” അങ്ങനെ തന്നെയായിരിക്കും ,ആൽബി..” സ്റ്റെല്ല അവനെ സമാധാനിപ്പിച്ചു, അപ്പോഴേക്കും വാഹനം ഡെസ്റ്റിനേഷൻ എത്തിയിരുന്നു,
ഒരു വലിയ ഹോട്ടലിന്റെ മുറ്റത്തേക്ക് കയറാൻ ആയി വാഹനം സെക്യൂറ്റിറ്റി ചെക്ക് പോയിന്റിൽ നിന്നു,
മുന്നോട്ട് വന്ന സെക്യൂരിറ്റി ഗാർഡ്സ് മുൻ സീറ്റിൽ ശിവയെ കണ്ടതും ഗേറ്റ് തുറന്ന് അവരെ അകത്തേക്ക് കടത്തിവിട്ടു
കാറിന്റെ കീ അവിടെയുള്ള സ്റ്റാഫിനെ ഏൽപ്പിച്ചതും അവർ കാറും കൊണ്ട് പാർക്കിംഗ് സെക്ഷനിലേക്ക് പോയി,
ആൽബിയും ശിവയും കറുത്ത കോട്ടുകൾ ധരിച്ചിരുന്നു അവർക്ക് നടുക്കായി ഒരു സിനിമ നടിയുടെ മാദക സൗന്ദര്യവുമായി റെഡ് കളർ പാർട്ടി വിയറിൽ സ്റ്റെല്ല നല്ലവണ്ണം തന്നെ തിളങ്ങി…!!
പല കണ്ണുകളും സ്റ്റെല്ലയെ തന്നെ നോക്കുന്നത് അവർ രണ്ടുപേരും ശ്രദ്ധിച്ചിരുന്നു,
ഉള്ളിലേക്ക് കടന്നതും അത്യാവശ്യം വലിയ പാർട്ടി തന്നെയായിരുന്നു അത് ആൽബിൻ ചുറ്റുവട്ടമാകെ എന്ന നിരീക്ഷിച്ചു,
ആഡംബരം എടുത്ത് കാണിക്കുന്ന ഒരു ലക്ഷ്വറി ഹോട്ടൽ അവിടെ തങ്ങളെ പോലെ കോട്ടും സൂട്ടും ധരിച്ച പുരുഷന്മാരും അതി സൗന്ദര്യം ഉള്ള സ്ത്രീകളും ,
പാർട്ടി ഹാളിനകത്ത് കയറിയ നിമിഷം തന്നെ കണ്ണുകൾ നിറയും പോലെ പ്രകാശവും ഭംഗിയും,
വിവിധ തരത്തിൽ ഉള്ള ലൈറ്റുകളുടെ തിളക്കം, മേൽക്കൂരയിൽ തൂങ്ങിയ ക്രിസ്റ്റൽ ലൈറ്റുകൾ, നിലത്ത് പ്രതിഫലിക്കുന്ന അതിന്റെ തിളക്കം ,
മേശകൾക്ക് മേൽ നിറങ്ങളാൽ നിറഞ്ഞ പുഷ്പാലങ്കാരങ്ങൾ, മെഴുകുതിരികളുടെ മൃദുലപ്രകാശം, പിന്നണിയിൽ ഒഴുകുന്ന ലളിതമായ സംഗീതവും, വായുവിൽ തിളങ്ങുന്ന പെർഫ്യൂമിന്റെ മണവും, എങ്ങും ചിരികളുടെ മുഴക്കം,
ചുരുക്കത്തിൽ പറയണമെങ്കിൽ അവിടം ഒരു സ്വപ്നം പോലെ കളിയും ചിരിയും സംഗീതവും നിറഞ്ഞ അത്ഭുതലോകമായിരുന്നു….!!
ശിവ സ്റ്റെല്ലയുടെ ഇടുപ്പിലേക്ക് കൈ ചേർത്ത് അവളെ അവനിലേക്ക് അടുപ്പിച്ചു, അവർ പതിയെ മുന്നോട്ട് നടക്കുമ്പോൾ സ്റ്റെല്ല ആൽബിയെ തിരിഞ്ഞുനോക്കി,
ഒരുപക്ഷേ അധികാരത്തോടെ ഉള്ള ചേർത്ത് പിടിക്കൽ അവൾ ആൽബിയിൽ നിന്നായിരിക്കാം ആഗ്രഹിച്ചിട്ടുണ്ടാവുക….
‘ ഭർത്താവ് അടുത്തുനിൽക്കുമ്പോൾ കാമുകൻ അവളുടെ ഇടുപ്പിൽ ചേർത്ത് പിടിച്ച് മുന്നോട്ട് നടന്നു,
ഒരുപക്ഷേ ഇവിടെയുള്ളവർ തന്നെ ശിവയുടെ പെണ്ണായിട്ടാവും കാണുക..?
സ്റ്റെല്ലാ ഇടക്കെല്ലാം ആൽബിയെ തിരിഞ്ഞു നോക്കിയെങ്കിലും അവൻ പാർട്ടിയുടെ ആഡംബരത്തിലും ചുറ്റുമുള്ള കാഴ്ചയിലും മയങ്ങിയിരിക്കുകയായിരുന്നു.
അവർ മുന്നോട്ട് നടക്കുമ്പോൾ തന്നെ ഒരു ഗോൾഡൻ കളർ സ്യൂട്ട് അണിഞ്ഞ വ്യക്തി മുന്നോട്ടേയ്ക്ക് വന്ന് ശിവയ്ക്ക് ഹസ്തദാനം നൽകി,
ശിവ അയാളുടെ കൈ പിടിച്ചുകൊണ്ട് സ്റ്റെല്ലയേം ആൽബിനെയും അയാൾക്ക് പരിചയപ്പെടുത്തി
അതേ സമയം സ്റ്റേജിൽ ഏതോ ഒരു ഗാനം ആലപിക്കുന്നുണ്ട്,
അവർ നാലുപേരും മുന്നോട്ട് നടന്ന് ഒരു ബാർ കൗണ്ടറിലേക്ക് ആണ് എത്തിയത്,
“സോ ശിവാ ആൻഡ് മൈ ഫ്രണ്ട്സ് വെൽക്കം ടു മൈ പാർട്ടി….”
അവിടെ നിന്നും നാല് ഷോട്ടുകൾ എടുത്ത് അയാൾ അവർ മൂന്നു പേർക്കും ആയി നൽകി,
നാലുപേരും പരസ്പരം മുട്ടിച്ച ശേഷം ഷോട്ട് വായിലേക്ക് കമഴ്ത്തി,
” മൈ മാൻ ശിവാ.. യുവർ ഗേൾ ലുക്ക് സൊ ഗോർജസ്…”
അയാൾ സ്റ്റെല്ലയുടെ സൗന്ദര്യത്തെ പുകഴ്ത്തി,
‘ താൻ ഊഹിച്ചത് പോലെ തന്നെ അവർ തന്നെ ശിവയുടെ പെണ്ണായിട്ടാണ് കണ്ടിരിക്കുന്നത്..’
അത് സ്റ്റെല്ലക്ക് അത്ര രസം നൽകിയില്ല,
ആൽബി അത് കേട്ടിട്ടും മിണ്ടാതിരിക്കുന്നത് അവൾക്ക് ചെറിയ ഈർഷ്യ ഉണ്ടാക്കി,
എങ്കിലും അവൻ സാഹചര്യം നോക്കി പെരുമാറുകയാണ് എന്നുള്ളത് മനസ്സിലാക്കാനുള്ള സാമാന്യബോധം അവൾക്കുണ്ടായിരുന്നു……!!
അവർ സംസാരിച്ചുകൊണ്ടിരിക്കുമ്പോൾ തന്നെ അയാൾ ശിവയെ അല്പം മാറ്റിനിർത്തി സംസാരിക്കാൻ തുടങ്ങി,
എന്താ ബിസിനസ് കാര്യമാണെന്ന് തോന്നുന്നു ശിവയും തിരിച്ചെന്തോക്കെയൊ സംസാരിക്കുന്നുണ്ട്,
അതേസമയം സ്റ്റെല്ല ആൽബിയുടെ അടുത്തേക്ക് നീങ്ങി നിന്നു,
” അവർ കരുതിയിരിക്കുന്നത് ഞാൻ ശിവയുടെ പെണ്ണാണെന്നാ…”