അദ്വൈതം 56അടിപൊളി  

“ന്നെ തൊടരുത്….”
സുഭദ്ര ദേഷ്യത്തോടെ പറഞ്ഞു….

“ഇല്ലായെ….. തൊടുന്നില്ല….

ദേവി…. സുഭദ്രയുടെ മെഡിക്കൽ സർട്ടിഫിക്കറ്റുകളും xray റിപ്പോർട്ട്‌സും ഇങ്ങ് എടുക്ക്….”

അഗ്നി പറഞ്ഞതും യക്ഷമി അലമാര തുറന്ന് അവളുടെ മെഡിക്കൽ റിപ്പോർട്ടുകൾ അടങ്ങിയ file എടുത്ത് അഗ്നിക്ക് നൽകി….അവൻ അതെല്ലാം ശ്രദ്ധയോടെ പരിശോധിച്ചു, MRI സ്കാൻ CT സ്കാൻ, Xray…. Senior Doctors ന്റെ റിപ്പോർട്സ്…..അങ്ങനെ എല്ലാം….

“Multiple fracture, spinal cord completely severed…. ഹ്മ്മ്…..സ്‌പൈനൽ cord എന്ന് പറയുന്നത് ഒരു കേബിൾ ആണ്….. കോടാനുകോടി nervous tissue കൊണ്ട് നിർമിച്ചിരിക്കുന്ന ഒരു കേബിൾ…..തലച്ചോറിൽ നിന്നും ശരീരത്തിലേക്ക് സന്ദേശങ്ങൾ എത്തിക്കുക, ശരീരത്തിന്റെ ചലനങ്ങളെ നിയന്തിക്കുക, ശരീരത്തിൽ ഉണ്ടാകുന്ന സ്പർശനം തലച്ചോറിൽ എത്തിക്കുക….. അങ്ങനെ ഉള്ള കുറെ വലിയ കാര്യങ്ങളാണ് ഇവന്റെ ജോലി…. ഈ സ്‌പൈനൽ കോഡ് കട്ട്‌ ആയാൽ, എവിടെയാണോ കട്ട്‌ ആവുന്നത് അതിന് താഴേക്കുള്ള ശരീരം പ്രവൃത്തിക്കില്ല….കട്ട്‌ ആവണം എന്നില്ല ക്ഷതം സംഭവിച്ചാലും മതി….ഇവിടെ സുഭദ്രയുടെ കഴുത്തിന്റെ ഭാഗത്തെ സ്‌പൈനൽ കോർഡ് ആണ് കട്ട്‌ ആയിരിക്കുന്നത്…..”

“ഇതൊക്കെ ഞാൻ കേട്ട് പഴകിയതാ…. പുതിയത് എന്തെങ്കിലും ഉണ്ടെങ്കിൽ പറയ്…..”
സുഭദ്ര പുച്ഛത്തോടെ പറഞ്ഞു….

“സുഭദ്രേച്ചി… മിണ്ടാണ്ടിരിക്ക് ഡോക്ടർ പറയട്ടെ……”
യക്ഷമി അവളുടെ അടുത്ത് ബെഡിൽ ഇരുന്ന് ദയനീയമായി പറഞ്ഞു…. സുഭദ്ര മുഖം തിരിച്ചുകളഞ്ഞു….

“അലോപ്പതിയിലും ആയുർവേദത്തിനും ഇതിൽ ചികിത്സയില്ല….. കട്ട്‌ ആയ സ്‌പൈനൽ കോഡിനെ repair ചെയ്യാനുള്ള ടെക്നോളജി മോഡേൺ മെഡിസിൻ ഇന്നുവരെ കണ്ടുപിടിച്ചിട്ടില്ല…..അവരുടെ ഭാഷയിൽ ഇതിന് മരുന്നില്ല….. എന്തിനേറെ പറയുന്നു മഹാ ഔഷധ വേദമായ അധർവ്വ വേദത്തിൽ പോലും ചേദിക്കപ്പെട്ട സുഷുമ്നാ നാഡിയെ പുനരുജ്ജീവനിപ്പിക്കാനുള്ള വിദ്യകളില്ല…..according to vedas ഇത് അസുഖമല്ല അവസ്ഥയാണ്…. ചികിത്സിച്ച് ഭേദപെടുത്താൻ കഴിയാത്ത അവസ്ഥ……”

യക്ഷമി കൊടുത്ത ഫയലുകൾ അഗ്നി അവൾക്ക് തിരികെ കൊടുത്തു….യക്ഷമിയുടെ കണ്ണുകളാകെ നിറഞ്ഞിരുന്നു….സുഭദ്ര കണ്ണുകൾ ഇറുക്കെ അടച്ചുകിടന്നു….അറിയാം…. മരണമല്ലാതെ ഈ അവസ്ഥയിൽ നിന്നൊരു മോചനമില്ല….ഇങ്ങനെ കിടന്ന് നരകിക്കാം….

അഗ്നിദേവ് എഴുന്നേറ്റു

“നൂറുദിവസത്തെ ചികിത്സ….. നൂറ്റിയൊന്നാം ദിവസം കല്ലൂർക്കോട് ശിവക്ഷേത്രത്തിൽ നീ തനിയെ നടന്നുകയറും ”
അഗ്നിദേവിന്റെ ഉറച്ച സ്വരം അലകളായി ഭദ്രയുടെയും യക്ഷമിയുടെയും കാതുകളിൽ പതിഞ്ഞു….. യക്ഷമി അവിശ്വാസത്തോടെ അഗ്നിയെ നോക്കി….

“സത്യാണോ… സുഭദ്രേച്ചി എഴുന്നേറ്റ് നടക്കോ…..”

“ഭൈരവനാനെ സത്യം…..”… അഗ്നി പറഞ്ഞു…..

“നുണ…. നുണ പറയല്ലേ….. വെറുതെ നിക്ക് പ്രതീക്ഷ തന്ന് പറ്റിക്കാനായിട്ട്…”
സുഭദ്ര അവനെ നോക്കി വിതുമ്പി…. അഗ്നി അവളുടെ ചെന്നിയിൽ ഇടതു കൈ അമർത്തി….

“എന്റെ കുലദൈവത്തെ വിളിച്ച് സത്യം ചെയ്തതല്ലേ… ആ സത്യം നിറവേറ്റാൻ കഴിഞ്ഞില്ലെങ്കിൽ ഈശ്വരൻ എന്റെ ജീവനെടുത്ത് നിനക്കൊരു പുതിയ ജന്മം നൽകട്ടെ….തഥാസ്തു….”
അഗ്നിദേവിന്റെ വാക്കുകൾ അവിടെയാകെ പ്രകമ്പനംകൊണ്ടു….സുഭദ്ര അവനെ ഇമവെട്ടാതെ നോക്കി കിടന്നു….സാക്ഷാൽ മഹാദേവൻ മുന്നിൽ അവതരിച്ചതുപോലെ ഒരു രൂപം….തന്റെ ജീവനെടുക്കട്ടെയെന്ന് അഗ്നി പറഞ്ഞതും യക്ഷമി ഞെട്ടലോടെ അവനെ നോക്കി…..

“കൈ പിടിച്ചോട്ടെ ഞാൻ…..”
അഗ്നി ചോദിച്ചതും സുഭദ്ര മെല്ലെ മൂളി… യക്ഷമി അറിയാതെ ചിരിച്ചുപോയി…..പുറമെ കാണിക്കുന്ന ഈ ദേഷ്യവും വാശിയും ഉണ്ടെന്നേയുള്ളു, സുഭദ്ര പാവമാണ്

അഗ്നി സുഭദ്രയുടെ തളർന്നുകിടക്കുന്ന ഇടതുകൈ പിടിച്ച് നാഡി പരിശോധിച്ചു….പുരുഷന്മാർക്ക് വലതുകൈയും, സ്ത്രീകളുടെ ഇടതുകൈയിലുമാണ് നാഡി പരിശോധിക്കേണ്ടത്…

“ശരീരത്തിൽ ഒത്തിരി ക്ഷതങ്ങളുണ്ട്…. ഉള്ളിൽ കഫകെട്ടുണ്ട്….. രാത്രിയിൽ ചുമക്കാറുണ്ടോ…..”