്തായി ഒരു ബെഡ്റൂം ഉണ്ടായിരുന്നു,
റൂം തുറന്ന് അകത്തേക്ക് കയറിയതും ഉള്ളിലെ കാഴ്ച കണ്ട് ആൽബിന്റെയും ശിവയുടെയും ശരീരം ഒരുപോലെ ഞെട്ടി വിറച്ചു….!!
അടുത്ത നിമിഷം എന്ത് സംഭവിക്കും എന്ന് അവർക്ക് ഏകദേശം ഉറപ്പായിരുന്നു…..!!!!!
മെലാക്കയിലെ എയർപോർട്ടിൽ പ്രൈവറ്റ് ജെറ്റ് ലാൻഡ് ചെയ്തതും സ്വാമി ടെൻഷനോടേ കൈവിരലുകൾ ഞൊടിച്ചു കൊണ്ടിരുന്നു,
ഡോർ തുറന്നു കൊടുത്തതും അയാൾ എത്രയും പെട്ടെന്ന് പുറത്തേക്ക് ഇറങ്ങി നടന്നു,
എയർപോർട്ടിന് മുന്നിൽ നിർത്തിയിരിക്കുന്ന നാല് ഫോർച്യൂണർ കാറുകൾ അതിനു മുന്നിലായി നിരന്നു നിൽക്കുന്ന 20 ഓളം യുവാക്കൾ….
സ്വാമിയെ കണ്ടതും അവരിൽ ഒരുത്തൻ മുന്നോട്ട് വന്ന് സ്വാമിക്ക് ഷേക്ക് ഹാണ്ട് നൽകി,
“വെൽക്കം ടു മലേഷ്യ സ്വാമി…”
” കാര്യങ്ങൾ എന്തായി അന്വേഷിച്ചോ, എന്തെങ്കിലും ലീഡ് കിട്ടിയോ..??”
” ഞങ്ങൾ അന്വേഷിച്ചുകൊണ്ടിരിക്കുന്നു സ്വാമി, മെയിൻ ഹൈവേയിൽ വച്ചാണ് അവസാനമായി ഫോൺ ഓഫ് ആയിരിക്കുന്നത്…”
” നമ്മുടെ എല്ലാ റിസൊഴസും യൂസ് ചെയ്യണം, ഐ വാണ്ട് ആൻ ഇമ്മിഡിയറ്റ് അപ്ഡെറ്റ് ഓൺ തീസ്..”
” യെസ് സ്വാമി…”
” ആൾറൈറ്റ്, ശിവ നിന്നിരുന്ന റിസോർട്ടിലേക്ക് വണ്ടി എടുക്ക്…”
സ്വാമിയുടെ നിർദ്ദേശപ്രകാരം എല്ലാവരും കാറുകളിലേക്ക് തിരികെ കയറി,
മെലാക്കയിലെ SCG റിസോർട്ടിലേക്ക് നാല് ഫോർച്യൂണർ കാറുകൾ റോഡിൽ കൂടി നിരയായി ഓടിക്കൊണ്ടിരിക്കുകയായിരുന്നു.
മുന്നിലെ കാറിൽ ഇരുന്ന് സ്വാമി തന്റെ ഫോണിലേക്ക് വന്ന പിക്ചർ ഒന്നു കൂടി സൂം ചെയ്തു നോക്കി,
ആദ്യത്തെ ഫോട്ടോയിൽ ശിവയുടെ കാറിനു ചുറ്റും തോക്കും ചൂണ്ടി നിരന്നു നിൽക്കുന്ന പത്തോളം പേർ,
രണ്ടാമത്തെ ഫോട്ടോയിൽ ശിവയെയും ഭഗത്തിനെയും ആൽബിനെയും കൈകൾ പുറകോട്ട് കെട്ടി മെയിൻ ഹൈവെയിൽ നിർത്തിയിരിക്കുന്നു,
മൂന്നാമത്തെ ഫോട്ടോ അധികം വ്യക്തമല്ലാ, സ്റ്റെല്ലയെ മാത്രം ഒരു കാറിലും ബാക്കി ഉള്ളവരെ മറ്റൊരു കാറിലും കയറ്റുന്നത് പോലെ ആണ് തോന്നുന്നത്,
എല്ലാ ഫോട്ടോസും അൽപ്പം ദൂരെ നിന്നാണ് എടുത്തിരിക്കുന്നത്, അയച്ചിരിക്കുന്നത് ഒരു മലേഷ്യൻ നബറിൽ നിന്നും,
സ്വാമി എന്തോ ആലോചിച്ചു നിന്ന ശേഷം ഫോൺ ലോക്ക് ചെയ്ത്, പോക്കറ്റിൽ നിന്നും ഒരു സിഗരറ്റ് എടുത്ത് വായിലേക്ക് വെച്ച് കത്തിച്ചു,