“ഇത് നോക്കിയേ. എനിക്ക് പോർട്ടിൽ നിന്ന് വന്ന ഡീറ്റെയിൽസ് ആണ്.” അവൻ അവന്റെ മെയിലിൽ കുറച്ച് pdf ഫയലുകൾ തുറന്ന് അവരെ കാണിച്ചു. അതുവരെ ഉണ്ടായിരുന്ന ഭാവം മാറി അവളും ഗൗരവത്തിൽ അതിലേക്ക് നോക്കി.
“ന്താ ഇത്.” രാജൻ തിരക്കി.
“ഞാൻ ശാരിയുടെ കൂടെ അന്ന് ഫാക്റട്ടറിയിൽ പോയ ദിവസം നമ്മുടെ എക്സ്പോർട്ടിങ് ഗോഡൗൺലേക്ക് മൂവ് ചെയ്യുന്ന ബോക്സുകൾ ചുമ്മാ ഒന്ന് ശ്രദ്ധിച്ചിരുന്നു. അതിൽ പിക്കപ്പിൽ കേറ്റിയ കാർട്ടണുകൾക്കിടയിൽ ഉള്ളിലായി ഒരു കാർട്ടണിന്റെ കോർണറിൽ ചെറിയൊരു റെഡ്കളർ മാർക്ക് ഇട്ടത് പോലെ തോന്നി.
അന്ന് അടികൊണ്ട് വന്നു കിടന്നപ്പോൾ, ഇവൾ അടുക്കളയിലേക്ക് പോയ സമയത്ത് ഞാൻ എന്റെ ഫ്രണ്ട് കിഷോറിനെ വിളിച്ചു. അവൻ എന്റെ ഡിഗ്രി ക്ലാസ്മേറ്റ് ആയിരുന്നു. ഇപ്പൊ പോലീസ് ഡിപ്പാർട്മെന്റിൽ എസ്. ഐ റാങ്കിൽ.
അവനോട് കുറച്ചു സംശയങ്ങൾ പറഞ്ഞപ്പോ അവൻ അന്വേഷിക്കാമെന്ന് പറഞ്ഞു. അതിന് ശേഷം ഇന്നലെ രാത്രി എനിക്ക് കിട്ടിയ ഫയൽസ് ആണ് ഇതൊക്കെ.” അവൻ അതിലേക്ക് നോക്കിക്കൊണ്ട് അവരോട് രണ്ട് പേരോടുമായി പറഞ്ഞു.
“എന്നുവച്ചാൽ.. ന്താ ഇതൊക്കെ.?” ശാരിക ടെൻഷൻ ഉത്കണ്ഠയോടെ അവനെ നോക്കി. രാജനും.
“ഈ കാണുന്ന scanned ഫയലുകൾ, നമ്മുടെ എക്സ്പോർട്ടിങ് ഐറ്റംസ് ഫൈനൽ പാക്കേജ് കഴിഞ്ഞു പോർട്ടിൽ എത്തിയതിന്റെ ക്ലിയറൻസ് ഡോക്യൂമെന്റസ് ആണ്. പക്ഷേ, നമ്മുടെ ഷിപ്മെന്റിന്റെ കൂടെ പോർട്ടിലേക്ക് എൻട്രി ചെയ്ത ഗുഡ്സ്ന്റെ കൂട്ടത്തിൽ നിന്ന് പതിനഞ്ചു പാക്കേജസ് പോയിരിക്കുന്നത് ഗൾഫ് ഷിപ്മെന്റ്ലേക്ക് അല്ല.” അവൻ ശാരികയെ നോക്കി. അവൾ അന്തം വിട്ട് തന്നെത്തന്നെ നോക്കി ഇരിക്കുകയാണ്.
“പിന്നെ എങ്ങോട്ട് പോയി.”? രാജൻ അവനെ നോക്കി ആവിശ്വസനീയതയോടെ ചോദിച്ചു.
വാഹിദ് ഒന്ന് ദീർഘശ്വാസമെടുത്തു. പിന്നെ അർത്ഥഗർഭമായ ചിന്താഭാരത്തോടെ ലാപ്ടോപിലേക്ക് തുറിച്ചു നോക്കികൊണ്ട് പറഞ്ഞു.
“രാജേട്ടാ.. എന്റെയീ പെണ്ണിനെ വല്ലവനും ഞൊണ്ടാം ന്ന് കരുതുന്നുണ്ടെങ്കിൽ അവരോട് പറയണം, എനിക്ക് കാലൊടിക്കാൻ മാത്രമല്ല ഒറ്റയടിക്ക് കൊതുകിനെ കൊല്ലുന്ന പോലെ തീർത്തു കളയാനും അറിയാം ന്ന്.” അവൻ അതെ ഇരിപ്പിൽ കൈ നീട്ടി ശാരികയെ തന്നിലേക്ക് ഇറുക്കി അണച്ചു പിടിച്ചു. അവൾക്ക് കണ്ണ് നിറഞ്ഞു. രാജൻ ആ ടെൻഷനിലും പുഞ്ചിരിച്ചു.
“എന്തൊക്കെയാ പറയുന്നേ. എനിക്ക് ഒന്നും മനസ്സിലാവുന്നില്ല. പേടിയാവുന്നു.” അവൾ അവന്റെ മുതുകിലൂടെ അവനെ നോക്കികൊണ്ട് പറഞ്ഞു.
“എടാ മോനെ ഒന്ന് തെളിച്ചു പറയെടാ. എന്തൊക്കെയാ നീ ഈ പറയുന്നേ.” രാജനും അക്ഷമനായി.
“രാജേട്ടാ. നമ്മുടെ കമ്പനിയിൽ നിന്ന് കഴിഞ്ഞ ആറുമാസമായി പോയിക്കൊണ്ടിരിക്കുന്ന ഇന്റർനാഷണൽ കൺസൈൻമെന്റുകളിൽ പുറത്തു നിന്നുള്ള പാക്കേജസ് കൂടി കടന്നു പോകുന്നുണ്ട്. അത് എന്താണെന്ന് കിഷോറിനും മനസ്സിലായിട്ടില്ല. പോർട്ടിലെ കസ്റ്റംസ് ക്ലിയറൻസ് കിട്ടി വേറെ എന്തോ ഐറ്റംസ് നമ്മുടെ പേരിലൂടെ ആഫ്രിക്കയിലേക്ക് പോകുന്നുണ്ട്.” അവൻ അക്ഷോഭ്യനായി ഗൗരവത്തിൽ പറഞ്ഞു.
രണ്ടുപേരും ഞെട്ടിഇരിക്കുമ്പോൾ അവൻ തുടർന്നു. Export ചെയ്യാൻ load ചെയ്ത വാഹനത്തിലേക്ക് വേറെ ഏതോ വഴി സാധങ്ങൾ എത്തുന്നുണ്ട്. തേയില ഫാക്ടറി വഴി ആ products അവരുടെ താവളത്തിലേക്ക് മൂവ് ആവുകയും അവിടെ നിന്ന് processing സെക്ഷനിലേക്ക് കൊണ്ട് പോയി ഏതോ രീതിയിൽ എക്സ്പോർട്ടിങ് കാർഗോയിൽ include ചെയ്യുകയും ചെയ്യുന്നുണ്ട്.
എനിക്ക് ഉറപ്പാണ്, its grugs. Real kerala special കഞ്ചാവ് തന്നെയായിരിക്കും. അതല്ലാതെ ഈ കാട്ടു പ്രദേശത്ത് നിന്ന് load പോകുന്ന വേറെ ഒരു സാധനവും നിലവിൽ ഇല്ല.” അവൻ തീർത്തു പറഞ്ഞു. അത് പറഞ്ഞു കഴിഞ്ഞപ്പോൾ അവർക്കിടയിൽ ഒരു മൗനം നിറഞ്ഞു നിന്നു. ശാരിക അവന്റെ കൈയിൽ മുറുകെ ഞെരിക്കുന്നത് വാഹിദ് അറിഞ്ഞു.
“ഇക്കാ നമുക്ക് ഇതൊക്കെ നിർത്താം ന്ന് ഞാൻ പറയുന്നതല്ലേ. ഒന്നും വേണ്ട ന്നെ. എനിക്ക് വല്ലാതെ പേടിയാവുന്നു.” അവളുടെ തൊണ്ടയിടാറി. കണ്ണിൽ ഭീതിയും ദുഖവും വ്യക്തമായി അവൾ ചകിതയായി അവനെ ദയനീയമായി നോക്കി. രാജൻ അമ്പരപ്പോടെ അവനെയും അവളെയും മാറിമാറി നോക്കി.