എല്ലാം കേട്ടു നിന്നത് അല്ലാതെ കുറച്ചു സമയം ആൽബി മറുപടിയൊന്നും മിണ്ടിയില്ല..
” എന്നിട്ട് ഈ പയ്യൻ ഇപ്പോൾ എവിടെയുണ്ട്..? ”
” അവൻ നാട്ടിലേക്ക് പോയി കുറച്ചു നാളേക്ക് ഇങ്ങോട്ട് ഇല്ല എന്ന് ആണ് പറഞ്ഞത്..!! ചേട്ടായി അവൻ ആരെയോ കാര്യമായി ഭയക്കുന്നുണ്ട്. എനിക്കറിയില്ല എന്താണ് സംഭവിക്കുന്നത് എന്ന് ”
” പൊരുത്തക്കേട് എനിക്കും ഫീൽ ചെയ്തതാണ് സജിൻ ഞാൻ എങ്ങനെയൊക്കെ കൂട്ടിയിട്ടും കുറച്ചു കാര്യങ്ങൾ കണക്ട് ആവുന്നില്ലായിരുന്നു ഇപ്പോൾ കുറച്ചു ക്ലിയർ ആയി..!! അവനെ കണ്ട് സംസാരിക്കാൻ പറ്റിയാൽ ബാക്കി കാര്യങ്ങൾ കൂടി ക്ലിയർ ആകുമായിരുന്നു ”
ആൽബി ഒന്ന് നിർത്തി.
” ചേട്ടായി എന്താ സംഭവിച്ചത്..??? ”
” ഇനി നിന്നോട് ഒന്നും മറച്ചു വെക്കുന്നതിൽ കാര്യമില്ലല്ലോ സജിനെ അവൻ കൊടുത്ത സാധനമായി സ്റ്റെല്ലയെ പോലീസ് തൂക്കിയിരുന്നു അവളെ സ്റ്റേഷനിൽ നിന്നും ഇറക്കിയത് ഒരു ഫ്രണ്ട് ആണ് ”
” ഓഹ്..!! മൈര്.. എന്നിട്ട്…????? ”
” അന്ന് എന്നോട് അവൾ കുറെ കാര്യങ്ങൾ തിരിച്ചും മറിച്ചും ചോദിച്ചു.. എനിക്കും നിനക്കും എന്തെങ്കിലും വള്ളിക്കെട്ട് ഏർപ്പാടുണ്ടോ ? ലഹരി ഉപയോഗമുണ്ടോ ? അങ്ങനെ ഒരു നൂറുകൂട്ടം കാര്യങ്ങൾ ”
ചായ കുടിച്ചു തീർത്ത് ആൽബി കാറിന്റെ ബോണറ്റിലെക്ക് ചാരി കൈ കെട്ടി നിന്നു.
” അയ്യോ എന്നിട്ട് ചേട്ടായി എന്താ പറഞ്ഞത്?? ”
” ഞാൻ പരമാവധി പറഞ്ഞു ഒഴിവാക്കാൻ നോക്കിയിട്ടുണ്ട് അവൾ നിന്നെ കാണണം എന്ന് പറഞ്ഞിട്ടുണ്ടായിരുന്നു എന്തായാലും നീ കുറച്ചു ദിവസം അവളുടെ കൺ മുന്നിൽ പോയി പെടേണ്ട..!! വെയിറ്റ് ചെയ്യ് നമുക്ക് ഇതിൻറെ ചുരുളഴിച്ചെടുക്കാം ”
” ചേട്ടായി അമ്മ സത്യമായിട്ടും അവൻ ഇങ്ങനെ ഒരു പണി തരുമെന്നും അതു കാരണം ചേച്ചി സ്റ്റേഷനിൽ കയറേണ്ടി വരുമെന്നോ ഞാൻ മനസ്സിൽ പോലും വിചാരിച്ചിട്ടില്ല ചേട്ടായി അങ്ങനെ വിചാരിക്കരുത് ”
സജിൻ തനിക്ക് പങ്കില്ല എന്ന് ആൽബിയോട് ആവർത്തിച്ചു കൊണ്ടിരുന്നു.
” എടാ എനിക്ക് മനസ്സിലാവും എന്തായാലും ഇപ്പോൾ വലിയ കുഴപ്പമില്ലാതെയാണ് കാര്യങ്ങൾ പോയിക്കൊണ്ടിരിക്കുന്നത് പിന്നെ അവൾ സ്റ്റേഷനിൽ കേസ് ഫയൽ ചെയ്തിട്ടുണ്ട് എന്നാ പറഞ്ഞേ അവനെ പൊക്കിയാൽ കൂടെ നമ്മളും പെടാൻ ചാൻസ് ഉണ്ട്..!! നീ അവനോട് വിളിച്ചിട്ട് ഒന്ന് സേഫ് ആയിരിക്കാൻ പറ ”
” ശരി ചേട്ടായി ഞാൻ പറയാം ”
” പിന്നെ നാട്ടിൽ എല്ലാവരും സുഖമായിരിക്കുന്നൊ..?? ”
ആൽബി അധികം സംസാരിക്കാതെ വിഷയം മാറ്റി വിട്ടു.
” ആം കുഴപ്പമൊന്നുമില്ല..!! ഞാൻ പോയ കാര്യങ്ങൾ എല്ലാം തന്നെ ഉഷാറായി നടന്നു ”
” ശരി എന്നാൽ പിന്നെ വിട്ടാലോ?? ”
” പോയേക്കാം..!! ”
ആൽബി സജിനെയും കൊണ്ട് തിരികെ അവന്റെ പിജിയിൽ എത്തി.
” ചേട്ടായി പ്രശ്നം ഒന്നും ഇല്ലാലോ അല്ലേ.. നമ്മൾ കാരണം ചേച്ചി…!! ”
സജിൻ പോവുന്നതിനു മുന്നേ ഒരിക്കൽ കൂടി തിരിഞ്ഞു നിന്നു.
” ഇല്ലടാ..!! ഇനി എന്തെങ്കിലും വന്നാൽ അപ്പോൾ അതിന്റെ ബാക്കി നോക്കാം നീ ടെൻഷൻ ആവല്ലേ…”
” ശരി ഞാൻ എന്നാ വിട്ടേക്കുവാ.. ”
സജിൻ പോയതും ആൽബി അവന്റെ അടുക്കൽ നിന്നും തന്റെ റൂമിലേക്ക് തിരികെ ഡ്രൈവ് ചെയ്തു കൊണ്ടിരുന്നു.
‘ ഏകദേശം പകുതി കാര്യങ്ങൾ കണക്ട് ആയിട്ടുണ്ട് സാധനം സ്റ്റെല്ലക്ക് കൊടുത്തത് അവൻ തന്നെയാണ് പക്ഷേ സജിൻ പറഞ്ഞതുപോലെ അവൾ എൻറെ ഭാര്യയാണെന്ന് അവനു എങ്ങനെ അറിയാം ?
അവൾ ഓഫീസിൽ നിന്നും ഇറങ്ങുന്ന സമയം മുതൽ വരുന്ന വഴി എല്ലാം എങ്ങനെ കൃത്യം കിട്ടി ?? ‘
‘ പോലീസ് വഴിയിൽ കാത്തു നിന്നതുപോലെ അത് പിടിച്ചെടുത്തതും എല്ലാം കൂടി ഇപ്പോഴും ഒരു മിസ്റ്ററി ബാക്കി ഉണ്ട് ‘
‘ എന്തെങ്കിലും ആവട്ടെ എന്തായാലും സമയം ഇതിൻറെ ചുരുളഴിക്കും ‘
ആൽബി വീട്ടിലേക്ക് എത്തിയപ്പോഴേക്കും സ്റ്റെല്ലാ പോകാൻ ഉള്ള ഡ്രസ്സ് ഒക്കെ പാക്ക് ചെയ്യുകയായിരുന്നു..
നേരത്തെ ലീവ് സെറ്റ് ആയ കാര്യം അവൾ അറിയിച്ചിട്ടുണ്ടായിരുന്നു എന്നാൽ തനിക്ക് ലീവ് സെറ്റ് ആവാത്തത് കൊണ്ട് അവളെയും കുഞ്ഞിനെയും ബുധനാഴ്ച്ച പറഞ്ഞു വിട്ട് താൻ വെള്ളിയാഴ്ച ഉച്ച കഴിഞ്ഞു പോകാം എന്നാണ് അവൻ പ്ലാൻ ചെയ്തിരുന്നത്..