” ഉഫ്ഫ് എന്റെ പെണ്ണേ.. !! ”
ശിവ ഒന്ന് ഫോണിൽ കൂടി മുരണ്ടു..
ശേഷം ഫോണിൽ കൂടി തന്റെ സംസാരം തുടർന്നു.
” എന്തായാലും രണ്ടു മൂന്നു ദിവസത്തേക്ക് ഞാൻ ഓഫീസിലേക്ക് ഉണ്ടാവില്ല അത്യാവശ്യമായി കുറച്ചു കാര്യങ്ങൾ ചെയ്തു തീർക്കാനുണ്ട്..!! ഈ വീക്ക് അവസാനം കാണാം, ഡീ പിണക്കം ഒന്നുമില്ലാലൊ..?? ”
” അത് മാറിക്കോളും ”
സ്റ്റെല്ലക്ക് കാര്യമായി പിണക്കം ഒന്നുമില്ല എന്നറിഞ്ഞതും ശിവക്ക് ആശ്വാസമായി.
” ആ സാധനം എന്തിയേ ?? ”
” അതൊക്കെ എടുത്ത് ഞാൻ കാട്ടിലേക്ക് കളഞ്ഞു ”
” എൻറെ പെണ്ണേ നല്ല പൈസയുടെ സാധനം ആയിരുന്നു അത് എന്തിനാടി കളഞ്ഞത്..??”
ഫോണിൽ കൂടി ശിവ ഒന്ന് നെടുവീർപ്പ് ഇട്ടു.
” അല്ലാണ്ട് പിന്നെ..!! ഒരു കാരുണ്യവും ദയയുമില്ലാതെ എന്നെ നിർത്തി പൊരിച്ചതും പോരാ ”
” എങ്കിൽ പോട്ടെ പുതിയത് വാങ്ങാം..!! ”
” അതിൻറെ ആവശ്യമില്ല…”
അവൾ ചിരിച്ചു, ആ ചിരിയ്ക്ക് പിന്നിൽ വല്ലാത്തൊരു ലജ്ജയും ഉണ്ടായിരുന്നു
” അതെന്താ ?? ”
” സാധനം എൻറെ കയ്യിൽ തന്നെയുണ്ട് ഞാൻ കളഞ്ഞിട്ടില്ല ..!! ”
” അപ്പോൾ ഇഷ്ടപ്പെട്ടു അല്ലേ ?? ”
അതിനു മറുപടിയായി അവൾ ഫോണിൽ കൂടി അവനെ കൊഞ്ചം കുത്തി.
” ശരി പെണ്ണെ കുറച്ചു തിരക്കിലാണ് വിളിക്കാം ട്ടോ ”
അതും പറഞ്ഞ് ശിവ കോൾ കട്ട് ചെയ്തു.
സ്റ്റെല്ല അന്ന് വൈകുന്നേരം വരെ ഓഫീസിലിരുന്ന് ജോലിയെല്ലാം ചെയ്തു പോകാൻ അര മണിക്കൂർ ബാക്കിയുള്ളപ്പോൾ തന്റെ ഫോൺ എടുത്തു..
ഇൻസ്റ്റയിലും വാട്സാപ്പിലും വന്നു കിടക്കുന്ന ഒരുപാട് ഫോട്ടോസ് ഉണ്ട് എല്ലാം നോക്കണം ഇൻസ്റ്റയിലെ ഫോട്ടോസ് ലൈക്ക് അടിക്കണം കമൻറ് ഇടണം പുതിയ ഫോട്ടോസ് അപ്ലോഡ് ചെയ്യണം..
കല്യാണ പാർട്ടിയിലെ ഓരോ ഫോട്ടോസും അവൾ ശ്രദ്ധിച്ചു കൊണ്ടിരുന്നു.. ഇൻസ്റ്റഗ്രാമിലെ സ്റ്റോറി ഓരോന്നായി മാറ്റി കൊണ്ടിരുന്നപ്പോഴാണ് ഒരു ഫോട്ടോ അവളുടെ കണ്ണിൽപ്പെടുന്നത്…!!
അവളുടെ കണ്ണുകൾ പെട്ടെന്ന് വിടർന്നു — ആശ്ചര്യവും ഭയവും ചേർന്നൊരു മിശ്ര വികാരം സ്റ്റെല്ലയിൽ ഉടൽ എടുത്തു..
അവൾ ഒരിക്കൽ കൂടി ആ ഫോട്ടോ എടുത്ത് സൂം ചെയ്തു നോക്കിയതും പെണ്ണിന്റെ നെഞ്ചിൽ കൂടി ഒരു കൊള്ളിയാൻ മിന്നി..!!
ഒറ്റ നിമിഷം കൊണ്ട് ശരീരത്തിലൂടെ വൈദ്യുതി ഒഴുകുന്ന പോലെ തോന്നുന്നു…
കണ്ണുകൾ വിശ്വസിക്കാനാകാതെ നിശബ്ദതയിൽ അണഞ്ഞുപോകുന്നു.. മനസ്സിൽ ഞെട്ടലിന്റെ ഒരു തിരമാല പടർന്ന് പിടിക്കുന്നു.
” എന്റെ ദൈവമേ…?? ”
വല്ലാത്ത സമ്മർദ്ദം കൊണ്ട് പേശികളും ശരീരവും തളർന്നു..
മനസ്സ് ഒരു നിമിഷം ശൂന്യമായിരുന്നത് പോലെ, സ്റ്റെല്ല ഫോണും പിടിച്ചു അവിടെ തന്നെ കുറച്ചു സമയം ഇരുന്നു..!!
അന്ന് വൈകുന്നേരം കറക്റ്റ് ലോഗൗട്ട് സമയം ആവാൻ കാത്ത് നിൽക്കാതെ അവൾ എത്രയും പെട്ടെന്ന് ബാഗും എടുത്ത് ഇറങ്ങി..
തിരക്ക് ഉള്ള വീഥിയിൽ കൂടി തന്റെ സ്കൂട്ടി ഓടിക്കുമ്പോഴും എത്രയും പെട്ടെന്ന് വീട്ടിലെത്തിയാൽ മതി എന്ന ചിന്ത മാത്രമായിരുന്നു അവൾക്ക് അപ്പോൾ ഉണ്ടായിരുന്നത്…
സാധാരണ ഡേ കെയറിൽ നിന്നും കുഞ്ഞിനെ കൂട്ടിയാൽ ആൽബിക്ക് മെസ്സേജ് അയച്ചു ഇടുന്ന സ്റ്റെല്ല അന്നത്തെ ദിവസം യാതൊന്നും ചെയ്യാതെ കുഞ്ഞിനേയും കൂട്ടി നേരെ വീട്ടിലേക്ക് പോരുകയായിരുന്നു..
റൂമിൽ എത്തിയതും നേരെ കുഞ്ഞിനെയും അടുത്ത് കിടത്തി അവളും നേരെ ബെഡിലേക്ക് കയറി കിടന്നു..!!
അന്നത്തെ ദിവസം കുറച്ചു അധികം വൈകിയാണ് ആൽബി വീട്ടിലെത്തിയത്..
ഏകദേശം 7 മണിയോടെ റൂമിലേക്ക് എത്തിയതും ജനാല തുറന്ന് സൈഡിൽ വച്ചിരിക്കുന്ന ചാവിയെടുത്ത് അവൻ വീട് തുറന്ന് അകത്ത് കയറിയതും ലൈറ്റ് ഒന്നും ഇടാതെ കിടക്കുന്നതുകൊണ്ട് ഒരു നിമിഷം സംശയത്തിലായി..
‘ചിലപ്പോൾ സ്റ്റെല്ല നടക്കാൻ പോയിട്ട് തിരികെ വന്നിട്ടുണ്ടാവില്ല ‘
എന്ന് വിചാരിച്ചു ബെഡ്റൂമിലേക്ക് കേറി ലൈറ്റിട്ടതും ബെഡിൽ കിടക്കുന്ന അവളെയും കുഞ്ഞിനെയും കണ്ടതും അവൻ ഒരു നിമിഷം ഞെട്ടിപ്പോയി..!!
” ഇതെന്താ പെണ്ണെ ലൈറ്റ് ഒന്നും ഇടാതെ ഇരിക്കുന്നത് ?? ”
അവൻ ടേബിളിലേക്ക് ബാഗും മറ്റു കാര്യങ്ങളും വെച്ച് തിരികെ നോക്കിയെങ്കിലും മറുപടിയൊന്നുമില്ല.