പെട്ടെന്ന് പുറകിൽ നിന്നും രണ്ടു വാഹനം അവരുടെ പുറകെ വന്നു ചേർന്നു ഷെവർലേറ്റിന്റെ സബർബൻ എസ് യൂ വികൾ ആയിരുന്നു രണ്ടു വാഹനവും,
ആ കാറുകൾ പൊതുവേ ആരാണ് യൂസ് ചെയ്യുന്നത് എന്ന് ശിവയ്ക്ക് ആദ്യമേ അറിയാമായിരുന്നതിനാൽ അവൻ ഭഗത്തിനു കൈ കൊണ്ട് നിർദേശം നൽകിയതും ഭഗത്ത് സ്പീഡ് കൂട്ടിയെടുത്തു,
” ശിവ, വാട്ട് ഈസ് ഹാപ്പനിങ്…?? ”
ശിവയുടെ പരിഭ്രമം കണ്ട് ആൽബിൻ പുറകോട്ട് തിരിഞ്ഞുനോക്കി,
മുൻ സീറ്റിൽ ഇരിക്കുന്ന രണ്ട് പേരുടെയും മുഖത്ത് ചെറിയ ടെൻഷൻ നിറഞ്ഞു നിൽക്കുന്നു,
സ്റ്റെല്ല നഖം കടിച്ചു തുപ്പി കൊണ്ടിരുന്നു, ശിവ പറഞ്ഞ കഥകളിലെ വില്ലമ്മാരെ അവൾക്കും കൂടി അറിയാമായിരുന്നു,
അതേ സമയം ഒന്നും മനസ്സിലാവാതെ ആൽബിൻ പുറകോട്ട് തന്നെ നോക്കിക്കൊണ്ടിരുന്നു,
“ഭഗത്ത്…മൂവ് ഫാസ്റ്റ്…..”
ശിവയുടെ കമാണ്ട് കിട്ടിയതും, വാഹനം 100 കിലോമീറ്റർ സ്പീഡിൽ മുന്നോട്ട് കുതിച്ചു പാഞ്ഞു, എങ്കിലും പുറകിലുള്ളത് ഷെവർലെറ്റ് സബർബൻ ആയിരുന്നതിനാൽ നിമിഷ നേരം കൊണ്ട് ആ വാഹനങ്ങൾ അവർക്കൊപ്പം എത്തിയിരുന്നു ,
ഒരു കാർ അവരെ ഓവർടേക്ക് ചെയ്ത് മുന്നോട്ട് കയറി, അവരുടെ തൊട്ടുമുന്നിലായി സ്പീഡ് കുറയ്ക്കാൻ തുടങ്ങി,
ഭഗത്ത് ലാൻഡ് ക്രൂയിസർ വെട്ടിക്കാൻ നോക്കിയെങ്കിലും വലതുവശത്ത് നിന്നും കേറി വന്ന രണ്ടാമത്തെ വാഹനം അതും തടഞ്ഞു,
” ശിവ ആരാണിവർ എന്താണ് പ്രശ്നം…??”
എന്തോ അപകടം മണത്തതും ആൽബിൻ സംശയത്തോടെ ചോദ്യങ്ങൾ എറിഞ്ഞു,
” ആൽബിൻ പ്ലീസ് സ്റ്റോപ്പ്, ഐ വിൽ എക്സ്പ്ലൈൻ എവെരിതിംഗ് ആഫ്റ്റർ…”
ശിവയുടെ മുഖത്തെ ടെൻഷൻ കണ്ട് ആൽബിക്കും ചെറിയ പരിഭ്രമം വരാൻ തുടങ്ങിയിരുന്നു,
മുന്നിലെ വാഹനവും, വലതു സൈഡിൽ ഒപ്പത്തിനൊപ്പം നിൽക്കുന്ന വാഹനവും ഒരുമിച്ച് സ്പീഡ് കുറച്ചതിനാൽ, ഭഗത്തിനു ഒന്നും ചെയ്യാൻ പറ്റാതെ ആയി,
പെട്ടെന്ന് സൈഡിലെ വാഹനത്തിന്റെ ഗ്ലാസ് താഴാൻ തുടങ്ങി, അതിൽ നിന്നും മുഖം മറച്ച ഒരാൾ പുറത്തേക്ക് നീട്ടി പിടിച്ചിരിക്കുന്ന റിവോൾവർ കണ്ടപ്പോഴേക്കും ആൽബി ഞെട്ടി വിറക്കാൻ തുടങ്ങി….!!
“സ്റ്റോപ്പ് തെ കാർ…..”
സബർബനിൽ നിന്നും ആക്രോശം ഉയർന്നതും, ശിവയെ നോക്കി കൊണ്ട് തന്നെ ഭഗത്ത് വാഹനം വേഗത കുറച്ചു,
ക്രുയിസർ നിർത്തിയതും രണ്ടു കാറുകളിൽ നിന്നും ഏകദേശം പത്തോളം യുവാക്കൾ പുറത്തേക്ക് ചാടി ഇറങ്ങി , മുഖം മറച്ചിരുന്ന അവർ നീട്ടിപ്പിടിച്ച പിസ്റ്റളുമായി ശിവയുടെ കാറിനു ചുറ്റും നിരന്നു…..!!
ബാംഗ്ലൂരിൽ ഓഫീസിലെ ചില തിരക്കുപിടിച്ച ഓട്ടത്തിനിടയിൽ ആയിരുന്നു സ്വാമി,
“സ്വാമി ഒരു കോൺട്രാക്ടർ കാണാൻ വന്നിട്ടുണ്ട്…”
പുറത്തുനിന്നും അസിസ്റ്റന്റിന്റെ ശബ്ദം കേട്ടതും സ്വാമി പെട്ടെന്ന് ഫോണിൽ നിന്നും തല ഉയർത്തി നോക്കി,
‘താൻ ഇപ്പോൾ വരാമെന്ന് കൈ കൊണ്ട് ആംഗ്യം കാണിച്ച ശേഷം സ്വാമി ഒരു സിഗരറ്റ് വായിലേക്ക് വെച്ച് തീ തീകൊളുത്തി,
ശിവയുടെ ഫോണിലേക്ക് വിളിച്ച് കിട്ടാത്തതിനാൽ സ്വാമി കുറച്ച് ടെൻഷനിലായിരുന്നു,
‘ഭഗത്ത് ഇന്നലെ രാത്രി അവിടെ എത്തിയിട്ടുണ്ട് എന്ന് അവൻ തന്നെ വിളിച്ച് അറിയിച്ചതാണ് അതിനു ശേഷം ഇപ്പോൾ രണ്ടുപേരെയും വിളിച്ചിട്ട് കിട്ടുന്നില്ല,
സിഗരറ്റ് വലിച്ചു പൂർത്തിയാക്കി വേസ്റ്റ് ബിന്നിലേക്ക് കുറ്റി കളഞ്ഞ ശേഷം സ്വാമി പതിയെ താഴേക്ക് നടന്നു,
” ഹലോ സർ….”
കാണാൻ വന്നിരിക്കുന്ന കോൺട്രാക്ടർ സ്വാമിക്ക് ഷേക്ക് ഹാണ്ട് നൽകി,
തിരികെ കൈ കൊടുത്ത ശേഷം അവർ ഒരു ടേബിളിനു ഇരുവശമായി ഇരിപ്പുറപ്പിച്ചു.
സമയം പതിയെ മുന്നോട്ട് ഓടിക്കൊണ്ടിരുന്നു, കോൺട്ട്രാക്റ്ററുമായി സംസാരിച്ചു കൊണ്ടിരിക്കുമ്പോൾ സ്വാമിയുടെ ഫോണിലേക്ക് തുടർച്ചയായി മെസ്സേജ് വരുന്ന ശബ്ദം കേട്ടതും അയാൾ ഫോൺ കയ്യിലേക്ക് എടുത്തു നോക്കി,
വാട്സാപ്പിൽ അറിയാത്ത ഒരു നമ്പറിൽ നിന്നും മൂന്ന് പിക്ചർ മെസ്സേജ് വന്നു കിടക്കുന്നുണ്ട്,
സ്വാമി മെസ്സേജ് ഓപ്പണാക്കി നോക്കിയതും പെട്ടെന്ന് അയാളുടെ കാലിൽ നിന്നും ഒരു തരിപ്പ് കയറി ശരീരമാകെ വിറക്കാൻ തുടങ്ങി..
നെഞ്ചിൽ നിന്നും ഉയർന്ന് വന്ന ചങ്കിടിപ്പ് ക്രമാതീതമായി കൂടി ശരീരം ആകേ തളരുന്നത് പോലെ….!!
സ്വാമി എത്രയും പെട്ടെന്ന് ടേബിളിൽ നിന്നും എഴുന്നേറ്റ് താഴേക്ക് നടന്നു,