അദ്വൈതം 56അടിപൊളി  

“ഭൈരവശ്ശേരി മന കേട്ടിട്ടുണ്ടോ….”

“ഉവ്വ്….ഒരു മാസം മുമ്പ് ഒരു തീർത്ഥാടക ഇവിടെ വന്നിരുന്നു…. കുടിക്കാൻ വെള്ളം ചോദിച്ചു,… അമ്മ അവർക്ക് ഇലയിട്ട് ചോറ് കൊടുത്തു…. സംസാരത്തിനിടയിൽ സുഭദ്രേച്ചിയുടെ അവസ്ഥ കേട്ട് അവരു പറഞ്ഞതാതിരുവനന്തപുരം ജില്ലയിലെ ഭൈരവശ്ശേരി മനയെ കുറിച്ച്…..അതിന് ശേഷാ അച്ഛനും വല്യച്ഛനുംകൂടെ അവിടേക്ക് വന്നത് ”

“ആഹ് ദേവീടെ അച്ഛനും വല്യച്ഛനും മനയിലേക്ക് വരുമ്പോ ഞാനും അവിടെ ഉണ്ടായിരുന്നു…..മകളെ ചികിത്സിക്കാൻ ഭൈരവശ്ശേരിയിലെ ആൺതരിയെ തേടി വന്നതാ അവർ…. ദൗർഭാഗ്യം എന്ന് പറയട്ടെ ഭൈരവശ്ശേരിയിൽ ആകെ ശേഷിക്കുന്നത് രണ്ടുപേരാ… ഞാനും എന്റെ അമ്മയും…….എനിക്ക് പണ്ടേ ഈ കുലതൊഴിലിനോട് തീരെ താല്പര്യം ഇല്ല…..അതുകൊണ്ടാണല്ലോ എല്ലാം ഉപേക്ഷിച്ച് ഞാൻ ഡോക്ടർ ആയത്…..”
അഗ്നി പറഞ്ഞു….

“എന്നിട്ട് എന്നിട്ട്…. പിന്നെന്തിനാ വന്നേ….”
യക്ഷമി ആകാംഷയോടെ മുന്നോട്ട് ആഞ്ഞിരുന്നു…..

“നിന്റെ വല്യച്ഛൻ…. അയാളെന്റെ കാലുപിടിച്ചു പറഞ്ഞു, ഒരേയൊരു മകളാണ്, സഹായിക്കണമെന്ന്…. ഞാൻ വരില്ലെന്ന് തീർത്തുപറഞ്ഞതാ…..നിന്റെ അച്ഛനും വല്യച്ഛനും വിടുന്നുണ്ടോ, നിർബന്ധിക്കാവുന്നതിന്റെ അങ്ങേയറ്റം നിർബന്ധിച്ചു ഒടുവിൽ കരയുമെന്ന് തോന്നിയപ്പോ സമ്മതിക്കേണ്ടി വന്നു….. ഞാൻ വർക് ചെയ്യുന്ന ഹോസ്പിറ്റലിൽ consult ചെയ്യാൻ അപ്പോയിമെന്റ് എടുത്ത കുട്ട്യോൾ ഒരുപാട് ഉണ്ടായിരുന്നു…. അതാ വരാൻ ഇത്രയും വൈകിയത്…..”

“ചേച്ചിയെ കാണണ്ടേ…..”
യക്ഷമി ആ ചോദ്യം ആവർത്തിച്ചു….. ദേവഗിരിയിലെ പണം മോഹിച്ചെത്തിയവൻ അല്ല അഗ്നി എന്ന് അവൾക്ക് ഉറപ്പുവരുത്താൻ തോന്നി…. അവളുടെ ഉള്ളിൽ അവനെകുറിച്ച് രൂപപ്പെട്ട ആ ഒരു ചിന്ത തെറ്റാണെന്ന് ഉറപ്പിക്കാൻ….

“Mr രാജശേഖരൻ വരട്ടെ….. ആദ്യം അയാളോട് സംസാരിച്ച് ഇടപാടുകൾ വ്യക്തമാക്കണം…. എന്റേതായ കുറച്ച് രീതികൾ ഉണ്ട്…. അതൊക്കെ സമ്മതമാണെങ്കിൽ ഇത് മുന്നോട്ട് കൊണ്ടുപോയാൽ മതിയല്ലോ…. അല്ലാതെ ആ കുട്ടിക്ക് വെറുതെ പ്രതീക്ഷ കൊടുത്ത് മനസ്സ് വിഷമിപ്പിക്കണ്ട….”

“പണം എത്രവേണമെങ്കിലും തരും…. ചേച്ചി ഒന്ന് എഴുന്നേറ്റ് നടന്നാൽ മതി…..”
യക്ഷമി മുഖം കുനിച്ചു,… അവളുടെ കണ്ണുകളിൽ നിന്ന് നേർത്തുള്ളികൾ നിലംപതിച്ചു,

“അയ്യേ ദേവി കരയേ…..”
അഗ്നി കൈയെത്തിച്ച് അവളുടെ കണ്ണുകൾ തുടച്ചു…..

“ഇത് പണത്തിന്റെ കാര്യമല്ല…. ഇട്ടുമൂടാനുള്ള സ്വത്തുക്കൾ ഉണ്ട് ഭൈരവശ്ശേരിയിൽ……. എന്റെ ഒരു മാസത്തെ ശമ്പളം ഒന്നര ലക്ഷമാണ്…. ആ എനിക്ക് നിങ്ങളുടെ പണം ആവശ്യമില്ല…. പണം മോഹിച്ചു വന്നതല്ല ഞാൻ ….എങ്കിലും ചെയ്യുന്ന ജോലിയുടെ കൂലി ഞാൻ വാങ്ങും അത് വേറെ കാര്യം

….ഞാൻ ഇടപാടെന്ന് പറഞ്ഞത് ചികിത്സാരീതികളെ കുറിച്ചാ…. അതിന് രോഗി മാത്രമല്ല കുടുംബത്തിൽ ഉള്ളവരും പാലിക്കേണ്ട നിഷ്ഠകളുണ്ട്….നിയമങ്ങളുണ്ട്, ആചാരങ്ങളുണ്ട്….. അതൊക്കെ ചെയ്യാൻ കഴിയുമെന്ന് ഉറപ്പുണ്ടെങ്കിൽ മാത്രമേ ഞാൻ ഈ പരിപാടിക്ക് നിക്കു….”

അഗ്നി പറഞ്ഞുനിർത്തി…. യക്ഷമി മറ്റെന്തോ പറയാൻ തുടങ്ങിയതും മുകളിലെ നിലയിൽ നിന്നും വിളി വന്നതും ഒന്നിച്ചായിരുന്നു….
“ആമി…. ആമി……”

“സുഭദ്രേച്ചി വിളിക്കുന്നുണ്ട്…. ഞാനിപ്പോ വരാം…..”

യക്ഷമി കോണിപടികൾ കയറി മുകളിലെ നിലയിലേക്ക് ചെന്നു….മച്ചിലൂടെ നടന്നു… തടികൊണ്ട് വേർതിരിച്ച മുറികൾക്ക് ഇടയിലെ വഴിയിലൂടെ അവൾ സുഭദ്രയുടെ മുറി തുറന്നു…. തുറന്നതും മലവിസർജനത്തിന്റെ രൂക്ഷഗന്ധം യക്ഷമിയുടെ നാസികയിൽ തുളഞ്ഞു…. ശീലമായതുകൊണ്ടുതന്നെ അവൾക്ക് മറ്റൊന്നും തോന്നിയില്ല….

മുറി തുറന്ന യക്ഷമി അകത്തുകയറി… അവിടെ കട്ടിലിൽ ഒരു പെൺകുട്ടി ജീവശ്ചവം പോലെ കിടപ്പുണ്ടായിരുന്നു…. ഒന്നര വർഷമായി കഴുത്തിനു കീഴെ ഉടലിന്റെ ചലനശേഷി പൂർണമായും നഷ്ടപെട്ടവൾ…. ദേവഗിരിയിലെ രാജശേഖരന്റെയും ഭാര്യ രേവതിയുടെയും ഒരേയൊരു മകൾ സുഭദ്ര രാജശേഖരൻ…..കോടികണക്കിന് സ്വത്തുക്കളുടെ അവകാശി, കേവലം ഇരുപത്തിമൂന്ന് വയസുമാത്രം പ്രായമുള്ള പെൺകൊടി….